شنو معناه افرازات صفراء معاه افرازات بنية اللون للحامل في الشهر التاسع

[qazlaan]

سلام عليكم بنات انا غبت عن المنتدى فترة تقريبا من عرفت اني حامل تعبني الوحام حيييييييل في الشهور الاولى للحمل كانت اصعب لحظات مرت في حياتي بس الحمدالله عدت .الحين انا على وشك الولاده في نهاية التاسع تجيلي طلوق كاذب وافرازات صفراء ومرات بيضاء من دخلت التاسع وافرازات ماشية. امس واليوم اشوف افرازات صفراء معاه شي بني اللون. اصفر مخلوط في بني مدري قلت يمكن علشان قربت ولادتي بنات ممكن تقولون لي منو مرت نفس حالتي وطلع بوادر الولادة افرازات صفراء معاه افرازات بنية اللون بليز.وادعولي بنات انا ميته خوووووف رغم مو هذه اول ولاده لي. الله يسهل ولادتي وولادة كل حامل ويرزق الجميع الذرية الصالحة يااااارب

 

[glby7sas]

انا مادري بعدين ماوصلت للتاسع وبجريه
بس انا بالسابع ونزلي جذي طلع التهاب معنه ماكان فيه لا ريحه وله حكه فنصيحه دقي على دكتورتج بلغيها

 

[qazlaan]

لا ما عندي التهاب حبيبتي،وشفت دكتوره اليوم تقول لي هذه بوادر الولاده

 

[زوزووووووووو]

يمكن تكون بوادر ولاده انا في بجري صرت اطلق يومين واليوم الثاني نزل علي ماي مع شوية دم خفيف طبعا الماي كان شكله واضح ان مو افرازات لان كان ماي الجنين بس انتي لا تاخذين سوالف تحمي الطلق سئلي دكتورتج اول

 

[عاشقة هواك]

اي الافرازات بوادر ولادة

 

[# غنوجة بيبي #]

الله يسهل عليج يا رب

 

[قلب ريلها]

هذي بدايه للولاده انا صار لي جذي اسبوع وتالي ولدت بس انا ولدت ولاده مبكره الله يقومج بسلامه

 

[noo7a]

بوادر ولاده
الله يسهل عليج و يقومج بالسلامه

 

[فيلجاويه كيوت]

اذا بدون ريحه عادي

بس البني مو زين روحي فحصي يمكن الرحم مفتوح

الله يهون عليج

 

[om 7amoodi]

الرحم قاعد يتوسع ويفتح قربت الولادة الله يسهل ويهون عليج :eh_s(9):

 

[خاشعة للرحمن]

هذا علامات توسع الرحم صار فيني قبل الولادة٣اياام
الله يسهل عليج وعلى كل حامل ياررب

 

[قرة عيونه]

انا بعد احس الافرازات زادت من دخلت التاسع

بس مو بني ابيض واصفر

 

[Wild Cat 007]

هذي سدادة الرحم تبطلت انا صار فيني جذي بيوم الولادة ونااااسه الله يتمم عليج و بشرينا اذا ولدتي

 

[ابله لوله]

هذي سداده الرحم ونزلت علي بولادتي الأولى وبعدها بجم يوم ولدت ،، وكنت مفتوحة ١سم ،، الله يسهل عليا حبيبتي

 

[أأأميرة الورد]

الله يسهل عليج وتولدين بالسلامه

 

[انتيكا]

انا بولدي قبل الولاده نزلت علي احمر على بني مع افرازات لزجه وقالتلي بوادر ولاده اتوقع هذي سداده الرحم

 

[قرة عيونه]

بشرينا شصار عليج ولدتي ولا تو ؟

 

[خوووخه w]

هذي سداده الرحم ان شاءالله ولادتج قريبه