شنو عطرج لبنوووووووتج

[نونينونو]

السلام عليكم ورحمة الله وبركاته:eh_s(17)::eh_s(17):

حيااااااكم الله



كيف الحال انن شاء الله بخير

حبيت كل وحده تحط تجربتها للعطور واللوشنات الي تحطها لعيالها وخصوص البنوتات فديتهم


ابلش اول

السبوح لازم كل يوم هذي معلومه خذيتها من دكتوره ان السبوح كل يوم للطفل ينشطه ويقوي عظمه

احط كريم جونسون مع مناديل بيبي كير و بودر جونسون جربت بودرة وعطر من الشايع بس كلش ماعجبوني :eh_s(22):عندي جونسون احلى
وتالي احط كلونيا جونسون الورديه او بنفسجيه اما الصفرا والزرقا كلللش ماعجبوني
وبعد كلونيا نوني تعجبني
بالنهايه احط لهم مسك اطفال اسمه المتسلق من العربيه للعود او القرشي عندهم مسك ابيض خفيف وحلو
او خلطه خفيفه من زهور الريف


الحين مليت منهم

ابي شي جديد و ريحه حلوه تحسين ريحة نظافه(((اندمجت:eh_s(9):

وبث

في انتظار ردودكم حبايبي:eh_s(8)::eh_s(8):

 

[hneen2]

اانا اقولج


اسبح قطوتي بغسول جونسون وردي صراحه ماشفت منه الا بلولو هايبر مادري اذا فيه منه بالجمعيات او لا. ريحته بالضبط نفس لوشن جونسون الوردي خنين

وشامبوها سيباميد ريحته حلوه والله



وعقب انشفها ودهنها بلوشن ماركه موستلا تحصلين هالماركه بالصيدليات انا اخذه من صيدليه بوتس

روعه شويه عليه والله تفوح ريحتها خنيينه حدها

وعقب مالبسها وامشطها اكون راشه علي ملابسها قبل السبوح ياعطر جوفال البرتقالي او ساره الوردي

البسها تينن ريحتها بنتي


او مرات بدال العطور احط ورا اذنها شوي مسك القرشي الابيض

بس جد جربي لوشن او كريم موستلا او مناديل هملايا هم روعه حق الطلعات السريعه اقطه بجنطتي واذا كلت او شربت امسح حلجها وخدوها فيه اينن ريحته وجنج حاطتلها لوشن

 

[نونينونو]

يسلمووووووووووووو حنين
الله يخليلج قطوتج00يختييييييي

اوكي بروح بوتس واجرب اللوشن

بس العطور من وين احصلهم؟


اسعدني مرورج

 

[نونينونو]

اب اب

 

[مدمنة ككاو]

احب اخذ لها من بودي شوب او مارك اند سبنسر احب عليها السويت او الورد الخفيف او الفانيللا احس حق بنوتات الصغار يلبق

 

[ام فويزان]

هلا عمري انه استعمل لها مسك من قزاز او رشوش من الجمعيه ناحية منتجات الاطفال ريحته بودر علا نظافه دوم يستانسون علا ريحته لمن يشيلونها ماني متاكده من ماركته بس اتوقع الشايع لونه ابيض عليه لزقه رينبو ملونه

 

[أم نواف غير]

عاشو والله امهاتنا كل السنع فيهم
الله يخليكم لهم ويحفظنا انشالله و
والله كلشي اسمله عليهم حلو البنات عليهم
اهم شي النظافه صج تخليج قصب اتيين لليهال وخاصتا البنت انتي تعلمينا وتعودينها

 

[GaLbI t7aWaL]

هلا والله

انا استعمل حق كتكوتي

العطر اللي جنه زيت من بودي شوب

لونه بنفسجي وريحته مسك

وعموما عطووورات بودي شووب واايد حلوه

وااايي يازينها لمن اسبحها

احس بالنظااافه > لوووووووول

 

[ياعيون مغليك]

من ولدت بنتي لليوم لها سنتين وعطرها وااااحد مااااغيره لو شنووو
الشامبو جونسون البنفسجي عجيب عجيب عجيب
البودر واللوشن هووو نفس العطر البنفسجي
وفوقه احط عطر ساره الوردي
وبس
تصير عرووووس

 

[غاليه الاثمان]

عاد انا عندي اهم شي النظافه قبل الترتيب شنو الفايده اذا طفل مرتب ولبسه نظيف ومافي اهتمام بالنظافه الشخصه !!!
وقت السبوح منتجات جونسون ماستغني عنهم استخدم لها شامبو الجسم البنفسجي اللي بلافندر او الازرق وشامبو جونسون للشعر لاتشابك الاصفر حلو ريحته وعقب لمن نخلص من السبوح امسح جسمها كله بزيت لاطفال بالزهور ولمن انشفها عدل مدل احط لوشن جونسون البنفسجي واحط لها كريم جونسون الوردي ع كوعها وركبها وامسح ع ايدها ورجولها علشان ماتنشف وعقب يجي دور الكلونيا يا الخضرا او البنفسجيه الصفرا فاشله والزرقا ريحتها تنفع للصبيان ارشها ع ملابسها وحتى الداخليه وهم شوي امسح خفيف مااكثر ورا اذونها وصدرها والاستغني عن البودره اللي بالافندر مالت جونسون شكثر احط لها منها لووول وطبعا ملابسها دايما اغسلها بكومفورت ووعقب اخذ شوي من مسك القرشي واحط ورا اذونها وفي بخاخ اشتري لها من الفايز عجيب هم هي تستانس عليه ع صوره فولا احط لها بالاخير ريحته روعه بدال العطلا الفرنسي علشان مايسبب لها حساسيه صدر هذا مخصص للاطفال واكو منه للصبيان ع سبايدر مان بس ماادري عن ريحته والله يطيحون فيها تبوس وتحظن من كثر ماريحتها نظافه وفريش
شوقتوني اجرب اللوشن مال بوتس

 

[manoooram]

set من مكياجي خاص للبنات يشوق اسمه AMMURA ريحته عجيبه
set من Body Shop اسمه LOVE ETC + فانيليا
BVLGARI خاص لليهال
JACCADI
مسك الابيض من القرشي

 

[PuPa^^SWeeT]

من زارا اشتريلها


يهبل

 

[Coffee-Girl]

أنا قبل عطور بنتي من دزني

اما الحين سارلي فتره استخدملها عطر هانا مو نتانا الفوشي عجيييييب سعره ٦ دنانير وشي

 

[استبـــرق**]

عطربنتي ساااااااااااااااااااره
يهبل تسحين ان ريحة البيبي كلها انتعاش ونظاااااااااااااافه

 

[نونينونو]

يسلمووووووووووووووووووووووو حبايبي ع الردود

والله يخليلنا عيالنا

 

[نونينونو]

بنات شوقتوني على عطر ساره الوردي

وين احصله؟

 

[raneen]

انا بنوتي ... استخدم لها ساره.. هيلوكاتي الطويل ...فله ...تنكر بيل ...عطر فتيات القوه ...
واللوشن من جونسن ...والشامبو من دزني لانه جونسن نشف شعرها ...وكان عندها عطر عجيب اسمه لولو بني الارنوبه بس بعد ماحصلته ياني هديه والي يابته مو ذاكره من وين للحيني ميته والاقيه ...غطاه ذهبي طويل واهو مربع شفاف وعليه صوره الارنوبه ياليت الي تعرفه وتعرف وين يبيعونه ادلني عليه واكون شاكره لها...