شنو غداج اليوم ؟

[جرح الليالي]

بالعافية حبايبي



اليوم غدانا ستيك بالفطر والكريمة

 

[حبيبت مرزوق]

جريش بالدجاج

 

[ام_بدر]

طريقه كيكه الزعفران لعيونج


المقادير
4/1 و 1 كوب طحين
4 بيض

4/3 كوب سكر

3/1 كوب زيت
2/1 كوب حليب

ملعقه بيكن باودر

هيل مطحون وزعفران

والتغطيه زعفران+2 ملعقه ماء وربد مع نصف كوب سكر ناعم نغليهم على النار لتصبح صلصه


الطريقه

نخفق البيض مع السكر الى ان يصبح الخليط ابيض كريمي ثم نخفف السرعه ونضع الحليب والزيت بالتدريج مع الهيل وبالاخير نضع الدقيق مع البيكن باودر على سرعه خفيفه وبفضل ان نخفقهم باليد بملعقه خشبيه مع اضافه الزعفران


نصب العجينه بالقالب الي على ذوقكم مع دهن القوالب بالزيت ورشها بالدقيق اوسمسم

ويخبز بالفرن ليحمر والوقت على حسب حجم القوالب

نخرجها من الفرن ونضع عليها صوص الزعفران

وبالعافيه

يابعد عيوني والله مشكورة ماقصرتي

 

[ريمه الكويت]

تستاهلين ام بدر ولايهمج طلبي اللي تبينه

 

[digital]

صور الغداااا

ملك الاسماك زبيدي مقلي




و سلمون

 

[ريمه الكويت]

يحلات الزبيدي شنو نوع الزبيدي الي عندج ايراني ولا كويتي ؟؟

 

[DooNy]

اليوم الغدا

مطبق زبيدي + مكرونة شاورما دجاج

 

[ريمه الكويت]

شلون طريقتج بالستيك جرح ؟؟؟؟؟

مكرونه تورتليني بالدياي والكريمه





تقضلووووووووو

 

[الصابرة المحتسبة]

ريمة عليكم بالعافية
غدانا اليوم عيش بالشعيرية مع كفتة

 

[kandora]

غدانا اليوم ابماكي نوودلزززز وسلطه

 

[ريمه الكويت]

الله يعافيج الصابره ومداخيل العافيه لج


كاتي البارحه احنا متعشين فيه صج اكله حلو عجبني

غدانا اليوم باستا بالكريمه والفطر مع تكا دياي


وكنت مسويه بسبوسه تنقصتها للي يحبون الحلو

 

[white~heart]

ريمه الكويت
ملكة الطبخ الكويتي والعالمي

 

[الصابرة المحتسبة]

ريمه الله يعافيج ياقلبي ويسلمج
غدانا اليوم مجبوس لحم

 

[bint_looda]

غداي اليوم مكرونه بالكريمه واااااو بس حسافه ماصورت

 

[digital]

بالعااااااااافيه بناااااااااااااااااااات

و تسلم ايدج ريمه


اليوم غدانا شوربة عدس بالخضار و سلطة سيزر و ربيان بالبقصمات والحمد لله



ريمه تعرفين طريقة الدياي بالاناناس؟؟؟

 

[ريمه الكويت]

white~heart شكرا على اللقب الحلو وناسه

يعافيج يالصابره ويخلي لج عيالج

بنت لودا نبي صور

ديجتال بالعافيه عليكم وانشالله احط لج طبقج

 

[ريمه الكويت]

دجاج بالأناناس

المقادير:

يقطع الدجاج الي قطع
علبه اناناس مسكره جاهزة تقطع االي قطع صغيرة او عصير الاناناس حسب الرغبه
يقطع البصل الي شرائح
قليل من الثوم المهروس
ملفوف ابيض (الهانه) مقطعه شرائح طوليه رقيقه (حسب الرغبه(

الطريقه :
- يحمر البصل والثوم حتي يصبح لونه بني قليلا ويرفع عن النار
- يحمر الملفوف حتي يذبل ويرفع عن النار
- يوضع الدجاج علي النار حتي يجف ماءه ويوضع عليه فقط قليل من الملح والفلفل الاسود حتي يتحمر قليلا يصبح لونه اشقر
- يضاف له المكونات السابقة مع عصير الاناناس او عصير الاناناس مع قطع الاناناس التي تباع للاكل جاهز يقلبمع بعض حتي ينشف الماء،، وبالعافية




فيه طريقه اعجبتني


الدجاج بالأناناس
المقادير
دجاجة وزنها كيلو ونصف مقطعة قطع متوسطة بالعظم.
نشا
زيت للقلي
ملعقة زنجبيل مفروم
فص ثوم
400 جم شرائح الأناناس
حبة فلفل أحمر
كوب ونصف ماء
ملعقتين نشا( اضافية)
مكعبين مرق الدجاج
ملعقة طعام عسل
ملح
م ص زيت سمسم
قطعة كراث.
الطريقة:
غمسي قطع الدجاج بالنشا
اقليها في الزيت حتى تحمر وتنضج ثم ارفعيها وصفيها.
خذي ملعقتين زيت من زيت القلي وضعيه على النار مع الجنزبيل والثوم وقلبي دقيقة ثم أضيفي الأناناس والفلفل المقطعة قطع صغيرة
ثم قلبي دقيقتين ثم أضيفي الدجاج
والماء المخلوط مع النشا الإضافي ومكعب المرق وزيت السمسم والعسل
وحركي حتى تغلي وتبليه بالملح وأخيرااً الكراث المفروم

 

[سراج الليل]

ريمــــــــــــــــــــــــــــــــــــــه انتي وينج عني من زماااااااااااااااااااااااااااااااااااااااااااااااااااااااااااااااان


أنا توني أطيح على هالموضوع الرهيب

أتمنى أتمنى تتقبلوني

انا طبعا ماعندي مطبخ وعشان جذي أتشفق عالأكل

تخيلوا كل يوم غداي خبزه حاطه فيها جبن كرافت وجاي وعشاي ياشبس أو وجبه من المطعم

وزوارة أهلي مااااااااااااااااااااااااأكل لأني يوم كنت وحام كرهت عشى أهلي وحمولتي مااااااااااااااااااااأحب طبخهم

صح أكسر الخاطر ؟؟؟؟؟؟؟؟؟

لوووووووووووووووووووول

يلا منو تغديني ؟؟؟؟؟؟؟؟

8

8

8

احم احم الحجي حق أمهر ثنين بالتجمع >>>>>>>>>>> يعرفون نفسهم

لوووووووووووووووووووووووووووووووووووووووووووووووووووووووووووووووووول

 

[الصابرة المحتسبة]

تبارك الرحمن ياريمة
وعسى ربي يعطيج على نيتج تحبين تساعدين الكل

 

[*~ فراولة ~*]

اليووووم غدانا عيش وكباب انا وريلي نحب الكبااااااااااااااااب لووووووووووووووووووووول

الله يعطيكم العافية على هالموضوع واايد حلو ... وبالعافية