زينه اوصلت شقتها افتحت الباب لقت كل شي مرتب و بوكيه ورد جوري احمر بالصاله امسكت الكرت كان مكتوب عليه
ولهان عليج
عرفت ان نواف اموصي احد يرتب لها الشقه باست الكرت و راح تتصل على كرستي
في باريس
نواف و شريفه بالفندق
شريفه: نواف شرايك نسهر اليوم
نواف : يصير خير
شريفه : انا بعرف يعني لمتى بنظل جذي
نواف : يعني شتبين ؟
شريفه : ابيك تعاملني نفس زوجتك ...انا شنو ذنبي انك ما حبيتني انت حتى مو معطينى فرصه نحاول فيها نتقرب من بعض
نواف : الايام تقربنا
شريفه : طول ما انت حاط هالحواجز بينى شلوون ( قامت تبجي )
نواف كسرت خاطره حس ان صج مو قادر يعطيها فرصه
نواف: لا تبجين مو انت قلتي ان المهم انج تزوجيني كا تزوجنا وصار الي تبينه
شريفه و اهيه تبجي : تزوجنا بالاسم انت حتى ما تشتهي اتشوفني قاعد تطعني بانوثتي
نواف قام يطالع الدريشه و الجو مطر
شريفه قاعده بالفراش تبجي : اذا انت ما تبيني لهدرجه طلقني
نواف ساكت ... طلع بره الغرفه رن تلفونه رقم ابوه
نواف : هلا يبه
بونواف : انت تدري ان غنوم يتله بنت
نواف : اي ادري
بونواف : و ليش ماقلتلي
نواف : انت اموصي بس ما تسمع عنه اي شي
بو نواف : هم بنت ماكو فايده بخوانك كودولي بالبنات يالله الامل فيك الا شلوون مرتك ؟
نواف : الحمد لله
بونواف : شد حيلك نبي ولي العهد قريب
نواف : الي الله كاتبه بيصير
نواف دخل الغرفه لقى شريفه تعدل جنطتها
نواف : يلا تجهزي بنطلع
شريفه : صج ...وين
نواف : المكان الي تبينه انا ناطرج تحت
نواف نزل وده يتصل على زينه بس يدري اذا كلمها راح يقلب على شريفه فقال : البنت مالها ذنب و هذا شهر عسلها
و ماتصل على زينه
نزلت شريفه .. نواف يطالعها اول مره يلاحظ انها حلوه
نواف : وين تبنى نروح
شريفه : الشانز انتعشى لاني يوعانه
اوصلو دخلو مطعم بيتزا
زينه : ناطره نواف يتصل و تاكل بنفسها دزت له مسج
شلون باريس ؟
نواف شاف المسج رد : حلوه
زينه قرت المسج حست ان نواف فيه شي مو طبيعي الافكار قامت تلعب فيها
بعد جم ساعه رجعو نواف و شريفه الغرفه
نواف دخل الحمام طلع لقى شريفه نايمه قال بينه و بين نفسه احسن و مشى على اطراف اصابيعه و دخل الفراش شريفه حطت وييها جدام ويه و قالتله : على بالك نايمه
وقامت تبوسه وصار الي تبيه .........
نواف قعد من النوم شاف شريفه يمه نايمه قام لبس و طلع اتصل على زينه
زينه كانت نايمه بس شافت رقمه فزت و شالته : الوو
نواف : نايمه حبيبتي
زينه : لا لا
نواف : ولهت عليج
زينه : و انا اكثر نواف متى بترجع ؟
نواف : بعد اسبوعين
زينه : من صجكك .. بتقعدون اسبوعين في باريس
نواف : زينه لازم تتعودين على الوضع
زينه مستغربه : اي وضع ؟
نواف : اني متزوج و شريفه لها حق علي بعد
زينه حبست دموعها : اها لا تحاتي راح اتعود ... يلا باي
زينه سكرت تلفون تبجي بحره و تقول : هذا و اهوه بس يوم معاها في باريس جذي قال عيل بعد اسبوعين شنو راح يصير
نواف دخل الغرفه لقى شريفه نايمه رد يبي يطلع
شريفه بدلع : وين رايح قلبي ؟
نواف : حسبت انج نايمه ما بغيت اقعدج
شريفه : لا انا قاعده بس جسمي متكسر منك
مرو5 ايام و زينه ما تتصل على نواف و اهوه بعد ما يتصل
زينه قامت ساعه 1 بالليل مو قادره تنام تحس انها مخنوقه و تفكير ذابحها البست و طلعت تتمشى ريولها ودوها الكافي الي شافت فيه نواف اول مره دخلت اقعدت على طاولتها ماقدرت تتحمل اتصلت على نواف جهازه مغلق !! انهارت من البجي و حست ان هذي نهاية علاقتهم و بداية حياته مع شريفه
حدي متشوقه اعرف شبيصير *_*
