شنو شريتي اليوم ؟؟؟ شاركينا بالصور (الجزء الثالث)

[Miss_Tiger79]

شندوخه ايوالله لاحظت !! بعد غريب ويغازل انا اقول البنات مجرئينهم والله


بنت حوا الفلاتات خصوصا الملون يهبل ياحلات الوانه مال لبس ألوان باسكن روبنز هههه
ملبوس العافيه قلبووو


أم مضاوي لا والله حبوبه مادش من الدوام .. من البيت النمره غلط



توتو ومشمش حلو التلفون بس دقمه تعور يقززون مو اخخخخخخخ
بس يبااا السوني أريكسون عندي يسوا نوكيا ألف مره ولو اني قاعده اشاور روحي بال n95 خواتي كلهم شرووووه صاروا طقم الا انا مخالفه عندي سوني أريكسون
بالعافيه وسوري على القرقه


أم مضااوي :مره أخرى"يــــاو موديل البلوزه الغريبه ترى باللبس تهبل تهبل عند بنت اختي كانت شاريه منهم اعتقد بزارا بس من فتره يهبل مع جينز موديل مكسيكي أو ببيرو جان لحقي عليه ههههه
ومن بنيفيت البيس اذا نفعج قوليلي لان انا ما مشى معاي وشلون تستعملينه ؟؟


لولو كاتي الشادو مال لوريال يهبل عندي مثله وشريت اللي على ذهبي فاتح بعد لمعته وايد حلوه
والفوطه زوووغه
بالعافيه .. والله يشافي الوالد وتردين بالسلامه ياقلبي


سنفوره أعصابج .. وتذكري دايما مقولة سنفروا ياسنافر هههههه




مس تايقر إش إش شهالحركات وايد حلووو القميص والجنطه زووغه صج ذووق بالعافيه على قلبج عرفت من وين شاريتها بس على جم دشت خاطري بروح اخمطها

اي والله شفتي اشلون
ماكو شغل بالصيف غير التفرفر بهالاسوقه

والله يعافيج حبيبتي والجنطة خذيتها ب27 من غير ميداليا لانه ما احب شي يقرقش بالجنطة
والحلو بهالمحل انه اييب من كل جنطة بس 3 حبات

 

[FOZQ8]

بحط لكم شي شريته وأبي رايكم بغثكم بالصور عشان تقتنعون وتمدحونه اخخخخخخ

يصلح لليالي رمضان "يكون الاخت مقدمة برنامج برمضان" لا صج يصلح للغبقات ستايل تكانه مو متعوده على جذي هههههههههههههه



وهذسي صوره قريبه توضح الشغل اللي فيها

لاحظو السلسله اللي على الرقبه يعني ما يحتاي اكسسوار منها وفيها



وصورة اخيره والله اخر مره أتوب أتوب هههه



كلش مومال دوام ولا حتى تنلبس الصبح



حمرتين من ماك ترى اللي عاليمين ورديه فاتحه وايد مادري ليش طالعه لحمي على بني !!
وشادو نايلون



وهذي أرقامهم اذا تبون تشوفونهم بالمحل

 

[Miss_Tiger79]

مشكورة رونة

وصاجه والله الملفع لونة بالطبيعه احلى وترة فيه لون برتقالي بالطرف
والاوان الباجي اشحلاتهم بس ما اقدر سعره 18 والصراحه لو بخمط كل الالوان الي عاجبتني بيخلص المعاش

 

[Miss_Tiger79]

عليج بالعافيه فوز القميص صج موديله ينفع حق رمضان
والله حتى الوانة حلوة
وزين سويتي من الحين اي شي يعجبج اخذيه لانه اسعارهم من السهر الياي بتغلى على بو رمضان

 

[ام مضاوي]

أم مضااوي :مره أخرى"يــــاو موديل البلوزه الغريبه ترى باللبس تهبل تهبل عند بنت اختي كانت شاريه منهم اعتقد بزارا بس من فتره يهبل مع جينز موديل مكسيكي أو ببيرو جان لحقي عليه ههههه
ومن بنيفيت البيس اذا نفعج قوليلي لان انا ما مشى معاي وشلون تستعملينه ؟؟

[ا

البلوزه مالت مضاوي انا استانست على شكلها واهي ضعيفونه وشوي فيها كبر عليها قلت اخشها ان شاءالله تصير قياسها لثالث يوم العيد اذا الله عطانا عمر بس مادري شنو البسها تحته؟؟بنطلون يمكن احلى
وترى انا ماخذتها من لحظه من فظلك مو من زارا

والبيس خساره ال11 دينار فيه
شاريه فازلين والله انفعلي
كلش ماله اي مفعول

 

[ام كتكوت]

هذول شويه زينه واشياءات من محل الشسناكل كلفتني 35 دينار
مصيبه محلهم وايد غالي

تفافيخ+زينه+كبابيس ووصاويص ونظارات + جياس + جراغي الزينه + هليكوبتر يطير + رسم ع الويوه + مكرفون مو من الشناكل + طين + رش رغوه وخيوط

والكيكه من سابليه

طبعا كنت حاجزت له بسوي العيد ميلاد بره بس صارت ظروف

ان شالله بعوضها قريب

 

[شندوخه]

فوز ههههههههههههه حلوه ستايل تكانه عجبتني وشحلوه القميص
والحمر عجبووني وايد عليج بالعافيه سيفت الاسامي عشان لادقيت كرتي بماك المره اليايه اجيك عليهم

 

[ام مضاوي]

عليج بالعافيه فوز القميص
والكل من الحين ناوي يجهز لرمضان والعيد بعد

انا ودي اسوي دراعات كلللللش منزمان مالبست دراعه
وودي اسوي لمضاوي للقرقيعان
واشتريلها بدلة اول يوم بس لازم الاقي شي كشششششخه واليوم الثاني بدله حلوه والثالث القميص الي اخذته

 

[شندوخه]

ام كتكوووت
كل عام وحسوووووونه بخير وعساج تشوفينه معرس ان شاء الله
بس جان رايحه محل بو اميه فلس ارررخص والله يوم نون بنت اختي شرينا منهم سوالف اتينن ماتوقعت بحصل جذي

 

[ام عفاف الكويت]

عليكم بالعافيه
وام كتكوت ماعليه الله يخلي لج وليدج وتفرحين فيه وهو معرس

 

[شندوخه]

اي صج ام مضاوي والله عجبني توب مضاوي علييييييها بالعافي القطيوه :ggdw:

 

[ام مضاوي]

ام كتوت كل عام وحسون بخير
وان شاءالله تفرحين فيه معرس
وتعوضين بعرسه

وانا صارت فيني نفس الحركه بعيد مضاوي الاوووووووول بس ماحرمت نفسي سويتلها بالبيت
وان شاءالله اعوضها اذا كبرت شوي

 

[ام عفاف الكويت]

شندوخه جم عمر بنت اختج

شكلج مراكض وراها ترى اليهال خوووش ريجيم

الله يحفظها

 

[$غــ(ز)ــل$]

عليكم بالعافيه مشترواتكم

هذي مشترواتي بهاليومين الي طافو

وهذا خاتم واهوة ترى وايد احلى بس مادري ليش مو راضي تطلع لمعته بالتصوير صورتة خمستعج الف مرة هههه

هذا الملفع عجبني مدرج واينن

عليييييييييج بألف عافيه
عجبتني الجنطه تهبل ماشاءالله
من وين خذيتيها وبجم؟؟

 

[FOZQ8]

حياتي مس تايقر عيونج الحلوه والله صاجه الحين قاعده اشتري جم شغله لرمضان ريفا وتشويس مسوين سيل فقلت ألحق عليهم .. بس هم مورخااص والله بس يالله احسن من صلخه اسعارهم برمضان


أم مضاوي نفس الشي حسيت فازلين لا وانا بشرتي مختلطه وبكل وقاحه شاريته اخخخخ يمكن يصلح للجافه اللي مافيها عيوب
لا لاتلبسينها تنوره بتصير مربعه موشي
بنطلون أكيد احلااااا
أخيـــه لو تلاقين له بنلطون شارلستون يطلع عجيب


أم الكتكوووت كل عام والكتكوت بألف خير ويستاهل أعلف عافيه عليكم


اي شندوخه خووش ألوان وفي بنفجسي قطيعه خالص بس تعلقت لون التيستر وانقهرت ترى فرع المهلب كذا حمراااا خالصه عندهم !! بطوا جبدي




روووونه يوزري عني اخخخخخخ بعتبر اني ماسمعت شي عشان ما نخسر بعض

 

[FOZQ8]

أم مضاوي يعافيج حبوه اشوا عجبتكم البلوزه الشيفون مو قميص اخخخخخ
اي زتج من الحين زهبي لرمضان والله ياينا حرب أسعار مو طبيعيه


مس تايقر زادوا معجبين الجنطه
3 حبات لج ولي وللمعجبه الثالثه لوووول

 

[دلوعة روحي]

بنات عليكم بالعافية

هذا مسميته انا موضوع التفليس

هههههههههههههههههههههههههههههههه

الواحد يدش و ايده تحكه على صرف الفلوس

 

[FOZQ8]

كنت مابي أنزل صور بس لااازم اقولكم على هاللوشن لازم قبل لا تخلص التنزيلات بعد
لحقوا عليه ببودي شوب خلصوووه يابنات هههه
الحلو اللي عاليمين فيه لمعه ذهبيه رووعه خصوصا للمتزوجات وريحته شي
وطبعا مون فلاور الشاور جل معروف يهبل عندي البودره مالته بعد تعطي لمعه وريحتها حدها نعومه على قولت اختي تحسين روحج قطن "خوش وصف للنعومه":dddds:




وأخيرا الآي شادو ترى الاثنين أزرق بس الفاتح مبين أبيض مادري ليش اهوا سماوي فاتح واااايد وصاروا على دينار
عجيب اللي عاليسار للجينز




وبث خلاث مصختها عندي ترى بعد صور بس ان شاء الله باجر أكمل
:tek:

 

[أمواج البحر]

ما شاء الله تبارك الرحمن ما مداني اشوف ديسبرت هاوس ويفز ورجعت الا طامرين جم صفحه >>>>> عيني بارده ترى

عليكم بالعافيه جمييييييييييييييعا

فوز .... الحمر عجيبين عليج بالف عافيه

عاد انا ادمان ماك وستايل الوان حمري نفس ديزاينج يا لحمي يا وردي

ام كتكوت ... الله يخليلج كتكوتج

حاطين غريس اناتومي و الحين نور ومحتاره شطالع :/ >>>>> اهم شكو بالضبط تشتكين لهم الحال

 

[noorq8]

بالعافية بنوتات

هذي حصيلة هالاسبوع


جينز من سترادي فاريوس عندهم سيل كان ب19 وخذيته ب9



كوندشنر وبودي سكرب ولوشن من بوووتس حبيب الشعب


جاكيت جينز لزوم السفر




قميص من كوتووون



ملفع روكو بارووكو من فولار


اهم شي ريلي طالعة :cxxxp:

وبث:tomato2:

عليييييييييج بالعاااااافية
سنفوورة ما عرفت المحل اللي شريتي منه الجينز :eh_s(10):
بأي مجمع ؟ شكله خامته باااااارده .. يبيله حق الصيف
و النفنوف من كوتون الفنار ؟ والا المهلب !!
وسوووووري على التحقيييييق :dddds: