شهالانانيه !! خلي ريلج يتزوج عليج و نحل مشكله العنوسه

[BaBy^faCe]

والله حجي فاضي
انتي خلي هذا الي حاط الموضوع
هالفكرة فعلا في ناس تؤيدها و متبنيتها .. يقولون بيحطون قانون ان الريال ياخذ فلوس حق الثانية مثل ماخذا حق الاولى
حتى لو ما تطبق هالشي و طبعا هالشي مستبعد .. بس اشلووووووون في أحد عاقل يحل مشكلة وحدة و يفتح بيباان مشاكل اكبر و العن ..

لو خيرهم طافح و زايد خل يتبرعون حق هالهنادوة و العمال و الشباب الي صج مو قادرين يتزوجون ..!!
مو يروح يخرب اسرة مستقرة بعذر الاصلاح
يا الله ع الرياييل شلون يدورون العذر دواااااارة

الاسلام وصى بالاسرة و انها نواة المجتمع .. و التعدد مباح و موواجب متى يستوعبون هالشي
بعدين الرسول عليه الصلاة و السلام تنبأ ان راح ايي زمن فيه عدد الحريم اكثر من الرياييل و ماظنتي ياب طاري تزوجو على حريمكم و ساعدوهم ;p

صايرينلي مسلسل عايزة اتجوز
والله هالرياييل راكبتهم الانانية من ساسهم لي راسهم

 

[al-musk]

اي كلن يغني على ليلاه

 

[@نداوي@]

رد : شهالانانيه !! خلي ريلج يتزوج عليج و نحل مشكله العنوسه

يازينه بعد يعرف الانانيه
وانشالله انا بشوف زوجي يتزوج وابضحك ولا استانس ..
يسلام سلام ماناقص الا ...

 

[الفدنه]

لوووووووووووووووووووووول
حلوه

 

[miss_ano0oma]

طاح حظه ايي والله ..
واحنا شكوو ..

 

[احبس دموعي]

عاد اليوم النائب الدويسان يطالب بمنحه لمن يرغب بالزواج بأخرى عشان يحل مشكله العنوسه وتشجيع للزوجه الثانيه
كل وحده صوتت له تروح تزنطه ههههههههههههههه
يحليلهم قلبهم رهييف يحبون يحلون المشاكل بمشاكل اكبر

 

[حبي حبيبي]

اول شي خل يقدر يفتح بيت وااحد عشان يفتح بيتيين
بشش حده يحلم

خل يتزوج على مرته عشان اييله الضغط والسكري و كل الامراض النفسيه ;@

 

[حبي حبيبي]

عاد اليوم النائب الدويسان يطالب بمنحه لمن يرغب بالزواج بأخرى عشان يحل مشكله العنوسه وتشجيع للزوجه الثانيه
كل وحده صوتت له تروح تزنطه ههههههههههههههه
يحليلهم قلبهم رهييف يحبون يحلون المشاكل بمشاكل اكبر

لووول

مو من صجه حرررررررررررررنييي

والله ان وافقو عالطلب الحريم بتحووشهم جلطه كل وحده تربط ريلها لوول

 

[Reeaam]

الله يهديه

 

[تنـــاســـانــي]

لووووووووووووول والله ضحكتوني ،، هذا مادري شسالفته يعني شوف العذر القبيح ،، قلبه على البنات وياد طيب شفيكم عليه :hjy5jewf:

لا يبا مو من صجه اكيد يضحك

هذا موضوع للضحك عادة يسولفون فيه
لأن الاصل عدم التعدد
والمعددين اقل بكثير من اللي مكتفين بوحدة
فلا تنغثون
من الموضوع
تلقون صاحب الموضوع عزوبي
بس وده يتضحك
ويغث خواته العضوات بالمنتدى
انا يمكن اللي يضيق خلقي اني دايما اسمع لولا ضيق المادة والواحد مايلحق على اكثر من بيت
جان مااكتفى بوحدة!

لا والله والله من صجه و معصب على الحريم اللي مو راضين ،، موضوعه واصل 12 صفحه

 

[ريتااجي]

رد : شهالانانيه !! خلي ريلج يتزوج عليج و نحل مشكله العنوسه

أنا مو بس أنانية إلا أم الأنانية أنا

كيفي أبي ريلي لي لحالي ماأبي أحد يشاركني فيه

وربي يرزق كل الآنسات والحين في زمنا مافي شي اسمه عواانس

 

[بنت.المطيري]

ان شالله مااصير مصلحه اجتماعيه على حساب سعادتي*

وان شالله ماامسك زوجي واقوله روح تزوج واكسب اجر ..@@

اهو صح يحز بالخاطر لمااشوف بنات مثل الورد وذهبه ليلحين مايا نصيبها ..

بس حالهم مو واقف عالمتزوج .. ليش مايوجه كلامه لمعشر الشباب العزوبيه اللي صكوا 30 وليلحين ماتزوجووا*


وبعدين الواحد يالله يعوبل بمرا وحده .. احس وايد صعبه ثنتين .. اغلب شبابنا علا طرق المعاش*

يالله ايزيه اهو ومرته هالنوب يحط علة ثانيه @@

اهو مجتمعنا محتاج اصلاح ..

السالفه ان المقتدر اذا يبي يتزوج مو خايف من مرته .. صح والا غلطانه ؟؟

بيتزوج غصبا علا خشمها*

وسبب غلبة الماي على الطحين ع قولته*

ان اهل البنات يتشرطون وايد*

او البنت شايفه عمرها*


او ناطرة تتخرج ..والحين مايتزوجون الا 25 وفوق*

والشباب مايبون يتزوجون

او كلهم ياخذون من برا*



الدولة لازم تتدخل وتحط الحلو .. ماتنفع المجهودات الفرديه وهالخمبقه*


وانا عن نفسي مارضا ريلي يتزوج ..


صعبه ارضا ومحد يرضا .. بس ان صار مادري يمكن ماراح اوزه يطلقها لان مارضاها حرام :/*

والريال كثر مااسمع منكم انه عله عموما .. فاتشارك بهالعله مع غيري ولا اقعد بروحي خخخخخخخخ


واكسب اجر*

<< ماعليكم منها تتفلسف

 

[تنـــاســـانــي]

ريتااجي ،، انا منبع الانانيه عيل

Bnt Elm6airy : اذا في من مرته قصور خل يروح يتزوج الله يسهل دربه لكن والله مافيها شي و يبي يتزوج علشان يحل مشكله العنوسه

اهوا من طريج و انا من طريج خل حنيته تنفعه <<< انتي عزوبيه شاده حيلج ليش

يسلموووووووووو ع المرور

 

[Loutes]

رد : شهالانانيه !! خلي ريلج يتزوج عليج و نحل مشكله العنوسه

والله شيء يححححر

 

[Miss Cherry]

بنات اللي يشوفكم يقول الرياجيل بيردون عليكم ولا بياخذون رايكم خخخخخخخخخخخخخخخ

اللي بيتزوج صج وعازم النيه مايرده شي وقراره بيده مو ناطر راي مرته .. والحين بعد فيها فلوس يعني كلهم بيتزوجون هههههههههههههههه

على فكره انا متزوجه عشان ما تاكلوني بس ..

بعدين شفيه المنتدى اليوم هذا رابع موضوع اقرا عن نفس السالفه امبيه ماكو مواضيع شنو

 

[om MaRyooM]

اخ بس

شنقول .. المشكلة ان الشرع حلل

 

[روح مغليهآ]

يتزوج علي ولايزني بالحراام انتو وين عقولكم

البنوته اللي تبي زوجي مايغلى عليها

 

[عادت ذكرياتي]

آخ بس

 

[تنـــاســـانــي]

روح مغليها ،، من برات ألبك هالحكي صدقيني ،،

ام مريوم الشرع حلل اربع بس بشروط الشرع ماحلل اربع علشان الريال يحل مشكله العنوسه

يسلمووووو ع المرور بنات و صج والله سالفه تحر

 

[بنت.المطيري]

^^ امبله حبيبتي

هذي من حكم ربي والله

وروحي سئلي اهل الدين


والريال مو محتاج هذر عسلن يتزوج .. هذا حلال مباح بدون شروط

بس لازم يعدل