شنو هالتحضر اللي خلانا ننسى ديننا..عطينا مفهومج للتحضر.

[عيالي...حياتي...]

هل انت انسانه متحضره....؟

دائما اسمع كلمة انا متحضره او انا احضريه....؟؟؟

واستغرب؟


شنو يعني التحضر بالنسبه للي تقول انا متحضره.....
او انا حضريه...؟,,


متحضره بكلامج...!
متحضره بتفكيرج...!
متحضره باخلاقج...!


متحضره بشنو بالضبط....؟؟؟


والله استغرب...!

اسفه اذا كلامي ممكن يجرح البعض...
ممن يطلقون على انفسهم (( احنا متحضرين...!))
ويكسرون خاطري..
لانهم فعلا يجهلون التحضر..

تلبس فوق الركبه وتقول عادي الناس تغيرت وتطورت وتحضرت... (مسكينه)

تروح المول جنها رايحه عرس او حفله او زوارة بنات مكياج صارخ تسريحه لبس الله عالم فيه يفضح مايستر صبغ اظافر او ..
وتقول عادي انا حضريه... ((مسكينه))

قاعده بالكفي وزقارتها بايدها وتقول عادي انا حضريه..(( مسكينه ))



حبيباتي ابي افهم شنو معنى هالتحضر اللي بناتنا حاشهم مرض هالتحضر...

والله يابنات انا مو منحازة لفئه معينه وربي شاهد علي.. بس استغرب البعض اللي فاهم التحضر غلط,,


جيوبهم مليانه وعقولهم فاضيه ..
افكار غربيه ما تتصل بمجتمعنا ولا تقاليدنا ولا عاداتنا..


ياليت كل بنت تدش تقول لنا شنو معنى التحضر اللي اهي تعتبره تحضر...​

واتقبل الراي الاخر بصدر رحب...بس بدون تجريح ولا غلط مانبي الموضوع يصير هواش... وينحذف..​

 

[نوره 99]

جبتيها ع الجرح ياقلبي ...
أنا هالموضوع عقدتي بالحياه ..
في ناس عقولهم فارغه أهم شي عندها تقص ونصبغ وتلبس قصير مثل الممثله فلانه الأجنبيه طبعا ... وتكون حافظه جميع البرامج السخيفه اللي تنعرض ع القنوات السخيفه .. هذا غير الأفلام وستار أكاديمي ولا يستبعد يعقدون جلسة نقاش يحللون وينتقدون فيها اللي شافوه ... وطبعا لازم يعرجون خلال هالندوه المهمه على اخر صيحات الموضه ...
وعلى بالها الحين خلاص وصلت قمة التحضر والرقي ... وع العموم هالحاله تصير للناس اللي تحضروا فجأة
وليتهم ماتحضروا

 

[الجوهرة777]

الله يهدي بنات المسلمين

 

[تشوكليت]

يعطيج العافيه عالموضوع

 

[miss-Dior]

التحضر مو بس باللبس والتمكيج والروحه والجيه ..
التحضر يكون بتطور الفكر والعقل والاهم من كل هذا نحافظ على قيمنا وتقاليدنا وفكرنا ....
ويعطيج العافية ع الموضوع الحساااس ...
والله يهدي بعض البنات

 

[منو انا]

التحظر شلون ترتقين بنفسج ودينج
مو بلبس والمكياج

 

[يالبيه 17]

صح كلامج والله

عسآآآج عالقـوهـ

 

[الأماكن]

رد : شنو هالتحضر اللي خلانا ننسى ديننا..عطينا مفهومج للتحضر.



... سكتي بس ...شقووول و شخلي !!!!

التحضر معناها رقي بالاخلاق و العقل والتعامل مع الناس

بس مثل قلتي جيوبهم مليانة و عقولهم zero

ولا عمرج سمعتي أهل يرضون لبنتهم يكون عندها boyfriend

عاااادي يقولون احنا متحضرين !!!!

ولا تقط حجابها و تقول تحضرت !!!

بصراحة الدنيا صاااااارت تخوف

أساسا ديننا الاسلامي دين تحضر << هذا لو افهموه عدل

بس تقليدهم الاعمى للغرب هو اللي مضيعهم للأسف

الله يهدي الجميع

 

[وسامي]

كلامكم عين العقل واللي ذابحنا صج التقليد الأعمي للغرب والله يهدينا ويصلح بالنا

 

[عيالي...حياتي...]

شرفني مروركم

والله يابنات هذاك اليوم كنت بالافنيوز اتغرض وانا الحمدلله مره لابسه عباتي ومحتشمه
وكنت صاعده بالدرج الكهربائي فوق وهذيك اللي على قولتها (( متحضره ))

صاعدة جدامي على الدرج

وصايره على الجنب يعني ويهها نصه مبين صوبي وانا الحمدلله لا اتلفت ولاني من النوع اللي يحب يطالع هذي وهذي بس طبيعي لاني واقفه
عدل واهي واقفه بجنبها راح اشوفها...

المهم لمحتني اشوفها واهي الله وكيلكم هالنفنوف الشيفون فوق الركبه والجم ماله جبنيز والبي بي على قولتهم عندنا اثنين مو
واحد..واحدتسولف فيه والثاني قاعدة اطقطق فيه...

والمكياج جنها رايحه حفله والشعر فالة امبيه والله شئ قبيح..


المهم جان تسولف بصوت مسموع وطبعا تبي تسمعني...

(( بيبي شوي وانا كول يوووو لان في ناس ياين من القمر وعلى بالهم احنا بسنة 1900

اخاف يخطفوني

بذمتكم لو انتو مكاني...
شنو تسون؟
لاتنسون اني بممول..


قلت لها وبدون تفكير بسرعه ياللي انتي عايشه في ضياع ومتاهه انا الحمدلله شايفه خير قبلج..

ولاني تافهه وسخيفه وناقصه علشان اطول الموضوع معاج اكثر

جان استغفلر ربي ثلاث..

هاذي اهي التحضر بعينه..

طبعا بمفهوم البعض..

 

[وصيّه جــــابر]

رد : شنو هالتحضر اللي خلانا ننسى ديننا..عطينا مفهومج للتحضر.

الله يسسسسسلم راسج جبتيها
مشكلة فاهمين مغزى الكلمة غلط .. !
حتى انهم يساومون الدين بتحضر ..!

كلامج عييييييين العقل
حيل عجبتني حكمتج بالكلام

 

[هارودز الكويت]

رد : شنو هالتحضر اللي خلانا ننسى ديننا..عطينا مفهومج للتحضر.

للاسف انهم بقمة التخلف مو التحضر


التحضر يكون بالأخلاق بالعقل بالاسلوب

مو بالشكل

للاسف الاشكال اللي موجودة اللحين تخرع

لاحول ولا قوة الا بالله

 

[MyLittleBerry]

رد : شنو هالتحضر اللي خلانا ننسى ديننا..عطينا مفهومج للتحضر.

بالنسبه لي

التحضر بالذوق في اللبس والكلام والاسلوب وطريقة التربيه الصحيحه

الذوق باللبس مو التفصخ طبعا اقصد الذوق العام

 

[جولينار]

الحضارة فن تعامل واحلاق ورفي

اما حضارة اللبس والمكياج << هذا عين االتخلف

سلم طرحك ياقلبي

 

[ana cute]

التحضر بالنسبه لي

باخلاقنا
باسلوبنا مع الغير
بتعاملناااا
بافكاارناااا

عمر التحضر ماكان بالكلام .. لان الحين تقريبا كل الناس كلامهم صار مثل مثل
وعمر التحضر ماكان بالشكل .. لان الانسان اكبر من كونه تحفه وشكل !!

 

[عيالي...حياتي...]

فعلا
الحمدلله في ناس وايد تشاركني بالراي..

 

[nandeny]

نفس ما قالو البنات

 

[رولكس ذهبيه]

انتي شوفي العوائل اللي بالاسواق الحين الام متغطيه ولابسه نقاب و عبايه وعمر الام مو كبير والبنت عمرها صغير مراهقه لا وشفت اكبر بعد بالعشرين والله يابنات ان لبسها محزز كل شي والله كسرت خاطري الام بغيت حتي اكلمها بس ترددت يعني ابقولها حرام بنتج لابسه جذيه انتي تحاسبين علي بنتج بس سكت
انا اقصد مو شرط الوحده تلبس عبايه بالعكس انا اشوف بنات مو لابسين عبايه متحجبات بس لبسهم محتشم
لا والحين منتشر بالافنيوز بنات صغار يمشون بروحهم ولبسهم قلايد سود والشعر فنكي يعني هذا اي جيل بيطلع باجر
ولاحظوا الحين لبس البنات صراحه بالكويت كل مالهم ويتعروووووون اكثر مادري شنو يبون اكثر او وين يوصلون
الشورتات انتشرت بلوزات الصدر مفتوحه تنانير فوق الركبه
صراحه الله يستر علي الكويت

 

[Miss McDonald]

مســآآؤء الخـــير ..،

أنآ اتفق ويآج بالرآي ..،

الآنسآن رقيهـ يكون بآسلووبه وتعآمله وفكره وآنسآنيته ..،

آمآ التفصخ الزآيد وآلمياعه هاذي > عقول سطحيهـ ثقآفتهم داخل آطآر الجسد وآلستآيل ..،

بس نفس الووقت ..،

اللبس يبقى حرية شخصية بحدود العآدآت وآلتقآليد طبعآ :icon30:

تحيآتي لج ..،

 

[أميره بلا قصور]

اذا التحضر يدمر اخلاقنا وعاداتنا ماااانبيــه


الحمدلله ع نعمة العقل