شنو يعنيلج

[mss.lol]

بناااات
شلونكم شخباركم
_03BA:

سؤال1 :حق كل مربية حيوان
شنو يعنيلج ؟؟

`````````````
انا قطوتي تعنيلي كل شي يعني قطوتي حافضة اسراري ومشاركتني بكل لحضه
حزن فرح سعاده وكانت تذاكر معاي ايام المدارس:dddds:
لاني ماعندي خوات فهي صارتلي ونيس ولمن تغيب عني احس ان شي ناقص من روتيني لاني انا اقعد وياها طول الوقت وبعد ماعندي طلعات وايد فهي متعوده علي واذا طلعت تروح تدورني وتنادي علي وماتقعد الا اذا شافتني وبعد واااااايد اشياء بكتبها بس ابي ردودكم اول .


يلا ابي اراكم :eh_s(6):

 

[دمي مـטּ ذهب]

بالأول شنو تعنيلي هامستراتي ؟؟

حيوانات ونيسه تحسين روحج كأنج أمهم اذا ربيتيهم يهبلون خصيصا اذا عرفتي عنهم أكثر وأكثر حبوبين وايد واذ1 عشتي معاهم كل فتره بحياتهم راح تتعلقين فيهم حيييل وانا أحبهم بصراحه وتربيتهم حلووووه وسهله

وثانياً شنو تعنيلي قطوتي سوسوو ؟؟

وايد حلوه وحبيتها من أول نظره لووول مع أنها وايد شيطونه وكله تنخش مني مادري ليش يقولون لأني كله أمعص فيها لووول عاد والله أحبها ودايما أعطيها حنان ومادري شسالفتها مع الأكل أبيها تنتفخ واهي شكلها مسويه رجيم يمكن كل هذ1 لأنها يديده وتونا ما تأقلمنا مع بعض بس ان شاء الله مع الأيام نتكيف مع بعض :/~

ومشكوووره ع الموضوع وااايد حلووو حبيبتي :]

 

[ســكــّر]

تسلمين على الموضوع الحلو


وآآيد تعنيلي قطوتي اموت فيها يعني تخيلو لما اقعد من النوم لازم ابووسها ومرات احب اتحرش فيها واطفرها

واخليها تعصب وتعضني هههههههههههه احلى شي لما اذنها ترجع ورا وتعضني حيل وانا اركض واهيا وراي

سبحان الله اخذت قلبي ولازم اشوفها دايما


حبي لها مستحيل اووصفه ^^
لانه بصراحه تعلقت فيها حيل حيل
والله يخليها لي


مشكوره ..

 

[ياعشيري جعلك السلال]

انا احسهم عيالي بطة ونونو كبروا بنزوجهم قريب واحد خاطبته سويت حق لولي

والصغار الـ 5 يهبلوون ياخذون القلب ماغير مجابلتهم وتبوس فيهم

والفايتر الـ3 احبهم حييل واسولف معاهم واحس انهم يعرفوني من امسك الغرشه واقربها مني يقعدون يطالعوني ونطيح له مخازز وسوالف

 

[Kawaii GiяL]

شوفي انا اربي سوري و السوري غير عن الروسي مجبوره تحبينه و ادلعينه لان لو حبج تعلق فيج بس المصيبه اذا ما تعود عليج او كرهج
,,, جاري السحب عليج ,, لوووووول فا لازم تربطين علاقه وديه مع هامستراتج السوريه و الروسيه

اما الروسي بالضبط مثل الرجل الشرقي يحبج على قد الاكل اللي تعطينه ههههههههههههه حبه من معدته ^_^

اما اهما شنو بالنسبه لي ,, اهما حبايبي اللي ربيتهم و دلعتهم ووكلتهم و نظفتلهم و سبحتهم و صرفت عليهم ,,
و على صوت عجلاتهم بانصاف الليالي اقعد

انا حمامه السلام لي تهاوشو اصلح بينهم ,,, و انا ونيستهم و هم اللي مونسيني ,, مخاوين الليل مع بعض يحوسون بغرفتي و بين ملابسي و ينخشون تحت اللحاف يلعبون غميضه لوووول شدعوه

بس كل هامستر حتا لو بعته يترك اثر و طابع بقلبي له ذكرياته و شخصيته غير ,, حتا لو كان عندج يوز او مجموعه يتشابهون

انا الوحيده اللي اعرفهم مو من الشكل والله من الشخصيه و الحركات لان تحفظينهم ,, الله يخليهم و يطول بعمرهم حتن بعد البيعه تحاتينهم ههههه

 

[sweet cake]

لولي هذي بنتي.. بنات والله شعور الأمومه جربته مرتين.. اول مره لما انولدت اختي الصغيره لأني انا وندوش اللي اخذناها واهتمينا فيها وانا اللي كنت ابي امي تحمل .. ومن حملت انا جابلت البيبي فـ عرفت معنى الأمومه .. وبعدها جتني لولي وكانت عنونه وتجنن.. ومن جتني وانا مستانسه وشوي شوي تعلقت فيني وحسيت بشعور الأمومه من جديد..>> والله صج

حلاتها من تطلع من غرفتي وتسمع صوتي تجي تركض وتقعد عندي .. ولا تكون منخشه بالسرداب ولما تسمعني فتحت باب الغرفه اسمع صوت جرسها وهي تركض وتجي بسرررع كأنها مايكل شوماخر وتقحص ليييييين توصل عند رجولي وتبدا بالدلع..

ولا أحلى شي لما تجي تنام شلون تفصل الا تنام على ايدي وتحضنها..


احبها وامووووووت فيها والدليل اني رديت اهلي من سفرتهم بسرعه عشان اشوفها ..>> مع ان راعي البيت اللي سكنا فيه قال رمضان اخذوه بـ بلاش بس كيفه اهم شي اشوف لولي

 

[3w!Shni]

احبوووووووو حبن جمنننن

والله شقولج

نفس ماقالو البنات

لازم اول ماقوم من النوم امطخ فيه و المة و اطفره و اذا ما طولت بالنومه اهو يبدا يلحس خدي و ينونو علي يعني قومي ..

لما يشوفني توني بنام .. تبدى شطانته وانا اخليه لانه يضحك واهو يلعب بالظلمة ويحذف بالاشياء يووووي

و لازم ينام يمي .. يا يلم ايدي و لا حاط راسه عند راسي ولام رقبتي لوووول ولا حاطايده على ويهي لوووووول حبيبي فديته

ومرات اقوم من النوم بس عشان اجيك عليه .. و اوكله قبل لا اكل .. و اخاف عليه .. والعبه نلحق بعض لووول ..

يعني مثل امه وجنه ولدي ماتحسين انه حيوان او انه مايفهم .. علاقه عجيبه سبحان الله تتولد بينكم

وامي يوم شافتني شلون احبه و ادلعه قالتلي شكلج خوارة مع عيالج بتدلعينه لين تخربينهم وانا احسبج شديده لوووول

جكتنييي

 

[ريولا دورفيل]

ما حبيت اطلع بدوون ما ارد يثلمووو على الموضوع الحلوو بس ترى انا ما عندي لا قطو ولا يحزنوون
تقبلي مروري
تحياتي:
ريولا دورفيل

 

[mss.lol]

صح

تحسينهم انهم عيالج واذا بتعدو عنج

تحسين ان شي ناقص

مشكوووووورين على مشاركتكم
بالموضوع

:eh_s(8):

 

[@لشموخي روايهـ@]

مـوضوعـــــــــــــــكـ جنـان
وانـــــــا>>واعوذ بالله من كلمـه انـا>>خخخخ
اذا شـــــــــريتي قلت لكـــــــــــمـ تجـــــــــربتــــــــــــــي...
يثــــــــــــــلمـو ع الموزوووع..

 

[mss.lol]

يسلمووو بنات على تفاعلكم
:>

 

[بــدويه]

انا الصج الصج حيل حيل احبها ..

بصرااحه نفس كلام سويت احس اني امها والله من تغيب شوي احاتيها وين راحت احوس البيت حوس عليها ومن اقول ميمي بصوت عال تجي تركض تركض وتطالعني وتنحاااش فديتها تحب تلعب ..

ولا إذا شافت احد يركض تركض وراه وتتعلق برجوله خخخخخخخ .. ومرات تزعل بس وهـ زعل بدلع شي مو طبيعي وتخز بطريف عين ..

حيل متعلقه فيها مرات اسولف معاها واحسها تفهم ؟؟ والله بنات احسهم يفهومن ,,

بصراحه حيل تعني لي وما اتخيل افقدها .. يارب الله يخليها ويحفظهاا ,,,

أحبهـــااا :$

 

[sweet cake]

بدويه انا اقول لج صج يفهمون..
طالعيها وابتسمي >> لما تكون رايقه طبعا << صدقيني تسوي شي تبين انها ترد لج الابتسامه..
مرات تجيني لولي وتحط ايدها على خدي ومرات تغمض .. احبها والله

 

[lojeeen]

بدويه و سويت كيك صاجين القطاوه يفهمون علينا ( قبل يومين مادوكا بالت على سريري و انتو بالكرامه خزيتها بعصبيه المسكينه تمشي لورى و اتطيح و اذانيها تربطت و كلها تدودهت و لما صرخت باسمها المسكينه كلها طاحت من السرير و انحاشت من غرفتي ههههههههه ما يسوى عليها المسكينه ) :denya:

و بالنسبه لي قطاوتي لما اكون معاهم اكون بعالم ثاني ^_____________^ عالم حلو و خيالي
قلبي ينترس دفى و حنان منهم لما يتجمعون حولي و كل واحد يخمش برجولي و ملابسي حتى اشيلهم على كتفي صج صج القطاوه لي حبيتيهم يتصرفون بعاطفه معانا انا لما احضنهم اشوفهم يلمسون راسهم براسي حيل و يلمسون خدي بيدهم الناعمه بدون ما يخمشوني بأضافرهم هههههههههههه :eh_s(22):

صج قلبي متروس منهم لدرجه اني ماحس بالوقت معاهم و اقعد بالساعات اراقب حركات كل قطوه عندي طريقه اكلهم و شربهم و نومهم و لعبهم شي يشوووق و مريح حيل :edbf4317b9: