شوفوا اشسوت فيني هالدكتوره

[شمس المنتدى]

مبرووووووووووووووووووك حياتج الجديدة مع الرشاااقة والله يحفظج قلبي
مشكلتي مهما يقنعوني اخااااااااااااااااااف من هالسوالف للاسف ..
عندي وزن زايد مضايقني وافكر اسوي شفط وكله يطري ع بالي قصص اللي يعانون من التشوه عقب العمليات او اللي يموتون تحت ايد الدكاترة ..
بحاول افكر اكثر يمكن اغير رايي
مشكورة قلبي

الله يبارك فيج ياعمري اي والله لو تدرين اشكثر الفرق يونس ويرجعلج الثقه اف عجيب حلم حياتي شبه تحقق يمكن بعد يخترعون شي من غير بنج

 

[شمس المنتدى]

شنو اصلها شيرين ابو الفتوح وشنو شهادتها
وجم خبرتها بالمجال هذا

استشاريه من مصر واصلها مصري

 

[sugar lip's]

للرفع

 

[تختوخه بس قشطه]

جزاج الله الخير والله ينور طريج ان شالله ومبروك على ستايل الجديد تستاهلين:ggdw:

 

[مروووم]

حبيبتي ممكن سؤال انتي سوولج العملية بنفس العيادة ولا بمستشفى ؟؟؟؟
والي يعافيج قوليلنا الطريقة
عشان يطمن بالي لان اذا بمستشفى اامن صح ؟

 

[مراسي الشوق]

الحمدالله على سلامتج حبيبتي

 

[**CuTeGiRl**]

الف الحمد الله على سلامتك

ومبروووك على النتايج

 

[AL-BaNDry]

حمدلله على سلامتك

 

[طبيبة مطلقة]

اشلونج حبيبتي

انا سويت عندها شفط الارداف بواسطة بنج موضعي...كان مؤلم الصراحة..بس النتيجة ماتبين حسب كلامها الا بعد شهرين..انا صار لي 3 ايام من سويتها والحين اموري مستقرة والحمدالله

بس بسالج شنو عملية الجفون الي سويتيها؟

 

[طبيبة مطلقة]

السلام على الحلوات
ياجماعه هدو اشويه اشويه ليش الاعصاب والزعل والله الموضوع مايستاهل انا اليوم صارلي رابع يوم من العمليه الثانيه سويتها مره ثانيه شفط للخواصر وتعبئه السيقان مرة ثانيه وشفط للركب وكان ودي تفخ الخدود بس زوجي مارضى حسافه يخاف لا صرت احلى زياده اصير ملفته هيهيهيه زين خليه يخاف اشوي اللى تبي فاتور ه واللي تقول دعايه التجربه خير برهان اني جانج مومصدقه روحي وشوفي الدكتوره وشوفي الصور اللى عندها قبل وبعد وحكمي ليش تقطعين امل غيرج من البنات انا كان امنيتي اشوف دكتوره بالكويت كان ممنوع ماصدقت انه فيه بالكويت حريم اشكثر استانست بعدين انا ترى ما اعرفها جذي رحت لها جك بم من بعد ما شفت صديقتي وسويت وتوكلت على الله ترى ممكن واكيد يد الرجل تكون افضل احيانا بسبب الممارسه الكثيره وترشيح بعض الناس للرجل انه اهو احسن واخبر بس بعد يوضع سره في اضعف خلقه هي خوش دكتوره بس غلطة الشاطر بألف مو كمبوتر اهي ممكن تغلط بس ما سمعت ولاشفت علي شي مو حلو سوته لي



اصلا انا الحين مستانسه ومكيفه توني امسويه جسمي الجزء الثاني والله لما اشوف جسمي الحين بالمنظره اناقز مو مصدقه الحين اقدر البس بكيني بكل ثقه ومخصر من غير زوايد اصلا انا اخاف الدكتوره يجوها زباين وايد وتغلي سعرها بس يالله لكل شي ضريبته تستاهل هي بعد ماقصرت فرجت علي والله يفرج عليكم واذا احد يبي شي انا حاضره

حبيبتي شمس المنتدى

مبروك على الشكل الجديد وتستاهلين شكلج طيوبة وايد

انا سويت عند د.شيرين شفط للأرداف بنج موضعي من 4 أيام بس عندي سؤال لج ممكن اتجاوبيني ضروري ضروري
انا لما البس لقن فوق الكورسيه طبعا عندي جهة اليمين اكبر من اليسار مادري هل هالشي راح يتم جّذيه ولا راح يتساوى مع الوقت؟وهم سؤال ثاني المكان في مثل حفر وطقات يعني مو سيدة فهل هّذا مؤقت؟

وباسألج عن شفط الركب هل كان بنج موضعي واذا موضعي هل مؤلم حيل؟

أرجوج ردي علي لأني قعد أحاتي

 

[ام مختار]

عليج بالف عافيه والله انا ودي اسوي عملية شد البطن بس وايد خايفه وانا بعد نفسج ريلي مايرضى الا عند دكتوره واهوه بعد احسن عند دكتره بس انا اخاف احط نفسي بايد دكتوره لان معاي خمول بالغده فاخاف من العمليه انتي اشرايج شنو تنصحيني ظروري بس ابي الرد عالخاص عفيه وبجم كشف ودي بالبدايه اخطي خطوة جراه واروح كشف والله يعطيج العافيه وين مكان العياده ابي الرقم اذا ماعليج امر ياقلبي

 

[المكسيكيه]

سلامتج ماتشوفين شر

 

[^^المهره^^]

انزين شد الفخوذ من الداخل شلون سوته لج؟ الخياط من وين كان في مسفط الفخذ من فوق ولا خط طويل على امتداد الفخذ؟
انا ودي اسويه بس خايفه من الشكل
ياريت تفيدينا

 

[BateeNenaa]

باجر موعدي عند الدكتورة ادعووولي يابنات

 

[lonly]

انا اشوف وايد دكاترة يسون بمركز الزهير ليش لي هالدرجة مستواه زين وسمعت انه عنده احسن دكاترة التخدير والبنج صج بنات ؟؟ ولا شرايكم ما يخوف البنج انا حدي خايفه منه

 

[فـلـفـلـهـ]

واضح انج تسوين دعايه للدكتوره شيرين ، وانتو قاعدين تروجون حق عمليات جراحيه خطره ، دايما تسهلون الامور وان الالام حدها خفيفه وانا لما جربتها شفت الموت ولمده اسبوعين عقب العملية وانا بالام مبرحه ،، يا عزيزتي الاطباء الكبار في الكويت ما يحتاجون دعايه والشمس واضحه والكل يشوفها

نفس تعليقي :016:

المشكله انه في ناااااااااس اتصدق

الله يعينكم

 

[كويتية طيبه حنونه]

الحمدالله على سلامتكد يالغالية وعسالله يباركلك بعمرك يارب تدرين كنت ادور موضوعك ابي اسئلك اشلونك الحين بعد العملية واشلون جسمك بعد شنو النتيجة يعني سمبتيك ماشالله
انا انشالله بسوي العملية في نص شهر يناير ورحت له بصراحة من بعد ماشفت موضوعك لكن صارت لي ضروف صحية فأجلت العملية
انا بسوي شفط لبطني ونحت الجسم وتعبئة ايدي وترفع المؤخرة وقتلها ابي ترفع صدري شوي معنها قالت لي ما تحتاجين بس انا ودي صدري يكون احلي
ابيك اطمنيني متى تحركتي بعد العملية وشكثر لبستي الكورسة وشلون على طول تلبسينة ولافي وقت معيين وشلون الجروح تبين وتعور ولا عادي اقدر اتحرك ومتى الاحظ التغيير على جسمي بنفس الوقت ولا بعد كم اسبوع !
ادري وااايد اسألتي بس انتي شجعتيني اسوي العملية لأني نفسك ابي دكتورة
وانا بصراحة مابي اقول لأي احدبسوي غير ريلي وعيالي بس بعرف الناس اتلاحظ اني مسوية بسرعة يعني اذا خذيت اجازة من الدوام وبعد اسبوعين داومت راح يلاحظون بنات الدوام اني مسوية نحت ولا ما يبين الا بعد كم شهر او على الأقل شهر على الأقل ارقع لأهلي وبنات الدوام اني امسوية رجيم لأن انا هالسنه مريت بامور صحية ما يعلم فيها الله وما ابي احد يصكني عين لووووووووووووووووول
ترا وزني 74 وطولي 156 وحابة انسق جسمي !
ومشكوووورة حبيبتي .

 

[منانا]

ياريت نعرف شلون النتاايج عقب هالفتره


رفع

 

[خفوق المشاعر]

مآش ماقتنعت بالموضوع حسيت دعايه

 

[كويتية طيبه حنونه]

اذا كل وحدة بتسوي دعاية على الدكاترة اين كان تخصصهم حرام عليها وما أقول الا حسبي الله ونعم الوكيل
المفروض اللي تكتب موضوع اتكملة او تعتذر.
وانشالله ما نكون ظلمنها او ظلمنا غيرها بس ما اقول الا الغايب عذرة معاة . واتمنى بعض الأخوات يكملون موضوعهم وتجاربهم عن الدكتورة شيرين ابو الفتوح .ترا انا وحدة من اللي سوو عندها العملية بناء على كلام الخوات اللي جربو شغلها وللأسف ماكملوا موضيعهم وباذن الله انا بكتب تجربتي كامله مع اي تطور يخطر علي و الهدف من تجربتي ابي الكل يستفيد اذا شاطرة تستاهل من يروح لها واذا فاشلة لا والله ما تستاهل من يروح لها وما نصير حقل تجارب لغيرها .وبالنسبة لتجربتي مع الدكتورة لحد الحين اوكي خلال 11 يوم . والا يام الجاية ما يندرا عنها.وادعولي خواتي
وسموحة خواتي .