شنو يعني السيدياوالجلبريك

[فديت قلب ابوي]

السلام عليكم بنات شلونكم
​

حبايبي واييد اشوف البنات يكتبوب السيديا والجليبريك عن الايفون وانا عندي السيديا الايقونه لونها بوني بس ماعرف شنو اهي واللي تعرف تعلمني شسوي فيه
عاد مادري كاتبه اسمه صح ولا مخي فاصل:d:d

 

[HaWeK]

كاتبتها صح وانصحج ماتفتحينها خير شر انا اقولج ليش
شوفي طال عمرج من الجلبيريك تنزيل السيديا ومن السيديا تنزلين منه برنامج فري
وترا ممنوع لانه يخرب الجهاز لو ماتعرفين له .. والشركه اللي شريتيها منها ماتقدر تصلحه لج ( عن طريق الكفاله) تعفينها من هالشئ .. ولو تلاحظين لمن تشترين ايفون _ايبود_ ايباد بالكفاله يكتبون البرامج الممنوعه اللي المفروض ماتنزلينها ومنها الجلبريك والسيديا , عرفتي؟

وللاسف انا ادري بهشئ وهم نزلته علا جهازي وقعدت العب فيه >> ما اقدر إيدي تحكني لازم اتعبث واسوي روحي ذكية لوول
لين خرب جهازي وصارله فوق الشهر علا شاشته السوده مو راضي يشتغل لول والشركة مارضت علا الكفاله وقالت الكلام اللي قلته مساع , وعيزانه اودي مكان ثاني لول الحين قاطته بدرج

فا نصيحه لا تلعبين فيه , واحسن لج لو تمسحينه من اساسه

 

[فديت قلب ابوي]

حياتي تسلمين ياقلبو ع النصيحه بس انا بغيت اسوي دليت حق السيديا بس ماطلع فوق الايقونه اكس لانه اساسي
​

 

[مس ميمي]

وشو هذا السيديا والجلبريك قريت عنهم واجد بس ماعرفت حق وشوو

بصراحه معقد الايباد لو ادري ان كذا ماخذته حتى مقاطع ام بي ثري مايفتح

 

[قَلبيْ صُويبكْ !]

,




صج أنه مشاكله كثيره بس الآيفون مو شيء بدونه
وأعتبره شيء أساسي

نصيحه للي مآتعرفه
سوي سيرج عنه وشوفي مقاطع ع اليويتوب بتعرفين مميزاته أكثر من العيوب

 

[مشاعر منثوره]

يعطيك آلعآآفيه

 

[MeMo cute]

آلسيديآ آهـو نفسسه آلجلبريگ يعني كل ششي فيييه فرري بس گلشش مو زيـن يبطئ آلجهآز ويقدر آحد يخترق آلجهآز بس مآآنصحچ تبطليينه لو تمسحينـه آحسن لآنه يخخرب آلجهآز

 

[فديت قلب ابوي]

تسلمين حبيبتي ماقصرتو كويتيات

 

[بتبوتااا]

حتى انا كان ودي اعرف والحمدلله عرفت

 

[مدام فاشن]

انا هم كنت ابي اعرف وعرفت


تسلمووون بنات على الشرح

 

[نمله معضله]

يسسلمو

 

[جَ ــgدْ ،*]

السيديآ للي يحبون سوآلف النغمآت و الثيمآت وخلفيات وشاشة القفل يعني للناس اللي تحب تحوس و تستكشف :eh_s(15):
بالنسبة لي ما استغني عنه مستحيييييييل لأنه مضبطلي الأيفون عدل ​