شنو يلعبون اعيالكم في البيت

[fife4ever]

حبيت نتناقس وندردش

شنو يلعبون اعيالك في البيت
يعني العاب المعروفه او تحرصون انها تكون تعليميه وترفيهي في نفس الوقت

وطيب حبيت اعرف شلون تعلمون اعيالكم يعني الارقام والاحرف اذا هم اصغار عن طريق اللعب او تحددون وقت لتعليمهم

انا اتكلم عن الاطفال ماقبل وقت المدرسة

 

[هياوووووووي]

أختي عندج مركز التعليم المبكر Elc
عنده العاب حلوة وتعليمية في نفس الوقت أنا دايما آخذ حق عيالي من عندهم...

 

[xxx]

هلا فايف

الالعاب العاديه ملوت اليهال (تركيب - كره - ..الخ)

بس اذا تبين يلقط بسرعه اشتريله اشرطة تعليمية (أحرف - ارقام ..الخ)

الياهل واهوا صغير يركز على السمع أكثر من أي شي ثاني وبسرعه يتعلم

 

[miss fabulosity]

هياوى وين موجود elc بالكويت

 

[أم فرووحة]

وسومه تلقينه بالمثنى على ما أظن

 

[الأماكن]

أولا :: تسلمين عالموضووووع :eh_s(15):

شوفي حبيبتي آنا ولدي لعبه مثل باقي هالأطفااال
يعني لعب صبياااااان
مثلاسياراااااات,طياااااارااااات,جيش,شرطة,أسلحة مسدساااات ورشااااشاااات:eh_s(13): ,ويحب يجمع الأشياء الغريبة مثل ألعاب كيندر البيضة,الألعاب الصغيرة ,......إلــــخ)

ُثــــــانيا:: إشتريله أشرطة تعليمية حلوة مثل(بارني \ تيلي تابيز \ ميكي ماوس...إلـــــخ))

و علشان الطفل يتعلم بسرعة إقري له قصص ..(نصحية من أبلة ولدي)
إخذيه معاج السوق و خليه يختار القصة اللي يبيها
و الأحسن القصص اللي تكوون ملوووونة و مصنوعة من الكرتووون القوي عشان ماتخترب
وبالسيارة أو بالبيت شغلي له كاسيت أغاني الأطفال التعليمية ..وتتكلم عن الأرقام و الأحرف
تلقينهم في محلات مذر كير سئلي عنهم..

أنا شريت حق ولدي جم قصة وشريط كاسيت من لندن فضيييييييع ولدي إستانس عليهم

وبالطريقة هذه راح تلاحظين عيالج يحفظووون بطريقة أسرع
عالأقل يتعلموووون عيالنا شي ينفع

تصدقين ... أول ما طلعت إغنية هيفاء وهبي ((بوس الواوا))
حفظها ولدي على طوووول
:eh_s(14): والله إنبطت جبدي ... فعشااان جذيه عيالنا يحفظوووون على طريقة الأغاني و الأناااااشيييييد

:eh_s(17): :eh_s(17): :eh_s(17): :eh_s(17):
شجعيه على القراءة و حفظيه جم سورة سهلة من القرآن

 

[fife4ever]

مشكورين حبيباتي
انا للاسف افتقد الفلام التعليميه
او سي دي
اما اللعب مو عارفه شلون العب معاه شوي وامل بس الحفظ الحمدالله بفظل ربي حافظ ولدي لاني دايم اردد عليه الصور الصغيره وهذا من فضله انه حافظهم

اما الافلام التعليميه كلها بالانجليزي ما في بالعربي شيء حلو

 

[جروح تبتسم]

انا بالغالب عيالي كله الوان واشتريت لهم سبوره واقلام وساعات ( اذا فضيت ) اقعد اراجع معاهم اللي يعطونهم بالحضانه والروضه
ماشاءالله تبارك الله ولدي بو3سنوات يعد الي الرقم 10 بالانجليزي بس يخطر الرقم 9 هههههههههههه مادري ليش
الله يحفظ لج وليدج ويطلع من اذكى الاذكياء وكليه زعتر
وعلمي يسبح باسم الله على طول صج صغير انا ولدي بالروضه على طول اعلمه يسبح والحين اتعلم ماشالله عليه دوم يسبح ...

 

[مـسـك العجمي]

الاحرف والارقام في البدايه اخذي الالعاب التركيب او اخذي شريط لغتي العربيه اللي حق اولي ابتدائي خوش شريط يعلم الاطفال قبل لا يدخلون المدرسه وفي السياره حطي شريط العفاسي اذكار الصباح والمساء بنتي اولي روضه اسم الله عليها حفظته وفيه جزء عم لتحفيظ القرآن حق العفاسي بعد

 

[رفرف]

انا بنتي تعلمت كل شي من القصص اشتريلها من جرير قصص اليهال وعلمتها الاشكال والألوان والحيوانات بالعربي والانجليزي حتى قبل لا تدخل الحضانة ..

واشرطة الفيديو عندها بارني يهبل كنت اسجلهم لها من ام بي سي3 عندها الحين يمكن 6 اشرطة وايد تعلمت منهم احسن لها من مجابل التلفزيون عالفاضي ..

والالعاب العادية انا احب الالعاب الحركية فخذيت لها زحلاقية صغيرونة مو خطرة ونطاطية وسيارة صغيرة علشان تفرغ طاقتها شوي ..

والوان الاصابع والالوان المائية من بو 100 يونسون ويتعلم الياهل خلط الألوان ..

 

[fife4ever]

سؤال كلكم تقولون انى بارني يعلم شنو يعلمهم انا بصراحه ما اشوفه دايم احيانا اشوفه معي ولدي

 

[رنين]

أكثر شي فرق معاي بفهامية ولدي و سرعة تجاوبه العاب التركيب....


لما عطيته مجال شلت كلللللللل انواع الالعاب و ماخليت له شي يلعب فيه الا التركيب...و الله بظرف اسبوعين تقريبا فرق علي تجاوبه و فهاميته!


و اشوفه اذا بيلعب فيهم يركز و لحد يكلمه و مندمج و لو أناديه بامي و ابوي ما يرد مشغوووووووووووووول

مير مدري شسالفته مل منهم الظاهر ها الايام


شغلات ثانيه استفدت منها(تعليميا) مع عيالي خصوصا بسالفه العد و تعلم الألوان و الارقام و الاشكال...
موقع شفته هني بالمنتدى(تعلم الرياضيات)
http://www.rainforestmaths.com/

لشافني ولدي قاعده عالكمبيوتر سيده يجيني (أبي مربع)
و قبلها عيزت ابي افهمه الفرق بين المربع و الدائره ماكو فايده حتى بالحضانه يدرسونهم مافطن الا على ها البرنامج باللعب لقط جم معلومه.


و برامج التلفزيون حاولت أخليهم يحبون بارني بس ما استانسوا عليه مدري ليش؟
مع ان اللي اشغله لهم مدبلج يعني بالعربي...

بس أكثر شي اندمجوا عليه و حبوا و فرقوا معاي بمعلوماتهم فيه هو طبعا(افتح يا سمسم)
يحطونه على قناة الرساله.
يتراوالي اللي حببهم فيه اني اقعد معاهم لأني أنا استمتع بمتابعته و يعيد في بالي ذكريات الطفولة الغراء.
عكس بارني اشغله لهم و اروح فما جذبهم.

غير الياهل ياخذ الشي لصرتوا حوله عن لما تكونين بعيده سبحان الله!

 

[fife4ever]

رنين مشكوره حبيبتي على الموقع

 

[الوردة المكنونة]

انا بنتي عمرها سنتين
شريت لها بورد وعلقته في غرفته وكل يوم اقعد معاها واكتب الارقام من 1 لي 10 وانا اكتب اقول الرقم بصوت عالي وهي تقول وراي وماسكه قلم وقاعده تخبط يمي على البورد وبعد اسبوع وانا قاعده كالعاده اكتب اشوفها بروحها قالت الارقام من 1 لي 10 وانا كل هالمده عبالي مطنشتي وتخربط على البورد

شاريتلها عباة صلاه وسجاده كل ما اصلي تروح تييب عباتها وسجادتها وتجابلني مره تسوي نفسي مره تنام على السجاده وبعد فترة لاحظتها تسبح مثلي اذا امسكت المسباح

واذا صار مطر ابطل الباب وارفع ايدي ادعي وهي يمي توقف تسوي نفسي والحين بس تشوف المطر توقف وترفع ايدها وتقول يالله عاد مادري تدعيلي ولا تدعي علي لووووول

العب معاها ورقه ( جنجفه ) خاصه للأطفال عليها أسماء الفواكه والخضار وصوره انا اقط الورقه وأقول اسم نوع الفاكهه وهي قامت تسوي نفسي خلال 3 أيام احفظت جميع انواع الفاكه ما شاء الله عليها

اما الالوان علمتها عن طريق حلاو m&m اي حبه تاكلها اقولها لونها وبعدين اسألها أي لون تبين وتقول اللون اذا صح اعطيها واذا غلط تروح عليها وحفظت اللون (الأحمر _ الاخضر_ الاصفر_ الازرق_ البني_ الابيض_البرتقالي) وان شاء اعلمها باجي الالوان عن قريب

ان شاء الله تستفيدون من تجربتي

 

[lolo77]

انا اعيالي اصبيان
يعني العاب السيارت اشكال والوان واحجام عندهم
ومسدسات والعاب جيش وكووووور وقاري يلعبون
وبالنسبه للتعليم
علمتهم الالوان من لعبة الاونووووو
اعطيهم اورا واقول يالله كل لون نحطه

 

[fife4ever]

الوردة المكنونة
حلو طريقة السبوره
بس سؤال هذى الجنجفة على الفواكة وين الاقيها

 

[fife4ever]

lolo77

مشكوره حبيبتي

 

[بيت التوت]

ماشاءالله عليكم يانات لكويت صج سنعات

استفدة انا منكم

ياحبي لكم

 

[بيت التوت]

الورده المكنونه

الله يجزاج خير اي جذي لازم انعلم اعيالنا اصول الدين

حتي مانتحاسب عنهم يوم القيمه ونكسب ثواهم

والحين ولدي اسم الله عليه ايصلي معاي ومتل ماقلتي اينام علي السجاده

ياقلبي عليهم

الله ايحفظهم لنا

 

[السنعة2]

انا طريقتي مع عيالي سبورة مغناطيس وصور مجموعات
مجموعة حيوانات و خضراوات وفواكة
احط عليهم مغناطيس واعلقهم ونحاول نقول ونسوي سباقات
بس نصيحة المسألة يبيلها سعة صدر ووقت على ماتلقين نتيجة
وبعد احاول اكتب اساميهم ومع الوقت يتعرفون على اسامي كل الاشخاص الي حواليهم
وصراحة حق الارقام والاحرف مسرحية عبدالرحمن العقل Abcd
فيها اغاني سهلة تنحفظ بسرعة
وسلامتكم وعسى الله يخلي لكم عيالكم