شورو علي لي23 يوم زعلانة وماخذة بخاطري):

[روحي تحبه غصب]

الله يعينج ويهديلج ريلج
حبيبتي اللي صار موبس انه طقج جدام الناس لا لالالالالالالا اللي حصل انه خرع عيالج وشافوا ابوهم واهوا يخنق امهم ويبي يذبحها

السالفه هذي اللي بتقعذ في ذاكرتهم حبيبتي ردي ثقة عيالج في ابوهم وفهميهم انه ابوهم ماكان يقصد وانه ليمن يعصب يسوي اشياء مايدري عن نفسه

بعدين حاولي ماتخلين عيالج يحسون في مشاكلكم او يشوفونكم تتهاوشون لانه هالشي ياثر في شخصيتهم ونفسيتهم

وبالنسبه ريلج اذ تبين تقهرينه صح لا تقربين منه وتروحين تنامين عنده
الحين اذا طلعتي من انفاسج اكشخي لنفسج وتسنعي لنفسج خليه يشوفج وانتي نازله للفطور وانتي كاشخه
ويشوفج تضحكين واذا رد البيت امسحي المكياج والبسي ملابس ناعمه بس مومثيره عشان ريلج باين انه موسهل
واذا حس انج تبين تلفتين نظره لج وانج تبينه راح يثقل عليج ويطنشج ويخليج انتي اللي تجينه
وانتي اللي طنشي واذا حاول يتقرب منج صديه وادقريه وخليج بارده معاه وخليه يحس انه كسر نفسج وانج مو حاسه فيه
بسبب معاملته لج بفترة حملج وتهربه منج

لا تحاولين ترضين بسهوله عشان اللي حصل مالازم يطوووووف بالساهل

وتبينه سياسه حلوه تقهره حيل (اذا شفتيه شد معاج انتي ليني ورخي واذا لان ورخى معاج انتي شدي معاه)واهلج روحي لهم واصلحي الامور بينكم ومو شرط تدخلينهم بمشاكلج

 

[أم لطووف]

رد: رد : شورو علي لي23 يوم زعلانة وماخذة بخاطري):

هو عارف انج بتردين لغرفتج وتحايلينه بعد
علشان جذي سوى سواته


الحل [ ان الله لايغير ما بقوم حتى يغيروا ما بأنفسهم ]
ستوب
وقفي مع نفسج وقفة محاسبة


طقج جدام الناس وخرع عياله و بترجعين له !


ابسط حل اهجريه ببيتج


عمر الأهل ماكانوا السند الوحيد بهالدنيا

سندج ذاتج وشخصيتج


صيري قوية مو خيخة يطقج جدام الناس وتفكرين فيه و تقولين شلون اعلمه وارد كرامتي


رد كرامتج انه انتي تتغيرين وهو يتغير اذا مو عشانكم عشان عيالكم
حرام !

**************************************
برايي هذا الصح..

هو عارف إنج بتردين وتعتذرين له((السموحه))بس إنتي حسستيه إن ماعندج كرامه وإنج ضعيفه مالج سند إلا هو وماعندج أحد يحميج ومغلةبه على أمرج نوعية ريلج من الكلام إلي كتبتيه ما يحب المره الضعيفه المكسوره يحب إلي تطقه بالطوفه وهو إلي يركض وراها مو العكس..فاهمتني حبوبه..

بس الحين إيي التغيير منج إنتي
خلاص إنتي حقريه عطيه طااااااااااااااااااف ..ولا كأنه موجود..
غيري نفسج مو باللبس والكشخه بس ..لاء..

-صدي عنه لاتحاجينه
-سويلج برنامج يومي إمشي عليه إذا بتسوين ريجيمي إذا بتدخلين نادي إذا بتشتركين بدوره
-بعدي تفكيرج عنه بالمرررررررررررره إليه بنفسج وعيالج وبس
-وبينيله إنك ترا ولا شي بدوني الدلال إلي كنتي تدللينه له قبل خفي عنه
(ما أقولج لاتسوين الاشياء الاساسيه بس شي زايد لاء ماهو عادي عنده وعند أهله ياخذه عشاه ويرح بيت رفيجه خلاص نفس الشي إنتي لاتهتمين وايد بغداه وعشاه لدام رفيجه الله يخليه له وأهله موجودين خلاص خل ينفعونه بس إهني إتيي شطارتج إذا عندج مطبخ فوق بدعي بأصناف الاكل وخليه لج ولعيالج بس)..
-إذا كان موجود في البيت شغلي نفسج برياضه قراءة كتاب قعدي على النت سوي أي شي..حتى لو سأل عنج((لو)) بعرف إنج لاهيه بشي عنه مفيد..
-تقربي من ربج أكثر وأكثر بالاستغفار وسهام الليل((الدعاء في الثلث الاخير من الليل)) تراه عجييييييييييييييييييب ماراح تلاقين أحد يمسح دمعتج ويهون عليج أمرج والوحيد إلي مايسكر بابه بويهج غير رب العالمين إدعيه وإبجي وتقربي منه وبتشوفين العجب والتغيير فيج وفيه..وادعي إن ربي يسخره لج ولعيالج ويبعد عنه بنات وعيال الحرام..

-أخر نصيحه:إقري كتب ودشي مواقع تعرفج على (((شخصيتج إنتي وزوجج))) وشلون تتعاملين معاه ..
وهذا موقع حق دكتوره نفسية إسمها ناعمه الهاشمي أنا بصراحه وايد فادني الحمد لله والحجي إلي كتبته لج من نصايحها جزاها الله خير وهذا رابط الموضوع:
http://www.blqees.com/vb/

*******************************************************

حبوبه تراما كتبة هالكلام إلا من حرتي وخوفي عليج قبل لايصير شي أكبر من الطق
وأدعيلج بهالاذان الفضيل إن ربي يسعدج دنيا وأخره ويفرج همج وغمج ويصلح أمورج كلها ولا يحوجج إلا لوجهه الكريم..

 

[اجمل نساء 2011]

زوجج للاسف عديم احساس لاوا لله لااردله ولاشي واذا بردله برضوة مانقل عن الف د.ك والكل يدري عنها واولهم اهله

 

[^^المهره^^]

لا حول ولا قوة الا بالله
حبيبتي حقريه وخليه يولي و عيشي حق نفسج وعيالج
وسالفتج كلها بصوب واليهال والمنظر اللي شافوه بعينهم بصوب والله انج وانتي تشرحين منظر ولدج ادمعت عيني
لا حول ولا قوة الا بالله
عسى الله يهديه ان شاءالله

 

[ملح و سكر]

شوفى حبيبتى انتى ماتبين تتطلقين ادرى يمكن ماعندج احد يسندج من اهلج الله يعينج

بس احب اقوله عيشى حياتج لاتهتمين فيه طلعى وروحى واستانسى واهو خليه يولى عنج واذا

قالج انتى شستوين قوليله انا مو قاعده اسالك وين تروح او وين ياى وضحكى وفرفشى وخليه اهو ورا ظهرج


وبتشوفينه راح يدور حواليج مثل الجلب وانتى بكرامه ويحاول يعرف شتسوين وانتى لاتعطينه وييهه وعيشى حياتج

وشوفو عيالج ....والله يعينج ...

 

[بوكية ورد]

شوفي حبيبتي انتي الي غلطانه من الاول ............
المفروض استغليتي موضوع انه يطقج الصالحج......
الموضوع مو انج اتحرينه وتقهرينه المفروض تكسرينه لانه الرجل الي يحب يفرد عضلاته على مرته اهو مو رجل كامل
وبعدين اهله شكو يدشون ويغلطون عليج
والله لو مكانج جان اشتكيت عليه وبهدلته بالمحاكم مو شرط اني اطلب الطلاق
اطلب بيت وسيارة وسايق ومصروف شهري
اما اهل زوجي لا اخليهم يولون اول شي امنع اعيالي عنهم ما انزلهم لو شنو ما يصير ولا حتى اسلم اول شي اهم مو من صلة الرحم يعني ما راح تاخذين ذنب اذا ما رحتيلهم
البس اكشخ اطلع ولا ارد له اشور اخليه طرطور وارفع عليه قضية عدم التعرض
وبجذي يحرم ويندم
ونسيت اقولج انتي بغرفة واهوا بغرفة ولو يموت ما انام معاه
واقوله تبي تزوج روح تزوج انا لعاد اتحلم فيني وانا ما ابي اطلق عشان اعيالنا بس لي وصلت لطلاق ما راح اموت عليك
وحتى لو تطلقتي منتي ملزومه تردين بيت اهلج قعدي بيتج وما عليج من احد
واذا خلاص صكت فيه الدنيا صج قوليله اوكي انت تبي وناستك بس مقابل شنو ولا توافقين الا بمقابل
الريال ما يحب الا المرة الي ادوسة يصير يبي رضاه لانه ما يدري شنو خاشتله من مصايب
والله نصيحه مو قصدي اخرب بيتج بس شي اكتشفته في كل الرييايل لا تقولين الاصابع مو سوا لا بكسرة الخشم كلهم واحد
ترى داشة بنيك غير نكي لانج صج كسرتي خاطري

 

[lovely jojo]

شنو هذا ما يستحي يخون ويخربط وبعد يطقج عمى بعينه

 

[đeɱɛɼɑ™]

ابيه لا ريلج مينووون قااااضي
يلاحقج من دار ليه دااار ويخنقج !! .. شنو كان ناوي يذبحج ؟!
حتى ترجي عياله ما رده عنج @@ يمممممه !!

حبيبتي هذا ينخاف منه .. اليوم خنقج باجر ما يندرى شيسوي
ولاااااااااااا تراضينه ولا شي
اصلا حتى لو اهووو يه يراضيييج لاااااااا ترضين بسرعة الااااا بشي يسوى ويستاااهل
ويرد كرااامتج جدااام اهله كلهم .. ولا ترى هال23 يوم بيروحون على ماميشش ..
وبعدين شنوو هالاهل اللي يشوفونج بهالحالة ويتشمتوون ..مااااكوو رحمة بـ قلوبهم !! شهالاوادم !
استغفر الله العلي العظيم ..
الله يعيييييييينج على ما بلاج وبهالشهر الفضيل مالج الا الدعاء والاستغفااار
وان شاء الله ربي يعوووضج بـ عيالج ..
عزي نفسسسج وخلج لا تقربين صوبه ولا لج شغل فييه مدام هذي سواته
عيشي حيااتج وطلبي من ربج يكافيج شره ويهديه ​

 

[ديانا سبنسر]

رد: رد : شورو علي لي23 يوم زعلانة وماخذة بخاطري):

هو عارف انج بتردين لغرفتج وتحايلينه بعد
علشان جذي سوى سواته


الحل [ ان الله لايغير ما بقوم حتى يغيروا ما بأنفسهم ]
ستوب
وقفي مع نفسج وقفة محاسبة


طقج جدام الناس وخرع عياله و بترجعين له !


ابسط حل اهجريه ببيتج


عمر الأهل ماكانوا السند الوحيد بهالدنيا

سندج ذاتج وشخصيتج


صيري قوية مو خيخة يطقج جدام الناس وتفكرين فيه و تقولين شلون اعلمه وارد كرامتي


رد كرامتج انه انتي تتغيرين وهو يتغير اذا مو عشانكم عشان عيالكم
حرام !

معاها

 

[درة أهل الطولات]

رد : شورو علي لي23 يوم زعلانة وماخذة بخاطري):

محد قدر يحل مشكلتج غيرج

لانج انتي جزء منهاا

 

[كلهآ ملح ..}]

رد : شورو علي لي23 يوم زعلانة وماخذة بخاطري):

لاحول ولا قوه الا بالله
اكره مالي الرجال اللي يطق !!
لييييييه متزوجها عشان تطقها بيوم من الايام ولا بعد قدام اهلك ! والاكبر من كذا الصغار وش ذنبهم
حياتي مالك الا بنصف الليل تصلين وتدعييين ربك انه يسخر لك زوجك ويهديه وينصرك على الظالم

الله يطمن قلبك غلاتي

 

[sweet lady]

بصراااحه قهرني وااااااااي يطقج وانتي بالنفااااس الله يوريييج فيه والله الدنيا دواره
حبيبتي تصبري وعليييج بالدعاء واهم شي عيالج تكشي ولبسي واهتمي بنفسج ونزلي عند اهله وريهم انج قويه لا تضعفين اهم يدورن اي شي عشان يعيرووون كسري عينهم ولا شي صااار والله راااح يردلج ولا تعطينه اي اهتمام اعتبريه مو موجود عيشي حياتج والله يوفقج ويصبرج على بلوااج

 

[& مــشــايــخ &]

انتي قايله له باللي بينج وبين أهلج؟

اخاف الرجال يدري ومن هالشي تمادا بمعاملته

وانتي اذا كنتي مبينه هالشي له ولاهله حاولي ترقعين الموقف يعني بكل قعده لج معاهم قولي اختي سوت جذي اخوي دق علي ابوي قالي السالفه الفلانيه

حتى لو مابينج وبينهم علاقه حطيهم بالصوره خلي يحسون وراج اهل وعندج عزوه وحتى اهو حسسيه بهالشي

واذا كان بينكم مشاكل لا يدري عنها احد وحاولي تروحين لهم حتى لو ماتحبينهم هذول اهلج عالاقل ديكور

جدام الناس المثل يقول خشمك خشمك ولوكان عوج

وبعدين بالنسبه له الحين طقيه بالطوووووفه ولاترضين عليه الا بهديه وسفره بعد موعلى كيفه

وفهميه اذا مره ثانيه سواها انج بتشتكين عليه بالمخفر وبتشتكين بالمحكمه ومعاج الدلائل وبيحط لج بيت بروحج ويدفع ايجاره وسايق وخدامه وبيقصون نص معاشه لج وبتبهذلينه 0حتى لو ماانتي مسويه هالشي بس عشان يعرف انج قويه وتقدرين تسوين وتسوين 0 اهو مستضعفج

حرررررررام الله مايرضا

انتي زوجه وام لج الحشيمه والكرامه واذا اهله غثوج بالكلام من وراه وسمعوج شي قولي الحمدلله والشكر موبوعيه ولا فيه رجال يسوي جذي بمرته وجدام عياله والناس هذا من نقص التربيه خل يعرفون =ان اهم اللي مايعرفون يربون

 

[& مــشــايــخ &]

لاتنسين الاستغفار كثري منه والدعاء واذكار الصباح والمساء خليج قريبه من الله انتي مظلومه والمظلوم دعوته مستجابه

الله يفك عوقج وينصرج ويسخره لج ياااااااااااااااااااااااارب

 

[DooLy88]

وانقهرت من ردة فعله والشهور الي طافت وانا بالنفاس واذكر ان كل حمال لازم اطيح عليه المهم هسترت وقمت وسبيته اول مرة بحياتي اسبه وقاعدة ابجي رحت الدار شوي ولا ياي وراي طقني طق شق هدومي عليه رحت دار اليهال وراي طقني جدامهم كانو نايمين قامو يبجون يترجونه يهدني واهم بالابتدائي صغار

<<

حسبي الللللللللللللللللله ونننننننننننننننعم الوكيل فيه
قسم بالله لو انا منج وعندي من درزن يهال
ماقعد عنده ولادقيقة
الجلب الوقح الحقير اللي مايخاف ربه
يخون ويطقني .؟؟ جدام عيالي علشان يعقدني ويدوس على كرامتي ويخليني بيزة ما اسوا جدام عيالي !!!!
واهله الحيوانات يقولون ريال مايعيبه شي << هالتفكير المتعقد الله ياخذهم
مقطوطة جدامهم بدموعي ومطقوقة طق ومتنتفة !! ويتشمتون !!

اهلي لو شنو بينهم بعد بروح لهم ولا اتم مع حيوان مثل هاللي تسمينه زوجج

 

[جذابه بنت ذيابه]

رد : شورو علي لي23 يوم زعلانة وماخذة بخاطري):

حبيبتي همج الوحيد ربج ..


ادعي بكل صلاه وخلي ايمانج بالله قوي
يعني احقررررررريه وخلي عندج قوة ايمان ..

لين يجي يتعذر ويبوس راسج


عليج بالدعااء والصلااااه

 

[عيون السواهي]

تبينه يحبج ويرد لج مثل استغفر الله حدي انقهرت منه المهم شفتي الطوووووووفه خليه طووووووووفه انسييييييييه قعدي سنه سنتين اكثر ترى كرااااامتج اهم ترين ليش قت لج سنه سنتيين لنه امبين انه خلااص انتي هنتي عنده واللله ثم والله والي خلقني ترى كثر مادستي علييييييييه يمووووووت فيييييييج بس عليج الاستمرار مو تضعفين وتهتمين له لا خلي اهتماماتج بنفسج واعيالج وانه موضروري مدام هذا طبعه لين يتسنع وبيشوف الي يسويه بحد من اهله

 

[نشيج الروح]

حبيبتي مالج إلا قيام الليل ...
كل يوم صلي الليل وادعي له من قلب وحدة فقيرة لربها ...
وعلى طول خلي القرآن بقلبج وذكر الله بلسانج ...
وإذا كنتي ببرامج التلفزيون تحطين برامج مو شي ومسلسلات ... استبدليها وخلي بيتج عامر بالذكر ... حطي قنوات دينية مثل المجد والراية وروائع والمعالي وغيرهم ...

خلي ابتسامتج ما تفارقج ... وهو راح يحس بالتغير صدقيني ...

لعبي مع عيالج ولعبيهم ودرسيهم الأمور الدينية وزرعي فيهم الدين...

خلي ولدج يتقرب شوي من أبوه ويكون ولدج واعظ لأبوه ... كلام الأطفال يأثر بالكبار ...

أما عن تكلمينه أو لا .... خليج رسمية شوي معاه ولا تضحكين معاه الحين ... كلمية وردي عليه على قد السؤال وخليج جادة وفرضي احترامج ...

ولبسي وكشخي وتعطري في البيت عااااادي ... جنه مو صاير شي بالدنيا ....

ويا رب يرد لج ريلج ويكون إنسان صالح ومصلح ...

وشي ثاني بعد نسيت أقوله ... بعد ما تكسبين قلب ريلج ويبدا هو يتقرب شوي شوي ويحس فيج هني لا تتكلمين وتقولين له انت وأنت وتهدمين كل الي بنيتيه ...

لأن واضح من ريلج زهق من كثر ما تطيحين عليه وتقولين له ...

وإذا قط عليج كلام بعد التغير الي فيج لا تردين عليه ابتسمي وإذا بتردين قولي له جزاك الله خير ... وامشي عنه

 

[انتظر حبه]

رد : شورو علي لي23 يوم زعلانة وماخذة بخاطري):

الله يعينج ويهديه لج

 

[noorq8]

شلونكم شخباركم


بصراحة طولهالاسابيع بكتب مشكلتي واهون



مادري اشفيني!!!

المهم الموضوع اني اول رمضان طلعت من النفاس مع ان للحين ماخلصت من اخت النفاس:nocommint:

ابي اكشخ البس احر اقهر ريلي :nocommint: دشيت عرض لووووووووووووووول

موهذا موضوعي!!!

الموضوع بنات ريلي وايد تحملته بختصار يوميا بره البيت لي الفير مايدري عن شي ربعه اهم شي عنده

متغير طحت عليه وايد طول هالسنين لي 12 سنة متزوجة وللحين مايتعدل

تحملت وسامحت وايد مع ان موقاصرني شي:sfg:

المهم الريال وايد تغير اول شهر بحمالي طحت على ايملات وخرابيط وسامحت

الريال 9 شهور مايقرب يمي خير شر واهو الي مايصبر يوم واحد فجاة اعذار انا تعبان مادري اشفيني قمت ماحس اني ابي اشكره طوفت ووايد شغلات حاطتها بقلبي المهم من 23 يوم فتحت قلبي طبعا ما اشوفه بس ادزله مسجات واهو بره البيت قاعد بالدوانية قلتله الي حاز بخاطري طول هالشهور مع ان هالحجي قايلته طول حمالي ان متغير ان يبالغ بطلعاته ان مايطلعني خير شر ان انا الي اصرف على البيت ان متغير من ناحية النومة ان قعدته بالدوانية مبالغ فيها ان يشتري اكله ويحط عند رفيجه سوالف التقلي همبرجر وغيره عشان يسوله غلط عنده بيته موعيزانين عنه ان يتغدى ويتعشى مع رفيجه بالدوانية عيب وغلط احنا اهله ليش مايقعد المهم رده بالمسجات استعباط مثل كل مرة لا انا موجذي انتي اتوهمين انا موغلطان انا اقعد معاكم :nocommint:
يدزلي لا تكبرين الموضوع المهم رجع ابيت بعد هالمسجات بنام بس احنا فندق اي الصبح ينام وطبعا انا اغلي من الداخل منقهرة وبنفاس نفسيتي زفت لاني قاعدة ابيتي بالنفاس انا بغرفة واهو بغرفة رحتله الغرفة قلتله بالحرف انا اتوهم كل هذا رد ابرود اي انتي تتوهمين طبعا المموضع بعد في مسج لقيته بالصدفة والله مو افتش لان انا دايم اخذ جهازه امسح مسجاتي بدون مايدري مرات عشان عيالي مرات ياخذون موبايله عند حمولتي ومابي احد يقرى مسجاتي جان اشوف رفيجه يقوله اي كلمت البنية خوشو وحدة وترى طبيت فيك !! انا بمسجاتي سالته منو هالبنت وان من فترة قاريه المسج وماكلكته حاطة بقلبي وساكتة مارد علي عاد لما رحتله الغرفة وانا بس بموت من الحرة وسؤالي اني اتوهم واهو بارد جان اقول عيل منو البنت الي يقصدها رفيجك لان مبين من المسجات ان ريلي دازها حق رفيجه يعني ريلي يعرفها
فجاه خذاني بالصيحه صار مينون اي بنت وقام دق على رفيجه حط سبيكر بس اساله جم عمر البنت الي دزيتها لك هذاك صغيرة يرد عليه بالثنوية يقول سكره منه قام يسبني كل انواع السب الوصخ يقولي هاذي انا دازها من طرف وحدة معاي بالدوام حق رفيجي لان تبي تصير مذيعة ورفيجه مذيع معروووووووووووووف انا اعرف هالشي مادري الموضوع مادخل مخي موهذا الموضوع الحين انا قلتله ما اصدق!!!
وانقهرت من ردة فعله والشهور الي طافت وانا بالنفاس واذكر ان كل حمال لازم اطيح عليه المهم هسترت وقمت وسبيته اول مرة بحياتي اسبه وقاعدة ابجي رحت الدار شوي ولا ياي وراي طقني طق شق هدومي عليه رحت دار اليهال وراي طقني جدامهم كانو نايمين قامو يبجون يترجونه يهدني واهم بالابتدائي صغار:nocommint:
ماكو رحت قفلت علي الباب والله العظيم اكسره ودش نتفني تنتف مابقى شي صاحي فيني اخر شي زنطني جدام عيالي والله مانسى منظر ولدي وانا بالارض قاعدة اختنق يبجي ويصرخ واهو باولى ابتدائي ياشر لا لا بابا وانا بس ماكو نفس وصراخ شوي ولا اهله يصعدون تشمتو فيني وسمعوني جم كلمة وقالو جدامه كيفة ريال بخربط بسوي سكتي وانا طايحة بالارض هدومي مشققة واهو هدوني عليها ويسب جدامهم وجدام الخدم طبعا هذي مو اول مرة مراااااااااااات بس هالمرة انا بس احس اشكرى عنده واشكرى ضاربني بالطوف بس ما اقدر اتنازل واسامح بتقولون وين اهلج اقولكم اهلي من تزوجت مالهم شغل فيني بيت اهلي سالفة ثانية وقصه طويله يعني جني يتيمة مالي ظهر وسند جذي تفرعن علي طول هالسنين وانا حيل طيبة وعلى نياتي عاد الحين لي23 يوم ما اكلمه ولا ابي اكلمه طبعا اهو ولايدري عني يوميا بخور وعطور ويطلع وحتى على الفطور جدام اهله مايكلمني يعني اشكرى شوفو ترى ما احاجيها وانا طبعا ما احاجي مادري ماني عارفة شتصرف ابي ارد كرامتي شلون ابي احسسه ان خسرني ويتندم على صار صح انا غلطت بالحجي بس كنت بس بموت من القهر واهو ماترك لي مجال حتى الحين اتسفله لان الي سواه جدام عيالي وجدام الكل اهانه لاتغتفر هالمرة جد اقولها بس سامحت طول هالسنين انا مابي اطلق واشتت عيالي بس ابي ارد كرامتي وهل عقب ما اخلص من اخت النفاس الي مادري متى تخلص!!! ارجع غرفتي عنده؟؟؟ مادري شسوي سوري قرققت عليكم:bye22:

انتي مو قاعده تفكرين بالبهذله اللي تبهذلتيها والمذله والتكفخ قاعده تفكريتن اشلون ترجعين داااارج وضايق خلقج من اخت النفاااس عيل لو شايلج من الارض شيل جان شتسويين !!
الله يعينج انتي محتاجه جلسه نفسيه اذا هذي سواته وهذا تفكيرج.
لاومو أول مره يطق وجدام الكل والجميع وقااااعده عنده ,الله يعينج.