شهر عسلي ويييين أقضية

[Om 7amoody]

السلام عليكم نساء كويتيات
ان شاء اللة كلكم تمام و مية مية
آنا حاليا حامل باشهر الثامن وولادتي على أول مايو :ioljnmlk:و زوجي مواعدني يوديني اسبوعين أوروبا شهر عسل لأي 3 دول بأوروبا أختارهم اذا طلعت من الأربعين :jbdwjbd على نص يونيو يعني تقريبا 13 / 6/ 09). آنا من قبل سافرت النمسا ( فيينا , زلمسي و سالزبورغ ) و ميونخ و زيورخ .

ودي أزور باريس هالمرة بس ما أدري أزور شنو معاها و شنو الترتيب ( شنو أول شنو تالي ) كم يوم كل دولة و شنو أزور فيها , شنو أحسن الفنادق و هكذا . اشرايكم لندن , باريس , سويسرا أو باريس , سويسرا , ايطاليا . بس شنو المناطق المهمة هناك اللي تحسون انها رومانسية وحلوة و طبيعتها حلوة :33_1185028183: . آنا أدري بهالوقت يكون الجو حلو و آنا و زوجي نحب المشي وايد وايد

آنا مو وايد أحب التسوق أهم شي أشوف شي يديد و عجيب و غريب , مناظر حلوة و هكذا

أفيديوني أفادكم اللة
أبي فزعتكم ووقفتكم معاي أبي أبلش حجز التذاكر و الفنادق من ألحين ​

 

[make up]

اذا تحبين تقدرين تروحين بكروز داخل اوربا واااااااايد روعه ويكون في فعاليات وكل يوم يوديج منطقة وانتي تختارين الي الرحله الي تبينها وعدد الايام
www.cruses.com

 

[طرحة عروس]

موضوعج واااااااااااااايد حلو وانا بالفعل كنت حاطه نفس ترتيبج وودي اول شي باريس انا زواجي قريب وودي شهر العسل ابديه بباريس مع ان خطيبي كل سنه هناك ومايشجعني وايد عليها بس قلت فخاطري

فقال ممكن السفره تكون باريس-جنيف-(بلجيكا او هولندا) هو رايح هولندا ويمدحها


اتمنى البنات يفيدونج اكثر عشان نستفيد معاج والله يقومج بالسلامه

 

[Om 7amoody]

حبيبتي mack - up فكرة وايد حلوة بس أتوقع الجو بهذا الوقت يكون حيل بارد و غيم .

مشكورة حبيبتي طرحة عروس اللة يوفقك و يهنيج و تروحين شهر عسل ما حصلش .​

 

[sverige]

مرحبا شلونج ان شاء الله تمام وبخير
ومبروك مقدما عالطفل يتربى بعزكم ان شاء الله
وتكومين بالسلامة ان شاء الله
شنو رايج تروحين ايطاليا واسبانيا؟؟؟ كلش حلوين والسياحة بيهم تجنن بس شنو حيكون الجو حر
او تجين يمنا بيوتبوري؟؟ هم حلوة اصلا تجنن بالمناسبة يوتبوري مدينة سويدية مهمة جدا ويسموها لندن الصغرى
انت بعد اعرف بالاماكن اللي تعجبج اكثر
ان شاء الله تتونسين وين متروحين
تحياتي

 

[فرنسا]

شوفي حبيبتي اذا بتاخذين سيار راح يكون الخيار جهة الشمال .........او الجنوب الشرقي ......لوول حصة اجتماعيات
شوفي انا افضل تنزلين تحت باريس يعني تروحين باريس تقعدين فيها وتشوفينها ..ايفل والشانز والسوق وكل اللي تبين يعتمد على مدة اقامتج ,تطلعين منها لمنطقة انسي ركزي مو نانسي .لان نانسي جهة الشرق والثانية جنوب غرب ......هالمنطقة احلى منطقة اوربية زرتها الصراحة تهبل جو وطبيعة وبحيرة خطيرة وتطلعين منها لمنطقة الشامونية تقريبا ساعة بالسيارة وتصعدين اعلى قمة المونت بلانك لكن اخذي احتياطج باللبس لا تثلجين
وتقدرين تروحين منها لجنيف تقريبا ساعة ونص الا ساعتين بالسيارة او اقل ...... وجنيف وايفيان ومونترو وغيرهم مناطق سويسرا تراحدهم جراب من بعض روحي لوزيرن حلوة البحيرة وحجزي لمصنع ايفيان بس قبلها باسبوع عن طريق الفندق وفي منطقة فيها شلالات تهبل بس نسيت اسمها وفي مصنع الجبن جارير وايد حلو تطلعين منة عالقلعة ومن تصعدين تطلين عالحديقة تهبل وايد ملونة وعندج بعد مصنع نستلة وكل المناطق يم بعض يعني انا رحت المصنع ونستلة بيوم واحد
ومنطقة ليون تصير بالعكس غرب انسي بس عادية مافيها شي زايد بس تقدرين اتمشين بالجهة القديمة من المدينة وتصعديين القلعة فوق

لكن اذا بتروحين من باريس جهة الشمال فروحي بالبداية منطقة بروج وايد هادية صايرة انهار صغيرة فيها وحلو التمشي بعربة الحصان يورونج المعالم وفيها سكة مادري ممر اصغر ممر اتقلقصين فية بس وايد يومين او 3 عليها
بروكسل بعد تونس فيها البج كاربت السجادة الكبيرة ... بس بسرعة تملين منها
وتطلعين منها على هولندا تقريبا من بروج الى هولندا ساعتين .... انا رحت موتردام بس حده عادية الكلام وايد عليها وانا توقعت ان هولندا احلى من جذية لكن اهي تجربة عشان اشوفها ...... لاهاي تونس بس انا حدي اتحمل 3 ايام

اتمنى اكون فدتج واي استفسار عالخاص اخاف ما ارجع للموضوع