شنو كآنت غلطتج بآلتجهيز ؟ !!

[ياربي انا دلوعه]

انا قاعده اجهز الحين ما قسمت المهر
بس كل فترة اشوف اغراضي واشوف شنو ناقصني
بس في شي ملوع جبدي اني اغلب اللي شريتهم ابيض او اسود
ما عندي الوان مع اني اموت عالالوان هذي غلطت فيها
اما الميك اب اموت عليه بس اذا شريت حمره حمره ما اشتري بعد زياده وحده تكفي
حتى العطور اللي احس يتشابهون نفس الريحه ما اشتريهم
مثل اسكادا وروبرتو كفالي لا شميتهم تحسين نفس الشي
وان شاء الله ما اغلط

 

[مسز بسبوس]

السلام ان صارلي 3سنوات متزوجه بس بشترك معاكم اول شي كثرت مكياج وزعت لين قلت بس ومو راضي ايخلص

 

[عنزية مبدعة]

الله يستر لا اخربط لاني بديت بالكماليات

 

[شوAشو]

امبييه انااا عاااد ما اعرف امسك رووحي

 

[نور دنياه]

انا الحمدلله جهزت باعتدال بس كثرت قمصان نوم والحمدلله كلللهم انكرفوااا وكلهم لبستهم.

حاولوا تسون لكم جدول تكتبون كل شي شريتوه، انا كانت هذي طريقتي اكتب كل شي شريته ومقسمه الدفتر جهه قمصان النوم وجهه الدراريع وجهه الجواتي تكرمون والخ الخ ولما احس انه هالشي كثرت منه اوقف وكانت هالطريقه نافعتني وايد :eh_s(22):

 

[الحــور]

كثرت كل شي هذي غلطه حتى يوم سافرت بعد العرس وبشهر العسل مالي خلق اشتري شي وهذا غلط

وكثرت عطور وميك اب 

وبس الباقي ما تحسفت عليه الحمدلله

 

[●° يآإ حِ‘ـبنيً ليَ . . ! «]

انيُ كثـرررررت شبآبيصصص ههههههههه
مآخليتُ شيً و3/4 ع حطتهمُ
آميُ تقووول خشيهمُ لبنآتج بعدينُ
ههههههههههههه

موفقيـنً ،

 

[ميس الحيدر]

خووش موضوع صج يفيد يعطيج العافيه

ان شاءالله مانغلط ونتوهق ..

 

[sooso19]

خوووش موضوع

بالنسبه لي مابديت للحين توالناس ع شهر 11 هع

بس اللي اسمعه ونصايح رفيجاتي لي اني ما اكثر

لاني راح اشتري والسوق ماراح يطير

 

[كل مانسنس]

ابببب

 

[A7la-3roosa]

مؤ تو الناس على شهر ١١ ابدي من الحين لان برمضان ألاسعار تصير دبلات خلصي على ألراحة عشان ما تتوهقين وتنضغطين

 

[عالمي المجنون]

غلطتي أني شريت كماليات العرس

و خذيت جم دراعة كشخة حق العزايم و طلعت خالتي بيتوتية لا تزور احد ولا احد يزورها

و أني كثرت عطور و حملت من ليلتي

 

[مسـك]

غلطتي ان اغلب بجايمي كانت علاق وحفر لازم تشكلين ثلاث اربع ونص كم للحالات الطارئه

غلطتي ماكثرت لبس الشقه واغلبية بناطيلي جنز

غلطتي كثرت مجموعات الجسم من فكتوريا سيكرت ومن باث اند بدي وورك تخيلي بولد وانا ماخلصت ربعهم من كثرهم مكودين

غلطتي كثر قمصاااااااان نوووووم بشكل مو طبيعي



الزبده مجموعات الجسم لا تكثرون انا ماكنت اسمع الكلام

كثروا بجايم بجميع اشكالها حفر علاق نص كم

لا تكثرون قمصان اكتفوا بعشرين قميص


وغلطتي الكبييييييييره اني خلصت المهر قبل اشتري ساعه اول ليلة اللي كان نفسي فيها كورلوف ولما فلست اضطريت اخذ جفنشي

 

[M!Ss Smart]

غلطتي اني كنت اشتري قمصان نوم غاليه ولله اشتريت قميص نوم من الطاهر55ولي هذا اليوم مالبسته لان نظامه حق ثاني يوم الصبح ينلبس ستايل اميرات في نفشه خفييييييفه ومت عليه بس انا ادور العملي ككككك والله لاتشترون قمصان نوم غاليه لان الريال مايفهم شي المهم قميص وبس وبعد كثرت شموووع ماله داعي

 

[گـحِـلْ |~]

غلطتي اني ما كثرت دراريع البيت

وكثرت عطورات للحين بعضهم مليت منه وهو جديد

 

[silent-girl]

الموضوع وايد مفيد
آب

 

[Mrs_Orchidia]

الحمدلله انا ليلحين ماغلطت بشي ماشية بالفلوس حده حده
ما خربطت بالمشترى وايد و اشتري بس اللي احتاجه خاصة اني نوعي من زمان وايد اشتري هدوم و ميك اب فما احتاج وايد اشياء نص اغراضي يديدة

النصيحة اللي وايد سمعتها لا تخربطين و تصرفين واايد ... انا خليت الهدوم و هالسوالف اخر شي بالتجهييز عقب ما خلصت كل الاساسيات

 

[Mrs_Orchidia]

و اي صح .. لا تقولين باقي وايد ومابي استعيل اذا شفتي شي يعجبج اخذيه عشان ما تنضغطين بعدين
استغلي وقتج بالملجة او الخطبة السوق مو حلو بس ساعات تلقين اشياء ماتتطوف

 

[دلووعة أهلهاا]

غلطتي اني كثرت وبخبال بعد

 

[معلمة شيسمونه]

امممممممممم

كثرت شموع على الفاضي احسهم مال امهم داااااااااااااااااااعي وما ادري شلون

كثرت تحف ومناظر للطاولات والصالة .. وبصراحه مو مناسبين حيل هم حلوين بس مالهم د اعي

لااااااااااااااااااااازم تكثرين ملابس للشقه
بجايم
ليقنزات
نفانيف قصيره
شورتات وبرمودات
هذول احلى احلى احلى شي واحس يبي لي بعد منهم وااااااااااايد


وسلامتكم ما كو شي حسيته غلط