شنو شريتي اليوم ؟؟؟ شاركينا بالصور (الجزء الرابع)

[Raveena]

امبي سالفة الامطه اول ماطلعت سالفه
صج نفشل دلاغات للراس.. لا وحلاتج وانتي طالعه من دارج ولابستها
ادورين ملفعج.. واخوج ولا ابوج يشوفج
حشى اندونيسيه مقعده (( حاشني الموقف )) :tongue22:

..:krkrkr: صج هبات​

لوووووووووووووول


احنا كنا نسميه حجاب اندونيسيات :krkrkr:

حبيبتي الشيرازيه بالعافيه عليج وحلوين اكيد عليج واختج ناخذها مو مشكله لووووول

عود مبخر .. كشخه اندونيسيه اذكر اول ما لبسته اخوي قولي بالدخله والطلعه هلا فرعون شكو مادري !!! يعني نفس حجاب الفراعنه اللي قبل يلبسونه الرياييل هههههه عاد انا قلت احسن موضه طلعت تدري ليش ؟؟ لان عالاقل ما يطلع الشعر ولمت الشعر شوي وصارت حتى ام قذيله اللي اطلعها لخاطر عيون الموضه دخلت قذلتها
ويع الحين رادين يسوونها قذله شقره طريقة علي بابا ويع ..

لووووووووووووول فرعون ولا توت عنخ آمون :krkrkr:

 

[Raveena]

شاريته من قبل رمضان اهوا وشي ثاني بس مادري وينه الشغله الثانيه اصلا ناسيه شنوو لووول
مالبسته ولا مره حق ايام الهالاقه



ملافع مادري ليش شريتها اخخخخخ بس لانها رخيصه
ولما رديت البيت بصراحه طلعوا حلوين مع ان الشكل العام يقول لأ




دلاغات ايد .. مادري شيسمونهم .. احنا معشر المحجبات نبتلش بالثري كوارتر مو معقوله بالحر بلبس بودي تحت واموت حرررر مو كل لبس اقدر البس بادي تحته .. والسوق كلووو هيك ثري كوارتر .. ترى عندي كل الالوان وهذيل زياده فوقهم الخمطه على ربع لوووول



كلينكس للجنطه يونسون لازم على طول اشتريهم



شباصات لأميراتنا وبناتنا لاحظوا معاهم حكااكه الريول مادري شيسمونها



هذي الشباصه بيصير عليها هوشه ادري وبموت لاني لقيت بس حبه وحده
صورتها لكم بروحها حدها كيوت


الله يستر بيصير الدم للركب
يالله اتفرج منو يفوز فيهم وياخذها له وبزودهم بعد بأدوات المعركه شحاطات تكرمون وماي للشرب لان اكيد بيتفلون على بعض
موبنات صبيان لووووول
لا كل وهذا وفجأه يصيرون بقمة الدلع والمياعه شلون مادري

عليج بالعافية


انا من زمان ادور على دلاغات الايد لوووووووول مرة سالت امي قلت لها اكو شي ينلبس على الايد جنه جم من وين اييبونه :krkrkr:

 

[Raveena]

هلا والله حبيبتي السدره طلبتها من www.guess.ca بس مادري شفيهم نزلو هلون الي شريته يمكن يوم واحد والحين بس فيه الورديه وهذا عنوانها بالموقع يمكن تعجبج الورديه

http://www.guess.ca/productdetails.aspx?style=vy060104&category|830=&image=vy060104-rse

وماتغلي عليج يالغاليه

عليج بالعافية

وايد حلوة الجنطة

 

[زلابيا]

بالعافيه بنات

 

[ام كتكوت]

يلا شلتها حطيتها عشانج والله .. وان شالله الله يرزقج بوحده نفسها لوووووووول

تسلمين ياقلبي

بستها خليتها تبجي بعد لووووووووووول

وااااااااااااااااي عمري بسم الله عليها والله يحفظها
مشكوره فديت قلبج ماريوتا ديري بالج عليها


----------------------

هذا قرقيعاني بنات اللي وصلني: )

هذا القرقيعان اللي وصلني غير اللي فتحه زوجي بغيابي وحذف الجياسه لووووووووووول

ماشاءالله لاقوه الا بالله






هذا تبع اللي فوق عجبني وايد


يحليله الشيبه سايح لووووووووول



حتن مسؤلتي عطتني قرقيعان فديتها وفديت ولدها




احلى شي انها حاطه اونو واشياء قديمه ههههههه بوولد وطقته

وهذا عجبني لمن رحنا قرقيعان بيت عمي كبييير بس مبين انه صغير بالصوره

وهذا

وبعد فيييييييه

يتتتتتتبع

 

[ام كتكوت]

نكمل

وهذا من بره وداخل طريقته حلوه

وهذ عروسه رابطين فيها الجيس

وهذا بعد من بره وداخل عجبني فديتها الغاليه

هذا للامانه مو لي بس اكلت منه مال توأم روووحي وبنت عمي
يايبينه من مصر ويبيعونه بالمعارض

فديت الغاليييييييييه حبيبتي لولو

هذا عجيييييب بس انا شلت الصور والورود كان اينن

وهذا

اخر شي تقريبا الباجي جياسه عادي

وقرقيعان وقرقيعان
اشكر كل من عطاني لاخلا ولا عدم
فدييييييييتهم مانسوني
من بعيد وقريييب ماشالله تبارك الرحمن
وان شالله عجبكم القرقيعان

 

[قوطي نيدو]

عوااااااااااااااااااااااافي

 

[shai6onah]

ما شاء لله ام كتكوت انبدعه بالقرقيعات الله يخلي لج كتكوتج يا رب ^_^ وتتهنون بنات قطوه دايما اغراضج حلوه وستايل ما شاء الله عليج

 

[shai6onah]

اول مشاركه لي في هالموضوع وان شاء الله مو الاخيره ^_^ حبيت اوريكم جم شغله خذيهم للجامعه
كلهم شاريتهم من النت والي تبي الموقع تقول لي وبعطيها الموقع ^_^ بنات ترى مو ياهل انا بس فيني طفوله متاخره يحليلي

اول شي نبدي.. ملف بلاستك فيه حركه يونس.. ومذكره عنونه احط فيها تاريخ تسليم الاسايمنات وهالسوالف لاني نسايه بشكل مو طبيعي ^_^ زهايمر مبجر عافانا الله

اقلام شريتهم مستانسه عبالي حبر من اللقافه ما قريت طلعو كلهم رصاص تقول اولى ابتدائي.. بس الهيلو كيتي الازرق والوردي اقلان ناشفه يا حبي لها هالهيلو كيتي

مقلمتي الاموره ومساحتي ومسطرتي ^_^ بكشخ فيها بالجامعه

هالملف هذا توني احس انه نغزه عليه ام سلوم واهي دايما تنسى جنه نغزه عني صدقون ... هذا من الامارات ياني هديه الله يعين الانجليز بشوفون بطوله ام سلوم ويستخفون لا وازيدكم من الشعر بيت معلقه ميداليه ام خماس بجنطتي محد فاهم الموضوع الا الخليجيين الي بالجامعه لول

وان شاء الله اوريكم بعض اغراض حق الجامعه مثل الجنطه والعطور والخ للحين ما شريتهم طبعا ​

 

[عروس الدنيا]

عليكم بالف عافيه .. ام كتكوت قرقيعانكم يشوق .. و الله يعينج عل دبق ... انا امشي و ريلي تلصق بالسيراميك من الدبققققققق
و الصابووووون

 

[ام كتكوت]

الله يعافيكم بنات ونسيت هذا بعععععععد هههههههههه

 

[music_teacher88]

ماريوتا لوووول صج شايفتني ولا تغشمرين ؟؟ لاتعقديني
وجهاز الاظافر الي عندج الاكبر انا عندي الصغيرون



Fozq8 عيوونج الحلوه حياتي ..تدرين كنت اكره هالكعوب بس البس الكعب الضعيف
بس والله مريييح وهم في اشكال حلوه ..وفي اشكال لا كلش ماتنلبس على قولتج ستاايل طابووقي



========ماشالله كنت امس مادري قبل امس حاطه الصور بصفحه 101 جنه ...الحين 116

 

[_The DoLL_]

fozq8 حبيبتي وين أحصل الجم مال الكوارتر ؟ !!!! ؟

 

[السدرة2]

يسلموا شيرازيه على الرد

 

[مس دندون]

جاكليت
مشكوره حياتي ان شاء الله انا يوم السبت بروح المباركيه واذا شريتها بصورها لكمـ

bnt_7waa
عليج بمليووووووووووون عافيه ياقلبي
والملفع مشاء الله يهبل ولونه حلو
حتى لمعته ناعمـــه * ياعله ملبوس العافيه يارب *

شندوخه
هلا وغلا بـ شندوخه
يلا ياحياتي ننتظر الصور

ام كتكوت
عليج بالعافيه يا قلبي
ومشاء الله القرقيعان ذرب خصوصن الي جاي من مصر
والله يشافي خواتج عاجلا غير اجل يارب
وان شاء الله يطلعون بالسلامه

shai6onah
عليج بالعافيه ياقلبي
والملف الي على ام سلومـ حده عجيب​

 

[Bella^^swan]

مشترياتي اليوم ..

 

[FOZQ8]

حياتي مجرد وجود
وي عليه عليج نفس مأساة اختي ولدها مافي بنطرون كبرا لا هههه ولبس الحضانه حق الفشله صارت ادور مقاسه مااكو ليمن خذت واحد وصغرته كله بكبره مسكينه .. واحلا شي لما تشتري له بنطرون عادي يصير عالموضه مثل تكفا لا اطيح هههه والانر وير يبين بعد
القميص الاول حلو احب المبكر وايد .. وجنطه الاميره تستاهل يبا خل تحط فيها خلاينها على بونه كبيره وعندها ارغاض مدرسه
وايد حلو بنطرونج من مانجو الحين هذا الستايل الواسع .. وانتي قلتي بنفسج يبيله قميص ابيض مع التوب اللي شريتيه معاه مافي حل ثاني

.. كاكاو بوقفشه اللي بقى منه جابلته وقمت ابلع منه ههههه .. بعد عمري والله كسرتي خاطري
الله يعافيج قلبوو تسلمين

qa6wa_q8
عليج بألف عافيه حبوبه ذوقج حلو .. بس الله يعافيج كبري الصور شوي مولازم نضغط على كل صوره عشان نشوفها اوضح ..لان اغراضج صج تشوق .. والسكارف شي تبارك الرحمن
بالعافيه

وهج الكويت ..
والله استحيت تسلمين يا قلبي :hjy5jewf: ..والله صاجه حرررر مو مال تلبسين قميص وتحت بادي جم طويل بعد شبقى الحمدالله في دلاغات للايد الحمدالله

بطاطا ..
اي الجنطه شايفتها لونها يهبل .. بس ماشريتها لان محسوبتج اذا الجنطه مو كبيره ما تشتريها للحين شاريه جم جنطه كلاتش وما طلعت فيهم مادري متى ناويه استعملهم
بس جنطتج حلوه بالعافيه عليج


جاكليت ..
ياحلو ام سلوم الدايخه كله خارج التغطيه تهبل هههههه


بنت حوا..
اي والله حبوبه غاطه ماكنت اصور شي خلصت من قرقيعان اختي سويته لعيالها حق مدرستهم وعلى طول بلشت بقرقيعانا احنا اللي بيصير بروحه الخميس بس احنا اعتقد اللي جذي لووول .. عيونج الحلوا والله اول وحده مدحت الملافع هههه:aha:

بنت حوااا ..
أمبيه جاكليت انا عندي أحلى محل للحلو بس مو وايد ناس طايحين فيه مادري ليش الحلو عنده شي غير انا قمت اكره سابليه ولابجيت جم مره ناخذ منهم كيك والا حلو احسه بايت مالت
وكاكاو جاكليت اذكر اخذت منه جم مره حق خواتي بحط موضوع بشغلي اللي سويته لهم بولادتهم
واو البنطلون والقميص مع اليادي وايد عجبني انتي الظاهر نفس ستايلي وايد تعجبني اغراضج
الشيله الشوارفسكي مادري اذا اصلي أ لأ بس حلو مع الابيض تكون اللمعه هاديه ولا تزعلين



رافينا ..
هههههههه داشه الموضوع ميته من الضحك اسم الله عليج .. عسى دووم .. اي والله توت عنخ آمون اخخخخ حسبي الله على ابليسج صرنا طنازه لهم
الدلاغات تحصلينهم بالاسواق الشعبيه من بيت أولادنا الى هنود حوش السالميه الى مجمع الايوب بالطابق اللي تحت وحده بمحل عبي جاهزه ايرانيه تبيع كل الألوان .. بس ببيت اولادنا على ربع يعني ارخص هههه

ام كتكووت ..
تبارك الرحمن شنو هالقرقيعان الحلوو طاح من عيني اللي انا مسويته لووول ألف عافيه عليكم وايد روعه شغلج .ز خصوصا اللي نسيتي صورته زووغه .. تبارك الرحمن بالعافيه عليكم

أبلة مزيكا ..
اي وايد مريحين انا هبيت فيهم من زماااان كنت البسهم مع البنطرون وماخليهم يبينون يعني يكون طويل ويغطي تكرمين الجوتي .. بس فيهم اشكال حلوه خصوصا اللي إيي ربطه لي فوق
لا اشوا اللي اخترتيه حده نايس ومودفش .. انا شاريه من شهر تقريبا من ناين ويست واحد بنفسجي ايام التنزيلات جذربني اول شي ان بنفسجي وثاني شي لان بأربعه وشي اخخخخ قلت ينفع ولو ما عبجني موخساره بعد

THE DOLL
قلبي عندج بيت ألولادنا .. وعندج سوق حوش السالميه اللي فيه هنود .. وفي بالايوب تحت وحده تبيع عبي جاهزه عندها هالجموم



شيطونه
انا مثلج حايشني أثنين طفوله متأخره مع مراهقه فالله يستر لووول
بالعافيه حبوبه وحلوا هذي النقزه مالت ام سلوم هههههههههههه

 

[FOZQ8]

كلير روعه روعه .. جاكيت الجينز وايد حلوو عليج بألف عافيه قلبوو

 

[FOZQ8]

التوينز الطويل البيج في منه الوان ؟؟ من كويت ماجيك حبوبه والا من وين ؟؟
لان بنت حوا مره شاريه توينز طويل بعد قالت من ماجيك !!

 

[Bella^^swan]

كلير روعه روعه .. جاكيت الجينز وايد حلوو عليج بألف عافيه قلبوو

التوينز الطويل البيج في منه الوان ؟؟ من كويت ماجيك حبوبه والا من وين ؟؟
لان بنت حوا مره شاريه توينز طويل بعد قالت من ماجيك !!

هلا وغلا فوز

انتي الأروع .. الجاكيت والتوينزات من Derby Jeans اللي بمجمع زهره وعندهم وايد ألوان .. امس نزل المعاش _03BA: وطرت السوق <<<< خخخخ ما تطوف :eh_s(6):

بضاعته كانت تينن كلها عمليه وتصلح حق دوام وشريت منهم بعد بنطلونين جينز بس تصليح ... روحي لا يطوفج ..
انا خميت الاكو والماكو :jbdwjbd: