شوفوا العضوة جروح خالدة شنو كتبت لي في احد مواضيعي

[حلم ميت]

تعذرني العضوة ان كتبت اسمها في عنوان الموضوع
هدفي ان اوصل نقطه للجميع

جدتي الله يطول بعمرها كانت طول عمرها تأذينا الى وصلنا لمرحلة نفسية صعبة حييل
امي كانت ماتنام الادموعها على خدها من القهر والظلم واخواني اضطروا يطلعون من البيت معاناة سنوات طويلة فقدنا الامل انها تتغير او تتعدل حالتتنا مع كذا عمري ماكرهتها كنت اتمنى من الله ان يحنن قلبها علينا
كنا مانعرف ننام ولانستقبل احد بسببها في بيتنا اضطريت اقطع علاقتي بصديقاتي ومااخلي وحده منهم تجي بيتنا لان من يجون على طول تسب في امي قدامهم
كتبت بعض من معاناتنا
في هالموضعين

http://www.q8yat.com/t737401.html

http://www.q8yat.com/t741737.html


معاناة بسيطة في هالموضعين بالمقارنة مع الي شفناه

كان رد العضوة جروح خالده قبل سنتين

لاتخافين بيجي يوم محد يقوم فيها ولايشيلها لما تطيح غيركم

خلها تسب وتهاوش بس علي مره تكلمي انتي مع اختج او اخوج وسوي تسولفون وخليها تسمع


ان مارح تعيش كثر ماعاشت وبيجي يوم تطيح ماتلاقي احد يشيلها غيركم يمكن تفكر اشوي باللي تسويه وظلمها لكم

والله للحين اتذكر مشاعري وقت قريت ردها
كنت وقتها حسيت ان مستحيييييييييييل جدتي تحس بظلمها لنا بالذات انها تشوف نفسها مظلومة واحنا الظالمين
دعييييت وقتها بكل قوووة ان الله يسمع كلامها

الي صار ان جدتي مرضت الله يطول بعمرها عمي وعماتي رفضوا ياخذونها عندهم مع انهاا طلبت ان تضل عندهم قالوا لها عيالنا مايتحملونج ودقوا على ابوي يجي ياخذها
والله العظيم ابوي كان منكسر وهو يتكلم بحرقة قلب يقول معقوله ماشفقوا عليها وهي مريضه وبصحتها تخاف علييهم من نسمة الهوا وكل فلوسها وحلالها عطتهم اياها
جات عندنا ماكانها جدتي الي اول تدعي علينا بالموت علشان ينحرق قلب امي
انسانة ضعيفة حييل نفسيا وجسديا والله كلنا نسينا الي سوته فينا وماكأن صار شي نهائيا
نخدمها ونحطها بعيونا ونفرح اذا طلبت منا نجيب لها شي والله العظيييييييم نشوف في خدمتنا لها راحة نفسية كبييرة ومانتركها دقيقة لحالها نسهر معها طول الوقت صج نتعب نفسيا معها لان مرضها قوي هالتعب فيه راحة مااقدر اوصفها ابوي وقت يشوفنا نخدمها الدنيا مب سايعته من الفرح
الي ابي اوصله
ان همومنا مهما كانت كبييرة و معقده مافيه شي بعيد عن الله وان بلمح البصر كل شي يتغير وبشكل احنا انفسنا نستغرب منه
ان الله يرتب الزمن والوقت المناسب في وقت نكون مشغولين باليأس والحزن ونظن ان نضل طول عمرنا على هالوضع التعيس وبلامقدمات كل شي يتغيير
دعواتكم ان الله يطول بعمر جدتي وان يعينا على برها وخدمتها

 

[ام فواازي]

الدنيا دواره ومافي شي يظل على حالهالله يعطيكم على قد نيتكم

 

[om-3azo-83z]

اي والله الدنيا دواره و كل ظالم له يوم مهما طالت الفتره

 

[قمر بيت أبوها]

أولآ فيكم الخير ماشاء الله تبارك الله عسي هالقلوب النظيفه أجرها الجنه
من ناحية جدتك باقول لك نقطه لاحظتها من الحياه الأم لما تكبر تظل تشك بمحبة عيالها او واحد منهم فتبي يسوي اشياء صعيبه عشان تحس انها مازاللت محبوبه عنده
والنقطه الثانيه تبي سيادتها تمشي علي عيالها
يمكن ماقدرت الا علي ابوك وهذا من طيب تعامله معاها فطلعت كل العقد فيه
النقطه الثالثه نصيحه لا تتدخلين بين شخصين ماعشيت بينهم كل الوقت يعني امك تزوجت ابوكي وعاشت مع جدتك قبل لا تكبرون وتفهمون فيمكن صار سوء فهم بينهم بمرحله من المراحل مااقول هذي غلطانه ولا هذي بس كل وحده عامليها كانها هي الملاك
لان الجده أم قبل كل شي
الله يفرج همك ويرزقكم من الدنيا والأخره والمسلمين أجمعين

 

[سلاسل ذهبيه]

الله يعينكم على برها الجده بمنزلة الام ويثيبكم عليه
بقولج شغله حبوبه انتي مبين عليج انسانه وايد طيبه
وتتمنين اشياء وماتتحقق بسرعه انصحج تحسنين الظن بالله فالله عند حسن ظن عبده به
وتستبدلي التشاوؤم بالتفائل والثقه بان دعواتج سوف تستجاب وان امنياتج سوف تتحقق قريبا
اسمج (حلم ميت )يوحي بالتشاوؤم واليأس..تفائلي وافرحي وثقي بان حالج سوف تتغير للافضل

 

[عسل مرت قيمر]

ماشاءالله عليكم


فيكم الخير والله


الله يمهل بس ما يهمل

ويدتج الحين اكيد عرفت غلطتها

واتوقع اكيد انها ندمانه وايد


الله يبعد عنكم المشاكل وضيق الصدر


ان شاءالله يكون الموضوع عبره حق الي نفس يدتج

والله يشفيها ياارب العاالمين

 

[طموح دائم]

صحيح ما بتلي الا المؤمن وانتم مؤمنين وربي جازكم الخير الحمدالله اللي رحمته توسع الدنيا

 

[* ليــــدي *]

جسمي كش وانا اقرآ
ان الله يمهل ولا يهمل ..
وبآرك الله فيكم ..

 

[برتني الكويت]

الله يوفقكم

 

[دلوعة أبوهآ]

يُمهل ولآ يُهمل ..

 

[حولة مركزة]

الله ييسر اموركم على برهااا

الصرااحه : غريبة القصص اللي اقرااها
معقووله في احد جذيييه

 

[غراوي]

يعني ما يتعدلون الا اذا طاحو مراضا
استغفر الله
توهم يحسون ان عمرهم قرب ينتهي
يمهل ولا يهمل
بس شعقبه عيشتكم ايام بضيم وضلايم

تذكريني بامي
تمشي وبس تسب وتدعي علينا على اتفهه الامور وتكره كل الناس وتتميرض معن صحتها بوووووووومب
والله تسوي لنا افلام ان يغمي عليها وندق عالاسعاف يجون يفحصون عليها يقولون مافيها شي ويمشون
افضحتنا بين الناس والكل عرف ان امي عقلها صغير
والله ذايقين المر منها بس صابرين وساكتين عشان ربنا
حتي لما نسكت مايعجبها وتضايقنا تبي تثير المشاكل


بعض الامهات والله ما يستاهلون كلمة ام الام اللي تربي مو اللي تضني

 

[روانتي 12]

سلام عليكم . .

مافي شي يظل على حاله . . كل شي يتغير . .
وربي مايبتلى عبد الا لانه يحبه و يبي يختبره . . ^^

 

[((البرنسيسا))]

الله يآجركم على حسن تعاملكم

 

[خلطات المذهله]

الله يهديها ويهديكم الدنيا فانيه محد معتبر من اهل القبور ليشششششششش ماخذتنا الغفله

 

[جنون العاطفه]

الله يجزاكم خير ي رب
ماقصرتوا ويعوضج ي رب
​

 

[متيمة بالشعر]

​

هاذا كله بميـزان حسناتكم ان شاءالله و ربج يشوف الظلم ( يمهل ولا يهمل ) ,
و بالنهاية هي جدتكم و آمكم , خلكم بارين فيها و عسى الله يعينكم و يغفر لها , ..
آجركم عظيم بإذن الله ​

 

[الاهله]

سبحان الله

 

[جروح خالده]

قرريت اسمي خفت ..

فعلا الدنيا دواره مافي ظالم يبقي علي ماهو عليييه .. بيجي يوم يطيح قدام المظلوم وعزتي لنصرنك لوبعد حين
اخذوا فيها اجرر وقوموا فيهم ..

 

[*آسوومه*]

و الله دمعت عيني ... كلامج ذكرني بيدتي
توفت شهر 11 الله يعلم شكثر مشتاقه لها ...
مع انها كانت تزفني بحكم انها يدتي و تفكيرها غير عن تفكيرنا و كنت امسك نفسي صج يحز بخاطري و مرات اتمنى انها تطلع من بيتنا بس صج احين حسيت بقيمتها ....
عسى الله يرحمها و يغفر لها ...