زينه بغى يغمى عليها حطت راسها على السكان و اهيه واقفه بره عند باب بيتهم
نواف زينه ليش ما تردين
زينه ماادري فاجاتني
نواف وشنو يعني افهم انت ما تبيني ؟
زينه لا مو قصدي بس
نواف بس شنو ؟تكلمي
زينه اخاف تتحسف على هالقرار
نواف انا قاعد اتحسف على كل دقيقه بعيد عنج انت سحرتيني ما هقيت بحياتي بنت اتسوي فيني جذي
زينه بس نواف اخاف اهلك ما يوافقون
نواف سكت تذكر اهله و شريفه و اهوه متاكد انهم ماراح يرضون
زينه الوو نواف
نواف معاج .. انت عطيني رقم ام محمد و لا تسبقين الامور
زينه ادزه لك الحين
نواف ناطرج يلا انا وصلت مع السلامه
زينه انزلت تركض دخلت البيت لقت ام محمد قاعده تون من الالم
زينه شفيج عسى ماشر
ام حمود زينه دقي على نواف ضروري
زينه مستغربه منو نوااف ؟
ام حمود أي نواف يلا بسرعه
زينه اتصلت على نواف شاله و اهوه قاعده على السفره يم ابوه هلا
زينه الوو
ام حمود خذت التلفون و قالت نواف الله يخليك تعال ودني الطبيب الي تعرفه
نواف وقف و طلع من الصاله و قال عسى ماشر تعبانه
ام حمود أي أي و انت قايلي دكتورك شاطر
نواف فهم ان تبيه يوديها المركز و ما تبي زينه تفهم
نواف على خير مسافة الطريج
نواف اتصل على محمد ( خذى رقمه بالمستشفى )
نواف محمد الحق امك تعبانه و و متصله علي على بالها انك ماتدري تبيني اوديها المركز و انا بعيد يبيلي ساعه اوصل لها
محمد شتقول نواف امي تدري ان معاها سرطان
نواف أي تدري بس ما تبيكم تعرفون يلا روح مو وقته اسالتك
نواف دخل لابوه و قاله يبه انا مضطر امشي
الابو خير ياولدي ؟
نواف ام رفيجي تعبانه فيها سرطان و ماعنده غيري يبيني اوقف معاه بالطبيب واهم ناس على قد حالهم ماعندهم امكانيه يسفرونها بره مع انها وايد تعبانه
الابو لا حول ولا قوه الا بالله اتصل على بو عيسى و قوله يضبط لك علاجها بالخارج على حسابي الخاص هذا اجر مابي انحرم منه و اذا لزم الامر سافر معاهم
نواف باس راس ابوه و قاله الله يطول عمرك يالغالي
نواف طلع اتصل على بوعيسى ( مدير اعمال بونواف ) و شرحله الوضع
نواف وصل المستشفى دخل لقى محمد واقف بره يبجي
نواف اذكر ربك
محمد ما شفتها شلون تصارخ امي الصبوره مو قادره تحمل
نواف وينها الحين
محمد مع زينه داخل بالغرفه معطينها منوم
نواف زينه درت
زينه اطلعت من الغرفه و قالت أي دريت و كانت معصبه و زعلانه
نواف زينه خليني اشرح لج
زينه محمد روح اقعد مع امك انا بروح البيت اسوي لها جنطتها لان الدكتور يقول لازم تنام عندهم
محمد اخذي المفتاح ,عطاها المفتاح و دخل غرفة امه
زينه مشت و خلت نواف
نواف و اهوه لاحقها زينه زينه اوقفي بكلمج
زينه ماترد و مكمله طريجها
نواف مسكها من ايدها عند السياره و لف جسمها عليه حس انها رقيقه حيل ممكن تنكسر بايده وخر ايده وقالها سمعي عذري على الاقل
زينه و اهيه تبجي موقادره اصدق نواف اختي فيها السرطان نفس امي الي ماتت بنفس المرض ( انهارت من البجي ) شنو يعني انا اظل بالدنيا بروحي ليش ياربي كل ما احب احد يمووت و يخليني
نواف لمها لا شعوريا و اهيه قامت تبجي بصوت عالي على صدره نواف يمسح على شعرها انا ماراح اخليج بس انت لا تخليني لو شنو سمعتي
زينه ما انتبهت على كلام نواف ولا شنو يقصد و ظلت تبجي نواف قالها
امشي انا اوصلج البيت لا يمكن اخليج تسوقين و انت بهالحاله
زينه موقادره توقف على ريولها من البجي سحبها نواف و ركبها سيارة محمد ( رنج روفر سبورت )
و زينه بس تبجي نواف قالها ذكري ربج اختج عايشه لما الحين ما ماتت لا تفاولين عليها
زينه انا شفت امي قاعده اتذوب جدامي و اخر شي ماتت و ما اقدر اتحمل هالمشهد مره ثانيه انت مو حاس فيني
نواف افا بس انا ما احس فيج زعلتيني ( متعمد علشان يطلعها من مودها )
زينه مو قصدي ازعلك نواف انا صج ما اقدر على زعلك
نواف و انا ما اقدر ازعل منج لو تقطعيني بساطور
رن تلفون نواف
نواف هلا بوعيسى
الله يبشرك بالخير انا الحين اجهزلك جوازها و بس تخلص الفيزا انطير على طول مع السلامه
نواف يكلم زينه و انت نازله طلعي جواز اختج
زينه ليش ؟!
نواف علشان الفيزا و لا ما تبينها تتعالج
زينه شلون ؟
نواف لا تسالين وايد
زينه نواف ما ادري شلون اشكرك
نواف لما تزوجيني راح تعرفين شلون تشكريني
زينه ويهها صار احمر و نزلت البيت
بعد ربع ساعه طلعت الخادمه شايله هاند باغ كبيره ركبتها السياره
زينه اطلعت لابسه ترننغ رمادي نص جم امسكرته بس مخليته مفتوح صوب الصدر و رافعه شعرها و بايدها جواز اختها اركبت السياره مدت الجواز حق نواف خذاه و حطاه على جنب و لف على زينه و رفع سحابها الي صوب صدرها و قالها جذي احلى
زينه كانت تموت بغيرة نواف تحس انها تطير من الوناسه لما يغار عليها
انزلو من السياره نواف نزل الهاند باغ و مشى مع زينه و قالها انت بتنامين عندها
زينه أي اكيد حمود لازم يرجع البيت احمد و نصور عندهم مدارس باجر منو يوديهم
اوصلو الغرفه دخلت زينه لقت حمود قاعد يقرى قران على راس امه زينه راحت باسته و قالتله نواف بره معاه الاغراض اخليه يدخل
حمود انت من صجج امخليته واقف بره وطلعله محمد و قاله نواف تفضل افا بس انت سواتك ما يسويها اخو
نواف لا شدعوه لا تبالغ محمد بغيت اكلمك بموضوع
محمد أي تفضل
نواف امك خلال اسبوع راح اوديها امريكا تتعالج بس تخلص فيزتها
محمد شلون ؟نواف شقاعد تقول ؟ الحكومه وافقت بهالسرعه
نواف لا على حساب ابوي
محمد لا كثر الله خيركم بس ..
نواف قاطعه انت شفيك لا تكابر على حساب حياة امك و ابوي دايم يسوي منح للعلاج بالخارج على نفقته الخاصه
محمد حضن نواف و قاله ما ادري شلون نطلع من يزاك
نواف ام محمد غاليه و انا راح اكون معاها بالعلاج لحظه بلحظه
محمد انا بروح معاكم
نواف و اخوانك تهدهم عند منو ؟زينه بعد 3 اسابيع ترجع امريكا
محمد يالله صح كلامك هاليهال محتاجيني
نواف و انا متاكد ان امك تبيك تخلي بالك منهم الا محمد امك ماعندها خال عم ؟
محمد عندها خالها خالد بس لاهي بحياته و لا مره سال عنها او عن زينه
رن تلفون نواف استاذن من محمد و رد
الو هلا بوعيسي
انا بالدور الثاني جناح الثالث خله يصعدلي
بعد 5 دقايق صعد المندوب ياخذ جواز ام محمد و ظل نواف و محمد قاعدين بره يسولفون
شوي طلعت زينه نواف رفع راسه شافها قاعده تمشي حس ان ولهان عليها مع ان ما صار له ساعه مو شايفها
زينه نواف ام محمد تبيك
نواف أي حاضر وراح نواف الغرفه طق الباب و دخل
نواف اجرو عافيه
ام محمد تسلم تعال اقعد يمي
قعد نواف بالكرسي يم الفراش
ام محمد نواف ليش قلت لهم هذا الوعد
نواف حشى ما قلت محمد يدري من هذيك المره بس ماكان يقدر يقولج و زينه توها درت
ام محمد هذا العشم فيك بس انا قلت لك مابي اسافر بره
نواف لا ام محمد هذا مو قرارج اسمحيلي
ام محمد يمه نواف انا بموت و مابي اتعبهم معاي
نواف محد راح يتعب و على فكره انا المرافق مالج و سفره بعد اسبوع
ام محمد و عيالي شلون عليهم
نواف محمد عندهم و انا و زينه نكون معاج و بعد اسبوعين زينه ترجع ولايتها و انا استفرد فيج
ام حمود هاهاهاها
دخل محمد وزينه على ضحكت ام حمود
حمود أي يبه حق نواف تضحكين و انا تموتيني من الخرعه عليج
؟؟
