شنو مشكلتج الزوجيه (للنقاش )

[لاتينيـه]

الله يبعد عنآ وعنكم المشآكل يآرب
يعطيج العآفيه حرومه

 

[بنت^النور]

السلام عليكم
انا الحمدالله علاقتي بحمولتي واااااااايد زينه , لكن مشكلتي ريلي السانه زفر والنقاش يقلبه جد وللاسف للاسف يجذب وايد علي
انا تحملت بدايه زواجنا كل شي تخيلو عروس ماكملنا الشهر يتفل علي وياريت في سبب قسم بالله اهو يحب النجره ويغلط ويقلبها على ويتفل طبعا انا بدايه زواجنا لي السنه الل فاتت 4 سنين ما ارد عليه من يبت ولدي العام وانا بديت ما اسكت عن حقي ااااه وتخيلو الطامه الكبرى في ريال بدايه حياته وصغير عنده زوجه يمر الشهر مايعاشرها عايشيين جنهم اخوان
المشكله اقعد معاه واحلفه ويحلفلي اقوله انت لايعه جبدك مني ماتبيني وما اغريك يحلف ان يحبني وييبيني ويستانس معاي بس السبب اللي يخلي اشهر تمر مايجيسني مادري اهو يحلف جذب من خذيته جذيه اهو وماخذني عن حب حب حب
عشان جذيه ماقمت اشوفه ان اهو كفو لي او يستاهلني

 

[أم عنوبي]

مو راضي يحس بمسؤولية الزواج هو طبعه جذي اناني(( ياالله نفسي)) .. حتى الاسواق لين يوديني يبيني اشكره على كل طلعه

صج زهقت اففففففف وهله الغيره ذابحتهم ومسمينا قيس وليلى مايدرون عن مشاكلنا اللي ماتنتهي

نفس مشكلتي بالضبط لا سوق ولا طلعات ولالالالالالاشي ولا زوارة أهل ولا عندي صديقات ربي لك الحمد بعدني عنهم بس قاعده باليبيت ولا عندي خدامه وكرررررف بالهالبيت انهد حيلي تخيلوا حتى الصالون مره بالشهر بس ويحدد لي الأخ بس حف لا شيره لا بدي كير ومنكير ولا قص شعر ولا صبغات سواني هوووووله
ويمثل علي الديانه والالتزام طلع آخر شي عنده علاقات :0bee2e8d89:

حسبي الله ونعم الوكيل
وعلى فكره ...... مايصرف علي ولالالالالالا فلس

 

[لاتينيـه]

أنا لو أقول مشكلتي يمكن تضحكون مشكلتي إن ريلي حيل متفائل ياربي تفاؤل مو طبيعي كل شي عنده سهالات وصرت الحين نفسه بس كله عالطل يالله أحسن من التشاؤم ههههههههههههه:dddds:

هههههههههههه تصدقين مثل ريلي كل شي عنده ايزي
سآعآت يكون متأخر ع الدوآم تلقيني انآ اقوله قوووم يالله بسرعه
واحرق اعصآبي واهو يقول عآدي حبيبتي ان شآء الله الطريج يكون فآضي
ومآكو زحمه سهآلات :eh_s(14):

 

[حرم راشد الماجد]

السلام عليكم
انا الحمدالله علاقتي بحمولتي واااااااايد زينه , لكن مشكلتي ريلي السانه زفر والنقاش يقلبه جد وللاسف للاسف يجذب وايد علي
انا تحملت بدايه زواجنا كل شي تخيلو عروس ماكملنا الشهر يتفل علي وياريت في سبب قسم بالله اهو يحب النجره ويغلط ويقلبها على ويتفل طبعا انا بدايه زواجنا لي السنه الل فاتت 4 سنين ما ارد عليه من يبت ولدي العام وانا بديت ما اسكت عن حقي ااااه وتخيلو الطامه الكبرى في ريال بدايه حياته وصغير عنده زوجه يمر الشهر مايعاشرها عايشيين جنهم اخوان
المشكله اقعد معاه واحلفه ويحلفلي اقوله انت لايعه جبدك مني ماتبيني وما اغريك يحلف ان يحبني وييبيني ويستانس معاي بس السبب اللي يخلي اشهر تمر مايجيسني مادري اهو يحلف جذب من خذيته جذيه اهو وماخذني عن حب حب حب
عشان جذيه ماقمت اشوفه ان اهو كفو لي او يستاهلني

شوفي اذا عاللسان فهو مو مشكله ان شاء الله لان مارده بيتعود عالهدوء والريال كل ماكبر تكن

انا ان مايعاشرج
ترا الرياييل قدرات وعقليات يعني مو شرط تكون لايعه جبده منج
يمكن في شي موتره ولا مضايقه ( من برا البيت )
شاغل باله

الله يهديه لج ويسخره وان شاء الله انها مشاكل عابره حياتي

 

[جـــواهر]

صج محد خالي من المشاكل

 

[حرم راشد الماجد]

حرومه يقلبي موضضوعج وايد حلو ومفيد وانشالله كلنا نستفيد

انا مادري ماعندي مشاكل الحمدلله

بس مشكلتي الوحيده تقريبا مو اكيد لوووول التدخين والشيشه

والمشكله ما احب اقوله وايد لاني انا اضبطله الشيشه والمزه |( اساعده عالانحراف

وما احب اكسر فيه لاني احبه اولا ولانه يحب يقعد بالبيت ويشيش او يدخن ومابيه يطلع من برا جدام عيني احسن لوول


الريحه ذابحتني مع انه وايد نظيف بس الريحه تلزق يتسبح اكثر من مره بس يمكن انا حامل الحين فمو قادره اتحمل

والله حاسه بتانيب ضمير وانا اكتب لووووووول

يمكن لان اول مره اقول شي يخص حياتي بس شسوي صج صج حاولت بكل الطرق

قولولي حلول منطقيه

للعلم انا احب ريحت الشيشه بس اخاف من اضرارها لووول


اب اب

هههههههههههههههههههههههههههههههههههههههههههههههه

حبيبتي اذا لقيتي حل قولي لي <<<< تعاني من نفس المشكله (بصمت )

 

[حرم راشد الماجد]

صج محد خالي من المشاكل

اي والله ياجوجي :tomato2:

 

[حرم راشد الماجد]

موضوعج حده حلو


شقول شحجي يا حرم

المشكله مو علاقتي بزوجي

المشكله علاقتي بحمواتي

اهما للأسف ماتوفقو بحياتهم

ثلاث مطلقات والرابعه عانس

فيهم الفضول والقيل والقال والمراقبه

يراقبون حضوري وغيابي

شحقه طلعت ووين راحت شعندها

واذا صعدت شعندها صعدت مو جنه مبجر !!

واذا تحجيت عندهم بالموبايل يقعدون يراقبون الحجي وطبعا مكالماتي جدا عاديه

واستغرب ان اليوم الثاني وحده منهم تقول اي انتي امس كنتي تقولين بالتليفون جذي وجذي وذي مع العلم انها ماكانت موجوده طبعا اختها للي وصلت لها اللي حصل حتى لو كان شي تافه وسخيف

اذا شافوني طالعه مع زوجي سواء مطعم او سوق يعصبون ويسوون هو الليله بحجة شحقه ماتقول لنا لو مجامله ياخواتي تروحون معانا !!

ونوعيتهم يبون يعرفون شنو معاي وشنو شريت اذ كنت راده من بيت اهلي او السوق طبعا انا اذا ابي اطلع لاي مكان ما اقول لهم وين رايحه بس تامروني بشي انا طالعه مشوار او بيت اهلي او ازور بيت عمي .... واهم اذا طلعو لاي مكان ابدا ما اقول ولا اسأل ولاني فضوليه معاهم وطبعا غير القطات اللي يقطونها علي والنغرات
انا طبعي احقر واسكت واسوي روحي عادي وريلاكس

مع العلم اني محترمه نفسي عندهم ومو مقصره معاهم وكلامي قليل عندهم ورسميه بتعاملي جدا وحريصه على كلامي وما ابين لهم اذا كنت

مستانسه او زعلانه مع زوجي بس المشكله ان زوجي يبين غلاتي عندهم يمدحني وكله يسال عني ها كليتي ولا ماكليتي !!

ومرتين بالاسبوع اطلب بحزة المغرب حلو وفطاير عساس نجتمع وبالعيد اعطي خالتي عيديه مبلغ وقدره ...

انا هالفضول والمعامله وهالاسلوب مجنني واحاول اطوف قد ما اقدر

لاني احيانا اقول ها يمكن الفراغ اللي عايشين فيه هو السبب !!

فمادري متى يتغيرون علشان ارتاح شكلي راح انفجر بيوم لانهم كل مالهم ويتمادون

< فضفضه مابعدها فضفضه

ااااااااااااااااااااخ ياقلبي يا كتاكت ياللي شايل الهم وساكت


سيم سيم انا مشكل

والله انا اكتشفت ان فاقد الشي لا يعطيه واللي مثل حمواتج تلاقينهم يقلبون مشاكلهم براسهم ويقيسونهم عليج

 

[ريمية مزيونه]

ساعدوني بسولف مع زوجي ماعنده شي معين يحبه قوليولي سوالف وبروح كل يوم بقطله سالفه :<

 

[حرم راشد الماجد]

شوفي

اقري قصص الرسول عليه الصلاة والسلام مع زوجاته

وحفظي للج وحده وقوليها له

 

[نور78]

والله ياحرومه خوش موضوع ضغطي علي الوتر الحساس
بس نظل احنا حريم عيالهم يعني الخاله لو شنو يسوي ولدها نظل احنا الغلطانين

 

[حرم راشد الماجد]

اي والله
اي والله

 

[عيش و مرق]

:eh_s(13):مادرى شقول


يموووووووووووووووووت على الدوانيه عسي مارن تلفونه:flower:نقز وصار بيب بيب وراح لهم وخلانى لاعطله لامطله مشاله مايخلى

مادرى شيقولون مايملون:gathering:

 

[حرم راشد الماجد]

هههههههههههههههههههه عيش ومرق

يالله عالاقل الدوانيه مكان حلو ومافيه بنات

 

[RiMa_08]

الله يعينكم والله ..
انا عن نفسي مشكلتي ما كان عندي مشكله مع ريلي ولا اهل ريلي وكنت اعامل امه واخوتاه مثل امي واكثر ابوس راسها بالدخله والطلعه و ما يبقي هدايا بعيد ولا مناسبه ايب لها واخواته نفس الشي بس اخر شي اكتشفت انه الحموله ما تنفع معاهم السنعه يبيلهم طق علي الراس خواته العوانس يغارون لانهم اكبر مني مو متزوجات و يشيشون امه علي ومن يشوفونها قاعده بالشقه عندي يزفونها ولما حملت خدامت خالتي تغسل لي الحمام يقعدون يصرخون ما يبونها تخدمني .. والطامه الكبري انه ريلي مهما يسون ما يقولهم شي ولا يطلعهم غلط حتي لو داسوا علي راسي جدامه ...

وحاليا الغيره زايده من عقب ما يبت بنتي وحده فيهم تدش علي شقتي من باب بتكلم اخوها و تطالعني من فوق لي تحت وتمشي وما يمدون ايدهم يشلون بنت اخوهم ولي درت ظهري عنهم ولا دشيت شقتي يمسكونه من ايي يهدونها ههههههههههههههههههه الله بسخر لي زوجي ويبعد عني شرهم

 

[حرم راشد الماجد]

حبيبتي خليهم على نارهم الحمدالله والشكر

شنو تتوقعين منهم حبي

المهم ان ريلج زين معاج حياتي والله كريم
ويجعل كيدهم بنحرهم

 

[ام ناصر 2009]

:eh_s(16)::eh_s(16): بنااااات منقهره تلفووووني انباق هذا ثاني واحد ينباق
والمشكله من البيت موشاكه بأحد:eh_s(1):
هديه من زوجي التلفون الثاني حده غالي كان بيعوضني بالأول
والحيين أهو متضايق حده بس موبين
واعليه أكسر الخاطر سبع تلفونات ينباقون
خمسه عند أهلي
واثنين عند اهل زوجي
شفيهم متسلطيين على تلفوناتي:eh_s(14):

 

[مارياج]

اب اب

ناطره حلول لمشكلتي لوووووووووووول


فديت حرومه ومواضيعها انا

 

[مرت الأيام...]

و انا بعد ناطره حل لمشكلتى

:0bee2e8d89: