شنو نظرتج للي تتأخر بالتخرج من الجامعة ؟ تعبت من تعليقات البنات

[spanish Guitar]

عادي يعني في بعض الاحيان الي مثل حالتي التاخير مو منه من ردى الجامعه يأخرونج بالتخصص وماينزلولج مواد واشياء وايد غط مثل القرارات الغبيه الي اخر شي اطلعت انهم يبدون الدفع اليديده على القديمه بالتسجيل واخر شي هونوا

 

[yam_yam]

يزااج الله كل خير اختي يم يم

سالفتج حيل رفعت من معنوياتي

جنج تدرين انني ناوية اكمل ماجستير و دكتوراه

واي حدي حبيت سالفتج . عطيتيني دافع و رفع معنويات

الله يوفقج

حياتي انتي شدعوا ماسويت شي انا بس بغيت انبهج بشغلة ان (القمة لازم بدايتها صفر ) و انا كنت صفر من معنويات و كل شي و الحين وصلت للقمة الحمدالله بتعبي و مجهودي و شماته الناس حطيتها و را ظهري و صعدت
و كله قولي لنفسج انا شاطرة و راح اوصل و اللي و صلوا مو احسن مني
و تذكري ان كل شي خيره من رب العالمين و كله مكتوب من قبل لا نولد بالدنيا
فلا تحزنين و تضايقين
خلي عندج ارادة و عزم و كملي مشوارج و انا معاج
و ادري انه بتمر عليج خالات صعبه و ايام كئيبة خصوصا وقت الامتحانات
راح تجيلج افكار مو حلوة و راح تقولين ليش انا جذي ؟؟
ليش غيري تخرج و انا لا ؟؟
هذي تشتغل و هذي تزوجت و هذي عندها عيالها و معاشها ؟؟
و راح يجيلج احساس بالاكتئاب و الفشل و هذا شي طبيييييييييييييييييعي جدا جدا
لكن انتي دايما رددي بينج و بين نفسج انه انتي لازم تصيرين شي و ان كل مادة تخلصينها تقربين من التخرج
و تقدرين بعد تصيرين احسن منهم انج توقفين على المنصة مالت التخرج و تسلمين على سمو الأمير و تكونين من متفوقين الكويت
و الله ياختي ان عند كل امتحان اتذكر هذي اللحظة و اتشجع حيل و اقول هذا شي محد سواه من عايلتنا و لا رفيجاتي و لا طلع اسمج و تصورتي بالتلفزيون هذي تسوى كل شي و الحين صورتي انا حاطتها بالصاله كبيرة و كل الي يدخل يشوف الفاشلة اللي كانوا يتكلمون عنها



و عموما لو تحتاجين اي شي راسليني على الخاص و انشالله أكون جنبج و لا تحاتين يالغالية

بس وعد من الحين تعزميني على حفلة تخرجج بس شرط مالت المتفوقين أوكي :ggdw:

 

[yam_yam]

بس امانه عليج يالغالية انتي و كل من يقرا موضوعي انه يدعي لي ربي يحقق لي مرادي يارب

 

[нάγoηά cнεмίsтяγ]

يا بعد عمـري الله يكون بعونج انشـآلله بس انتي وايد حسـاسه حبيبتي لاتصيرين جذيـه و ترى مو بس انتي اللي تأخرتي بالجـامعة بالعكس أصلن 90% من الطلبـة والطالبـات يتأخرون بالجامعـه يعني الا اللي كلش كلش تضغط على نفسهـا وكل سنة تاخذ صيفي بتتخرج مبجـر !

عيـل شتقوليـن عني اللي متأخرة بالثانـوية مو الجامعـة و اللي بعمـري لو بحسبها صح المفروض اكون هالسنة خريجة جامعـة مو ثانوية ومثلج هديت الدراسـه جم سنة والحيـن رجعت أكمل .. و بالعكس نظرة النـاس لي حلوة وتشجيعيـة الكل يقوللي ماشالله عليج لأنج رديتي تكملـين دراستج وبعـدين الدراسـه مالها عمـر والكل يعـرف هالشـي واسمحيلي أي احد علق عليج هذا انسان ساذج جداً .. !!

وعمره محد حكمـ على الدراسـه بالعمـر آنا اللي معاي بالصف ماشالله طموحـات وأعمارهم 26 و 28 و30 وفوق الثلاثيـن ولا وفيه وحدة ماشالله عليهـا 40 سنة كلهم عقب التخرج بيدشون الجامعـة و شكو احنـا بكلام الناس .. البنات اللي يقولون جذي عقليتهم صغيـره اصلان وعسى الله يوفقج ويعطيج اللي تتمنين كملي دراستج وانتي مطنشـة كلام النـاااااااااااس .. طنش تعش تنتعش ​

 

[LuLiTa]

حبيبتي
انا حالتي نفسج تخيلي انقبلت ابعثة طب بشري بره الكويت و قعدت ثلاث سنين اعيد اول سنة و ما نجحت و عقبها رديت الكويت و غيرت تخصصي و دشيت جامعة خاااصة سنة اولى تخيلي و كملت عااادي يعني حبيبتي واااايد ناس يمرون في هالتجربة فلا اتكونين حسااسة وااايد و عسى الله يوفقج و يمكن اتكون خيرة لج

 

[m e m e]

عندج و عندنل خير

باقيلي عشان اتخرج سنتين و نص هذا اذا مو اكثر

يبا عاااااااااادي طنشي الناس تحب تقط حجي و تعاير

حمدي ربج و الله انا صارلي سنتين متزوجه ماحملت لوعوا جبدي الاوادم
ليش متأخره عالحمال؟ شفيج رووحي عالجي
ز من هالحجي اللي يبط الجبد
يعني اذا شغله مو بيدج الواحد شيسوي بعد

اختي درست ٣ سنين هندسه سحبت اوراقهه راحت مهعد بو سنتين
و كاهي الحين مستانسه بدوامهه حييل

عادي ترى وايد ناس نفل حالتنا

و اذا بتسمعين حق كلام الفاضيين هاذول مني خالصه

شدي حيلج و انشاء الله انا وياج نتخرج و نضحك على روحنه هههههههههه

 

[بنت العديليه الشقرديه]

حدااااااااااااااااااااااااااااا عاااااااااااااااااااااااااااااااااااااااادي

انا امي كملت الجامعه عمرها 26 وبنت خالتي توها اول سنه بالجامعه وعمرها 22

ترا عادي شي طبيعي

قولي لهم عااادي ماني محتاجه وظيفه الحين بتمتع بدراستي وباخذها بالهووون والهون ابرك ما يكوون

وتركض الايااام بسرعه

والله صج امس كنت 4 ثانوي الحين بتخلص اولى وبرووح ثانيه

take't easy ya 3azizti

 

[رفرف]

عادي حبوبة المهم بالاخر شهادتج بيدج ..


انا بعد قعدت 7 سنين بالجامعة عمرت يمكن كنت اكبر ديناصورة بالجامعة ..

واخرتها ؟؟


تخرجت وتوظفت حالي حال غيري الحمدلله

 

[برونزيه نعومه كتكوته]

و اللي يقولج اني سنه ثالثه
بالحامعه و ابي احول ؟؟
يعني شوفي جم سنه جدامي ريلي اسمالله على قلبه مخلص و يشتغل و قاعد يدرس مره ثانيه
و انا معجعجه قطيعه طاااااااااااااااف طنشيهم

 

[BusinessWoman]

انا كنت بلعلوم وبعدين بلجامعه الامريكيه وبعدين نيوهورايزن وبعدين تجاري والحين بتخرج من التجاري وبروح الجامعه الخليجيه اللي بلبحرين تخيلي سويت فلم هندي بس بعدين عرفت التخصص اللي انا ابيه بس لا تحاتين ومالج شغل بلناس

موفق

 

[عمة فاتو]

حبيبتي انا تخرجت من الثانوية سنه 94... ولا يومج قاعدة اكمل... بس تصيرلي ظروف... بس صامدة

 

[الkحيله]

عادي البنات جذي يحبون الهذره يدورون اي موضوع عشان يبطلون حلوجهم
وانتي قولي كل قسمه ونصيب وغيري الموضوع





و في حكمه حلوه تقول



طنش تعش تنتعش

 

[زبــــــــدة]

بيييييي

عااااااااادي حدددده
اكييد وحده عندها ظروووف او مالها خلق نفس حالتي وشكلي حاسه اني بتأخر لووووووول
بس انشالله اتخرج بالوقت ادعووووووولي

وماعليج حبيبتي الدراسه مالها عمر

 

[كل الأسامي مأخوذة ليش؟]

انا صارلي 5 سنين بكلية التربية الاساسية ومع هالصيفي يعني خمسة ونص ووايد بنات يقولون متاخرة متاخرة
انزين متاخرة شنو المشكلة يعني عادي وزي الورد اهم ماعلي راحتي ما احب اضغط على نفسي حييييل
لاني بالثانوية ضغطت على نفسي واايد ووفجيت بالكلية
وتدرين شرد على اللي يسالني
ليش الهندسة احسن مني لازم اجرب شعور الخمس سنين
take it eazy حبيبتي الاجانب يدرسون اولى جامعة وعمرهم 60 و مونسين عمرهم ولا على البال

 

[الkحيله]

ليش الهندسة احسن مني لازم اجرب شعور الخمس سنين



حلوه

 

[spanish-girl]

حبوبه على قولتهم سمعي من هني وطلعي من هني وفكي روحج

 

[.. مـــلاكـ ..]

حبيبتي
ماعليج منهم
وشيلي عنج هالافكار
البنات ما عندهم غير القييل و القال
ويا حبهم للحجي
خلج واثقة من نفسج وشدي حيلج
وفكري بدراستج وبس
العمر مو مهم الاهم تاخذين الشهاده وانتي رافعة راسج
ياما ناس دخلوا الجامعة واهما بالاربعينات
اعرف وحده ام وعندها عيال بالجامعة
والحين اهي تدرس معاهم
ماعليج من احد
والله يوفقج

 

[%عسولة الحلوة%]

الله كريم
انا بالعلوم من 7سنين
وافكر احول اروح الاساسية
بس خايفة

 

[**حلوة ودلوعة**]

الله كريم
كل واحد ياخذ نصيبه
وباجر تخرجين وتصير سوالف

 

[أوشال]

عادي انا توني متخرجة بعد خمس سنين

كان المفروض قبل سنه ونص وانا ولله الحمد شطورة

بس تزوجت + حملت مرتين بذروة الامتحانات والبحوث والبريزنتيشناااات

بس ما اقول الا الحمدلله مروو بسرعه ولا حسيت وما كنت اعطي مجال حق اي وحدة

تخرب علي مودي وتسألني ليش متأخرة واذا ..وحده سألت اقولها على راحتي بتفرغ حق ريلي

خخخخخخخ وانا اصارع وراء الكواليس مع الدراسة وايهال وكراف البيت بروةحي وبدون خدامه

اساس امي تقول انا مناضلة من الدرجة اللاولى امتياز مع مرتبة الشرف

وهذا بعد المدح بنفسي اقول اعوذ بالله من الغرور

وفي أمان الله