شنو نجيب للوالدة ؟؟

[ناعمة]

السلام عليكم ورحمة الله وبركاته

رفيجتي والدة و بالمستشفى و ماني عارفة شنو اجيب لها !

شنو اقتراحاتكم ؟؟

 

[Killer^Girl]

قميص نوم
ذهب
فلوس في علبه حلوه
بدلة للاطفال او طقم
كرسي
دراجه
عربانه

 

[dnyay_mll]

اذا بنـت
ييبي لها اسواره ذهب صغيره
او تراجـي ذهب
واذا ولد يبي له درايه
او ملابس حق البيبي
او الفراش الصغير مال البيبي
او كمبل قطن طبيعي حق البيبي والله احلا شي حق الشتا بس يكون كشخه
تحصلين بسنتر بوينت
وانشالله البنات يفيدونج اكثـر

 

[Hello_kitty]

شوفي بالمنتدى كويتيات مول في وايد شغلات حلوة حق المواليد

عندج محل ماماز آند باباز يشوق كشخة

محل بربري بالراية عند شغلات حلوة حق البيبيااااااااااااات

وتقدرين تييبين هدية حق الأم مو البيبي

مثل قميص نوم

فلووس تحطينهم بعلبة كشخة

طقم عطورات كشخة

 

[love love]

يبي لها قطعه ذهب للبنوته

واذا يابت ولد يبي للام قطعه ذهب


او حطي فلوس بعلبه كشخه لها


او اشتري اي شي للبيبي شي ناقصها

 

[ناني سيكرتس]

انا اعطي اما فلوس او قمصان نوم . ةاذا الياهل بنت اشتري لها ذهب احسن لها.

 

[Raveena]

انا لما ولدت كل وحدة يابتلي شي

يعني في ناس تييب كاكاو

ذهب


ملابس بيبي


عربانة


فلوس


قميص نوم


غسالة صغيرة


بس انا افضل اعطيهم فلوس احطهم في علبة كشخة و اكتب لها تهنئة بالكرت



اللي يولي المستشفى يابولي كاكاو او عطوني فلوس او ليرات
اما اللي يولي البيت يابولي عربانة او كرسي او غسالة صغيرة لملابس البيبي

 

[@ دهن العود @]

ما قصروا البنات

 

[دمثة]

افـــــــلوس احسـن شـــــي

 

[ناعمة]

الله يجزاكم كل خير . الله يحفظكم و يوفقكم كلكم يا اخواتي .

شكرا لكم عالافكار الحلوة . جدا سعيدة بمشاركتكم . و لقيت جم فكرة من افكاركم الحلوة بحاول اشوف ايهي الانسب .

 

[*&* المميزهـ *&*]

فلوس طبعا واحسن