شني اضافاتج للقهوه الخليجيه..غير الهيل والقهوه طبعا

[اخت الغالي الغائب]

كل ست بيت لها طريقه بصنع القهوه (طبعا القهوه الخليجيه)
في ناس قهوتهم صج صج تعدل الراس
خاصه لاصرتي راده من فرارت السوق ولقيتي القهوه قدامج
ويمها صحن الحلو يميم يمممممممم هنيه عاد تفرق القهوه الزينه واللي تعدل الراس من غيرها
انا وحده اموت على القهوه =محسوبتكم راعية كيف
بقولكم طريقة قهوتي:فنجان قهوه+ملعقه هيل ملعقه صغيره زعفران ملعقه وسط كوفي ميت
ومرات اضيف لها ماء ورد ومااحب القهوه تسويها الخدامه مااستطعمها مادري ليش
واذا سيرت على ناس اميز اذا قهوتهم وجايهم مسوينها الخدم والا لا
وامي تحط مع القهوه شيبه ودارسين احيانا
عاد يالله ياحلوين كل وحده تقولنا طريقة قهوتها

 

[جورية كويتية]

شوفي هالموضوع

http://www.q8yat.net/showthread.php?t=7896

​

 

[جارة القمر]

أكثر شي الناس تحب


تحط المسمار والزعفران


والكوفي ميت

 

[ّأشواق]

انا احط بالمطاره قفشة هيل وقفشة بهار القهوه اللي عند اللي يبيعون التمور وعن تجربه افضل نوع بهار قهوة القصيم عجييييييييييييييب وقهوتج مو تصير مضبوطه الا مضبوطه ونص

 

[autointoxication]

من وين بهار القهوة ؟

وايد اسمع عنه

احنا نزيد هيل و زعفران بس

في ناس تزيد مسمار (انا ما احبه)

و في ناس تزيد كوفي ميت

 

[supermarket]

احنا بس هيل وزعفران

لامسمار ولا كوفي ميت

 

[rr202rr]

كوفي ميت وزعفران ومسمار وهيييل

 

[الرها]

احط شويه كافي وحليب سائل بدل الكوفي ميت تطلع حلوووووووووووووووه

 

[اخت الغالي الغائب]

مشكورين حبايبي واحلى تحيه لاحلى جوريه مشكوره بعد قلبي على الرابط اللي استفدت منه

 

[النوالنو]

للي تميز قهوتج نوعيه القهوه والهيل والزعفران والحمسه طبعنا

قهوه نبياري مع الحمسه المظبوطه
هيل سوبر امريكي
زعفران الاصلي
مع تطلع حلوه الا تهبل

 

[ورد وكادي]

مسمار وزنجبيل مطحون

 

[أوريو]

بس احط هييل وزعفران وساعات كوفي ميت

بس مره جربت احط حليب ابو قوس المركز مو وايد شويه نقطه بس

طلع روووعه

 

[عالي مستواها]

كوفي ميت وهيل طبعــًا

ومرات نضيف زعفران ومسمار على حسب المزاااج

 

[autointoxication]

ما قلتولي شسالفة بهارات القهوة ؟

من وين احصلها؟

 

[المـ انـ يـه]

حليب سائل مو كرنيشن لا ابو قوس
شوفي شلون يبين الطعم بالقهوه
مع زعفران ودارسين وشوي زنجبيل
ويم يم مع حلا

 

[Athwaq]

قهوه

شوية هيل

مسمار حبه وحده بس ماحب نكهته القويه او 2 اذا كانوا صغيرونين

زعفران

حليب مركز ماركة ابو قوس (و المهيّل يكون احلى و احلى) - و اذا ماكان متوفر احط قفشة حليب بودر اذوبه بشوووييية ماي

و بالدله او المطاره احط هيل حب كامل خمطه ترس الايد و شوية زعفران

و لازم انا اللي اسويها حق البيت او حق الضيوف .. والا محد يشرب قهوه في البيت


حتى اذا يوني خطّاب هم انا اللي ادش المطبخ بكشختي و اسويها :dddds:

و لازم اسويها و تنشرب على طول .. طفااارتي قهوه تطول بالمطاره

 

[التحدى والاصرار]

ينن الموضوع

 

[بحرينية محرقية]

احيانا احط حبة مسمار لانه ريحته قوية

وصار لي فترة استخدم هالخلطة ومنها هلي اغلبهم يستخدمونها وام زوجي حبتها وايد
وكل من يسالها شلون تسوي قهوتها .. للاسف ما تنباع عندنا فالبحرين الا اذا كانو حريم اييبونها من السعودية

هاي صورة الخلطة ..

انا دلتي صغيرة احط ملعقة صغيرة من هالخلطة فالدلة مو الغوري
واكون مجهزة القهوة واغليها عادي احط قفشة ونص قهوة وعقب فالدلة ..
لون وطعم حلو وترى فالخلطة زعفران.. وهيل

 

[<< أزيان >>]

احط خلطة القصيم

اتينن عجيييييييييييييييبه

واشتريها من محل تمور بسوق لندن من بره

اسمه القطوف الدانيه

صارلي 5 سنين وانا ماغيرتها والكل يسأل شنو سر قهوتي احط منها ملعقه وحده مع ملعقة هيل داخل المطاره

بس تغلي القهوه ربع ساعه اصبها بالمطاره فوق الخلطه والهيل يمي يمي قاعده اشربها

 

[<< أزيان >>]

احيانا احط حبة مسمار لانه ريحته قوية

وصار لي فترة استخدم هالخلطة ومنها هلي اغلبهم يستخدمونها وام زوجي حبتها وايد
وكل من يسالها شلون تسوي قهوتها .. للاسف ما تنباع عندنا فالبحرين الا اذا كانو حريم اييبونها من السعودية

هاي صورة الخلطة ..

انا دلتي صغيرة احط ملعقة صغيرة من هالخلطة فالدلة مو الغوري
واكون مجهزة القهوة واغليها عادي احط قفشة ونص قهوة وعقب فالدلة ..
لون وطعم حلو وترى فالخلطة زعفران.. وهيل

عدل كلامج حبيبتي هذا نفس خلطتي عجييييييييييييييييييييييييبه

بنات تلقونها بمحلات التمور انا اشتريها من محل اسمه

القطوف الدانيه

بسوق لندن من برا