شنو كان ودج تصيرين وشنو صرتي ؟؟ وشنو طموحج في المستقبل

[زوغه الحقوق]

آنآ كآنت طموحي آدش حقوق و آصير محآمية بس آلآهل رآفضين
عقب آتجهت للمآدة آللي آحبهآ آنجليزي
و طموحي آللحين آتخصص آنجليزي و آدش تدريس ثآنوي للغة آلآنجليزية
قبلهآ كنت آبي آصير مترجمة بس آلآهل رفضوو
وآللحين آبي آدش تدريس
وآنآ آحب آلتدريس

آلله يوفق آلجميع

أهلج الله يسامحهم مسببيلج عقده هههه

الله يوفقج
​

 

[زوغه الحقوق]

رواسي الآمال

اعربي ما تحته خط  لا اتغشمر

Al-musk

والله شوفي من ناحيه يمدي يمدي بس أنا مو بايعه عمري هههههه​

 

[الحسن الرقيق]

كان ودي اصير دكتوره اسنان وصرت مدرسه

وطموحي اصيررررررررر وزيره

 

[طويت صفحة الماضي]

كان ودي شغلتين صراحه

الاولى كنت ابي اصير مدرسه وللاسفه صرت بوزاره ضايعه بطوشه فيها
وثانيه كنت اتمنى اصير ام واحقق كل حلم حلمته وللاسف تزوجت وتطلقت وقدر الله ماشاءفعل والايام الحلوه في القبال باذن الواحد الاحد

 

[moo-0-oon_14]

انا كان ودي ادخل تخصص بيئه ودخلت كلية البنات لان فيها تخصص ادارة تقنية بيئية بس بعدين حولت لان الانقليزي صعب شوي بالكلية وحولت علوم اجتماعية تخصص جغرافيه لقيته اقرب شي حق تخصص البيئة خخخخ وطموحي اكمل ماستر ودكتوراااه ومن احلام حياتي اني اصير فلكية واروح وكالة ناسا امريكا خخخخخخ

 

[ScarletteO'Hara]

كانت امنيتي اني ادرس ادب انجليزي
بس درست حقوق و صرت قانونية
طموحي اني اكمل ماستر و دكتوراه و انتي افتح لي مشروع
و طبعا الامومة الي ان شاء الي الله يحقق لي اياها بعد شهرين

 

[kuwait_queen82]

كنت اتمنى اصير كابتن طيران بس بعد ماتوفى الوالد عمي رفض و حالياامكبره المخده ليه العصر و باذن الله قريب راح اكمل ادراستي بكالوريس و ماجستير بالخارج

 

[Omniya]

انا عندي طموووح بدوون حدووود
ودي اشتغل بأكثر من شغله وأجرب اكثر من مجال
احب اكتب ودي أكتب قصص وكتب , وودي اصير صحفيه
وابي تكون شغلتني الاساسيه اشتغل بشركه أو بنك محاسبه
اما الكتابه والصحافه يكون شي جزئي .. وودي اشتغل بقنوات الكويت
عشان اضبطها وودي اخذ دورات تكون شهادتها معتمده واجرب شغلها لفتره
ودي اتطوع بعمل تطوعي هالصيف .. وأمنيتي أدرس برررره بس امي تخااف يه

ووايد عندي طموح وشكثر اشياء ودي اسويهااااا
واحس اقدر اسوي كل هذذذا .. بس اخاف اهلي مايرضون بعدين
لأن اغلب اللي اعرفهم اهلهم مارضو عن احلامهم

 

[حـوريـه]

انا ودي اصير كذآ شي بس بالاحلام مايتحقق

ودي اصير مضيفة طيران أو مصممة أزياء أو شرطيه ههههههههههههههه

واللي كان ودي فيه حيل اكون مصممة جرافيكس واعلانات
بس مالقيت مكان ادرس فيه هالشي واشتغل بناء عليه
بس يمكن عقب دراستي الجامعية ادورلي شي يحققلي امنيتي

وكان ودي اصير محاميه بس حيل صعبه والدكاتره بالحقوق مايساعدون
فـ دشيت علوم اجتماعية وبصير اخصائية اجتماعية

 

[طموح دائم]

بالنسبه لي كان ودي اكون اخصائيه اجتماعيه أو نفسيه ما صار نصيب بس ما وقفت قاعده ادرس وبكون مدرسه بس هالشئ عطاني دافع اكثر لاني بكمل ماجستير ودكتوراه باذن ربي العالمين

 

[(كويتيه عسل)]

كان ودي اكون طبيبه :eh_s(2):
وكانو ينادوني في بيت يدتي دكتوره وكنت اموت بالبالطو الابيض واتحلم فيه

الحين صرت ابلة رياضيات:eh_s(2):

يارب اكون دكتوره من نوع ثاني وتباركلي وتوفقني وتدوم علي وانا بخير وبصحه وعافيه

 

[Cander]

انا الحمد لله على كل حال

ماصرت ولا شي ابيه ، كنت ايام الثانوية ادري نسبتي مو مرتفعة فما قررت شنو ادش قبل التخرج

لما تخرجت اقبلوني بالتطبيقي مو بالتخصص اللي بغيتة قلت اوكي اخلص واشتغل وادرس

ما اشتغلت ليلحين انطر ، الحمد لله تدبيرة افضل من الكل

ودي اصير شخصية يذكروني الاجيال القادمة ، ودي اسوي خدمة للاسلام كبيرة

 

[جولينار]

لما كنت صغيرة كانو يسألوني وش بتصيرين اذا كبرتي ؟؟


اقولهم بصير ملكة << ترى كنت جد اتكلم على بالي انها وظيفة مثها مثل التدريس والطب



بعدين كبرت شوي دخلت الابتدائي وقلت بصير دكتورة


لما رحت المتوسط قالت لي وحده ان الطب صعب صعب صعب وكل كتبهم انلقش ودايم يرسبون


هونت قلت ابي ادارة واقتصاد


واخيرا وليس اخرا توني متخرجة من الجامعه تخصص غير عن طموحاتي وخرابيطي الطفوليه


وراضيه عنه تماااااااام الرضا


طموحي اكمل ماستر وبعدين اصير د /


وعلى صعيد الحياة الاجتماعية طموحي اكون أم في أقرب وقت

 

[Hi--class]

َََ



كان ودي أدش حقوق لأن الكل كان يقولي تنفعين للحقوق
الحمدلله دشيت بمكان حلو والله يوفقني
ثنكيوو ع الموضوع حبوبه :eh_s(17):



ًًً

 

[سناشص]

كان ودى اصير مدرسة انجلش والنسبه كانت تدخلنى للجامعه من اوسع الابواب بس فجاه كرهت الدراسه ورفضت اكمل واخر شى صرت مدرسه بس لعيالى وعيال خواتى على فكره لازم اطالب بكادر المعلمين وياهم ههههههههه\
ويسلموا

 

[زوغه الحقوق]

شدعوا محد حقق حلمه !!!

 

[(كويتيه عسل)]

كان ودى اصير مدرسة انجلش والنسبه كانت تدخلنى للجامعه من اوسع الابواب بس فجاه كرهت الدراسه ورفضت اكمل واخر شى صرت مدرسه بس لعيالى وعيال خواتى على فكره لازم اطالب بكادر المعلمين وياهم ههههههههه\
ويسلموا

هههههههههههههههههههههههههههههههههههههههههه :krkrkr:

 

[*toot]

اول شي طموحي لمن كنت بالمتوسط والابتدائي اني اصير مذيعه كنت كل يوم اجابل المنظره واقدم واسجل
يعني برنامج ادورلي اي احد اقعد امثل عليه واسجل وياه لوووول
لمن كبرت شوي دشيت الثنوي غيرت راي قمت اموت بشي اسمه علم نفس وقلت خلاص هذا الي ابيه
والحمدالله حققت حلمي دشيت الجامعه ودشيت الكليه الي ابيها وتخصصت علم نفس بس مورئيسي مساند
وان شالله حلمي الحين اني اتخرج واكمل دراسات عليا علم نفس

 

[عصير ليمون]

تمنيت أدرس لغة عربية وأصير مدرسة
عربي
ودرست وكملت ( لغة عربية )
وصرت مدرسة لغة عربية
ولو يرد فيني الزمن ليورا ،،، ما أتمنى إلا أصير مدرسة لغة عربية
أموووت أموووت وتحيا اللغة العربية
الحمد لله اللي تمنيته حققته بفضل الله سبحانه وتعالى

 

[H.Heavn]

تمنيت ايام الثانوية اني ادرس علم نفس واصير دكتورة علم نفس

لكن للاسف اهلي غصبوني عالعلمي والحين صرت فنية مختبر في مستشفى

لكن لي الحين اطمح اني ادبر اموري واكمل دراسة بشي له علاقة بعلم النفس واحقق طموحي ^_^