شنو كليتي اليوم **الجزء الــرابــع ** تقبــل الله طاعتكــم وعيدكم مبــارك

[شندوخه]

ام جمييل اضم صوتي لصوت ام مضاوي

 

[زيـنـه]

عليكم بالف عافيه

ام كتكووووت .. اذا حطيتي وصفه طبخه .. ياليت تحطينها بقسم المطبخ .. افضل و علشان لا تضيع مع المشاركات .. خاصه و طبخاتج فيها صور

 

[بنت عبدالغني شربت]

امبيه صرت ياااااااااااااااهل (( اكل مدرسه )) بس امس اليوم صايمه الحمدالله

 

[رووري]

مرحبا بنات ، اليوم الصبح قعدنا آنا وريلي حق صلاة الصبح وصلينا عقبها مايتنا نومه فقالي شرايج إنروح نتريق بره ، فوداني مطعم الفندق إلي بالرايه ووصلنا هناك الساعه 6:20 وصراحه المكان وايد حلو عجبني ، والمضحك بالموضوع إن بس احنا لكويتيين بالمطعم والباجي كله موظيفيين طيران وطيارين اجانب وحتى المطعم نفسه مستغربين احنا يايين هالحزه ، و ريلي ايقولي ان إمجربه من قبل ورايح له الساعه 10 مع ربعه مو من الصبح عشان جذيه مستغربيين ، المهم الاجواء كانت جنا إمسافرين وصراحه استانست وريوقهم حلوو وايد والشخص 6 دنانير والصاج حده حده عجييب مع إني ما احب وايد الصاج بس هذا كان عجيييب وحتى البوفيه عجبني ، ومشينا 7:30 والحمدلله على كل حال ، وهذا إلي صورته :

 

[Pink GirL]

بالعافية بنوتات

طوق البنفسج
كريب كافيه اللي يسلمج بالبارت اليديد عند المطاعم شوي مدعووس يم لوفات

شوية صور للبلعة

شربوت حتى انا هالايام مقزرتها فليك خخخ

هذا نقصة من خالتي الله يحفظها

طلعت درابيل مزكرته

عشانا امس من نايف
جيكن فيليه

فرايز

حمص وبوري

ذرة

 

[GAP^^الكبيرة]

بالعااااااافيه بنات

دلووعه صوره الباستا والزبيدي يشوق

بنووووكه.. عليج بالف وستميه عافيه... انا ماحب نايف لاني ماكل دياي بس خلتني الصورة ودي اتغدا بوري وحمص ووداعا للرجيم بالثلاثه خخخخخ


نطروني بنزل لكم اطباق جم يوم طافو

 

[Pink GirL]

امس عزمت رفيجتي عالريوق في لينوتر

وعاديت اختي وراحت كريب كافية ودزتلي الصور بال MMS لوول

بانكيك

وهذا عشا خواتي الصغار امس من مطعم يديد اسمة امايا

والحمدلله على النعمة

 

[Pink GirL]

قاب
الله يعافيج حبيبتي
البوري والحمص غرام اختي وريلها

 

[رووري]

بالعافيه بناات وصج ريوق لينوتر عجيييب ،

 

[زيـنـه]

عليكم بالعافيه

بنكش حتى احنا امس عشانا من امايا مشرف
خووووش اكل ومافيه زفره .

بس ما صورت وياي الاهل

 

[bnt_7waa]

ym ym bnat bel3afya

bnoka

klshay 76eteh yshwaq

 

[GAP^^الكبيرة]

بنوك هني وعافيه لج ولرفيجتج وخواتج وزوج اختج مره ثانيه... ذكرتيني بلونوتر كنت كل ما ابي اقب مع غاب نروح نتريق هناك >> اياااام

كاني رديت لكم مثل ما وعدتكم

حلاو بو بقره.. كنت استعيد امجاد الماضي هههههه... بس تصدقون هذا طعمه ما تغير >> يعني شتبينه يصير هههه



بان كيك من ماكدونالدز كنت متريقه مع اختي (( الوحيده اللي مو مسجله بالمنتدى )) كان الجو حلو والقعده تهبل صوب البحر



فطوري باخر يوم صيام الدين .. الحمدالله ارتحت.. فش فيليه لذييذه مع بطاط بالفرن وسلطه خش بالشمندر يم يم و تمر والحمدالله


فش فيلييه من الداخل

مطعم قصر البردوني الله يزيد النعمه ... طلبنا مقبلات كانت وااااايد عاديه و المشاوي والعرايس بارده مادري شلون
وهني طالعه ايد جونيو خخخخخ



وختامها مسك ورق عنب لذذذذذذيييييييييييييييييييييييييييييذذذذذذ يهبل يهبل مو طبيعي

 

[كويتيه مذهله 87]

عليكم بالعافيه

بنوته ماشالله اكلج يشوق ودي اطب بالشاشه وادبه خخخخخخخخخخخ

 

[Pink GirL]

روري
الله يعافيج حياتي

زيون
الله يعافيج
عاد خواتي ماحبووه يقولون شرمبي احلى
تدرين عاد احنا بيتنا بالشارع اللي وراه بالضبط

بنت حوا
الله يعافيج حبيبتي

قاب
الله يعافيج حياتي وبالعافية على قليبج
تدرين عاد انا لينوتر خصوصا البحر ماحب اروح له الا بالشتا وتحديدا وقت مايكون الجو مغيم ومطر
الفيوووو واو عجيييييييييب

 

[زيـنـه]

زيون
الله يعافيج
عاد خواتي ماحبووه يقولون شرمبي احلى
تدرين عاد احنا بيتنا بالشارع اللي وراه بالضبط

بالعكس .. جربنا اكثر من شي امس .. و كلو كان تمام بشهادة الكل .. عجبني الفجتبل فرايد رايس .

 

[lolocati]

رووري

بنك قير
عليكم بالف عافية

 

[بنت عبدالغني شربت]

يوعااااااااااااااانه بالعافيه بنوكه ورور اكلكم يشوووووووووووووق

 

[بنت عبدالغني شربت]

الئلوب عند بعضيها :gathering:

 

[القلب الصافي]

بنك بالعافيه وين صاير بالضبط مطعم امايا بمشرف ؟؟؟؟؟؟؟؟؟

 

[Q8ia_100%]

امبيه اشفينا على الفليك
قبل ما اواطنه صار لي اسبوعين ما اكل الا اهو