شنو كليتي اليوم ((الجزء الحادي عشر)) تعالي وشاركينا بالصور

[ABEER FLOWER]

ريميه صبااااااح القهوة المزبوووووطه ههههه
بالعااااااااافيه على قلوبكم يارب

أم حسووووون هني و عافيه حبيبتي

ديجيتااااال من زمان عن صورج الحلوه
عليكم بألف عافيه

أم خاااااالد تسلم الأيااااادي
و بالعافيه يارب

باربي الحمد لله ع السلامه و ما تشوف شر
عقبال ما تطلع من المستشفى بصحه و سلامه
و بالعافيه يارب​

 

[بنت التميمي]

عليكم بالعافيه بنات مدخل مايسري يمري

 

[ريمه الكويت]

ديجتال يعافيج اي لذيذ بس مومثل كنتاكي تحسين بهاراته عربيه

 

[ريمه الكويت]

يعافيج كميثره انا احب الرقاق بالزعفران فيه حلاه ماخذينه من القهوه الشعبيه

ام خالد عوافي كيكتج تشوق ماشالله


باربي حمدالله على سلامه الوالده ويخليها لكم وهني ماكليتو

لووووووووووول عبير صباح الفل عالكل

 

[ريمه الكويت]

ريوقنا

بسم الله





وهذا نسيته امس


لله الحمد

 

[أحلى همبه كويتية]

عليكم بالعافية حبيباتي كلكم


ريوم
اشهالصورة الختيييييييييييييييييرة
حاط حمرة ما شاء الله البراطم صايرين دبل


شهيتيني على الشعرية
غرامي انا والعيال

 

[أحلى همبه كويتية]

باربي
الف الحمد لله على سلامة الوالدة
ما تشوف شر

 

[كراميلا مرة]

عوافي عليكم كلياتكم
باربي الحمدلله على سلامة الوالده
ريمه الكويت ماشاء الله البلاليط يشهي
عليج بالعافيه

 

[غلبانه]

عوووووووووووووووووافي

 

[Cute mama]

عليييييييكم بالعافيه جميعاااااااا

ليلحين ناطره طريقة التكساس فرايز :""(
​

 

[لبنه بالزعتر]

يا حلوج يا ريمه الكويت ما شاء الله عليج
ابى طريقه الشعريه كل ما اسويها تعجن ما اضبطها على فكره انا عليميه بالمطبخ بس من تزوجت بديت ادخل واجرب لانى عند حموله وكل الجنات يعرفون يطبخون الا انا

 

[أم الغاااالية]

عووووووووووووووووافي باربي

عووووووووووووووووافي ريمية

عووووووووووووووافي ام حسون


عافية عليكم

 

[درة أهل الطولات]

ابي اكككككككككككللللللللل​

 

[ركاب الأصايل]

عليكم بألف عافييه,,


ريووووم لوووول غلطانه ع هالبراطم مافي اصغر من جذي

عليج بألف عافييه,,

 

[ريمه الكويت]

لووووووووووووول همبوشه البراطم موديل هالايام والبلاليط حلالج بلالج

عيونج الحلوه كراملا

لبنه بالزعتر الله يوفقج يارب وعادي تتعلمين كلنا عجنا وخبصنا بالبدايه الشعريه اول شي احطها بصينيه فرن واحمرها بس من فوق علشان تعطيني لونين تشوفين فوق احمر وتحت يتم على لونه

اغلي ماي وخلي الماي وايد علشان لايعجن وحطي قفشتين زيت هم يساعدج على ان مايتلزق من يطبخ الماي حطي فيه الشعريه وحركيه بالملاس شويه بعدين خليه يغلي دقايق وانتي راقبيه ماياخذ وقت من تشوفين الشعريه لانت شخليه بالمشخل
واهو بالمشخل حطي كوبين شكر او حسب كميه الشعريه انا اذوقه بالمشخل والي بالصوره حاطه فيه دبس تمر بس موضروري

بعدين رديه بالجوله على نار هاديه وحطي ربع كوب ماي دافي مذوب فيه قفشه زبده وقفشه ماي ورد ورشه زعفران وهيل ناعم واحطه على الشعريه واسكر الغطا واخليه يتشرب الخلطه على نار هاديه ويفضل تحطين تحت الجدر قطعه صاج اوحديده

كلها دقايق وقدميه مزين بقرص بيض وعوافي


يعافيج ام الغاليه

لووووووووووول راكاب اي موديل البراطم الدبل

 

[ريمه الكويت]

الغدا اليوم مغربي

بسم الله ابدي



روب بالخلطه



بيديان مقلي



كسكس بالريش والخضار لذييييييييييييييذ



مسويته عالطريقه المغربيه بالبخار

وتفضلو بسم الله

 

[لبنه بالزعتر]

يعطيج العافيه حبيبتى ما قصرتى

ان شاء الله اجربها واقولج النتيجه

 

[om_fajer83]

أمس طلبنا من بيتزا ان من طلبات
ماعجبني حيل اللهم ناتشوز الهلابينو وحلقات البصل :
حلقات بصل
http://img.ly/3yK0
شبس
http://img.ly/3yJZ
ناتشوز هلابينو
http://img.ly/3yJW
لزانيا وميرندا وسفن بس ماصورته
http://img.ly/3yJV
بيتزا نتفة جنه طارينها منهم
http://img.ly/3yJO


من إيكيا :

أول مرة أجربه كنت أبي حبكم بس كان زحمة
ورحت مال إيكيا وحدة اهني مدحته وطعمه حلووووو شكلي بطيح عليه ان شا الله*

http://img.ly/3yKf

عصير برتقال فرش

http://img.ly/3yKa

ناتشوووز لذيذ مع صوص الجبن وهلابينو

http://img.ly/3yK5

 

[شهرزاد الحكاية]

الغدا اليوم مغربي

بسم الله ابدي



روب بالخلطه



بيديان مقلي



كسكس بالريش والخضار لذييييييييييييييذ



مسويته عالطريقه المغربيه بالبخار

وتفضلو بسم الله

عليكم بالعافية تسلم ايدج يارب شكل الاطباق روعه

بغيت منج طريقة الروب بالخضار الله يعافيج

وطريقة كسكي الخضار انا كليته بتونس وعجبني وابي تعلميني شلون اسويه

ومشكورة مقدما ...​

 

[ايمانو حلوة]

كيوووووت حطيت روابط الوصفات وهذيل اهما مرة ثانية لعيووونج

طريقة تكساس فرايز وصفحة رقم 4 في شوية اضافات خلتها الذ والذ والذ

http://www.q8yat.com/t622375.html


طريقة سلطة الخس بصوص الريحان

http://www.q8yat.com/t515710.html



زرشك بولووووو تحت شوي
http://www.q8yat.com/t364504-11.html