شنو نهايتنا ؟

[um_yoyo]

اي ابي ردود حلووه علشان اتشجع ....

 

[yooyoo]

حبيبتي ام يويو كملي و الله القصه تشوق

 

[um_yoyo]

نواف اشفيج ؟!
زينه بس ما يمديني باجر الحفله
نواف ما يمدي شنو ؟
زينه ماعندي شي البسه
نواف علشان جذي قلتلج لا تطولين لانه عندنا شغل يلا قومي
زينه وين !!
قومي لا تخافين ماراح اخطفج
و ركبت زينه مع نواف طول الطريج ساكته مره وحده
نوااف !
هلا ؟
انت غريب
هاهاهاها انا ليش ؟ولا اقولج لا تقولين ليش مابي اعرف
زينه موقلت لك انت غريب !
صفط نواف جدام بوتيك ارماني
زينه مصدومه نزل نواف و فتح الباب حق زينه
انزلت معاه ادخلو البوتيك الي يشتغلون كلهم يعرفون نواف اقبلت عليهم وحده تشتغل سلمت على نواف و سالته عن امه و قالتله شنو طلباتها هالمره
ضحك نواف قال هالمره الطلبات للانسه
البياعه اممم اتفضلي
زينه ساكته تطالع نواف
نواف فستان لحفلة بعد التخرج باجر في البلازا
بياعه ماراح نتعب وايد مع هالجسم الحلو اتفضلي فوق

و اصعدت زينه مع البياعه و نواف ظل تحت

اختارت نفنوف دانيتل اسود كان اجدد موديل نازل

انزلت تحت ما لقت نواف

البياعه اتفضلي اختاري الشوز

و راحت تختار الجوتي و مخها مشلول ما يفكر بولا شي

شافت نواف جدامها قالها خلاص ؟
ردت أي
يلا و طلعو من غير ما يدفع و لا استلمت النفنوف !!

بشربج احلى ميلك شيك موافقه
زينه و عندي اختيار ثاني
نواف طبعا لا

نواف شرايج فيه بصراحه مو احلى ميلك شيك
زينه امم لذيذ
نواف الا ما قلتلي شكنتي تبين تقولين يوم اتصلتي
زينه انخبصت ها تبي صج ولا شي ما عندي سالفه
نواف هاهاهاها تدرين ان انا ماخذ رقمج من عواش و كنت بتصل فيج علشان اعزمج على الحفله بس انت سبقتيني
زينه بينها و بين نفسها لاني ملقوووفه و مقروووده


وصلها و قبل ما تنزل
زينه باجر راح امرج ساعه 8 ياليت تكونين جاهزه
زينه انشالله ( تكلم نفسها شلون اجهز و نفنوف مو عندي )
صعدت غرفتها ولا تلاقي اكياس ارماني و نفنوف و كرستي قاعده اتامل النفنوف
كرستي زينه انت سرقتي بنك
زينه هاهاهاها لا سرقت قلب نواف
كرستي شنوووو قولي شنو صار
و قالتها السالفه كلها
كرستي واااااو نفس الافلام
زينه اممم بس احلى لانه واقع

نواف رجع شقته يفكر بزينه ويقول نزوه و راح تمر حالها حال الي قبلها
و كان يدري انه قاعد يقص على عمره

 

[yooyoo]

لالالالالا ام حمود ما يجوز كملي لا يوقف نبي بعد

 

[um_yoyo]

لالالالالا ام حمود ما يجوز كملي لا يوقف نبي بعد

:wqedqw: هذا و انت اسج يويو و نسيتي اني ام يويو مو ام حمود هاهاهاها

 

[yooyoo]

وي وي وي وي اسفه حدي اندمجت بالقصه مع اخت زينه عديها حبيبتي

 

[um_yoyo]

صارت ساعه 8 ثاني يوم موعد الحفله رن تلفون زينه
الوو
نواف انا بره
اوكي نازله

زينه صايره نفس نجمات هوليوود زووغه و ناعمه
اطلعت بره مالقت سيارة نواف !!
جان تسمع هرن ضعيف بيب بيب
لفت ويهها ولا نواف راكب سيكل !!!!!

نزل و قالها يلا
زينه من صجك و نفنوفي و كعبي !!
نواف لبسها الخوذه و قال بجذي شعرج و مكياجج بامان
زينه ميته من الضحك
اركبت زينه وراه بس ما تبي تمسكه
نواف مسكي القضبه ورى ظهرج
امسكتها زينه بس اول ما مشى نواف داس حيل متعمد علشان تلمه و صار الي يبه و لمته

احساس زينه انها كانت تحلم و ماتبي تقوم كلش من الحلم

وصلو الفندق نزل نواف و مسك ايد زينه ينزلها انزلت قام فصخها الخوذه و اهوه يبتسم و اهيه ساكته اول مره تشوف وييه نواف من هالقرب
نواف بعد قعد يطالع ويهها من قريب و ماسك الخوذه بايده ابتسمت زينه نواف يلا
زينه بس بروح الحمام قبل ما ندخل القاعه
نواف ليش ؟
زينه هاهاها بعدل شعري

دخلت زينه الحمام و لا شعرها شويه مخترب قامت تعدل فيه و طلعت
نواف بره قاعد ينطرها و اهيه ماشيه رايحتله نواف قاعد يقول بينه و بين نفسه ياليت ما عزمتج !! انا شقاعد اسوي قام ادخلها و ادخل نفسي بالنار


وقف نواف و مشو للقاعه دخلو اكثر الموجودين اجانب يشتغلون بالشركه نواف قعد يسلم و يعرفهم على زينه انها زميلته بالجامعه

زينه حست انها بعالم جديد حيييييييل عليها عالم رجال الاعمال و طبقه المخمليه و شافت نواف بشخصيته الثانيه شخصيه رجل الاعمال الجدي الي كل الي حواليه يبون يتكلمون معاه و يتقربون منه لمصلحتهم .. و اندمج نواف بالحفله يتكلم عن مشروع مع المدير التنفيذي زينه راحت تتمشى بالحفله و حست نوعا ما بملل موسيقه هاديه ناس بارده قعدت على كرسي اتشوف نواف من بعيد و اهوه يتكلم و مندمج سرحت فيه

 

[فوز وفواز]

نايس ام يويو ناطرين اللي بعدو

 

[كويتية و النعم]

Wo0oz
قصتج واايد حلوة ما شاء الله
مشكورة حووبي و يعطيج العافية
و ناطرين البارت اليااي على نآآر
:eh_s(21)::eh_s(21)::eh_s(21):

 

[zizo0ou]

يسلمو على البارت و ناطرين الياي

 

[3rbawia 7lwa]

ممكن اسال هاذي القصة منقولة و لا انتي كاتبتها

 

[b6ooo6a*_*]

ناطرينج

 

[um_yoyo]

ممكن اسال هاذي القصة منقولة و لا انتي كاتبتها

من تأليفي و لما الحين ما حطيت لها نهايه علشان جذي عنوانها شنو نهايتنا :aha:

 

[um_yoyo]

نواف طاحت عينه عليها ابتسم لها استاذن منهم و راح لها و قالها ملل ؟
زينه لا عادي
نواف عادي يعني ملل لا تستحين
زينه هاهاها
نواف يلا قومي
زينه وين ما خلصت الحفله
نواف مو حفلتي انا اقرر متى تخلص يلا ومسك ايدها و قومها
وطلعوو
زينه وين بنروح ؟ الوقت تاخر وايد ياليت ترجعني السكن
نواف يبتسم و مايرد عليها
لبست جاكيتها الفرير الاسود و لبسها نواف الخوذه
و طلعو يتمشون و زينه بينها و بين نفسها يارب ما يسمع كلامي و يرجعني

وقف نواف جدام باب حديقه

و نزل و مسك ايدها و نزلها و مشو داخل الحديقه كانت كبيره و هاديه و من بعيد امبينه بحيره متوجهين عليها

نواف راح يعجبج المكان
زينه شكلها هادي و حلو
نواف امم
وصلو عند البحيره كان فيه كرسي خشب قعدو عليه زينه قاعده تكتشف المكان بعيونها و تشوف الناس

نواف طلع سيجاره و سال زينه قبل ما يولعها ممكن ادخن او تضايقين من الدخان
زينه مصدومه من ذرابة نواف لا عادي

نواف متى بترجعين الكويت ؟
زينه بعد اسبوع و انت باجر صح ؟
نواف أي
زينه ياحظك بترجع لاهلك
نواف تدرين اني احس ان متغرب لما ارجع الكويت
زينه صج ! يمكن لانك تعودت على امريكا
نواف أي تقدرين تقولين حاس ان حياتي اهني .
زينه عيل انا ودي ارجع بسرعه
نواف أي اكيد ولهانه على اكل الوالده
زينه اسكتت و لفت ويهها علشان لا يشوف عيونها و قالت الوالده متوفيه
نواف انا اسف
زينه لا عادي اهيه متوفيه من انا عمري 10 سنوات
نواف و الوالد
زينه متوفي بعد
نواف و انت وين عايشه ؟
زينه عند ام محمد اختي اهيه اكبر مني ب 18 سنه و ماعندي غيرها
نواف الله يخليها لج
زينه اميين
و سكتوو ..........

زينه تدري ما ألوم حمود ولد اختي يبي سيكل
نواف يضحك ليش ؟
زينه حده وناسه و ادمان
نواف قعد طول الوقت يسمع لزينه و يحفظ كل شي تقوله عن نفسها و زينه ماخلت شي ماقالت له عنه , رن تلفون زينه
هلا كرستي
زينه انت وينج الوقت متاخر و تدرين ان البوابه امسكره و انا لازم انزل و ادخلج و انا فيني النوووووم
زينه كرستي انا اسفه الحين برجع ( نواف يسوي بايده لا )
زينه نواف بليز ممكن ترجعني حرام البنت ناطرتني
نواف خليها تنام
زينه و شلون ادخل ؟
نواف انا ما شبعت منج و باجر برجع الكويت الله يعلم متى بشوفج
زينه حست انها بتموت من وناسه اخيرا نواف بدى يوضح مشاعره
زينه انا بعد ودي اظل معاك بس شسوي ؟
نواف قام و اهوه معصب يلا امشي
زينه قامت و اهيه تقول بقلبها ياربي ايهبل و اهوه معصب
نواف زينه شرايج ترجعين باجر الكويت معاي

 

[فوز وفواز]

ييييييييييييييييييييييييي تطورات والله يحليله نواف بس حده مولابق الاسم مفروض اسمه فواز لووووول

 

[um_yoyo]

ييييييييييييييييييييييييي تطورات والله يحليله نواف بس حده مولابق الاسم مفروض اسمه فواز لووووول

هاهاها انغيره علشانج افا عليج بس _03ba:

 

[um_yoyo]

نواف زينه شرايج ترجعين باجر الكويت معاي
زينه شنوووو ما اقدر انا غصب لاقيه حجز حق بعد اسبوع
مافي حجوزات كل الطلبه بيرجعون نسيت !

نواف بس هذي المشكله و اذا لقيتي حجز ترجعين
زينه ساكته تفكر
نواف يتكلم بالتلفون
الو انجي
اهلا سيد نواف
محتاج حجز حق الكوييت على نفس طيارتي و يم مقعدي
احاول مع انها صعبه حيل و في فرق كبير بالسعر
نواف ما يهم تصرفي
سكر التلفون و زينه تفكر هذا من صجه ؟!
ركبت السيكل ووصلو عند السكن
انزلت زينه و قالت حق نواف تصبح على خير
نواف نطري دقيقه
شاف موبايله مسج من انجي تاكد الحجز ابتسم و قال حق زينه
ساعه 7 تكونين بالمطار
زينه مصدوومه من صجك ! ؟
نواف دخلي بسرعه كرستي حده معصبه واقفه تنطرج عند الباب

لفت زينه وييها شافت كرستي

زينه اوكي باي

وقف نواف يشوفها قاعده تدخل و يقول انا راضي ادخل النار اذا معاها .

صعدت زينه مع كرستي من غير ولا كلمه
اوصلو غرفتهم دخلت كرستي الفراش و غطت وييها
زينه كرستي انا برجع الكويت باجر الصبح
كرستي شالت الغطا مصدوومه شنوووو ؟
زينه لقيت حجز و برجع باجر ساعه 7 صبح
كرستي اها تبين اساعدج
زينه لا حبيبتي نامي انا راح اجهزهم بروحي
زينه قاعده ترتب اغراضها باضاءه الابجوره و هدووء و تفكيرها كله بنواف
رن تلفونها الو
نواف هلا زينه شصار معاج ؟
زينه ماكو قاعد اسكر جنطتي
نواف تمام .. مو ناقصج شي
زينه لما الحين لا ا
نواف يلا لازم تنامين ساعه 2 الحين و مو باقي غير 5 ساعات
زينه لا مابي انام علشان انام بالطياره
نواف من صجج ما اخليج والله
زينه هاهاهاها ليش ؟
نواف بسولف معاج بعرف كل شي عنج
زينه مثل شنو
نواف روحي الفراش و اقولج
زينه دخلت فراشها تكلم نواف يلا قولي شنو تبي تعرف عني ؟
نواف اممم خليها لوقتها و الحين نامي
زينه موقادره مافيني نوم
نواف اقولج قصه
زينه هاهاها قولي
نواف كان في بنت اسمها سندريلا بتروح حفله مع الامير طلعتله ولا تلاقي الامير راكب حمار يبي يسوي له مفاجاه و يكسر الروتين قامت سندريلا و فصخت جوتيها و حذفته عليه
زينه هاهاهاهاهاهاها بس اسكت لا تقوم كرستي و تحذفني انا بالجوتي

و ظلو يتكلمون لغايه الساعه 6 الصبح سوالف عامه عن حياة و طفوله زينه و نواف ما كان يتكلم عن نفسه ابد و زينه ما لاحظت هالشي يمكن فرحتها كانت عاميتها .
نواف زينه جهزي حالج ساعه و اكون تحت
زينه ليش انا ايي المطار بروحي
نواف ممكن ما تناقشيني و تقومين تلبسين
زينه اوكي باي

 

[dlo3t^baba]

بلييييييييييز كملي شوقتيني اكثر
تسلم ايدج ^_^

 

[HYoOoN:*]

القصه شكلها يشوق ناطرييييينج بليز نبي بارت :d

 

[فوز وفواز]

وناسه صج الخيال احلى وايد من الواقع