شريفه : نواف منو زينه ؟
نواف لف ويهه عليها : ليش ؟ عواشه ما عرفتج عليها
شريفه : امبلا بس ما ادري حسيتها كريهه و نظراتها وحده محتره
نواف : و تحتر من شنو !!
شريفه : وييه انا كل البنات يحترون مني اصلا عندي كل شي يبونه بس ما يقدرون يحصلونه
نواف يطالعها و اهوه حاسه انها سخيفه و سطحيه
شريفه : نواف بس تطلع ودني السوق بسوي شوبنج حق عرسنا
نواف:اه ايدي , حس بعوار من الدرب لان حرك ايده بالغلط
شريفه اوقفت امسكت ايده تعدل الدرب زادت طين بله بدخلت زينه شافتهم اوقفت بمكانها
نواف : شاف زينه ناداها : زينه
زينه سكرت الباب و طلعت
نواف صرخ على شريفه : ذلفي نادي الممرضه شناطره
شريفه اطلعت لقت زينه قاعده على الكراسي بره مصدومه اوقفت جدامها
شريفه : شفيج مستغربه شنو ما تدرين ان نواف ريلي ولازم اراعيه ؟
زينه رفعت راسها تطالعها
شريفه : شوفي يا ما ادري شسمج اذا انت حاطه في بالج انت تقدرين تلعبين معاي انت غلطانه انا شريفه الفلاني امسحج من الوجود
زينه اوقفت و قالت : الله يعينج على نفسج
و مشت امسكتها شريفه من ايدها: وين رايحه
زينه وخرت ايد شريفه حيل و قالت: داخل عند نواف
شريفه : صج انج وقحه
زينه هدتها و دخلت على نواف
نواف : زينه ليش طلعتي
زينه شافت ايد نواف متروسه دم ماتت من الخرعه : اشفيها ايدك خل اروح انادي الممرضه
نواف مسكها : مافيني شي
زينه : شنومافيك شي و طلعت تركض تنادي الممرضه
و شريفه قاعده تكلم حصه اختها بالتلفون تعطيها التقرير نست نواف محتاج الممرضه
دخلت الممرضه تعدل الابره
و زينه تبجي ماسكه ايد نواف المكسوره
نواف : ليش تبجين ما فيني شي والله
زينه تبولع بريجها : انت ما تخاف على نفس ايدك يطلع منها دم ما تنادي الممرضه
نواف بينه و بين نفسه البركه بمرتي الغبيه ( بس مايحب يتكلم عن شريفه جدام زينه علشان لا يجرحها )
نواف : انا راح اطلع ساعه 7
زينه : الحمد لله
نواف : راح اروح بيت ابوي لانهم بيقعدون اسبوع و بعدها بنرجع الكويت
زينه : بنرجع ! ؟
نواف : لا لا اهم بيرجعون انا قاعد
دخلت شريفه و عيونها فيها الشر
نواف اول مره ينحط بموقف ان زينه و شريفه بنفس المكان
زينه : ماتشوف شر و سلم على عواشه
نواف : رايحه ؟
زينه : اي المهم تطمنت عليك
شريفه راحت اوقفت يم راس نواف و مسكت ايده : لا تطمني طول ما مرته يمه راح يكون زين
طلعت زينه
نواف وخر ايده من ايدها : شالاسلوب الخايس الي تكلمين فيه البنت
شريفه :و شلون تبيني اكلمها انشالله هذي قليلة ادب وشكلها
نواف قاطعها بصراخ : حطي لسانج بحلج و لا تكلمين عنها عيب عليج
شريفه بصراخ : عيب عليك انت هادني بالكويت ماشي على هواك اهني
نواف بعصبيه : شريفه احترمي نفسج و لما تكلميني لا تصارخين انت الظاهر نسيتي منو نواف
دخل جوزيف : مساء الخير ممكن نمشي الحين خلصت اوراق خروجك
