شنو شروط الماجستير بجامعة الكويت؟

[loolat^mady]

كلية الطب والهندسه والعلوم الاداريه معترف فيهو دوليا يعني اذا تخرجتي من الجامعه ومعاج اي شهادة من هالثلاث كليات اوكي تقدرين تشتغلين.. اما مثل حظي وحظ اللي نفسي علوم اجتماعيه مو معترف فيها دوليا..يعني ماتشتغلين فيها.. بس انا قدمت على الماستر والحين ادرس بامريكا ..يعني اذا بتكملين يعترفون فيها اما شغل نووو

 

[(كويتيه عسل)]

صج والله جامعة الكويت مومعترف فيها لووووووووووووووووووووووووووووووووول

 

[عيون سارة]

العلة ان اجراءت القبول
واي معضلة
الف ورقه وورقة

انا دراسة البكالوريس برا

ولا يبون الف اعتماد عشان اقدر اكمل

سدو نفسي عن الحياة

 

[الدلـع كـلـه]

اي شي جامعه الكويت مو معترف فيهااا ليش:krkrkr:

بنات قولو الصج تراني توني مستجده بالتربيه اذا مو معترف بسحب اوراقي<<<وين بترووحين :eh_s(6):​

 

[أم حمد =)]

ثانكس بنات

 

[[..كـــــرك..]]

مسك مطير

جامعه الكويت معترف فيها والدليل البسيط روحي كملي ماستر برا يقبلونج مايقولون لج عيدي البكلريوس عندنا

فهمتي ؟


اللي مش معترف فيه الماستر لانج ان رحتي تكملين الدكتوراه يطلبون منج ماستر من جديد

فهمتي حبوبه ؟

 

[عهوودوو]

متطلبات القبول في برامج الماجستير


نظام المقيدين


المتطلبات الرئيسية للقبول النظامي ببرنامج درجة الماجستير المطروح من قبل جامعة الكويت هي كالتالي:

1- الحصول على درجة الإجازة الجامعية الأولى أو ما يعادلها من جامعة الكويت أو أي مؤسسة أكاديمية أخرى معترف بها حيث يتم معادلتها من قبل لجنة المعادلة بجامعة الكويت مع ضرورة احضار لمن يهمه الامر من وزارة التعليم العالي بدولة الكويت .

2- ألا يقل المعدل العام عن 2,67 نقطة ومعدل التخصص عن 3,00 نقاط من سلم النقاط الأربع أو ما يعادلها. ويجوز أن يستثنى من شرط المستوى الأكاديمي الحاصلون على درجة الإجازة الجامعية في الطب والجراحة من جامعة الكويت أو ما يعادلها بالنسبة للقبول ببرامج كلية الطب أو طب الأسنان..


3- استيفاء الحد الأدنى من مستوى الكفاءة اللغوية المحدد للبرنامج المطلوب الالتحاق به (راجع الجدول الخاص بمتطلبات اللغة ).

4- على المتقدم الموظف الذي تم قبوله كطالب بدوام كامل أن يقدم قرارا كتابيا بالبعثة من الجهة المعنية.

5- أن تتوافر في المتقدم الشروط الإضافية التي تعتمدها كلية الدراسات العليا ويتطلبها البرنامج الذي يرغب في الالتحاق به، بما في ذلك اجتياز اختبارات أولية و/أو أي مقررات إضافية يستلزمها البرنامج.

6- ألا يكون قد سبق فصل المتقدم أكاديميا من البرنامج الذي يتقدم للقبول فيه.

7- ألا يكون قد صدر بحقه قرار تأديبي من أي مؤسسة علمية.

8- ألا يكون قد سبق حصول المتقدم على دبلوم الدراسات العليا من البرنامج نفسه.

9- يتعين على المتقدمين لبرنامج إدارة الأعمال وا لاقتصاد تقديم نتيجة اختبار gmat 450 نقطة على الأقل.

http://www.graduate.edu.kw/arabic/topics/current/index.php?cat_id=3

الموقع :

http://www.graduate.edu.kw/arabic/index.php

يعني شلون يكون المعدل العام 2.67 والتخصص 3.00



ما فهمت؟؟؟؟؟؟؟؟؟؟؟؟؟؟؟؟؟؟؟

 

[يارب وفقني :)]

بنات لا تألفون جامعة الكويت مو معتر فيها ؟؟ شدعوة يبا انا ولد خالتي متخرج منها والحين يشتغل دكتور بلندن .. في كليات مو معترف فيها اي نعم مو كلها ,, لو مومعترف فيها جان ماكملو برى ماستر والف وحدة اعرفها مكملة ماستر لا تألفوون تكفوون .... وكلام الدكاترة وايد ترى..

انزين بنات انا تربية اساسية يصير اكمل بجامعة الكويت ماتسر؟ والا لازم برى وشنو المطلوب؟

 

[[..كـــــرك..]]

حبيبتي (يارب وفقني)

اول شي امين ربي يوفقج دنيا واخره

ثاني شي بخصوص الماستر

انتي اساسيه ؟

تقدرين تكملين ماستر بجامعه 6 اكتوبر بمصر فقـط !

تبين تعرفين ليش راجعيني بالخاص

والله يوفقج

وترا الجامعه كلها خليجيين وخصوصا كويتين يعني بأمان

 

[أم حمد =)]

كرك يعطيج العافية يا قلبي عالتوضيح ..
يعني الحين اذا بكمل دكتوراه مثلا << ولا بالاحلام
لازم اكمل ماستر بره مو بالكويت ..

خلاص بطلنا مانبي لا ماستر ولا دكتوراه خنخلص بكلريوس اول

 

[D.asmaa]

صدقيني مومعترف فيها ... واذا اثبتي العكس لج هالورده:tek:

انا بكلية العلوم الاجتماعيه ليلحين قاعد يشتغلون دكاترتنا حق الاعتماد الاكاديمي للكليه .. لان مومعترف فيها برا .. والدكاتره دايما يقولون لنا هالحجي .. وحتى قالوا الاسباب .. من ضمنها انا ماندرس كتب ندرس مذكرات خخخخ وبعد قالوا ان المواد والامتحانات دون مستوى طلبة جامعه ..

وشكثر كليات مومعترف فيها .. اتوقع الحقوق بعد ليلحين قاعد يشتغلون بالاعتماد الاكاديمي ..

واذا في جم تخصص حصل على الاعتماد الاكاديمي واعترف فيه .. هذا مايعني ان كل الكليه او الجامعه معترف فيها..


وهذا موكلامي هذا كلام دكاااتره ..


اما الماستر .. قالوا لمدير الجامعه .. نزل الماسر بالانجليزي راح يعترف فيه .. اما بالعربي مستحيل يعترف فيه .. لكن الفهيد مصر ينزلهم بالعربي .. فولا برنامج ماستر نازل بالعربي معترف فيه ..

وهذا بعد موكلامي .. هذا كلام دكاترتنا ..

لان قاعد يفكرون بنزلون ماستر بكليتنا .. فالدكاتره مختلفين نصهم يبونه بالعربي ونصهم بالانجليزي .. ويجون يتشكون عندنا ..

والله ولي التوفيق ..

اختي الفاضله عطيني الوردة مقدما لان انا معادلة المواد الي خذيتهم من جامعة الكويت وكان باجي لي سنتين على التخرج وكنت مرافق بعثه وكملت دراستي هناك فهذا اكبر دليل لن الجامعه معترف فيها واي استفسار انا حاضرة

 

[0(مـــســـ(مطير)ــــــك)0]

اختي الفاضله عطيني الوردة مقدما لان انا معادلة المواد الي خذيتهم من جامعة الكويت وكان باجي لي سنتين على التخرج وكنت مرافق بعثه وكملت دراستي هناك فهذا اكبر دليل لن الجامعه معترف فيها واي استفسار انا حاضرة

هلا اختي سندريلا ..

اعطيج حديقه كامله مو بس ورده .. بالعكس يسعدني ان تكون جامعة الكويت معترف فيها لكن الواقع غير عن جذي ..

وبعدين انا قلت في جم تخصص وكليه معترف فيها لكن مو كل الكليات معترف فيها ( جيكي على كلامي ) .. وهذا كلام دكاترتنا وانا بكلية العلوم الاجتماعيه وليلحين كليتنا يسعون بالاعتراف .. وان شاء الله نحصل عليه ..

وبعدين الاعتراف مومسألة انج تكملين او تعادلين مواد .. لا حتى التجاري يعادلونهم عااادي .. المشكله اذا تخرجتي مثلا من كلية العلوم الاجتماعيه جامعة الكويت ورحتي مرافق برا وقدمتي على وظيفه في بريطانيا او امريكا .. فراح تكتشفين ان شهادتج مومعترف فيها .. هذا اللي اقصده ..

واذا بتتأكدين اكثر راجعي الجامعه واسئلي دكاترتج او التوجيه ..
وموفقه حبيبتي ..

 

[الغدق]

اللي أعرفه أن البكالريوس معترف فيه
أما الماستر مو معترف فيه واذا كملتيه تقدرين
اتكملين دكتوراه بجامعة 6اكتوبر بمصر
بس هالجامعة مو معترف فيها بعد
وانا كنت مثلج ناوية اكمل وحطموني
قالولي لو كملت ماستر وماخذيت دكتوراه
راح يفرق معاشي عن اللي شهادتها
بكالريوس بس تقريبا 30 او 20 دينار
حتى ترقيات ماكو

 

[math2020]

ولا تنسون لازم خبر 3 سنين في المجال الي تشتغلين فيه

 

[أم حمد =)]

اللي أعرفه أن البكالريوس معترف فيه
أما الماستر مو معترف فيه واذا كملتيه تقدرين
اتكملين دكتوراه بجامعة 6اكتوبر بمصر
بس هالجامعة مو معترف فيها بعد
وانا كنت مثلج ناوية اكمل وحطموني
قالولي لو كملت ماستر وماخذيت دكتوراه
راح يفرق معاشي عن اللي شهادتها
بكالريوس بس تقريبا 30 او 20 دينار
حتى ترقيات ماكو

متأكده:eh_s(1):

 

[no0oneta]

يؤؤؤؤؤؤؤؤؤ

بنات من صجكم وهذا وانا ناويه اكمل ماستر علم نفس :|

 

[أم حمد =)]

رفع

 

[الغدق]

متأكده:eh_s(1):

أم أحمد هذا مو كلامي
كلام الدكتور بدر الشيباني
وتوه قايله لنا هالكورس
بس إذا أنتي خاطرج اتكملي كملي
وربج يسهلها بعدين
ومادري عن قراراتهم كل يوم قرار
وانا عن نفسي والله بخاطري اكمل
بس مادري باجر شنوالظروف
خل اتخرج الحين وربي يوفقنا
وانخلص سنوات الخبرة وبعدين يصير خير

 

[قدوتي سنتي]

العلوم الادارية معترف فيها دوليا
http://www.kuniv.edu/ku/ar/Colleges/CollegeofBusinessadministration/index.htm?main=1


ام حمد

الله يوفقج ان شاء الله

 

[قدوتي سنتي]

كرك يعطيج العافية يا قلبي عالتوضيح ..
يعني الحين اذا بكمل دكتوراه مثلا << ولا بالاحلام
لازم اكمل ماستر بره مو بالكويت ..

خلاص بطلنا مانبي لا ماستر ولا دكتوراه خنخلص بكلريوس اول

ليييش؟؟؟

ان شاء الله تخلصين بكلريوس وماجستير ودكتوراه


لا تنحبطين :eh_s(6):​