شورو علي يامتزوجات بحكمتكم

[ناتشوو]

شوفي بالنسبة لصديقتج وحماها تقدر توقفه بسهولة عند حده بدون لا تشيش اخوه وتكببر السالفه
واصلا اشدراها قال عنها جذي
اكيد حمولتها زعلانين ع مرته ويقولون هالكلام
والحريم ماتصدق تسمع مدح وتكبرالسالفه وبتخليه مغرم فيها
انا مااقول ماتصير بلاوي
لكن المرة تسمح للي جدامها يتمادى اوتوقفه عند حده

بالنسبة لج مشكلتج
لا تحطين في بالج بيطالع بنظرة غير
وانت مزيونة وهو مجبور ع زوجته الجيكرة لان كل وحدة تقول عن نفسها جذي
جذي بتفسرين اي نظرة عابرة منه تفسير اني
وحتى كلمة يحس برغبة فيج عيب تقولينها بحق نفسج

حمولتج مأجرين بيت لكم
وبعدين سكن اخوه معاه؟
اذا جذي افصلو المسكنين حتى لو فلوس زيادة يدبرون نفسهم الاخوان

بس اذا شقة !! ماصارت عايلتين بشقة!!
المهم الواحد يكون واضح من البداية احسن
ويتكلم بوضوح

 

[PuPa^^SWeeT]

بيت الحمولة برووحهه مزعج لي كان عندج حما


هالدور حماج و مرته وياج بسكنج انتي ؟؟؟




اتكلمين ريلج و تاخذين التفاصيل من ناحية الخصوصية و اللبس و طبيعة القعدة






شفتي شي ما يازلج



كلمي ابوج يكلمه

 

[غلآ نوآف]

لا ترا عادي يحق لج تتضايقين من الموضوع
لان انتوا خسرتوا ع شقتكم
وع اساس انها لكم انتوا فقط
وانتي حاطة ببالج وحاسبة حساب ان لكم خصوصيتكم
فجاءة كل شي يتغير اكيد قهر واحباط
ربي يكون بعونج
لكن من رايي ابدا لاترضين بهذا الوضع
لازم كل شخص يكون له اشياءه المنفصلة
يعني صالة خاصة غرفة وحمامها الخاص ميني كيتشن خاص فيكم انتوا
وحتى المدخل لو امكن يكون خاص
اما تعيشون بوضع الاشتراك لا
يعني شلون مثلا بتعيشون بغرفتكم بس علشان تاخذون راحتكم لان اخوه وزوجته قاعدين بالصالة او يمكن يطلعون يطبون عليكم بالصالة وانتوا جالسين سوا !!!!!

امبيييييييه مو صدق
وضع ينرفز

 

[غلآ نوآف]

مشكورين بنات على ردودكم ماقصرتوا .. بالنسبه لشقتي فهي مستقله بعيد عن أهل ريلي اهما بمنطفه وانا بمنطقه ثانيه .. واللي مستغربه اني مو كويتيه .. انا كويتيه وماكو داعي للإستغراب*
بالنسبه لحماي وخوفي من نظرته سببها هالموقف التالي .. رفيجتي مثل حالتي ساكنه مع زوجها واخوه ومرته تقول حماي مره قال بغشمره ان حظه مو شي وان مرت اخوه احلا واكشخ من مرته تقول وكله يطالعني مع اني اتكمكم ولي راح ريلي ناداني اسولف معاه *ولي صدفته بالليل بالمطبخ قعد يقط له جم سويلفه عشان يفتح مجال للكلام تقول تعبت نفسيتي ماقدرت اتحمل والمصيبه اخوه *.. ولا اشتهى قهوه قال يافلانه قومي سويلي قهوه ياحلات قهوتج ! تقول جم مره ومره اتهاوش مع ريلي بسبته وكله قاعد بالمكسر والفانيله !
الدنيا قامت تخوف الحين .. شي ثاني بعد شوفو اكثر المواضيع بالقسم كلن تشكا من حماها وترا الشيطان ما مات لو بقعد ببيت الحموله افضل واونس لكن زوجين ببيت واحد صعبببه*

انا ماقدر اعترض على اهل ريلي امي تقولي عيب وانا فعلا مستحيه افتح الموضوع مع ريلي لانه وايد طيب وبيشوفها طرده لاخوه مع ان مو قصدي هالشي لكن كل الموضوع ابي خصوصيه وغير جذي مادية الشقه شقت جيب ريلي 5 شهور واهوا يشيل ويحط فيها*
بصراحه مصدومه من امس وفيني بجيه وقمته على هالحركه خربت فرحتي بإستقلاليتي

انا ما الومج ابدا
صدق الدنيا تخوف وبعدين بالدين مايجوز الحمو يشوف زوجة اخوه ويقعد معها ويسولفها
حتى لو ان هالشي صار عند بعض العائلات لو مو الاغلبية عادي
ونحن من ضمنهن عادي الحمو نقعد سوا جميع مع الاهل ونسولف
الحمدلله اذا النفوس زينة بس الواحد يتجنب هالمواقف البايخة
خاصة ان مابيكون في خصوصية مثل ماذكرتي
كنتي بالمطبخ او قاعدة بروحج وجى احراج وشعور مايطمئن ومايخليج مرتاحة بشقتج

مهما كان ريلج طيب
لازم توضحي وجهة نظرج
وقولي له الي مضايقج
واطلبي منه ان يقترح حل بينه وبين اخوه
يسون لانفسهم خصوصية
المهم انج ماتسكتين لان صدق راح تعانين لي تزوجتي
وراح تتبهذلين
وبداية حياتج تحتاجين خصوصية اكثر من لمايكون مر ع زواجج سنوات
الوحدة تبي تدلع تكشخ تتعدل
تضيف لمساتها الخاصة بشقتها
مو تقعد تحاتي وتستحي طول وقتها من الي ساكنين معها

الله يكون بعووووونج
عليج بالاستغفار

 

[بكيزة هانم]

وعسا ان تكرهوا شيئا وهو خير لكم

 

[مشتطـه]

شكو سالفة حلوة

سبحان الله كل بنات المنتدى مزايييين حيل
ولما مره شفت موضوع الانامل انصدمت من اشكال الايد والريول استغفر الله واتوب اليه


اول شي مستحيل مستحيل اسكن بشقة مشتركة شنو هنود احنا
يعني بس المكان اللي اتهنى فيه غرفة نومي

بالعربي مالج حق الا بغرفة وحده

والباجي لازم تطلعين بملفع ودراعه وتتغطين وماتتعطرين ولا تكشخين لان ماكو الا مرت حماج وزوجها


شكو شكو شكو لو اموت ماسكنت ويااهم
خل يطس حماج ومرته بشقة ثانية
مالقو الا وياكم


شي يقهر ويحررررررررررررر

 

[اندرويديه]

واااااااااااضحه اشفييييج معقدتها ؟؟؟؟ ما نفشلهم ولا نكسر كلامهم وماااادري شنووو اي شي؟؟؟؟ يا بنت هذي حياااااتج لا تلعبين بعمرج الكلمه الي بجبدج قطيها قبل لا يفوت الفوووت وتاكلينها ويقولون قلنا لها ....والي تفكرين فيه حدا بسيط يايتج بلاوي احنا مع الحموله ما سلمنا تبين مع مره وريلها بشقتكم اسمحيلي بس وين شخصيتج اي شي؟؟؟؟؟

 

[اندرويديه]

لووول مشتطه قتلني ردج ... سوري عالمداخله
الا كل بنات المنتدى مزايين شككوني بعمري

 

[زوجة عزيز]

علا اي اساس يحطون كم مع بعض؟؟؟اسمحيلي ترا الوضع مسخره عيب اصلا يقعدون معاكم. وواجهيهم بالرفض هذي اولها ينعاف تاليها

:rerrerek: معاها

 

[lailosh]

امج اسمحيلي ما تعرف مصلحة بنتها شنو فشله وما فشله والله عيب عليهم والفشله منهم مؤ منكم انتي بنت ناس شكو يحطونج مع اخوه ومرته وين قاعدين والكلمه الي تستحي منها بدها يا حبيبتي هذا كله عشان مصلحتج وماتتوهقين بعدين واتقولين ياليت واجهتهم وما سكت خلي عنج المستحا اذا فات الفوت ما ينفع الصوت

 

[جيجي 1410]

هذا حق من حقوقك تكوني مستقله في بيتك لوحدك ابد مو فشله ولا شي ..
بصراحه حاولت ادخلها في مخي مادخلت والله ماتجي انا وحمايا المتزوج في نفس الشقه

 

[قَلبڪْ صًخرْ]

ماقصرو البنات

 

[!! دلوعته !!]

الله يعييييينج

 

[popa]

لا ياحياتي قولي يا انا بروحي بهالشقه او اخذ اثاثي وشفلي ونسكن انا وزوجي بشقه لاتناقشين ولا تتنازلين عن شي واحد

 

[دلال و غلا]

خايفه حماج يطالع لج برغبه !!!!!!!
يييععع شهالكلمه شنو حماج ما عنده اخلاق و ما يعرف ربه ؟

لا اذا جذي تفكيرج ما تصلحين لا مع حموله ولا مع احد بروحج احسن لج

 

[yam_yam]

البنات ماقصروا

 

[شقرديه ونص]

شكراً بنات أحترم كل آرائكم ومشورتكم بعد تفكير ودراسه من كل النواحي قررت إني ماأعترض قبل عرسي منعاً إنهم ياخذون عني فكرة ( اللي تعنفق ومو عاجبها ) لازم زوجي يشوف الوضع عشان يقتنع أما أني أعترض قبل عرسي فهالشي بيسوي حساسيه وممكن ينقلب هالشي ضدي ويرجحون كفة مرت حماي وتبتدي المشاكل وأنا ماأحبها ...
طبيعي قرارهم بيقيدني سواء باللبس أو بالقعده أو بالطلعات أو حتى بالسوالف وبأدق تفاصيلي ومنها ريحة ( عطري )
ماراح أرضى إني أقعد معاهم لأن بصراحه أهما وايد فري وعادي وأحنا بيتنا شوي محافظ وماأقصد دينين لحد الطواعه لكن ماعندنا إن البنت تقعد مع ريال حتى لو يقرب لي اذا ماكان عمي أو خالي ممنوع بس أهما متعودين يقعدون مع بنات عمهم وخوالهم وأنا قلت هالشي كمثال على وضعهم اللي أهما متعودين عليه .. وأهلي موصيني أكون ثقيله لأن وضعهم فري وهذا مايقلل من مكانتهم وإحترامهم لكن لكل بيت أطباع

حماي طبعه فضولي ومسولفجي وااايد وهذا اللي موترني ولما أنخطبت من بيتهم توقعت إنهم خاطبيني له وخذت قرار إنهم لو كانو خاطبيني له برفض لأنه بإختصار خفيف والكل يدري .. لكن لما دريت إن أخوه خاطبني وافقت وعلى أساس أكون ببيت بروحي وطمنتني أم ريلي إنها تبي راحتي وخصوصيتي وهم تبي خصوصيتهم لكن بالأخير إكتشفت إنهم يبون خصوصيتهم وبس مو مهم تكون لي خصوصيه

بالنسبه للبنات اللي أعترضو وكلموني بلهجة شديده وبالأخص هالردين

شكو سالفة حلوة

سبحان الله كل بنات المنتدى مزايييين حيل
ولما مره شفت موضوع الانامل انصدمت من اشكال الايد والريول استغفر الله واتوب اليه


اول شي مستحيل مستحيل اسكن بشقة مشتركة شنو هنود احنا
يعني بس المكان اللي اتهنى فيه غرفة نومي

بالعربي مالج حق الا بغرفة وحده

والباجي لازم تطلعين بملفع ودراعه وتتغطين وماتتعطرين ولا تكشخين لان ماكو الا مرت حماج وزوجها


شكو شكو شكو لو اموت ماسكنت ويااهم
خل يطس حماج ومرته بشقة ثانية
مالقو الا وياكم


شي يقهر ويحررررررررررررر

+

خايفه حماج يطالع لج برغبه !!!!!!!
يييععع شهالكلمه شنو حماج ما عنده اخلاق و ما يعرف ربه ؟

لا اذا جذي تفكيرج ما تصلحين لا مع حموله ولا مع احد بروحج احسن لج

الأخت مشتطه : أحترم رايج لكن مو معناتها أقبل إستخفافج تقدرين تحتفظين برايج لنفسج ماله داعي تقللين من إحترام اللي جدامج لأن إحترامج بيقل وهذي نصيحه أخت لج ممكن أنا أطوفها لكن غيري مايقبل

الأخت دلال وغلا : عزيزتي لو عادي عندج تعطرين وتكشخين وتمكيجين وتضحكين وتسولفين مع ريلج وتاخذين راحتج جدام حماج فهذا شي راجع لج لأن محد بيتحمل الذنب غيرج أما إنج تتهميني فأنا ماأقبل .. ماأرضى اتزين جدام حماي حتى حسي عيب يطلع جدامه واذا ماتدرين شمعناة ( الحمو الموت ) فهذي مصيبه وإذا كنتي تدرين ومو مستوعبه معنى هالشي فالمصيبه أعضم .. ومن حقي أخاف على روحي والشيطان موجود يقولون إما أن تقول خيراً أو فلتصمت ياليتج ياوخيتي ماقلتي حجوتج كسبتي وزر من رايج



مشكورين حبايبي اللي ردوا لا خلا ولا عدم :eh_s(7):

 

[نونه المنكوشه]

الله يهديهم شلون يسكنونكم بشقه وحده طيب مايسير تفصلون الشقه يعني تقسمونها بالنص انتي حاولي نسقي وضعج مع ريلج وخليج سطحيه معاهاوتمشي الامور

 

[دلال و غلا]

صاحبة الموضوع / انا ما علقت ع مشكلتج علقت ع كلمه ما لها داعي قلت انتي اذا هذا تفكيرج من الاول اجل ما ينفع معاه بروحج احسن و هذا راايي بكل وضوح وانا ما قلت عادي اقعدي مع حماج و رشي العطر و تمكيجي ع راحتج
فا لا تقوليني كلام ما قلته الحمى مو محرم لج وانا ما احلل شي الله حرمه

 

[al-musk]

الله يعينج صج مشكله اذا طول الوقت متهيأه للوضع وعلى اخر شي يتغير