شنو مشاكل الطالبات ؟؟؟ بسوي تحقيق ساعدوني

[Miss.6Mo7]

اذا بتكلمين تكلمي عن اكثر موضوعين فيهم ظلم @@

صج يقهرون ويبطون الجبد

اول شي الواااسطه ...........

هالموضوع معقدني حيل :s يعني يساوون الي تداوم وتتعب وتجتهد بالي ما تداوم :s
والله عندي سوالف عن الواسطه تنصدمون منها قهر قهر @@
وثاني موضوع عن البنت الحامل بشهرها ال9 وعقب الولاده ...........

امبي في دكاتره ما يعرفون معنى الرحمه @@ ما يراعون كلش :s مايفكرون لو هذي
اختهم بنتهم من اهلهم حرااااااام والله اشكالهم تقطع القلب وفوق هذا لا يصادف ولادتها
بوقت الامتحانات تعالي شوفي انواع النذاااااله

بالتوفيق حبوبه​

الاخت عطتج مثآل ..

 

[أم الغزلان]

انا ابطلع سلبياتي تجاه الكلية بكل النواحي

شنو معناتها الشعب مغلقة ومحتكرة ؟؟؟

شنو معناتها تتأخر الدكتورة عن المحاضرة نص ساعه وتقول لحد يروح يسأل عني ؟؟؟؟

شنو معناتها المسخرة والازعاج بالممرات ؟؟؟بس فيه مشرفة ممتازة بكلية الاساسية تسنع عدل الله يوفقها..

شنو معناتها قلة المقاعد وعدم توفير الجو المناسب بالقاعه (( مقاعد تكييف اضاءة))

شنو معناتها عدم الزام البنات بالاحتشام؟؟هذول فيهم كبت عالجوهم..

شنو معناتها ناخذ كتاب كامل بكورس؟؟؟

شنو معناتها مادة التجويد فيها شفوي ونظري وحفظ جزء كامل وعليها بس 1 وحده

شنو معناتها عدم ادخال مشرفه للمراقبه في الامتحانات الشهريه اذا كان المادة لدكتور وياحلو النتايج للغاشين ؟؟

شنو معناتها لما تكون المرأة تدرس وخشمها رافعته ؟؟؟ طبعا مو الكل

شنو معناتها عدم نظافة دورات المياة والعاملات قاعدين؟؟؟عدم المراقبه المستمرة؟؟

شنو معناتها لما تكون المادة كأننا داخلين تجنيد؟؟؟

شنو معناتها لما كل مرة تجين ماتلاقين الدكتور بساعته المكتبيه؟؟؟

شنو معناتها لما يكون الوحدة بتولد لازم يعطونها ايقاف قيد لكورس واحد عشان تريحهم وترتاح؟؟

شنو معناتها وشنو معناتها....ليش مافيه رقااابه ياناس

 

[الدلـع كـلـه]

تحرشات الطلبه <<توني مستجده وانصدمت حدي من اللي قاعد يصير ؟


تكبر الدكاتره ليش يعني هالتكبر على شنو ؟؟؟


الاعانه ماتكفي على الاقل يزيدونها 50 ..او كلللش كلللش يلتزمون بمواعيد نزول الاعانه ؟؟


الشعب المغلقه يعني ليييييييييييييييييش مغلقه بفهم شنو مايبونا نتخرج ونخلص ونفكهم من عددنا على قولتهم

ووبس..

 

[no0oneta]

اولا
احتكار المواد وخصوصا اذا الدكتور موووووووووووووووو شي
ومحد يقدر يحاسبه ومانقدر نشتكي لاحد من ظلمه
شنو يعني لما يقول اول محاضره بالكورس تقسيم درجاتي كالتالي:
A لله
B لي >> يقصد نفسه الدكتور
C ونازل لكم انتم يالطلبه

؟؟؟؟؟؟؟
وين قاعدين شلون بدرس اذا درجتي عارفتها من سي لي تحت !!!

حق منو نشتكي ومنو بيسمعنا والكل يدري بهالسالفه ؟!


ثانيا
مزاج الدكاتره يقهررررررررررررررررررررررني
يقولج يصلح الامتحانات على مزاجه اذا مزاجه اوكي كل الشعبه درجاتهم حلوه اذا مزاجه مو حلو كلنا بالقاع
شنو يعني يصلح الامتحان على اساس اذا شاف ورقتج ملياااااااااانه حجي يعني يفهم انج دارسه بدون لا يقرا
واذا حظج مثل حظي بيشوفها مليانه بس مزاجه مو اوكي يحط لج درجة مو زينه لان مزاجووه عاوز كده


وياااااكثر البلاوي بس خلينا ساكتين هاذي جامعتنا وصل على النبي

 

[بصْمةُ ضِيَاءْ]

المشكله الاولى هي : الشــــــــــــــعـــــــــــــــب
والمشكله الثانيه هي: تــــأخيير الاعااانه
وانا مع رفيلووو لو زيدونهاا احسن لان ماتسوي شي......

 

[нάγoηά cнεмίsтяγ]

الشعـب المغلقـه هذي مشكلـه الكل .. والكل يتأخر بالتخرج بهالسبـه .. يعني مو ذنب الطالب

عدم توفير أوقات مختلفـه للمواد >> يعني مثلاً مادة محاسبة متوفره كل الأيام ( أحد أثنين ثلاثا أربعا خميس ) بس كله وقتها من 3 لي 5 !!
و أحياناً طالبة لازم تاخذ المادة ومايناسبها من 3 لي 5 المفروض توفير أوقات مختلفـه لأن مو كل الطالبات يقدرون هالوقت

مشكله عدم تقدير الدكاترة للطلبه وعدم تقدير جهودهم ومساواتهم بالطلبة الغير مجتهدين !! وهذي وايد تصير !!

مشكلـه المواد العامه الي تكون مختلقـه عن تخصصنا و ميولنا يعني مثلاً انتي قسمج علمي وتدرسين بكلية علمية .. وشاطره بالمواد العلمية وايد وتقدرين اتييبين معدل عالي بتخصصج .. بس الكليـه شكـو تجبرنا ناخذ مواد غير عن تخصصنا مواد أدبيه أو مواد علميه مجالها غير عن مجالنا و هالشي انتي مو شاطره فـيه بس مجبورة تاخذينه وبالتالي راح ينزل معدلج وانتي اصلا شاطره بتخصصج يعني مواد عامه مالها شغل بتخصصج تروح تنزل المعدل لـيش !! المفروض المواد هذي يكون عليها وِحده وَحدة بس عشان لا تأثر على معدلاتنا ! المفروض هالمواد تبقى مواد اختيارية ما يصير يحطولنا مادة ( إدارة صناعية اجبارية ) واحنا تخصصنا كيميا مثلاً !!!

 

[أم حمد =)]

ظلم الدكاترة خصوصا الحريم :/

 

[ميني كويتيه]

الشعب المغلقه

ظلم بالدرجات

المسافط العجييبة << انتي و حضج

الواجبات اللى ما لها داعي << حرام فيها الاوراق

 

[ام عموور]

الشعب المغلقه

لبس البنات والمكياج الاوفررررر كلنا نعرف نحط مكيااج بس مو جذية قدام خلق الله الله يهدي الكل

 

[shurooq]

فعلا الله يعيينكم

مشاكل وايده

يعني ياليت تسولفون اكثر


لانه جد وايد شغلات انا ماكنت اعرف عنها شي وما تكلموا عنها الجرايد والقوا الضوء عليها


موفجين ياربي بدراستكم والله يسهلها عليكم



وكملوووو همومكم وشاركونا فيها

 

[رووز q8]

وااي الغدق "جبتها ع الجرررح وكنك ماادريت"

اكثر ناس مظلومه بنات لغه عربيه يعني زود الهموم الي نشوفها هم مواد المشتركه بين الاداب والتربيه ؟؟

اوكي جماليات ومهارات = مدخل دراسات نحويه ونقديه ؟ طيب ليش ماتصير نفس الاسم او ليش ماتتعادل

يعني انا اخذت جماليات ومهارات وبالاخير يقولون لي انها مو مطلوبه ولازم اخذ مدخل دراسات نحويه ونقديه ؟ شنو راح استفيد وانا دارسه الماده

والمصيبه ان كل كوورس تصير هوشه بين اقسام الاداب والتربيه كل واحد يبي الثاني ينزلها ومحد راضي ينزلها واذا نزلت يا دووب تنزل شعبه وحده وشوفي انواع الزحمه بالقاعه وشباب وبنات بنفس القاعه ؟


ثانيا : سالفه الشعب المغلقه الاخوان للاسف مو مآهلين هالوظيفه يعني تفتح السحب والاضافه وانت ماعندك موااد ولا شعب مفتوحه ليش هالعباله ؟؟


وتحرش الدكاتره حدث ولا حررررج ماراح اتكلم لان الاغلبيه شاايف الوضع @@


بس مصيرها تفرج باذن الله

 

[shurooq]

جد الله يعيينكم


حشى مو جامعه :/


وايد فدتوني يا بنات

كملو


فضفضوووو

 

[shurooq]

وينكم بنات

اببببببببببببب

 

[الغدق]

ام عمور مو بس لبس البنات
حتى لبس الشباب شنو هذا
واحد مداوم بشورت والا لابس
تيشيرت ضيج ومعضل عيب
بصررراااااااااحة انا من اللي شفته من لبس البنات والشباب
أنا مع وأؤؤيد بشدددة توحيــد الزي الجامعي

 

[سحابة امل]

صباح الخير

اشكرج حبيبتي على الموضوع الجميل واللي بيخلينا نفضفض


بصراحه انا غاثتني 3 مشاكل حيييييييييييييييييييييييل باطه جبدي :bbbiu:

اول شي المصااااااااافط والله حرام

اقعد افتر ساعه كامله على ما القي مصفط الا باديه المحاضره والدكاتره يطردونا طيب شنسوي اذا مافيه مصافط تقعدين تحوسين ساعه كامله

ثاني شي الشعب المغلقه

ياربي هذي مشكله فضيعه والله
يفتحون مواد ونستانس لمن نسجل الشعبه مغلقه طيب ليش مبطلينها اساسا ؟؟

احتكار المواد
اغلب الدكاتره محتكرين المواد ليش مادري

واسفه حبيبتي على الازعاج
والله يعطيج العافيه ...

عموما انا ادرس بكلية التربيه الاساسيه​