شنو هالتحضر اللي خلانا ننسى ديننا..عطينا مفهومج للتحضر.

[عيالي...حياتي...]

تروح المول جنها رايحه عرس او حفله او زوارة بنات مكياج صارخ تسريحه لبس الله عالم فيه يفضح مايستر صبغ اظافر او ..
وتقول عادي انا حضريه... ((مسكينه))

قاعده بالكفي وزقارتها بايدها وتقول عادي انا حضريه..(( مسكينه ))

لو سمحتي ....
انا ما يهمني شنو وجهة نظرج و كل واحد لة الحرية اقول راية ...
بس هل الجملتين صراحة ما عجبوني ولا ارضاها ...
انا حضرية و افتخر اب نفسي .. و ادري انا الكل يحسدنا علي حياتنا شلون عايشينها ...(طبعا ما اقصد انا احنا انعيش بالطريقة الي وصفتيها .... احنا الحضر ما نسوي هالاشياء ,, و اذا فية تري كل الناس فيهم عيوب )

انا ما حبيت ارد ...
بس اهني بالمنتدي لية احد ياب طاري البدو هبيتاااو بويوهنا و ماترضون علي نفسكم ...
و هم احنا الحضر ما نرضي احد امسنا اب ولا كلمة ....

التصرفات الي قاعدة تقولينها غلط و عيب ومحد يزضاها ...
بس الحضر محد يغصبج تسوين شي مومقتنعه فية .... وفوق هذا عندنا عاداتنا و تقاليدنا

والي تقول عوايل الطبقة المخملية و مو عاجبينها ....عمرنا ماسمعن بالخطبة البنت تطلع مع خطيبها ...
صح احنا عندنا فترة خطبة و البنت تكلم خطيبها شهووور لين يقتنعون انهم يصلحون حق بعض و بعلم اهلها بعد ز ازورهم البيت و اهلها موجودين ... هذا زواج مو لعبة ..(احسن من ناس يمنعون حتي الشوفة الشرعية!!!)

انا مابي اتصادم مع احد ...
بس الكلام الي قلتية غللللللللللللللللللللللللللللللللللط و غلط

و مشكوووورة

ياحبيبتي الله يهداج اكيد انتي فاهمخ غلط وعلى فكره انا امي حضريه وبنت اياويد وابوي من اعرق اصول البدو ويشرفني ويزيدني فخر اني انتمي للحضر والبدو

والحمدلله ماعمرنا شفنا بنات خالاتنا وخوالنا متفصخين
ويهيتون بالشوارع
بالعكس والله حرام اظلمهم .
لانهم من اخير الناس واكثرهم تطور وحضاره وايمان برب العالمين


انا كان قصدي هاللي يطلعون والله عالم باشكالهم امها يمها مستتره واهي مابقى احد ما بقق اعيونه عليها من تفصخها والله ان الوحده نص صدرها مبين واتمشى عااااااااااااادي ولا جنه شئ حرام مسويته

وشاكره لج رايه
والله يهدي عبيده ويحمي بناتنا واعيالنا من الفتن..

 

[نعومه حدي]

انا اقولج عن البعض اللي يقولون احنا متحضرين
في ناس عندهم التحضر بالكلام ويعيبون على وحده ماتتكلم حضري <<<<<<<<<<خخخخ خوؤوش حضارة
يعني عندهم الحضارة على الحجي الكويتي وشوي ايراني وشوي انجليزي خلالاص هذي خوش حضرية وذربة
لا يبه عمره التحضر ماكان بالكلام مع احترامي لكلام الحضري وانا وحده حضرية بس مومعناها ان اعيب على غيري
بس الحمدلله ووالشكر يبطون جبدي اللي يعيبون على الكلام خلاص يبه كل حده وكيفها تتحجى اللي تبي يعني لي وحده تحجت بدوي قبو عليها لحضر ولي وحده تحجت عيمي قبو عليها البدو شسالفة جنه الحضارة بالكلام واللكنه
الحضارة بالاخلاق والعلم والتميز والحشمة مو لتفصخ وطريقة الكلام
لا والاحلى من جذي لي شافوا وحده منقبة او لابسة عباية عالراس قالوا ويه هذي معقده وجاهلة
يعني لي وحده بغت تستر عمرها وتحتشم بلبسها قالوا عنها متخلفة
والله التخلف هالافكار الغريبة اللي في بال البعض
ويسلموؤؤ

 

[iron women]

خواتي شالسالفة عسا ماشر ماصار موضوع هاذا اللي محطتو بالحضر محاط يبا محد تكلم عالبدو كلهم والف نعم فيهم

وكلنا نسايب حضر وبدو وعايشين بديرة وحده بس سالفة كل ماتكلمت وحدة طحتو بالحضر طيحة وغلطتو عليهم مايصير هالحجي

الحين صارو الحضر فايروس المجتمع لايبا موصحيح هالكلام انا عادة ماحب اتكلم بهالمواضيع بس شفت السالفة زادة عن حدها

وهالشي مايرضي احد الحين صارو الحضر اهم الهيلق والمتخلفين والرجعين على اى اساس ؟

ماجنهم اهم اللي بنو السور واهم النواخذة واهما التجار واهما اللي تعلمو ودرسو من طلع شي اسمه الكويت

وفي وايد كلام عندي بس مابي اقوله الحين مو وقته بس كل شوي طالعه اخت اتسب واتغلط بالحظر هاذا كلام مومقبول

قلت يمكن وحده يمكن ثنتين طوفنا بس كل وحده داشه ورافعة راية الجهاد وهجوووووووم على شنو بالله ليش ليش

كل هاذا؟ بعد مابقى الا تقولون ان الحضر دخلاء عالمجتمع الكويتي بلا خو هاذا اللي ناقص هدو اللعب شوية مختبين ومشققين علقكم على شنو؟

عيزنا نقول ياجماعة كلنا كويتيين حضر وبدو وسنة وشيعة لاتفرقون ماكو فايدة

ثاني شي الكل صار ايقيم اخلاق البنات على اساس الحجاب والنقاب والعباية على اي اساس بكيفكم تقيمون لا يبا واذا السفور صارت بنظر البعض اهيا الغير محترمة واللي ماتستحي هم السواد الاعضم من المتحجبات والمتنقبات شفنا منهم الجلا والبلا خو المعهد التجاري يشهد ظيم وظلايم مع هاذا كل وحده حرة بنفسها كيفها

هاذي حرية شخصية اتنقب اتحجبت البست جنز البست بدي لو تلبس شلحى انشاء الله كيفها محد له حق انه ينتقدها

كلشي غصب كلشي فرض ؟ مايصير بتمشون الدنيا على كيفكم دعو الخلق للخالق دوختونا حضر وبدو وبدو وحضر

ماصارت ليش البعض مفترض ان الديرة لازم كلها بدو او كلها حضر!! الاثنين موجودين وهاذا امر واقع فعلى هالاساس الكل لازم يحترم الغير ويحشم نفسه عشان الناس تحشمه

 

[بنوتة كول]

خوووووووش موضوع
انا بصراحة تصير فيني مواقف واجد خصوصا بالمجمعات او المطاعم لان احنا ناس محافظة ما نطلع الا بنقاب وعباية راس فالكل يطالعنا كأنا كائنات فضائية مو اوادم
انا بالنسبة لي التحضر هو الرقي بالاخلاق والمعاملة الحلوة
الادب والاحتشام
والاهم شي الاحتشام لان بعض الناس رابط فكرة التحضر باللبس الفاضح وهذا اكبر غلط
خصوصا عندنا العرب كل ما كان الثوب فاضح كل ما كان راقي
تدرون ان الممثلين في هوليود او الناس الي تقلدهم هذول بالنسبة لمجتمعهم ناس منحطة
لان الناس الراقية في اوروبا او امريكا مو جذي بالعكس ناس محترمين وما يعرفون التفصخ والوشم وقصات الشعر الغريبة
ترى احنا ماخذين فكرة غلط عنهم
كله على بالنا انهم مو زينين وما يعرفون بالاخلاق شي
انا ما ادافع عنهم لكن اقول ان الاعلام بين لنا ان الحضارة والتحضر جذيه بالصورة الغلط
اتمنى وصلت لكم الفكرة الي ابي اوضحها

 

[در الـبحـور]

السلام عليكم و رحمة الله و بركاته

و الله انج صاجة ياخيتي

التحضر بالفكر و العقل و الأخلاق الطيبة و الكلمة الحسنة

التحضر بالرقي في التعامل و الطموح ورا شهادة عالية و مستقبل باهر

هذا رايي بمعنى التحضر لكن طلب بسيط يا قلبي كلمة (( حضرية )) ما تشمل معنى تحضر هذي فئة من المجتمع الكويتي و أنا أنتمي منها طيب حبوبة لكن الحمد لله ما عندنا هالشي

أمن اللبس الفاضح ( كاسيات عاريات ) و المكياج مكياج عروس و الشعر منفوخ و فرارة في المجمعات لا و الله هذا قمة التخلف بالنسبة لي

و على قولة واحدة مصرية الله يذكرها بالخير مرة قالت لنا إن دكتورها بالجامعة بمصر كان ينصح البنات فكان يقول لو كان

التحضر باللبس العاري لوجدنا نساء أفريقيا أكثر تحضرا لأن مساكين اهناك في مجاعات و ملا بسهم كاشفة

لكن هل عندهم تطور لأ عايشين بفقر الحمد لله على النعمة فالله المستعان و لا حول و لا قوة إلا بالله

و شقول و شخلي و الله ساعات بنات أشوف مناظر بهالمجمعات تحز بالخاطر لبس ضييييج يعني فعلا كاسية عارية

و ما غير هالشباب وراها يخوززون لحم بلاش و الله مواقف أسمعها بس شنقول عسى ربي يهدي بناتنا و يصلح شبابنا

و يثبتنا و يثبتهم على الدين اللهم آمين و مشكورة حياتي عالموضوع الحلو و الحساس

 

[!! D m i r a a !!]

في فرق بين وحده تقول انا حضريه وفي فرق بين وحده تقول انا متحضره ..

الحضريه او الحضر .. اهم اللي قديما ً كانوا يمارسون الغوص على اللؤلؤ يعني اهم ناس ماعاشوا فالباديه

ومومعناته كل وحده تقول انا حضريه يعني خلاص البنت لبسها اي شي لا ياما بنات حضر حاطين ربهم بين عيونهم

ويشوف ربهم بكل شي يسوونه

اما التحضر .. مو معناته لبس قصير وتبرج وووالخ .. لا التحضر يكون بالاسلوب بالاخلاق بالفكر بالمعرفه بالادب

يعني الانسان كل ماصار متحضر كل ما يرتقي بنفسه وذاته <== هذا رايي انا وجهة نظري الشخصيه

وبنفس الوقت يمكن عند غيري مغهوم التحضر يختلف يمكن يكون التحضر بالنسبه لها لبس القصير وتقليد الغرب والتبرج فهمتي علي

ومشكوره حياتي والله يعطيج العافيه

 

[ام مصعب السلفي]

جزيتي الجنه على نقاشك الهادف

للاسف ناسي وايد يتقدمون بكل رذيله ويتاخرون عن كل فضيله

كان التحضر والتقدم ماينوجد الا بالحرام والسخافات

 

[عيالي...حياتي...]

مشكورين خواتي على تفاعلكم مع الموضوع وانا ادري انه حساس وعلى فكره انا اقصد التبرج على اساس التطور والتحضر
اتمنى اكون وصلت لكم المعلومه الصحيحة

 

[catwiti]

صاااااجه
انا بقول رااي بسالفة التحضر
انا الحمد لله تربييت في بييت فاهميين شنو معنى كلمة متحظره او الحضاره
,,, لما كنت ساكنه بمنطقة الجهرا كنت بمرحلة المتوسط وكنت من اولى متوسط متحجبه الشغله الي كانت تظايقني كانو البنات يقولولي انتي متحضره؟؟ عيل ليش لابسه حجااب؟؟ انا كاان كلامي حظريي ويبييين على البنت اذا كانت بدويه او حضريه فتخيلي بنات بهالعمر هاذي فكرتهم عن الحظااره من وين خذوها طبعا من البيت من الام والابو والخواات وهاذي الفكره واايد منتشره كانت انه الحظريه الي مو متحجبه طبعا كانو ملوعين جبدي ليش انا شمريه واتحجه حظرييي ووقتها كنت ياهل ما افهم وماعندي فكره عن قبيلتي ومن وين ومن وين

ولما كنت اروح حق اميي واقولها السالفه تقوولي انا احظرييه وملتزمه والحضاره مو معناته انج فري او سفووور بس اهم هاذا تفكيرهم

وتبيين صصج النموذج الاصلي للحظااره
شعب اليابااااااااااااان طبعا خلوووووووو الدييين على كتر
بس منو ماشافت برنامج خواطر رمضان الي فاات ؟؟؟؟؟؟؟؟؟؟؟؟ الي شاافته راح تعرف معنى الحضااره

وتسلميين على الموضوووع

 

[ضحكه مستعاره]

شرفني مروركم

والله يابنات هذاك اليوم كنت بالافنيوز اتغرض وانا الحمدلله مره لابسه عباتي ومحتشمه
وكنت صاعده بالدرج الكهربائي فوق وهذيك اللي على قولتها (( متحضره ))

صاعدة جدامي على الدرج

وصايره على الجنب يعني ويهها نصه مبين صوبي وانا الحمدلله لا اتلفت ولاني من النوع اللي يحب يطالع هذي وهذي بس طبيعي لاني واقفه
عدل واهي واقفه بجنبها راح اشوفها...

المهم لمحتني اشوفها واهي الله وكيلكم هالنفنوف الشيفون فوق الركبه والجم ماله جبنيز والبي بي على قولتهم عندنا اثنين مو
واحد..واحدتسولف فيه والثاني قاعدة اطقطق فيه...

والمكياج جنها رايحه حفله والشعر فالة امبيه والله شئ قبيح..


المهم جان تسولف بصوت مسموع وطبعا تبي تسمعني...

(( بيبي شوي وانا كول يوووو لان في ناس ياين من القمر وعلى بالهم احنا بسنة 1900

اخاف يخطفوني

بذمتكم لو انتو مكاني...
شنو تسون؟
لاتنسون اني بممول..


قلت لها وبدون تفكير بسرعه ياللي انتي عايشه في ضياع ومتاهه انا الحمدلله شايفه خير قبلج..

ولاني تافهه وسخيفه وناقصه علشان اطول الموضوع معاج اكثر

جان استغفلر ربي ثلاث..

هاذي اهي التحضر بعينه..

طبعا بمفهوم البعض..

هذذذذذي من صجها تتكلم

اخخخخخخخخخخ بس ياحسافه :lkmnkl: ليتج تالتها من كشتها اووووووووووووووف قهرتني ​

 

[عاشقه رويشد]

التحضر بالاخلاق والفكر والتطور مو باللبس والتفصخ

الله الهادي

 

[بنوتة كول]

لا يا بنات انتوا فاهمين الموضوع غلط
احنا ما نتكلم عن حضر الكويت
بالعكس الحضر بالكويت ناس طيبين يهبلون
احنا نتكلم عن (التحضر)الي صار آفةالمجتمع
بنات لا تفهمون الموضوع غلط وتبدون تكلمون بكلام سيئ
وبعدين مو معناه ان الحضر المقصودين
لا في بعض البدو يلبسون لبس فاضح ويقولون هذا تحضر
اتمنى فهمتوا قصدي عدل

 

[سنفورة]

بالعكس كلامج عين العقل والل بتهاجمج اكييييييييييييد انها انسانه مو واعية

طبعا بهالزمن انقلبت الموازين للاسف بس لو خليت خربت

 

[$أنوووثه$]

موضوع حلو وايدج فيه بس بنفس الوقت لاتلومين البنات على سوء الفهم اللي صار عندهم وانا متأكده انج ماتقصدين لان في فرق شاسع بين الحضريه واللي تتحظر بمعنى التطور والفري..وتسلمين عالموضوع

 

[كرز حالي.]

رد : شنو هالتحضر اللي خلانا ننسى ديننا..عطينا مفهومج للتحضر.

التحضر في اسلوبج واخلاقج وتربية ابنااااااائج على الاحترام
اما اللبس يكفي انج تكونين مرتبه وذربه ومحتشمه بنفس الوقت لان هذا الشي يخليييييج انثى اكثر
مولازم تلبسين قصير وفل ميكب علشان تصيرين حلوه ونعومه وستايل غللللللللط

 

[Just Perfect]

رد : شنو هالتحضر اللي خلانا ننسى ديننا..عطينا مفهومج للتحضر.

التحضر : أخلاق عالية + مراعاة الغير و الابتعاد عن الهمجية + أسلوب حياة من نظافة و ترتيب


هذا مفهومي للتحضر و اي انسان ينقصه شي من هذا اعتبره و ااسفة لهالكلمة " متخلف " حتى لو كان

كان واحد اجنبي في دولة متمدنة صناعيا ...


و شكرا على موضوعج حبوبة ....

 

[عيالي...حياتي...]

هذذذذذي من صجها تتكلم

اخخخخخخخخخخ بس ياحسافه :lkmnkl: ليتج تالتها من كشتها اووووووووووووووف قهرتني ​

اي والله تخيلي انتي يصير فيج هالموقف؟؟؟


انا والله وحدة ما احب اطلع صوتي وافشل نفسي جدام اللي يسوى واللي ما يسوى بس شسوي يمكن اول مره ارادد وحدة بمكان عام...


اووووف عمري ماراح انسى هالموقف...

 

[كسرة عود]

رد : شنو هالتحضر اللي خلانا ننسى ديننا..عطينا مفهومج للتحضر.



الحمد لله الردووود تبرد القلب <<< ماقريتها كلها

صح كلامج والله 100%

ومرة كنا قاعدين وانا لابسة عباة راس الحمد لله ونقاب عدل بمطعم بالأفنيوز وجنبنا ثنتين محجبات نص حجاب يااااحرام يقطون كلمات انا جايين

من كوكب ثاني ومن

هالكلام اللي ماسمعت نصة من سخافته ....بس شتقولين العقل زييييييييييينه

حسبالهم بنخاف ولاننحرج ......الثقة حلوة والله لايكثلر هالفئة الضاااااااايعة

 

[عيالي...حياتي...]

كسرة عود..

شاكرة مرورج

 

[مناوي الكويت]

وااااااااااااااي الله المستعان والله العظيم امس رحت مع اعيالي لفنيوز استغفر الله قصدي فرنسا

وشفت العجب شنوا هذا وين قاعدين وين اهلهم شنوا هالبنات وين اسلامنا وين دينا

معقوله هذولي كويتيات لا والله


الزقاير صار اشكره ماهمها احد ولا الشايب العايب يمشئ مع وحده قد احفاده مو متحجبه

والولد مايع شنوا هالمشيه

لا والبنات تعالوا شوفوا خزهم لا تبي تتعرف على الام علشان الولد صار اشكره

يارب رحمتك استر على اعيالي واعيال المسلمين