شوفوا جلبتي

[Miss samora]

هاي بنات
اليوم بنت خالتي عطتني جلبتها
اهما تونز وحده عندي ووحده عندها
بس شوفوها حزينه تبي اختها

شسوي وياها عشان تتأقلم بدون اختها ؟!!

شرايكــــــ؟!!ــــــــــــــــــم :friends:

 

[كلي انوثه]

حبي ما افهم بالجلاب بس لاهيه ولعبيها وطلعيها يمكن تتاقلم عليج

 

[•°• قمــ الگـويت ـــر •°•]

يمه ماتخافين منه ؟؟؟؟؟؟؟

هذا نايم ولا زعلان ؟؟؟؟؟؟

مصيره يتاقلم ماعليج خخخخ

 

[brat]

حراااام مسكينه كسرت خاطري

يالله مع الأيام تتعود

 

[Miss samora]

اي والله حتى انا
احس مو قادره عليها
كله حزينه ونايمه
انا قاعد احاول العبها واطلعها وياي
بس ما عليه احاول اخليها تتغير

اللي عندها خلفيه بالجلاب ياريت تفيدني

 

[xXBountyXx]

اهتمي فيها

خليها معاج وين ماتروحين

على طول يمج حتى وهي نايمه

ودايما كلميها وناديها باسمه

عشان ماتحس بالوحده

خصوصا انها بيبي

فمحتاجه حنان

وان شاء الله تتعود عليج



لي عوده ان شاء الله بنصايح اكثر



تقبلي مروري
xXBountyXx

 

[AmOoNa-]

يحلووها حبيبتي الجلب وايد وفي وحنون ويتعلق بصاحبته فغالبا الجلاب يحوشهم اكتئاب اذا راحو بيت ثاني لانه يحسون صاحبهم تخلى عنهم بس هذي ليلحين صغيره شكلها بحدود الشهرين تره الموضوع سهل الجلب بسرعه يتاقلم ويحبج ويستااااانس اذا حسستيه بالحب كلميها ولعبيها وطلعيها معاج واذا لحستج لاتوخرينها خليها تلحسج

 

[جوجو.]

لاحرام
ياتاخذين اختها ياتردينها لاختها
سموره ماتخافين ؟

 

[daloo3ah]

يحليييييييلها الله يخليها لجججججج ..

 

[fatosha]

تتربى بعزج

 

[Miss samora]

....ღღღღღღ......................ღღღღღღ
..ღღღღღღღღღ............ღღღღღღღღღ
ღღღღღღღღღღღღ....ღღღღღღღღღღ
ღღღღღღღღღღღღღ.ღღღღღღღღღღ
..ღღღღღღღღღღღღღღღღღღღღღღ
....ღღღღღღღღღღღღღღღღღღღღ
........ღღღღღღღღღღღღღღღღღ
..............ღღღღღღღღღღღღღ
....................ღღღღღღღღღ
........................ღღღღღღ
...........................ღღღღ
............................ღღღ
.............................ღღ
..............................ღ
............................ღ
.........................ღ
......................ღ
..................ღ
.............ღ
.........ღ
......ღ
....ღ

شكرا لكل من رد
وخصوصا باونتي

جوري لوووووووول ليش اخاف عادي
اصلا عند ابوي بوليسي

 

[camilia]

تههههههبل !
شي طبيعي انها تستاحش باول الايام من غير اختها

لاتخلينها تشوف اختها اسبوعين عالاقل خل تتعود عليج وعلى حنانج بالاول
ولاتخلينها بروحها كلش هالايام

 

[حمام شاقني فنه]

ياحليلهاا

بس ديري بالج ترىا الجلاب >مكرم
السامع


حيل يوسخون

حطيها بحوشكم لاتخلينها داخل البيت توصخه وتعفنه لج



تتربى بعزج

 

[sweet cake]

الله يهنيج فيها يااارب بس لا تنسين الجلب لازم تغسلين بعده سبع مرات واعتقد وحده من هالمرات بالتراب
وبعدين مايجوز تربين جلب الا للحراسه او الصيد

بس حبيت اذكرج

 

[AmOoNa-]

حبيبتي ماتغتسل بعده 7 مرات مره وحده كافي قبل كانو 7 مرات وتراب لانه ماكان عندهم منظفات ومعقمات نفس الحين وتغتسلين بعده بس اذا مسيتيه بمكان مبلول

 

[بنت عبدالغني شربت]

حبوبه الجلب حشاكم يحب الطلعه والجو حلو الحين مشيها بره تستانس

 

[xXBountyXx]

بـــــاك



بالنسبه لتغذية الجلب

بما انه الجلب صغير

عوديها على اكل البيت من ألحين

وهذه له فواااائد وااايد

اولا تعودينها تاكل غير اللحم

يعني تقدرين تخلطين لها عيش واشوية مرق + دجاج أو لحم حسب غداكم

و الجلاب من هالناحيه تختلف اختلاف تااااااااااام عن القطط

يعني القطط ساعات تتعب معدتها من أكل البيت

بس الجلاب مافي اي مشكله

واكل البيت راح يقلل من الروائح الغير مرغوب فيها

اللي يسبها وانتي بكرامه وصخ الجلب

غير جذي راح يوفر عليج بالمصرف

من ناحية تكاليف اكلها

بس اذا مو حابه توكلنها من البيت تقدرين تشترين لها الكل المخصص للبابيز

ولي هم البيبي دوج

بس ديري بالج تعطينها لحم او دياي في عظم

ترى ممكن يأذي معدتها ويسبب لها تمزقات فالمعده

لأنه البيبيز ماعندها قدره انها تفتت العظم بأسنانها

غير جذي الاكل المعلب او الناشف مايحتوي على الفيتامينات والبروتينات الكااامله اللي يحتاجها الجلب

فمفيد انج توكلينه خضره وعيش مع لحم او دياي

فهذا يقلل من اصابة الجلب بالامراض ويقوي مناعته

و يقلل من اصابة الجلب بالعمى او الصمم عند الكبر



وطبعا ماتنسين انج دايما تكونيني معاها

وتلعبين معاها

واذا مثلا كنتي اطالعين التلفزيون او تدرسين او تاكلين

خليها دوووم يمج

عشان تكون من اوفى الاصدقاء لج




ان شاء الله اكون قدرت اقدم ولو القليل من الفايده لج



تقبلي مروري

xXBountyXx

 

[Miss samora]

xXBountyXx
وفيتي و وكفيتي
وما قصرتي بعد جبدي
و جد جد نصايحج 100/100
انا قاعد احاول اخليها اجتماعيه بدون اختها
بس ليما الحين ماكو فايده

ان شاء الله راح اسوي اللي علي واكثر
خصوصا ان انا احب الجلاب

 

[ديمة الحلوة]

يووووووووووووووووه أش قصة الصور الي ما تطلع؟

 

[girl0lisheis]

تتربى بعزج ودي اشوفها الصوره مو طالعه ؟