شنو غريب بلندن

[moone GRL]

بنات انا بمر لندن بس اسبوع وصراحه قلبي متقطع على السوق


ابي شنو فيه غريب بلندن او شنو ماركات مو موجودة هني .. ابي اشياء مميزة مو موجودة بالخليج لانه حرام اشتري شغلة مناك وهي عندنا

ولو بجيب هدايا شنو احسن شي

 

[الذوق]

نفس السؤال سالته ومحد جاوبني .....؟؟؟؟

 

[yassoo]

تلقين وايد شغلات مثلا في عطورات هناك ماكو منها عندنا
يعني اكثر شي عطورات ومكياج لأن في ماركات مكياج ماعندنا ياها بالكويت
الملابس الداخلية عندهم خياااااااااال واللبس روووووعه بس عيبها الوحيد انها واااااايد غالية
وممكن انتي تشوفين سوالف هناك ومن نفسج بتعرفين انها مو موجودة عندنا
اتمنى اكون فدتج
سفره موفقه انشالله
الله يحفظج انشالله

 

[moone GRL]

حسافة توقعت اشوف ردود


شنو عطورات موجودة بس بلندن عطوني اسماء بنات مابقى على روحتي شي وشنو جناط او ساعات ماركات مو موجوده بالكويت ابي هدايا مميزة

 

[Q8TrendyGirl]

نفس السؤال شنو المميز في لندن وفي أدنبرة إذا أحد رايح لها من قبل

إن شاء الله سفرتنا على الصيف وأبي أحسن الأماكن فيها والأسواق ​

 

[qomerq8]

والله ماركس سنسر مناك غير 180% عن الكويت يعني روعه وبالنسبة حق العطور الي مو موجوده بالكويت عند سلفرج عندهم عطورات حصريا بس لهم ونكست الي اهناك عندهم عطور حلوة حتى الساعات تطلبينهم طلبية من الكتالوج وتستلمينها بعد جم يوم

 

[mona77]

ساعات في ماركه فولي فولي موجوده بلندن وبدبي بس احنا ماعندنا وايد حلوه وعندهم عطر توم فورد شريته وطايح بجبدي جميع الانواع موزود في لاسنزا عندهم عطرين اسود ووردي وايد حلوين ماركسبنسر شريت منهم ستيانات لقيت منهم بالكويت لاوبدلتهم بعد من هني عادي عطورات نكست جزء من بضاعة نيولوك موموجوده للهدايا من بريمارك رخيص وكويس....اي في ماكة مكياج يديده نسيتها شي بني يعني الارنب -----نسيت بالضبط بشارع اكسفورد لقيتها الحمره الحمره والفوشيه ررررروعه.

 

[black_arno0oBa]

شغل primarkحده حلو وقد مد ورخيص وهارودز طبعا ماكو منه بالعالم إلا لندن وعنهم جناط حصرية وبواكه وعطورات حصريه بس حق هارودز وغالي شوي بس يسوون خصم بالصيف اخر شهر سته وفي الكرسمس وبعد عندهم نكست عنده مجموعات حصريه لوشن وشاور جل حق الجسم حيل حلوين وماكو منهم بالكويت

 

[black_arno0oBa]

واكو محل اسمه TK MAKKS iهذا كله عنده استوكات تكرمين جواتي ونعل وكريمات وعطورات وملابس ماركات عالمية وبسعر بخيص

 

[أوركيد]

لا تنسين الككاو والعلوج .....اهم شي بلندن

 

[kuwaitia--uk]

هااي بنات اذا تبون الماركات بس عليهم خصم 70% تلقونهم في البستر فيلج ترووحون لها من محطة القطار علي ماأظن محطة ماريلبورن ترين ستيشين وصرااحة انا اول مارحتلها قمت اخذ بدوون ما أسأل عن السعر وانشالله تستفيدوون من هالمعلومة

 

[رميحيه]

واكو محل اسمه TK MAKKS iهذا كله عنده استوكات تكرمين جواتي ونعل وكريمات وعطورات وملابس ماركات عالمية وبسعر بخيص

هلوو اختي black_arno0oba بسالج ممكن اعرف هالمحل وين صاير بالضبط؟؟؟

 

[mony 85]

والله كل شي موجود بالكويت كل الماركات تقريبا الا المكياج والعطور عندهم شغلات مو موجوده عندنا

 

[..ليالي..]

يعطيكم العافيه بنات

ما قصرتوا

واللي عنها بعد تقولونا

لان انا بعد بروح لندن هالسنه

 

[miss_heathrow]

هارووووووودز وجناط لندن الي على 5 باوند اشكال والوان
وماكو شي مميز بلندن سوقهم كله بالكويت