شورا علي ابوي ماخذ معاشي

[همس الخفوووووق]

السلام عليكم
ضايقه فيني الدنيا
ابي مساعدتكم الله يجزاكم الجنه
بقولكم سالفتي وانتم عطوني رايكم ونصايحكم


@@@انا متزوجه وان شاء الله بعد شهرين بحيب بنوته
انا موظفه ومعاشي على قد حالي وزوجي معاشه كله يروح على اقساط سياره وايجار بيت واقساط تلفون وما يصفى له الا 100
المهم سالفتي تبدأ مع ابوي:-
مدري اشلون خذا فلوس على اسمي وكشفوه الشركه والحين قاعدين يخصمون من معاشي
وانا مالي ذنب ادفعها
يعني اتعب في وظيفتي وقومة الصبح وحمال
والمعاش ما يصفى منه الا 300
ابوي ما عليه قاصر عنده خير ما شاء الله
ولو انه بحاجتها ما بخلت عليه
بس انا بحاجتها وراي التزامات وبيبي ومستشفى خاص
واهو قلت له يروح يدفعها كلها علشان يوقفون الخصم
بس مو راضي يقول عادي خليهم يخصمون..
شسوي!!!!

 

[Tom ♥ Jerry]

,


بعد شتسوين هاذا ابوج !
الله كريم حياتي و احتسبي الأجر
مأجورة يارررب

 

[قطوووة]

شلون ياخذ فلوس باسمج ؟
منو المسؤول عن هالغلطة ؟؟؟؟

عنده توكيل منج ولا شي ثاني

لان ان ماعنده توكيل ترى مصيبه

 

[e.ngland]

صح مايصير ياخذ من فلوسج شيء وانتي ماتدرين
والله يهديه حده غلطان
وصج انه ابوج بس انتي متزوجة واهو ماله شغل فيج خلاص شحقه ياخذ فلوسج
كلمية بلساهل واذا مارضى
شوفي المشكله شنو عنده توكيل ولا عنده رقم حسابج وعالجيها بحيث مايمد ايده على فلوسج

الله يهديه يارب

 

[امـ خــزامـى]

الله يهديه ويصبررررك

 

[عسل حدي]

السالفه ماتدش العقل مايصير ياخذ فلوس على اسمج ومن شركه او حتى حكومه الا اذا قرض وانتي الكفيل واهو مو مسدد

 

[granted]

مو فاهمة على العموم كملي سداد الاقصاط وشوفي شلون قدر ابوج ياخذ قرض باسمج شنو فوضة اهي
طبعا وحاولي اذا مسويتله توكيل عام مو اي توكيل يقدر يتحكم بحسابج
اذا مسوية توكيل الغية لان هذي الطريقة الوحيدة الي يقدر ياخذ قرض بسمج
انج تكونين مسويتله توكيل عااام فقط ألغيه وانتهينا
ولا تواجهين ابوج ولا تطالبينة وصفي قلبج من ناحيته حبيبتي الله يعوض عليج

 

[بودي حبيبي]

ما ادري شقولك صراحههذا ابوج وماتقدرين تسوين شي
بس شوفي شلون قدر ياخذ عليج ،، عشان ماتكبر السالفه

 

[بنفسج ..~]

يحليله عالأقل خلى لج 300 دينار خخخخخ
كريم ما شاء الله عليه ..
خوفيه .. بعد مالج إلا هذي
قوليله بستقيل وشيل الاقساط عني
ولا برفع قضية أنه هالأقساط اللي تنخاذ مني فيها خطأ ومو انا اللي ماخذهالفلوس
حوسيه شوي يمكن يخاف ويسدد ..
وعاد تحملي شراح يجيج من الهواش والهياط بس بالاخر الحمدلله أنتي متزوجة منتي بحاله

 

[ناتشوو]

باختصار

انت ومالك لأبيك

رايي من راي توم وجيري
واللي سواه مو مبرر لانج تفكرين
تسيئين له
ماينتج عن البر بالوالدين الا كل خير
مهما طال الزمان بيرد لج الخير
وديري بالج
تحشين او تشتكين منه عند زوجج

وانتهى الموضوع دام ناقشتيه ورفض
اكيد له اسبابه حتى لو غير مقنعه
لج

احتسبي الاجر

 

[ديزاينر الكويت]

كل شئ يرخص له
كل هذا علي جم فلس
شنو يعني فدوه له

 

[دانة_ دبي]

1- لو مسوية توكيل عام ألغيه بسرعه
2- لو عنده بطاقة البنك كنسليها بسرعه


انتي متزوجة و عيب ياخذ منج وهو مرتاح ماديا
عيل شو جمعتي لج للمستقبل !!!
خلج جادة لا تناقشينه حاليا بس كنسلي التوكيل او البطايق اللي باسمج
ولو فتح معاج الموضوع قولي كاش ما يكفيني معاشي وانت ما شاء الله مرتاح وانا عندي التزامات مالية

 

[sh_mashael]

هاذا ابوج

شتسوين بعد

خلاص لا تتمننين عشان لا يروح الاجر

 

[عزيز قلبي]

مع ناتشوا

 

[mahawe]

ياربي بنات ردو بعقل شوي ندري أن أبوها على عينا وراسنا وله حق عليها لاكن ريلها منتف وأهية مايبقالها شي وأبوها مرتاح ماديا ومو راصي يسدد من وين بتعيش لو وحده مارة بها الظرف جان أحتاست أنا أقول كلمي أحد يمون على أبوج عمج مثلا أو أحد حيل قريب منة خل يسدد ولا كنسلي احسابج غيري بنك ثاني أي شي المهم يوقف الخصم .

 

[منـآل]

ناتشو ،
كفيتي ووفيتي ?

 

[MiSTaKe]

بنات شفيكم

كل ماقلنا موضوع نطولي اللي يدشون بالدين وبالحرام وبالحلال وابوج واهلج ومادري شنو
على عيني وراسي بس بالعقل البنت تقولكم ابوقها مقتدر واهي وزوجها منتفين وفوق هذا ماخذ الفلوس من غير استئذان
هذا ظلم واذا صج اهو مقتدر كلميه ودوري ورا هالسالفه وتحققي من الموضوع شالسالفه اصلا قانونيا مايقدر يسوي هالحركه شلون صايره جذي
خرعيه مثل ماقالت وحده من البنات وقوليله بروح حق محامي ..الخ والله يهدي ابوج

 

[pusy cat]

الظاهر انتي مسويتله توكيل عام

ديري بالج تلجئين للقضاء هذا ابوج مهما كان

كلميه مره ومرتين وعشر واستخيري عشان الله يوفقج وادعي ان الله يحنن قلبه عليج

ماتدرين يمكن قاعد يخشلج فلوس مايبيج تلعبين بفلوسج او مايبي زوجج ياخذ معاشج

انتي ادرى بأبوج

بس نصيحه لا تشتكين عليه ابد حتى لو كان ظالم تصبري والله يفرجها عليج انشالله

 

[همس الخفوووووق]

مشكورين لكل اللي رد علي ايه مسويتله توكيل
من قبل ما اتزوج
يعني قبل 6 سنين
وغصب مخليني اسويه انا لو يخصمون شهر شهرين عادي تفداه بس بيتمون يخصمون من معاشي لمدة سنتين

 

[غلايو]

اختي

قولي ابوج

ابوي ابي سلف ٥ لاف دينار

محتاجه وما اقدر اخذ قرض لانك محطي علي قرض لسنتين

طلعي حجه للفلوس انج تبينها وحني عليه وزني لين يعطيج
او قوليله بستقيل مديري خايس
نفسيتي تعبت اي شي