مرحبااا بنات
الصراحه الموضوع حيل حلوو ومفيد
وانا حبيت افيدكم بشي يقوله الدكتور عبدالباسط
يقول البنت الي تبدا من عمر ال20 اهي تحط قبل لا تنام زيت زيتون على وججها وايدينها وارقبتها ماراح اتعرف شي اسمه تجاعيد لا اكبرت ويقول هذا عن دراسه
وبعد عندي موضوع انشالله يفيدكم عن العنايه بالشفايف و شلون تخلينها نضرة ولينه وورديه
"المقشر الاسبوعي للشفاه "
http://www.q8yat.net/showthread.php?t=261402
واذا عن البرنامج الي انا اتبعه للعنايه
للبشره
ماسك شاريته من الجوثن "ماسك طيني للوجه بالخيار" اسمه Vizo Care اهوا للنضاره وطبعا معروف الخيار انه يعطي نضاره للوجه استخدمه مرتين بالاسبوع
وطبعا كل كريماتي للبشرة من الهملايه لانها بصراحه خووووش منتجات من ترطيب وتبيض وغسول وكل شي حتى كريم الشعر ماخذته منهم وحده عجيب
وانا انصح البنات الي تبي تلاحظ فرق ببياض جسمها خل تسوي حمام مغربي بين فترة وفترة لانه والله والله بييييييض حييل ويغير
وبصراحه انا ما استخدم شي بالبيت للشعر بس سمعتهم الحلبه والصبار حييييييييل حيييييييل للشعر
بس مسويه برنامج عند صالون رنيم حق الشعر >> نصيحه والله الي تبي شعرها يتغير تعالج عندهم والله يا بنات عن تجربه شخصيه رفيجتي كان عندها منطقه القذله والراس من جدام قررررررعه والله وعالج شعرها عندهم صج صج تغيير
خل اشرح لكم البرنامج بصراحه انا توني مبلشه في
اول خمس جلسات عبارة عن جلسات وقف تساقط الشعر وتنبيته وهذي الجلسات تكون يومين بالاسبوع يعني اسبوعين ونص وسعرها 20 دينار بس
والخلطه عباره عن ثوم وجرجير يخلطونه على شعرج ويدلكون الشعر
وثاني خمس جلسات عباره عن تطويل يعني الشعر الي نبت في الجلسات الاولى هذي الجلسات تنبته ويستخدمون فيها الجرجير و الفلفل ويقولون ان الفلفل اهوا الي يساعد على تطويل الشعر >> وهذي الجلسات بـ20 دينار بعد
وثالث خمس جلسات والله مو عارفه مكوناتها بس جنه قالولي يدخل فيها الغاز على ما اضن وهذي الجلسات تنعم الشعر وبعد بـ20 دينار
ايي وسمعت انهم يحطون الصبار بعد
المهم يعني هذي الشغلات كلها طبيعيه وجدامج يخلطونها وشغلهم حييل حلوو وبعد سهل يعني تقدرين اتسوينه بالبيت
اي وبعد مع كل سبوح استخدم محمام زيت لشعري بصراحه واااو بالبيض والعسل بس مشالله حيييل حلوو احسه يغذي شعري
وعلى طاري صالون رنيم انا انصح كل عروس تروحله بصراحه شغلهم حلو اشويه عليه من حمام مغربي من عنايه بالبشره بالشعر بالادين بالرجول بصرااحه كل شي تحتاجه العروس عندهم عنايه مو طبيعيه والسبا يمدحونه عندهم انا ماجربه بس يمدحونه انا جربت الي بهيربل سبا صراحه كلش مو شي
امممم ومن ناحيه الريجيم انا ما اسوي لان الحمدالله راضيه عن جسمي بس امي تمدح بصراحه شرب ماي دافي وعليه اشويه ليمون او بدون ليمون عادي بس لازم يكون دافي حييل يعني مايل للحرارة اكثر ويكون على الريج كل صبح >>> يزيل الشحوم
وللي عندها مناطق تحس انها كبيره مثل الفخوذ والزنود وتبي تصغرهم تستخدم جنزبيل طازج تبشره وتسخنه مع زيت زيتون مو تسوين كميه وتحطينها بعلبة لا كل يوم بيومه لانه لازم يكون طازج والله الخلطه هذي استخدمتها خالتي وحيييل تمدحها بس ها يبنات هذي لازم مع رياضه لانها تنزل بسرعه فعشان جذي راح يترهل
1- اذا كنتي تستخدمينها للزنود سوي الرياضه الي تمدين فيهم ايدينج على اليمين وعلى اليسار جنج قاعده تجدفين وحذا لو تمسكين بطلين ماي تترسينهم تراب عشان يشد اكثر
2- اذا كنتي حاطتها على فخوذج نامي على ظهرج وحركي رجولج جنج قاعده تسوقين قاري
3- اذا على الكرشه تقدرين تسوين الرياضه الي تنامين فيها على ظهرج وتحطين ايدينج تحت راسج وتقومين وتنامين وجذي او رياضه الخصر او المشي
والله يا بنات انها مفيده
واذا على سالفه الخطوط البيضه يمدحون زبده الكاكاو في نوعين للحامل وللي مو حامل والله صراحه انا ماجربتها بس والله حييل يمدحونها
امممم وبعد اييييييييي والله في بنات حييل يشكون من السواد الي بين الفخوذ استخدمي Alcohol pad
يصرفونه مع المرا الوالد جنه
وهو عباره عن كحول والكحول معروف عنه انه يطهر وينضف
وهذي صورته
ههههههههههههههههه سوري طولت بالحجي بس والله حبييت افيدكم بكل شي اعرفه
وانشالله اذا تذكرت شي بجي اهني واقوله
