من فترة كتبت معاناتنا مع عمتي
عمتي تهون بمالمقارنه مع جدتي لان عمتي ماقامت تسوي فينا جذي الا بعد ماشافت امها الي هي جدتي تأذينا
عذروني لاني بكتب مشاركة طويلة لان ابي افضفض من الحرة الي فيني ملييييييييييييييت وانا كاتمة وساكتة وكل يوم عن يوم تزيد جبروت وطغيان
جدتي ساكنة مع عمي تجي عندنا 3 ايام في الاسبوع لان عمي يسافر لديرة زوجته وفي العطلات هم كذلك تجي عندنا
والله كرهت عطلة الاسبوع والاجازات منها اتمنى ان السنة تكون كلها ايام دراسة علشان ماتجي بيتنا
جدتي كنت احبها وانا صغيرة يوم عن يوم تختفي محبتها والله الي سوته في امي مايسويه احد
30 سنة وهي غاثه امي كنت اول مااعرف من كبرت كل يوم اشوفها تزيد
من تجي عندنا كل ليلة اسمعها تدعي على امي ان تجي سيارة وتصدمها وتموت
بالله عليكم من يتحمل يسمع هالدعاوي على امه؟
تقول لاامي ابوج نار جهنم بتصليه وامج كافرة المفروض ماتصلي اهي الي علمت الناس السحر وعليا على جدتي ام امي صارت ماتجي بيتنا لان ماتستحمل تسمع الدعاوي على بنتها
طول اليوم لسانها شغال دعاوي على امي واخواني تقول الله لايوفقكم جعلكم ماتشوفون الخير على الي تسونه فيني والي خلقني ماندري شنو الي سوناه لها
دايما تقول قلت لولدي لاتاخذها ماتصلح لك هو ماطوعني بس ان شاء الله يطلقها او يعرس عليها
ولدي مافيه خير لو واحد غيره طلقها
وتعايب على شكل امي تقول مب حلوة وشايفه نفسها وجهها يخرع مع ان الحمد لله امي شكلها حلو والله ان الهم كبرها عشرين سنة
مسكينه امي ماتهنت في حياتها والله انها طيبة والكل يشهد على طيبتها ماتستاهل قسم بالله ماتستاهل الي يصير لها
ياليت الهم يوقف عند هنا قبل سنوات راحت تخطب لاابوي وابوي مب عارف تخيلوا؟
لو احد من اخواني يمرض تقول الله بلاكم بالمرض من عمايل امكم
اخوي من تشوفه تقول له مافيك خير شوف نفسك ماعندك وظيفه ولد بنتي الله وفقه لاان بنتي طيبة ومافيها شر
من تسمع وحده تنخطب من عايلتنا تقول الله وفقهم لان امهم طيبة اما انتي يعني انا ماحد بيطق بابج لان امج ساحرة الكل يعرفكم على حقيقتكم
واذا نايمين تجي لنا وتقول الساحرة عيالها ماوراهم فايدة هذه حوبتي
تقول للناس ان امي سحرت ابوي وحطت له العمل في القهوة سمعتنا تشوهت حسبي الله ونعم الوكيل
امي وين والسحر وين امي الكل يمدح طيبتها
بتقولون هي تتصرف مع زوجه عمج جذي؟ بقول لا تخاف منهم لان لسانهم طويل اما احنا لانهش ولاننش والكل مستقوي علينا
الي صار اليوم ان كنت تعبانه ومانمت الا ساعتين وجات غرفتنا وتدعي على امي بالموت وبعدها فتحت النافذه وانا كنت مزكمه سكرتها رجعت فتحتها وتسب فيني جعلج ماتعرسين هذا انتي بنت ماعندج رجل وتسوين جذي تخيلوا لاني سكرت النافذه
من القهر سكرت النافذه وكزيتها على الجدار ماكنت في وعي صبري نفذ الي تسويه في امي خلاني اكرههههههههها من كل قلبي
تسب امي وتدعي عليها بالمرض والموت وتتهمها بالكفر والسحر بالله شلون اقدر احبها وهي خلت حياة امي جحيم امي ايام اشوف دموعها على خدها من القهر
عمتي من صوب وجدتي من صوب مب سنة او عشر سنوات ياناس 30 سنة وهي تعاني
مااذينا احد فليش الناس تأذينا
حتى غرفتنا مانقدر نقفلها نخاف نقفلها وتقوم تسب امي وتقول للناس انها تقفل الباب وماتخليها تدخل صرنا مانقدر نرد عليها لانها تسب امي وتدعي عليها مانبي نغث امي يكفي الي فيها
عماتي مايرضون ياخذون امهم وفوق جذي يقول لنا لاتأذونها مع انهم عارفين ان احنا مانرد عليها اصلا وان عيالهم والله العظيم لو تسوي فيهم نص الي تسويه فينا جان حتى السب سبوها
اذا في بيتنا يسون روحهم يموتون عليها واذا راحت بيتهم دقوا على ابوي او عمي يجي ياخذها شفتوا النفاق الي فيهم ؟
جاية عمتي معصبة تقول لي ليش تقولين لخالاتج ان امي ماتخليكم تنامون عدل لاحد يتكلم عن امي وجدتي اذا راحت بيت عمتي عيالها مايسمونها الا العجوز ويصارخون عليها صراخ بس اذا قالت لهم لاتضربون اخوكم
الحمد لله اهلنا عارفين طبعها واقفين في صفنا ومايصدقونها 0 الناس مب كلهم يعرفون الي تسويه
تخيلوا انكم مظلومين وعند الناس ظالمين ااااااه يالقهر
قلت لصديقتي دعيت الله ان يشغل جدتي بنفسها وتهدنا تخلينا نعيش لاليلنا ليل ولانهارنا نهار قالت لي بالحرف الواحد الله مابغيرها الااذا غيرتوا نفسكم خلكم شديدين معاها والخطأ ماينسكت عنه
كيف نتصرف معها لاتقولون صبروا والله صبري نفذ ماعاد فيني ذرة صبر صار فيني صداع مزمن من الضغوط الي اعيشها في بيتنا
قولوا لي شلون نتصرف معها شلون نخلي عماتي يتحملون مسؤوليتها
نسيت اقول ابوي مايسوي شي يقول مافيه يدي حل
شوروا علي الله لايسلط عليكم ظالم
عمتي تهون بمالمقارنه مع جدتي لان عمتي ماقامت تسوي فينا جذي الا بعد ماشافت امها الي هي جدتي تأذينا
عذروني لاني بكتب مشاركة طويلة لان ابي افضفض من الحرة الي فيني ملييييييييييييييت وانا كاتمة وساكتة وكل يوم عن يوم تزيد جبروت وطغيان
جدتي ساكنة مع عمي تجي عندنا 3 ايام في الاسبوع لان عمي يسافر لديرة زوجته وفي العطلات هم كذلك تجي عندنا
والله كرهت عطلة الاسبوع والاجازات منها اتمنى ان السنة تكون كلها ايام دراسة علشان ماتجي بيتنا
جدتي كنت احبها وانا صغيرة يوم عن يوم تختفي محبتها والله الي سوته في امي مايسويه احد
30 سنة وهي غاثه امي كنت اول مااعرف من كبرت كل يوم اشوفها تزيد
من تجي عندنا كل ليلة اسمعها تدعي على امي ان تجي سيارة وتصدمها وتموت
بالله عليكم من يتحمل يسمع هالدعاوي على امه؟
تقول لاامي ابوج نار جهنم بتصليه وامج كافرة المفروض ماتصلي اهي الي علمت الناس السحر وعليا على جدتي ام امي صارت ماتجي بيتنا لان ماتستحمل تسمع الدعاوي على بنتها
طول اليوم لسانها شغال دعاوي على امي واخواني تقول الله لايوفقكم جعلكم ماتشوفون الخير على الي تسونه فيني والي خلقني ماندري شنو الي سوناه لها
دايما تقول قلت لولدي لاتاخذها ماتصلح لك هو ماطوعني بس ان شاء الله يطلقها او يعرس عليها
ولدي مافيه خير لو واحد غيره طلقها
وتعايب على شكل امي تقول مب حلوة وشايفه نفسها وجهها يخرع مع ان الحمد لله امي شكلها حلو والله ان الهم كبرها عشرين سنة
مسكينه امي ماتهنت في حياتها والله انها طيبة والكل يشهد على طيبتها ماتستاهل قسم بالله ماتستاهل الي يصير لها
ياليت الهم يوقف عند هنا قبل سنوات راحت تخطب لاابوي وابوي مب عارف تخيلوا؟
لو احد من اخواني يمرض تقول الله بلاكم بالمرض من عمايل امكم
اخوي من تشوفه تقول له مافيك خير شوف نفسك ماعندك وظيفه ولد بنتي الله وفقه لاان بنتي طيبة ومافيها شر
من تسمع وحده تنخطب من عايلتنا تقول الله وفقهم لان امهم طيبة اما انتي يعني انا ماحد بيطق بابج لان امج ساحرة الكل يعرفكم على حقيقتكم
واذا نايمين تجي لنا وتقول الساحرة عيالها ماوراهم فايدة هذه حوبتي
تقول للناس ان امي سحرت ابوي وحطت له العمل في القهوة سمعتنا تشوهت حسبي الله ونعم الوكيل
امي وين والسحر وين امي الكل يمدح طيبتها
بتقولون هي تتصرف مع زوجه عمج جذي؟ بقول لا تخاف منهم لان لسانهم طويل اما احنا لانهش ولاننش والكل مستقوي علينا
الي صار اليوم ان كنت تعبانه ومانمت الا ساعتين وجات غرفتنا وتدعي على امي بالموت وبعدها فتحت النافذه وانا كنت مزكمه سكرتها رجعت فتحتها وتسب فيني جعلج ماتعرسين هذا انتي بنت ماعندج رجل وتسوين جذي تخيلوا لاني سكرت النافذه
من القهر سكرت النافذه وكزيتها على الجدار ماكنت في وعي صبري نفذ الي تسويه في امي خلاني اكرههههههههها من كل قلبي
تسب امي وتدعي عليها بالمرض والموت وتتهمها بالكفر والسحر بالله شلون اقدر احبها وهي خلت حياة امي جحيم امي ايام اشوف دموعها على خدها من القهر
عمتي من صوب وجدتي من صوب مب سنة او عشر سنوات ياناس 30 سنة وهي تعاني
مااذينا احد فليش الناس تأذينا
حتى غرفتنا مانقدر نقفلها نخاف نقفلها وتقوم تسب امي وتقول للناس انها تقفل الباب وماتخليها تدخل صرنا مانقدر نرد عليها لانها تسب امي وتدعي عليها مانبي نغث امي يكفي الي فيها
عماتي مايرضون ياخذون امهم وفوق جذي يقول لنا لاتأذونها مع انهم عارفين ان احنا مانرد عليها اصلا وان عيالهم والله العظيم لو تسوي فيهم نص الي تسويه فينا جان حتى السب سبوها
اذا في بيتنا يسون روحهم يموتون عليها واذا راحت بيتهم دقوا على ابوي او عمي يجي ياخذها شفتوا النفاق الي فيهم ؟
جاية عمتي معصبة تقول لي ليش تقولين لخالاتج ان امي ماتخليكم تنامون عدل لاحد يتكلم عن امي وجدتي اذا راحت بيت عمتي عيالها مايسمونها الا العجوز ويصارخون عليها صراخ بس اذا قالت لهم لاتضربون اخوكم
الحمد لله اهلنا عارفين طبعها واقفين في صفنا ومايصدقونها 0 الناس مب كلهم يعرفون الي تسويه
تخيلوا انكم مظلومين وعند الناس ظالمين ااااااه يالقهر
قلت لصديقتي دعيت الله ان يشغل جدتي بنفسها وتهدنا تخلينا نعيش لاليلنا ليل ولانهارنا نهار قالت لي بالحرف الواحد الله مابغيرها الااذا غيرتوا نفسكم خلكم شديدين معاها والخطأ ماينسكت عنه
كيف نتصرف معها لاتقولون صبروا والله صبري نفذ ماعاد فيني ذرة صبر صار فيني صداع مزمن من الضغوط الي اعيشها في بيتنا
قولوا لي شلون نتصرف معها شلون نخلي عماتي يتحملون مسؤوليتها
نسيت اقول ابوي مايسوي شي يقول مافيه يدي حل
شوروا علي الله لايسلط عليكم ظالم
