شنو يكون موقفج ؟؟ بتزعلين و لا أكبر طاف !!

[مسؤولة تعيين]

حبيبتي قولي لرفيجتج بتعيشين وتشوفين وااايد


انا اول الفترات كنت اتظايق وابجي واقول حق زوجي .. وهااات يا مشااكل
اخر شي شريت راااحتي عطيتهم اكبر طاااااااااااف

وبصراحة ماقمت اوجبهم .. ليش ؟؟ لأنهم مايقولولي

يعني مثلا يقولولي ليش مارحتي لفلانة تزوجت

اقولهم محد قالي شدراني بالله ورحتولها كلكم ماقلتلولي انا من وين بعرف

وهكذااااا ليمن ارتحت نفسيا لأني مقتنعه ان ماكو شي غصب


واهما كيفهم مااجبرهم على نفسي

.
نفس رايي لا توجبهم انا محد حطم نفسيتي غير سوالفهم حماتي تنخطب ويقصون مهرها وانا معاهم بالبيت مايقولون لي !وطبعا حق التعب والطبخ والتقديم يبوني ايي والله كنت اروح كل مناسباتهم افراح واحزان حتى هم بنفسهم ماكانوا يروحون شقول بس الشق عوووووووووود يختج وهم عمرهم ماوجبوني ولا وجبو اهلي فخلاص عزلت نفسي وقمت انزل مع ريلي بالشهر مره بسسسسسس وهالمره احسها وايد عليهم اصلا

 

[دلوعة أبوهآ]

عامليهم بالمثل : )

 

[Om zayd]

طااااف ولا تفكر ارضاء الناس صعب

 

[ثريا الكون]

انا رايي دام ما يوجبونهاا لا تحرق اعصابها بس اهي تسوي باصلهاا يعني تعزمهم وتكلمهم عادي لان بالنهايه اهل ريلهاا وحلو حق بعدين ما يمسكون عليها ممسك

 

[ملكة الفرس]

.
نفس رايي لا توجبهم انا محد حطم نفسيتي غير سوالفهم حماتي تنخطب ويقصون مهرها وانا معاهم بالبيت مايقولون لي !وطبعا حق التعب والطبخ والتقديم يبوني ايي والله كنت اروح كل مناسباتهم افراح واحزان حتى هم بنفسهم ماكانوا يروحون شقول بس الشق عوووووووووود يختج وهم عمرهم ماوجبوني ولا وجبو اهلي فخلاص عزلت نفسي وقمت انزل مع ريلي بالشهر مره بسسسسسس وهالمره احسها وايد عليهم اصلا

معاج بكل كلمه قلتيها ...

أهل الريل يبيلهم جذي ... لين الوحده عزتهم يقعدون على راسها لكن لين الوحده ما تحسب لهم حساب أهني يحسون فيها و يعرفون من نفسهم...

مثل ما قلتي أكبر طاف و عيش سعيد....

 

[حلمي الجنه]

وييييي اكبر طاف
أريح لنفسيه وبلا هم ولا مشاكل
عاد لو تشوف حمولتي تشق اهدومها بالرغم من انها خالتي اخت امي
احيانا امر اسلم عليهم وروح بيت اهلي لي جيت بالليل اكتشف انه كان عندهم عشا وزيطه زنبليطه
لما انزل عندهم محد يفكر يسويلي جاي وقهوه بس لما يجي احد ثاني مشاء الله يصيرون هبات ريح
اخر عشا اكلته عندهم بعيد الفطر بالرغم انه الله الشاهد علي انه معاملتي حيللل زينه معاهم ودايم أحاول اكسبهم بس الشكوى لله
نصيحه و الله كل ما غطتهم طاف وقللته من روحتها لهم كل ما عبروها واحسبوا احسابها*

 

[الحللللوه]

الله يعيين

 

[بدون هويه]

كلن يعمل باصله ولا تعبرهم بعدين اللى تقول ما سألت نفسها شنو السبب مو شرط يكون فيه سبب نص الحموله الله يهديم جذي
انا اول ما تزوجت ما شافوا مني شي احسن واغلا الهدايا لهم والكلام الحلو لهم والتطنز والله على ما اقول شهيد شغال بدون سبب ولا حرف كنت ارد لانى مو راعيه مشاكل ولا انا قد الناس اللى شفتهم يموتون على الفتنه والتطنز ليومج هذا عزايم وحفلات ومناسبات وجمعات والا ادري عنها ما يقولون لي بالمره وعلى قولت بعض الخوات كنت ازعل واقول لزوجي شنو الشي اللى سويته لهم يعاملوني جذي اهو قام يشوف بعينه بس ما يبي يقول هذولي اهلي اخر شي قال اذا اعزموج تبين تروحين روحي ماتبين على راحتج فيه ناس تشوف مرت الولد عدو لهم ما يقولون ام عيالنا مرت ولدنا صارت وحده منا والحين عايشه حياتي بروحي مالي شغل فيهم تعبت وانا اروح واوجب ولا احد معبرني قلت احفظ نفسي احسن شي واللي عليه سويته ولا انا مستعده طول عمري اركض وادور رضاهم اهم شي زوجي عسى الله يصلح من شانه

 

[عنووشه]

هذولا حمولتج مو اهلج


لا تعطينهم اكبر من حجمهم وتطيرين فيهم واااجد


عطيهم اكبر طااااااف بالكون وعييشي حياتج. لانه ياما بتشوووفين

 

[انثى بحق]

والله أهم شي زووجها يكون عارف الموضوع .. والمهم راحتها اهي معاه .. وأهله اذا ما يبون يعزمون
مو لازم أنا أشوف ما فيها شي وماكو شي غصب .. وبيني وبينج أحسن من القيل والقال والغثا .. بس
ها قوليها تدير بالها انها تسوي نفس الشي وما تعزمهم لأن زوجها اول من بينقد عليها بهالتصرف وكل واحد يسوي بأصله ..
الله المستعان ..​

 

[[[ عيون جابر ]]]

صراحه بالنسبه لي اريحلي ماعزمهم ولا يعزموني لا فلانه قالت ولا فلانه سوت الحموله ماوراهم الا عوار القلب
والي مايوجها لا توجبه

 

[ملكة الفرس]

كلن يعمل باصله ولا تعبرهم بعدين اللى تقول ما سألت نفسها شنو السبب مو شرط يكون فيه سبب نص الحموله الله يهديم جذي
انا اول ما تزوجت ما شافوا مني شي احسن واغلا الهدايا لهم والكلام الحلو لهم والتطنز والله على ما اقول شهيد شغال بدون سبب ولا حرف كنت ارد لانى مو راعيه مشاكل ولا انا قد الناس اللى شفتهم يموتون على الفتنه والتطنز ليومج هذا عزايم وحفلات ومناسبات وجمعات والا ادري عنها ما يقولون لي بالمره وعلى قولت بعض الخوات كنت ازعل واقول لزوجي شنو الشي اللى سويته لهم يعاملوني جذي اهو قام يشوف بعينه بس ما يبي يقول هذولي اهلي اخر شي قال اذا اعزموج تبين تروحين روحي ماتبين على راحتج فيه ناس تشوف مرت الولد عدو لهم ما يقولون ام عيالنا مرت ولدنا صارت وحده منا والحين عايشه حياتي بروحي مالي شغل فيهم تعبت وانا اروح واوجب ولا احد معبرني قلت احفظ نفسي احسن شي واللي عليه سويته ولا انا مستعده طول عمري اركض وادور رضاهم اهم شي زوجي عسى الله يصلح من شانه

صراحه ردج عين العقل ...
و عجبني حييييل ... الحموله لزم الواحد كثر ما يقدر أنه يبتعد عنهم لأنه الحموله بروحهم عوار قلب...

تقريبا حمولتي مثل حمولتي بألأول كنت اوجبهم و أغلى الهدايا و أحترمهم و اعزهم وكل شي زين سويته و اهمه يا تنقز و يا حجي يقطونه علي كل كلمه وزنها طن والله العظيم أحسها مثل السم كنت أفكر و أقول يعني الانسان مهما يعمل من خير يلقى شر ؟؟؟
بالأخير قلت ليش أغث نفسي بالعكس اعيش حياتي و اعز نفسي عنهم..
صراحه من ابتعد عنهم و صرت رسميه معاهم حييييييل أرتحت و حتى صحتي ردت ... خليها على الله ...
أقعد أفتح المصحف و أقرا و استغفر و اسبح أبرك لكي بمليون مره من مجابلهم ...
أسوي شي ينفعني لآخرتي ...

 

[انثى عاشقة]

اقنور واذا سوت عزايم هي بعد تعطيهم طاف وخلاص ​

 

[منال $]

حسب حبيبي نوع العزومة ومين الي معزوم فيها

وبعدين لية ما عزموها يمكن متضايقين منها من شي وهي مو عااااااااااااارفة مثلا

 

[زوجي توأم روحي]

شئ يغث بصراحة

واللى تقول طاف انا معاها

بس لو الوحده عندها عيال وبنات كبار لازم يكون بين الأهل روابط قوية

عيل التفكك الأسرى اللى بالكويت شويه :cxxxp:
شوفوا أهل الكويت قبل قلب واحد حتى الجار ينعد أكثر من الأخو

 

[ام سلمان]

أكبر طاااااف بتموت يعني اذا ماعزموها ولاتشره ولاشي عادي الوضع يمكن يبون ياخذون راحتهم بينهم بين بعض 

 

[PuPa^^SWeeT]

والله ياقلبي


ساعات الحمولة تبي خصوووصية مثل ما احنا نبي خصووصية


سوالف الخطبة المبدئية و حتى الرسمية ساعات يكونون متخوفين ولا مستعيلين ولا ماحصلوو وقت


التمسي ال70 عذر

بس ياقلبي انتي وياهم بنفس البيت ؟؟؟


شلوون عيل لو بررة ؟؟؟

مو قصدي انهم غلطانين


لا انتي شكلج ماتنزلين عندهم

وتبين مناسباتهم لج و ماتبينهم اهم


سوووري



انتي ماحددتي نوع علاقتج فيهم


لو انها مياانة و مع بعض و سمعتي عن عزيمة مايبيلها نزلي من غير عزيمة


لو عادية اوكي تحتاجين مو عزييمة بس عالاقل تبليغ انه فيه ناس لو يبونج بالقعدة


بس لو انتي رافعة الجام

طبيعي بيرفعون اهم الجام


وبالنهاية حتى لو الحمولة عسووولة و اتهبل

تبقى تبي خصوصيتها بيمعاتها


يعني الحيين كذا موضوع ابو ريلي يسالني وين رايحة و كل من هب ليش يسالج قطييعة هذا عم المفروض اهون من الخالة و من الحجي الماسخ



بس الحين موضوعج يدل على انه الخصوصية مطلووبة من الطرفين

مو معناته انتي دشيتي اتقطين الاولي والتالي عندهم

ولا اهم بعد


احترام الخصوصيات يعيشج ملكة

وعدم سؤالج تبحرج ورا اسرااارهم يريحج من اموور كثيرة

يبقى شنو ياقلبي


قوليلي انتي

ممكن عمتج اخت ابوج اتسوي عزييمة صح ( انزيين هذي من صلة رحم و دم ) البعض ماينادي الكل

حسب القعدة والمدعوين صح ؟؟؟


نفس الشي


يمكن حمولتج لهم ناس مايبونج تحتكين وياهم


فيهم شي


ولا عندهم اسرار عائلية بيتداولونها بالقعدة


طبيعي




انسي الموضوع

واذا انتي شايلة نفسج عن حمولتج انصحج واصليهم اذا تبين عزايمهم ولو المفروض اتحبينهم قبل