شنو نهايتنا ؟

[um_yoyo]

مشكووورين على متابعتكم الحلوه و انشالله راح انزلكم بارت ثاني بعد شويه تستاهلون

 

[Riooma]

hatha ohma alryayel malhum aman

 

[راح_عز_ابوي]

ام يويو:rgewrg:

 

[om reem 86]

فديتج يا ام يويو
تستاهلين الطيب نااااااااااطرين

 

[كويتية و النعم]

ليــــــــــــــش نواااف يسووي جذي :eh_s(2): ؟؟!
حراام علييه ..! :eh_s(2):
ناطريـــــــــــنج حبيبتي و مشكوورة على البارت
و بلييز مو اطوليين :eh_s(21):

 

[fe7awya]

ترى انا نضيييييييييييييييت و الله
يمكن لو كنت حامل جان الحين والده ههههههههههههههههه

 

[om reem 86]

ترى انا نضيييييييييييييييت و الله
يمكن لو كنت حامل جان الحين والده ههههههههههههههههه

لووووووووووووووووول ما تيوزين من سوالفج

 

[um_yoyo]

بعد ساعه

حمد : الحمد لله على السلامه
زينه اطالعه باستغراب :الله يسلمك
حمد : انا جاركم و انا الي وصلتج اهني
زينه: مشكوور و ماتقصر
حمد : لا شدعوه هذا واجب المهم الدكتور يقول لازم تنامين اليوم عندهم و باجر الصبح يرخصج
حمد يكتب على الورقه : هذا رقمي لا سمح الله تحتاجين شي و خادمتج بره
زينه: مشكور
حمد : تبيني اتصل على نواف
زينه : لا لا الله يخليك
حمد مستغرب : خلا ص على راحتج ماراح اقوله

حمد يفكر بالسياره و وده يعرف شالسالفه

طلع الصبح انطق باب الغرفه

حمد: ممكن ادخل
زينه باستغراب : اي تفضل
حمد : اشلونج اليوم انشالله احسن
زينه : اي الحمد لله و بعد شويه بطلع
حمد : نواف بيمرج
زينه : لا مع السايق

حمد : بس حبيت اتطمن عليكم انت و البيبي


زينه ارجعت بيتها ووصت الخدم ما يقولون حق نواف

نواف كان عايش حياته بشكل عادي دوام لوقت متاخر يرجع يقعد مع امه الي ما تقدر تمشي من بعد الجلطه و بعدها يحط راسه وينام
شريفه كانت عايشه حياتها ازوارات و عزايم و طلعات

نواف منسدح بالفراش و شريفه طبعا طالعه : ياترى وينج الحين يازينه و شقاعده اتسوين

مسك التلفون بس هون و ما اتصل و كلم نفسه: كافي الي سويته فيها شتبي الحين تتصل

رن تلفون نواف رقم غريب

نواف : نعم
حمد : نواف انا حمد ولد عمك عبدالله ( علاقتهم كانت مقطوعه يعني بس بالاعياد و الاعراس و عزى)
نواف: هلا هلا حمد !
حمد : نواف انت عندك بيت في ابو الحصاني
نواف : ها لا ماعندي ليش
حمد : تدري انا مزرعتي هناك و سمعت من الزراع ان في احد من بيت الفلاني اسمه نواف ساكن بالبيت الي بظهر مزرعتي

نواف متبلعم : اي كان عندي بس بعته
حمد : اي عدل خلاص عيل سلم على عمي


حمد تاكد ان زينه لها علاقه مع نواف

بعد اسبوع زينه قاعده بالحديقه تشرب شاي
السايق ":مدام سير حمد يبي يشوفج
زينه : ولييه شيبي هذا خله يدخل

حمد : السلام عليكم حبيت اتطمن عليج
زينه : مشكور انا بخير
حمد قعد : انت من متى ساكنه اهني ؟
زينه : حمد خلك صريح و قولي شتبي؟ انا حاسه انك قاعد تلف و تدور
حمد استغرب من صراحتها : انا ولد عم نواف
زينه بارتباك : شنو ؟ ولد عمه
حمد : اي و بالصدفه مزرعتي ورى بيتكم و لما سالت نواف انكر ان عنده بيت اهني و قال انه باعه
زينه قامت تبجي
حمد :نواف غلط معاج و مو راضي يصلح غلطته ؟
زينه : لا تفهم الموضوع غلط انا زوجته قصدي كنت زوجته

حمد : بس نواف متزوج شريفه بنت عمتي !
زينه : و هذا السبب الي خلانى نفترق
حمد: طلقج وانت حامل
زينه و اهيه تبجي : اهوه ما يدري اني حامل و الله يخليك لا تقوله اخاف ياخذ الياهل منى او يجبرني انزله و انا ما عندي احد بالدنيا يوقف معاي غير ربي

حمد : لا تخافين ماراح اقوله بس يمكن اذا عرف تردون حق بعض
زينه : الي بينى عمره ماراح يتصلح اهوه اختار شريفه و اهله و الشركات وانا اخترت اكون ام

حمد : الا انت شلون عرفتيه ؟نواف طول عمره بامريكا

زينه من الي فيها كانت تبي تشتكي حق اي احد خاصه انها بروحها و ماعندها احد و لقت بحمد الاذون الي تسمع لها و قالتله كل السالفه

حمد : صج في ناس حظهم قليل بالدنيا
زينه ساكته
حمد : اعتبريني نفس اخوج و ماراح اخليج بروحج و الي تحتاجينه انا تحت امرج
زينه : مشكوور

 

[ام احمد_26]

لالالالالالالالالالالالالالالالالالالالالالالالالالالالالالالالالالالالا ابيج تكملين علعموم يعطيج العافيه

 

[[لين]]

ناطرييييييييييييييين

واي تعور القلب القصه فيني بجيه بهالفالنتاين


​

 

[fe7awya]

اااااااااااااااااااااااااخ ظغطي ارتفع ما احب هالسالفه
يعني قوليله انج حاااااااااااامل
ونواف شفيه الله يهيديه يعني ما يصير

 

[om reem 86]

اففففففففف على نواف وسنسين نواف وحمد مبين عليه حليووانشالله يساعدها

بليييز ام يويو ممكن اتجاوبيني؟؟؟ متى بتنزلين بارت؟؟؟؟

 

[um_yoyo]

نشالله قبل ساعه 3 بنزل لكم خووش بارت

 

[[لين]]

ان شاءلله الحق عليه قبل لا اطلع
^_^


​

 

[كويتية و النعم]

مسكيينة زينه تعوور القلب والله
الله يسامحه نوواف
عااد اهو كان خوووش وااحد
يعطيج العافية ام يويو
وناطرينج و متابعينج بقووة :wqedqw:

 

[sweet_girl96]

ام يويو بلييز نبي نهاايه سعييده الله يخلييج بسنا عواار قلب نبي نهاايه سعييده

بااجي نصص سااعه ع 3 متى بينزل الباآآرت ؟؟

 

[miss disaster]

نواف :rgewrg: :rgewrg: احس ودي اذبحه

وزينه كاسره خاطري والبيبي ما يستاهل اللي يسونه فيه :eh_s(2):

و ما ادري ليش بس احس :eh_s(10): ان حمد راح يحب زبنه ويتزوجها وراح تكون سعيده معاه :rerrerek:

يسلمو وناطريين البارت الياي

 

[zooz92]

وييييي حرااام نووواف ليييش صاااار جذي

شكله حمد بحب زييينة اتووقع =\

يعطيييج العااافية على البااااااارت

ناااااااااااطرينج

 

[miss disaster]

وي بدليه:wqedqw:

زبنه = زينه

 

[um_yoyo]

بعد جم اسبوع

عواشه تكلم زينه بالتلفون : شلون يعني راح تحبسين عمرج لمتى ؟
زينه : موقادره اسوي شي الي سواه نواف فيني مو شويه
عواشه : الله يسامحه سواته تسود الويه بس شتسوين يعني تنتهي حياتج بسبب نواف واهوه عايش حياته ولا هامه شي
زينه : انا حاسه ان حياتي انتهت من اول ما طلع من البيت
عواشه : شوفي انت بعد 3 ايام راجعه امريكا و لازم نطلع قبلها كيفج
زينه : تعالي عندي البيت
عواشه : لا بنروح السينما جهزي عمرج
زينه : الله يخليج و الله ما اقدر
عواشه : لازم تطلعين من جو النكد يلا ساعتين و اكون عندج

بالسياره
عواشه : زيون ويهج اصفر تخرعين شفيج
زينه تكلم نفسها : لو اقولج حامل راح تقوليله
عواشه : وين سرحتي شفيج ؟
زينه :مافيني شي و بليز لا تفتحين اي سالفه تتعلق بولد عمج
عواشه : و هذا المطلوب

زينه و عواش قاعدين بكافيه بمرينا
عواش : اروح الحمام اضبط الميك اب و ارجع
زينه ماسكه جلاس الماي و تطالع الناس شافت شريفه و نواف ماشي معاها و ماسك ايدها و اهيه تسولف له و تضحك و نواف يبتسم .. من غير شعور انكسر الجلاس بايدها و وقفت و مشت بسرعه الحمام تغسل ايدها و تبجي بصوت ضعيف يقطع القلب

عواشه : اشفيها ايدج ؟
زينه تبجي
عواشه : زينه شصاير ؟ تكلمي
زينه : بروح البيت و اذا تبين تقعدين انا ارجع بروحي
عواشه : لا لا انا ارجعج امشي

توهم طالعين من الباب
شريفه: عواش شلونج
عايشه تسلم عليها زينه وخرت عنهم لانها مو متحمله طاحت عين نواف عليها و تلاقو عيونهم
نواف لف وييه و عطاها ظهره
زينه مو مصدقه الي يصير !! راحتله
زينه : نواف
نواف : هلا
زينه : لهدرجه مو قادر حتى اتشوفني
نواف ساكت يطالع الناس
زينه نزلت دموعها : مو قادره اصدق ان كل الي بينى انسى بقلبك
نواف طالعها شاف دموعها كان وده يلمها بس خلاص كان ماخذ قرار يخليها تعيش حياتها و كافي الي سواه فيها و لانه تاكد علاقتهم مستحيله

نواف: شتبين توصليله ؟
زينه مصدومه طالعته و مشت انزلت من الدري الكهربه مو عارفه وين رايحه اوصلت المصافط قعدت على الرصيف مو قادره تاخذ نفس و دموعها مو راضيين يقفون

نواف وقف جدامها شافته و قالتله : في شي نسيت تقوله ؟
نواف نزل قعد جدامها : لا تخلين الي كان بينى يخرب حياتج انت صغيره و راح تلاقين الي يستاهلج
زينه بصرخ : انا مابي غيرك انت ما تفهم
نواف: راح تنسيني مع الايام
زينه و اهيه تبجي امسكت ايد نواف و حطتها على ويهها و باستها : نواف شلي صار انا راضيه بكل شروطك بس خلنى نرجع انا احبك و ماعندي احد بالدنيا غيرك و صعب اكمل حياتي و انت مو معاي انت تبي تستقر بالكويت انا راضيه و الله ماراح اطب الكويت بعد كلش و انطرك بامريكا لو بس تزورني بالسنه مره
نواف : لازم تقتنعين ان مافي امل انرد حق بعض علشان تعرفين تعيشين حياتج مره ثانيه
ووقف زينه اوقفت و مسكته من ايده : نواف الله يخليك لا تخليني انا ماراح اعرف اكمل بدونك

نواف وخر ايدها و مشى .. زينه اركضت وراه تقوله : اذا مشيت ماراح اسمحلك ترجعلي كلش سمعتني و الله انت الي راح تتحسف و حطت ايدها على بطنها و اهيه تبجي

نواف كمل طريجه بدون ما يلف عليها شاف عايشه بويهه : وين زينه ؟
نواف :بالمسافط روحي لها بسرعه
عايشه : نواف حرام عليك الي تسويه فيها البنت يتيمه مالها غيرك بالدنيا
نواف نزلت دمعته : الله يعوضها بلي احسن مني
عايشه بعصبيه : انت غبي

عايشه نزلت لقت زينه مسنده على السياره منهاره من البجي ركبتها السياره

عايشه : انا اسفه ما كنت ادري راح انشوفهم
زينه و اهيه تبجي : اهوه الي اختار بس والله راح يتحسف واايد