شورو علي حدي خايفه

[& الذاهبه &]

مرحبا بنات
انا عندب خدامه اندونيسيه الظاهر معزبه اختها مطمعتها تشتغل عندهااا حسبي الله عليها وتبي تروح عندها
الا ذاك اليوم جايتني تقول انا ما ابي هذا البيت بشتغل عند بيت اختي عاد انا مابي اقاشرها لها عندي سبع سنين
اخاف اقول لا تقب وتنحاش وما استفيد شي

المهم قلتلها نطري اجيب خدامه واخلي بابا يحول كفاله مع الكفيل الجديد وياخذ فلوسنا من غير مكتب
رحت ادور طلبت فلبينيه
ولقيت اثيوبيه مسترجعه
خفت في البدايه تذكرت المرحومه عايشه
جبتها البيت نظيفه ودقيقه فهمتها ان اهم شي عندي الاطفال والنظافه
شكلها حليوه وتبي الشغل


بس المشكله

حدي متصرقعه وخايفه منها خخخخخ
شرايكم انا قاعده اجربها 3 اياام
هل اخليها واكفلها والا اصرف نظر عن هالجنسيه

 

[ام كوثر2007]

بغض النظر اللى حصل لعايشه او غيرها ..

حبيبتي الجنسيه هذى بالذات دمهم حااار ما يتحملوون شي كلش

وانتي اسم الله عليج عندج يهال

انا اقول خليج علي الفلبينيه اللى قدمتي عليها .. علي الاقل التعامل مع الفلبن ارقي بوايد من هالاثيوبياات


مو عشان الرخص يا قلبي تعيشين بحاله نفسيه غير مستقره ..


والفلبينيه معروفه عشرتهم حلوه بس يبيلهم انج تعاملينهم انهم اوادم وما تزفينهم وتكلمينهم بذووق عشان يقعدون عندج سنين ..

وعسى الله يستر عليج وعلي عيالج يارب .

 

[manoooram]

أنا مع أم كوثر
هالجنسية ما يتحملون أدناة الدون ويحقدون بسرعه ويشيلون بقلبهم
أنا من رأيي صبري ولا تاخذينها قدمي على طلب يديد
دام الاندونيسية راضيه بأن تروح بعد ما توصل الخدامه البديلة

 

[مولاي الفرج]

وعوه اكرههم مايدشون القلب

 

[om MaRyooM]

انا كنت قايلة لو تبقى اااخر شغالة بالدنيا ما اخذ اثيوبية
وسبحان الله كانت شغالتي اثيوبية لأني اضريت حدي عليها لووول

والحمدلله زينة وحنونة وايد على عيالي اهيا مرة عودة
بس المشكلة وين
لاتقولين كلمة الا تقب بويهج ..يعني دمهم حاار



انتي سوي استخارة
واذا قلبج مو مرتاح خلج عالفلبينية

 

[كويتية82]

اعووووووووووووذ بالله

ابعد عن الشر وغنيله

لاتغامرين بحياة عيالج عشان خدامه

قدمي عالفلبينيه وردي هاذي المكتب

ولاتقعدين مشغولة البال 24 ساعه وخايفه منها​

 

[رووح ابووها]

ام كوووثر معاها حق

 

[مس هنادي]

ابعدي كل البعد عن هالجنسيه

 

[& الذاهبه &]

يمه تخرعت زياده
رايحه الدوام وحاطه ايدي على قلبي

شكلي بردها
والله عااد ظليمتها شينه هاديه وساكته

 

[يمانيات]

والله راي من راي البنات ماقصروا ليش اللي قتلت عايشه كان يبين عليها شي
حبيبتي اهون انظف بنفسي واشتري راحت البال والله خليتني قلقه عليك وعلى اليهال احسلك رجعيها

 

[lovely jojo]

الفليبينيات حلوين للاطفال .. ماتنفع الاثيوبية ..

 

[$حبيبة عبودي$]

اسستخيري بس ترى الفلبييات اغلبهم يحبو الكويتين خوفج تخطف زوجج..

 

[kareeb]

أنا همت شغالتي إثيوبيه وطيبه وحنونه على عيالي الحمد لله

 

[جذابه بنت ذيابه]

الاثيوبيات حيل حارات هذي هي عند اختي ..بس تقولين لها كلمه عصبت وطنقرت

انا جربت الاندونيسيه حيل زينه وجربت نيباليه ماجربت الاثيوبيات والله لا يحدني عليهم <اخاف منهم لوووول

 

[PuPa^^SWeeT]

الاثيوبيات مايصلحون للاطفال



وانتي عندج عيال



انا مع ام كوثر


جنسية ثانية اهون منها


فليبينية ولا نيبالية ولا سيلانية ولا هندية


انا عندي نيباليات

اتعامل مع الغباء افضل من الطناقر

 

[( حاملة المسك )]

كلهمممممممم ماتضمنينهم كله يرجع على شخصيتها مو على جنسيتها
اذا انتي فبيت بروحك حطي كيمرات وهي ماتدري وشوفي تعاملها مع الجهال
أنا خدامتي حليووه بس ماأظمنها كلللش لابغيت أداوم قلتلها أخذي أغراض الجهال
كلللها وأنزلي تحت حتى تبدل لهم الحفاضه (الله يكرمكم) تحت أخليها عند عمتي أم زوجي
تراقبها أروح وأنا مرتاحه هذولا جهالك ربي راح يسألك عنهم حرام تعذبهم الخدامه وأنتي ماتدرين