شنو مواقفكم مع المطبخ والطباخ في الحياه الزوجيه كتجربه اولى؟

[فجر Q8]

السلام عليكم

طرا ببالي هالسؤال بما اني ما اعرف اطبخ اساسا

شنو تجاربكم بالطباخ

وشنو اول اكله طبختيها حق ريلج

وشنو من المواقف اللي صارت لج مع الطباخ وشنو قال ريلج فيها؟

واذا كنتي نفس حالتي اشلون تصرفتي؟ واشقال ريلج؟

 

[البـنـدري]

اول طبخة كانت مجبوس وبصراحة مدحني فيها هههههههههههههه

 

[ديانا سبنسر]

هههههههههههههاي ذكرتيني اول ماتزوجت ماعرف اطبخ الا معكرونة وذبحته فيها وللحين يذكرني بهالشي بس الصراحة الحين انا طباخة بريمو وصار الطبخ هوايتي

 

[كرز حالي.]

رد : شنو مواقفكم مع المطبخ والطباخ في الحياه الزوجيه كتجربه اولى؟

انا مملجه ماااااادخلت
بس الحمدلله فنانة طبخ
حبيت اشاركم

 

[مسك81]

الله يسلم اول طبخه لي حمسه تونه كانت حلوه
والطبخه الثانيه الله يسلمج كنت بسوي عيش عاد الحلوه مسك في بالها ان العيش لما يفوحونه مثل الدياي والا اللحم كنت حدي مبدعه وخليته يفوح ساعه الله وكيلج رحت اطل على الجدر ولا انصدم العيش صار جنه نفيش ولا قطره ماي فيه

 

[أنهار الورد]

انا اول طبخه سويتها مكرونه وكانت مالحه حدها بس هو جبر بخاطري يقولي عادي وانا ادري انها ما تنوكل
بس بعدها تعلمت زين ع الطبخ

تسلمين حبيبتي

 

[ام سوسو الحلوة]

رد : شنو مواقفكم مع المطبخ والطباخ في الحياه الزوجيه كتجربه اولى؟

الحمدلله اعرف اطبخ ويكيف على اكلي حده
بس اليوووم طبخت قااالي خوش طبخه بس الملح زااايد
واهووو صاااج حيييل كثرته بس من الجووووع اكل الاكل كله
عليييييييييه بالعااافية ​

 

[ريتااجي]

رد : شنو مواقفكم مع المطبخ والطباخ في الحياه الزوجيه كتجربه اولى؟

أول طبخة كانت مكرونة بالبشاميل وهوه ماكان ياكل مكرونة بالبشاميل

بس لما أكلها من يدي ذبحني كل مرة يطلبها

 

[الشامريه]

انا ايام الملجه دق علي وقالي اليوم مشتهي تسويلي عشا بمرركم البيت وبتعشا عندكم

على طوووووووووووووووووول دقيت على اختي وهي الي سوتها وقصيت عليه قلت له انا مسويتها بس للأسف ماااعجبته يقووول عادي الاكل<<<<<<<<<<<<<<<<<<< ماجبر بخاطري اقصد بخاطر اختي

 

[So0oKaRa]

الحمدلله ريلي خذاني وانا طباخه ماهره
غرامي الطبخ اتلذذ لما اطبخ
والحمدلله عاجبه طباخي
واللي مايعرفون يطبخون لحقو على اعماركم وتعلمو الطبخ ترى الريال يستانس عالمره اللي تعرف تطبخ

 

[بغمزة اطيح خمسة]

انا سويت عيش وربيان وكانت حدها عجيبة
واذاني فيها كل يوم لين لاعت جبدي

 

[نور الكويت$$]

رد : شنو مواقفكم مع المطبخ والطباخ في الحياه الزوجيه كتجربه اولى؟

بيض
الله يوووفقني واطبخله عيييييييييش

 

[Nafnooofa]

اول طبخه بأيام الملجة كانت صينيه دياي مع كريمه وحده تحطم فيها .. حسسني اني مسويه انجاز ههههههه :>

 

[عادي من قلبي أشيلك]

بس شاطره في اللحم مفروووم اسويه مثل الكيميا<<< الله يعينه

واول مره طبخت مجبوس دجاج والله يابنات ان العيش صار هريس لاتقولون شلوووون مادرري
وكان جوووعان حيييييييييييييل ولمن شاف العيش قالي مو مشكله خلي الدجاج وسوي عيش ابيض مره ثانيه عباله اني غلطت مايدري انه خدامت بيتهم هي اللي مسويته ولمن سويت العيش مره ثانيه طلع مثل اللي قبله
ههههههههههههههه وعصب وطلب عيش من المطعم بدوووون دجاج

 

[هيبة ملك]

أنا كسولة وماحب أطبخ

والحمدلله زوجي مو أكول بس مرة طلب مجبوس مرة وحده

وييييييييي

اتصلت على أختي اللي أصغر مني وكانت معاي عالتلفون لين خلصت الطبخه

وطلعت عجيبة

أسوي خفايف

حمسات

مكرونة

يعني

ولاتشطرت دقيت على أختي


ههههههههههههه

 

[شووقة]

اول طبخة كانت معكرونة

 

[Tosta M7mSha]

بيتزا جاهزه مثلجة وحرقتها بعد لوووول ومصرره الا اضبطها 4 مرات اييب واسوي وهم تحترق!! ومكرونه وسباغيتي مااااالحه وعقب جم سنه تطورت جان اسوي ليموووون بالدياي قصدي دياي بالليمون المفرووض ههههه ولانه ميت يبيني اطبخ قام بيشجعني مدحني قالي الله حلو خوش دياي بس لازم يصير وايد حامض؟ يوم خلص جان اذوق وحده !!! كسر ام خاطري بعد لوووول مادري اشلون كلاه وانا امجابلته ما كليت معاه يعني مخصوص له امبيه والحين عاد اخذي من التطنز والمعاير حدي اسوي حلو بارد وسريع ومارشملوو اغمسه بككاو ----يعني طبخت

 

[PiNkiShiYa]

رد : شنو مواقفكم مع المطبخ والطباخ في الحياه الزوجيه كتجربه اولى؟

لوول امبيييه موضوع يضحك..
اناا توني عروس يديده بس انا اللي قلت بطبخ حق ريليي.. عاااااااااااد كلش ماحب اطبخ وفي بيت اهلي مادش مطبخ بس مادري يمكن حبيت اثبت نفسي لوول..

المهم قلت له شرايك تذوق طباخي اليوم ( داشه بقوه لوول يعني انا اللي اعرف)

قالي حبيبتي لا اتعبيتن عمرج نطلب من بره

قلت لالالالالا انا اليومم عازمتك على طباخي لوووول

قالي اوكي

اهنيييييييييييييييييي عاد توهق البطل .. اللي اهو اناااااااااااااااااا لوول

شطبخ شطبخ شطبخ

دقييت على اختي الكبيره قلت لها في اكله تسوينها ديااي بروب وعيش وخرابيط وايد بس لذيه شلون تسوينها !!

قالت الناس اتبلش بشي سهل مو انتي داشه بقوه لووول

صج مسكينه علمتني


واضبطتتتتتتتتتتتتتتتتتتت والله .. حدي تشققت يوم اضبطت d:

وصورهااااااااااااااااااا وقالي هالاكله ذكرى اول طبخه طبختيها لي :$

وبس طبخت عقبها مجبوس ديااي ...
وسويت معكرونيه
وبس سلامتكووووووووووم


d:

 

[~~soso~~]

انا سوويت فطااير طبعا بالملجه >> انفصلنا

فطااير تقديم واكلهم كلهم حتى بقاا جم وحده اخذهم ويااه علشاان خااطري الله يذكره بالخير ويوفقه

عاد انا طبخي حلوو حتى بنت خالتي كله تقوولي يابخت اللي يااخذج لوووول

بس شلوون اعرف اطبخ مادري ماذكر احد علمني والله يعني الحين ماشالله كل شي اعرف اسووي مجاابيس اضبطهم والفطاير بعد

والحلو اذا قريت وطبقته يضبط بعد

بس للحين السؤال محيرني انا شلوون اعرف اطبخ ماادري مع ان ماطبخ ابيتناا كله الخدامه او امي

عاادي قرقت وايد

يسلموو ع الموضوع

 

[؟؟دلع البنات ؟؟]

انا مو متزوجه
وللحين ماعرف اطبخ شي غير خبزه وجبن مالح واقطع فووقهم طماط << يعني انجااز
حبيت اشاااركم