شنو شريتي اليوم ؟؟؟ شاركينا بالصور (الجزء الثاني)

[زهرة شيك]

عليكم بالعافيه شغلاتكم تهبل

 

[Pink GirL]

TooToo
عليج بالعافية حبيبتي

كويتية مذهلة
عليج بالعافية بس الصور مو طالعه

 

[زلابيا]

مياوه .. عليج بالعافيه خوش اغراض

لانا .. عليكم بالعافيه

سمسمية ..عليج بالعافية

شربوته ..عليكم بالعافية وتروحين وترجعين بالسلامة و لاتنسين تدعين لنا

كنديه .. عليكم بالعافيه

تووتوو .. عليج بالعافيه

كويتيه .. عليج بالعافيه .. عيل انا الملفع عندي منه الاسود والبني استانست عليه مادري عجبتني خامته

 

[Pink GirL]

مشترياتي اليوم

دوا بلاعيم وبسكوت الطاقة

 

[GAP]

السلام عليكم

عليكم بالعافيه على مشترواتكم
وكنديه ثانكس يا قلبي على الرد...عليج بالعافيه ونعيما مره ثانيه

 

[bent^al`3ale]

بنك ماتشوفين شر يارب واهم شي شربي اشياء دافيه وابتعدي عن البارررررررررررد وحطي فكس وماتشوفين شر والحين الجو يتغير وسنترال كل العالم بلاعيم وصخونه

 

[Pink GirL]

الشر ما اييج حياتي ,, اي والله كل الناس بلاعيم الله يكافينا الشر شنسوي بعد

 

[منورة الكويتية]

اليوم رحت الافينيوووز ويا بنت اختي نتسووووق

خذيت شكثر اشياء من نيووو لووك وايد حلوووو وعندهم اشياء تشووق


هذا الجاكيت يووونس لونه بنفسجي بس هني مبين غامج مادري ليش وخامته ستان

وهذا خامته سترتش مع اني ماحب هالخامه بس عجبتني الوانه وطريقته

هالجاكيت حده كيووووووووت وحلو فيه لمعه بسيطه

وهذا جوليه فضي حده يشوق عاللبس

وهذي بلوفر اسود واسع يونس

طبعا لازم اشياءات من بووتس

منظف حق الايد وكريم حق الشعر المصبوغ ينعمه وطبعا لازم نهب بهالموضوع بشيئ الي اهو الكوندشنر خخخخ
ومن اكسسوريز جي جي وردي حق نويره وكلبسات حق شوشتها

هالبلوزةه خذيتها من كاميوو

وهالجنطه خذيتها من كاميووو حلوه حق الشتا مخمل

جاكيت فرو حق نويره حده يشووووووووق وخذيت معاه قبعته كملت قطووة مقعده
من اتش اند ام

وسلامتكم وتعيشووووووووووون

 

[TooToo]

انا بلاعيمي صاكه حدها

حبايبي pink girl و زلابيا

الله يعافيكم جميعا إنشاءالله

 

[سمسميه]

زلابيا
يعافيج يا قلبي
منوره
ما شاءالله تتهنين باغراضج حلوين

بنك وتوتو
ما تشوفون شر ان شاءالله

 

[MissChoco]

بنك

حيااتي ماتشوفيم شر .. واي عاد البلاعيم هاليومين هابه حيل واهم شي شربي شي دافي حق بلاعيمج
واذا فيج صديد .. عليج بالغرغره عند الصيدليه تينن وحده بوحده


TooToo

مااااااتشوفين شر حبيبتي ومثل ماقلت حق بنك همن انتي عليج بالسوائل الداااافيه والله صج حيل زينه


منوله

عليج بالعافيييييه عالملابس واييييييييد يهبلوون ويشوقون
وعليها بالعافيه بنوووووتج


كنديه

وايييي اكلكم يشووق بالعافيه حبيبتي


كويتيه مذهله

عليج بالعافييه حبيبتي .. وبالعكس الشيله واييييييد تسواا .. اذا اهيا بالكويت بدون شوارفسكي على 11 و9 دنانيير
وشوفيها بالستراس بجم توصل .. انا شاريه منهم وااااااايد والوان واشكال والتطريز والعادي يهبلون
وكد ومد

 

[منورة الكويتية]

سلامات توتو ماتشوفين شر حبيبتي

سمسمية هلا والله وعيونج الحلوة ياقلبي

 

[منورة الكويتية]

مس كاكا تقصديني ولا منووله خخخ شكلج قصدج انا صح؟
ويعافيج ياقلبي من ذوقج

 

[زلابيا]

بنوكه .. ماتشوفين شر ومثل ماقالوا البنات سوائل دافيه وان شاءالله مافيج الا العافيه

منوره .. ماشاءالله اغراضج اتشوق عليج بالعافيه

 

[منورة الكويتية]

حبيبتي زلابيا من ذوووقج والله

الحين منو المريضه بنوومة ولا توتو ولاا كلهمم

واي بعد جبدي البنات كلهم طاحوا

ماتشوفون شر كلكم

وبنوكة بعد عمري تطلع من مرض تطيح بالثاني

أجر وعافية ان شاءالله

 

[bnt_7waa]

منوره

عليج بالعافيه الاغراض لي رحله قريبا حق الافنيوز مشتااقه للسوق..

توتو
عليج بالعافيه ..

بنوكه

حياتي ماتشوفين شر اجر وعافيه..

والله حااسه فيج قبل جم يوم كنت اعاني مثلج وعاديت اختي وامي وخدامتنا وشكلج تعاديتي منا :×

 

[فراولة^فوشيا]

هلا والله حبايبي شلونكم
وحشتوووني
واللي سألوا عني ماقصرتوا والله انا بخير الحمدلله
وماتفقدون غالي
وانشالله راجعة لكم

 

[كندية]

بغيت أسإلج كندية إشلون الفلم إلي رحتيله حلو ؟ يسوى ولا مايسوى نحجز ونروح؟​

والله كان عادي..يعني توقعته احسن من جذي...بس يمكن يعجبك ..انا احب وايد اكشن ​

 

[كندية]

عليكم بالعافيه اغراظكم يارب

وشوقني اكل الجاينيييييز اللي اشتهته اخت كنديه ما الوم اختج <=-=- تموت بالبلعه

والله اختي ذابحتني كل يوم لما انخلص اكل انقول اخر مره نطلب ..واحنا مانطلب اللي بعد 1 بليل...اختي ضعيفه فيعني عادي تاكل ..انا المسكينه اللي كل يوم بسوي رجيم​

 

[bnt_7waa]

فش فش


اششوف نكج استانس مادري ليش ان شاءالله دوم بخير ..

والحمدالله على السلامه ..