شهر عسل عروسه قديمه ..... ماليزيآ .... ولا ماليزيا \ تايلند

[{ ليت ظني كآن صآيب }]

هاي بنــــآت

انا عروسه قديمه >> طالعه من الاربعين فديتني

انا ان شاء الله بسافر ماليزيا شهر7

طبعا انا وزوجي

حجزنا التذاكر .....


بس مارتبنا امورنا ..... اول شي جم ناخذ معانا ميزانيه ( سكن +رحلات + شوبنق )

احنا حاطين حوالي 1200 غير التذاكر طبعا



وودنا نسافر تايلند مناك على اير اسيااااااااااا >>> شرايكم نروح تايلند ولا بس ماليزيا


احنا بنروح 18 يوم ... ناس قالوا لي واجد على ماليزيا مروا تايلند بطريجكم >> حق الفراره بالمجمعات

وناس قالوا روحوا بس ماليزيا واستانسوا

والله دخت من كثر مااقرا مواضيع وتجارب البنات بالسفر


بنات هذا بيكون شهر عسل لان من تزوجت ماسافرت


بليز هلب ؟

 

[n-h-m]

انا بعد نفسج بالظبط


اتمنى يفيدونا الخوات في المنتدى

 

[ArEEj]

اذا بتروحين تايلند تقصدين بوكيت
ماله داعى تروحين بييانغ لانهم نفس الشي تقريبا
مع العلم ان مدتج قصيره 18 يوم
تكفيج بس تفرين ماليزيا
لان كثر التنقل والسفر متعب
اما اذا بخاطرج بوكيت الغى بييانيغ من الخطه

ونصيحه حجزي الفنادق من الانترنت حييييييل ارخص
وحتى تذاكرج مالت اير اسيا اخذى من موقعهم مباشره
ارخص لج

واذا بغيتي اى استفسار طرشي لي رساله خاصه

 

[lolo6688]

اي تقدرين تروحين بوكيت بتايلند ترى تذاكر اير اسيا رخيصه يعني شخصين يمكن 30 دينار رايح راد - وتقدرين تروحين سنغافورا بعد
بس اذا حاطه فبالج تروحين لنكاوي او بيننغ ماراح يمدي

 

[{ ليت ظني كآن صآيب }]

ثانكس

بنـــــــــات

 

[(( غلا زوجـي ))]

حبيبتي انا انصحج اتروحين ماليزيا بس
لان ماليزيا عجيبة من ناحية السياحة والسوق اهم شي بصراحة سوقهم عجييييييب
عندج جنتج منطقة جبلية فيها طبيعة روووعة وهم سوق حلو وبعد عندج كوالالمبور العاصمة فيها مجمعات راح تتعبين وانتي تفترين
واسعار المجمعات في الرخيص وفي وسط وفي غالي علي حسب مشترياتج وبخصوص تايلند انا عمري مارحت لها بس زوجي راح وماعجبتة ايقول مستواها ولاشي عند ماليزيا واسواقها ارق حيل من تايلند والناس اذواق

 

[كويتية بسيطة]

السلام عليكم
هذا أول رد أكتبه على الموقع،،،،،،،،،،،،،،،
حبيبتي أنا بعد ودي أجدد شهر العسل لاني عروس قديمة ،،،هاهاها
بعد البحث لمدة أشهر على النت أكتشفت إن ماليزيا هي أفضل مكان للشهر العسل والعشاق،،
لذلك جحزت لماليزيا هذا الصيف أنا وزوجي وبس بدون اليهال.
أنصحج بماليزيا دون تايلند.
وشكرا

 

[{ ليت ظني كآن صآيب }]

ثانكس لكل اللي ردوا


شلت تايلند من راسي بس بعرف ماليزيــآ جم بتكلفني 18 يوم

 

[ArEEj]

تكلفج بالكثيرررررررررررررر0
2000 د-ك الفين دينار
وممكن اقل

بالتذاكر والسكن والتمشي

 

[{ ليت ظني كآن صآيب }]

اريج متاكده من كلامج ...؟

لان لما حسبتها الفنادق بروحها بتكلفني 650 >> كلها اربع نجوم

وجم نحتاج مصروف جيب يومي انا وزوجي يعني للتاكسي والرحلات والاكل ابي مبلغ تقريبي

وتاكدت من حجزنا طلع 20 يوم مو 18

ادري تعبتج معاي بس حابه استفيد منج بما ان عندج خبره وانتي كريمه واحنا نستاهل

 

[فرحه عمر]

حبيبتي فنادق شرق اسيا ال 4 نجوم مثل ال 5 ماكو فرق وايد كلهم نظاف
نصيحتي بيننغ حلوه وماتتطوف و خوف فندق عندج اسمه بي فيو بيتش bay view beach 4 ايام كافي فيها منطقه حلوه و نظيفه يودونج رحلات و احسن شي التكسي اللي اخذكم من المطار عباره عن مكتب سياحي تتفقون معاه يوديكم الاماكن بالليل في سوق الليل هادي ومافي خرابيط وعندج الميغا مول حلوه تسوق و فوق في صاله بولينغ حلوه وفي ثلج مثل دبي تقدرين تروحين حديقه الفراشات او مصنع الخام او مزارع الفراوله

لنقاوي نفس مستوى بيننغ ماكو فرق يعني نفس الاماكن فيه خوش فندق اسمه wistine تختارين اما الفندق غرف او فيلا بغرفه نوم فيها حمام سباحه خاص يعني ممكن تختارين بيننغ او لنفاوي بس بيننغ اونس

كوالالمبور في فندق اسمه مندرين خوووووووووووووش موقع ابد عند مجمع ال klcc برجين ماليزيا المشهورين توحين له مشي هذا يبيله 4 ايام بروحه يعني كوالالمبور يبلها 8 ايام كافي وتقدرين تروحين جنتنغ هذي بارده شوي على جبل عندج خيارين اما تروحين لها يوم برحله باص وتردين لان يوم وليله كافي عليها بيوم واحد تفرينها كلها لانها عباره عن 3 فنادق مشبوكه ببعض و الارضي كله العاب و سينما ومطاعم بس ماكو تمشي بره هالمكان

بس نصيحه بوكيت لا تفرطين فيها و بتدعيلي خصوصا اذا شهر عسل يديد وافضل تروحين لها اول عشان طالعه من الاربعين يعني جوها حلو حق ال_03BA: ههههههههههه و احسن فندق اهو بان تاي ban thai احلا من الهوليدي ان عند البوابه مطعم المكدونالز و ستاربكس و هاجنداز و صيدليه و كل شي قريب منه ولااااااااااااااااااااااااااااا تطوفين رحله جيمس بوند حدها رومانسيه و بعد فيه الفانتسي ولرد fantasi world عرض مو طبيعي وبعدها عقب ما تضبطين الريال توجهي الا ماليزيا ههههههههههههههههه حق السوق عشان ما يتأفف
ودوري في المنتدى من البنات اللي راحو شنو اماكن التسوق واسامي المجمعات

اي نسيت لا يقصون عليج بفندق الاحصنه الذهبيه ترى قلعه وادرين
وصن واي لاجون مثل الترفيهيه و الاكوابارك ماتسوي تحجزين فندق الا اذا عاد عندج يهال و هم بعد ماتسوي طريجها جنج رايحه الترفيهيه مو بعيد

وسلامتج بس لا تنسين تدعيلي اذا رحتي بوكت
انا ناويه بعد الولاده بس بولد شهر 12 الدرب طووووووووووووووووووووووووووووويل

يمكن شهر 7 امطار ترى بس لاتحكرون روحكم طلعو مجمعات
يااااااااااااااااااااا كثر قرقتي

 

[ArEEj]

التكلفه الاجماليه يحددها نوع فنادقج اللى اخترتيها
ومن وين حجزتيها ؟؟ سفريات ؟؟ ولا من الانترنت ؟؟

وبالنسبة للمصاريف مو غاليه ماليزيا
الف دينار كافيه اذا انتو اثنين بس
الا اذا ناويه تتسوقين عدل عدل زيدي المصروف حبتين

 

[{ ليت ظني كآن صآيب }]

فرحة عمر ثانكس حياتي ماقصرتي معلوماتج حلوه ومفيده ... !


\


اريج .... بعد عمري والله تعبتج معاي

الفنادق كلها من النت وان شاء الله سهالات

ماقصرتي الله لايقصر بعمرج

 

[*peace*]

حبيبتي 1200 غير التذاكر؟؟

يعني ال 1200 شاملة الفنادق؟؟

اذا اي

لازم تزيدين شوي اذا ببالج تتسوقين تسوق يبرد الجبد

يعني يبيلج غير التذاكر والفنادق

1000<<بس للمواصلات والأكل والتسوق خاصة انج بتطولين 20 يوم (لاتنسين تصلون استخاره ضروري)

هذا من وجهة نظري انا بس حبيت اساعدج حبيبتي عشان تطلعين حرتج بالتسوق لان سوق كوالالمبور يعور القلب

 

[شيهانه20211]

انا بعد مثلش لمن اطلع من الارعين
عروووووووووووووووووس
بسافر بس ماليزيا و المالديف
الله يكتب الي فيه الخير و ما يغير رايه الرجال