شنو سبب زواجج وليش تبين تتزوجين؟استطلاع

[شطّه..~]

رد : شنو سبب زواجج وليش تبين تتزوجين؟استطلاع

انا مدري ليه تزوجت تدرون ههههه

لا لا الجد اني تزوجت لان يوم خطبني زوجي وهو من عيلتنا

ابوي موت حابه وعاجبه وقلت يلا معليش اهلي ادرى بمصلحتي

تزوجته والحمدلله عندي ولد


الله يرزقكم بالزوج والذريه الصالحه

 

[فـراوله]

رد : شنو سبب زواجج وليش تبين تتزوجين؟استطلاع




ما في سبب من اللي كاتبته عندي

بس أقرب شيء ممكن أقول من اللي كاتبته

غريزه الأمــــــومـــه

لأنهـــا أحلــــى شيء

 

[cup-cacke]

انا نفسج كوكو

 

[حامل يديدة]

رد : شنو سبب زواجج وليش تبين تتزوجين؟استطلاع

تزوجت لانها فطرة طبيعية وغريزة الجنس والامومة

والتحرر انا كنت متحررة اكثر في بيت اهلي

لكن اكتشفت الراحة مو بالحرية الاهم الاستقرار النفسي والسكينة

 

[حياتي فراغ]

رد : شنو سبب زواجج وليش تبين تتزوجين؟استطلاع

ابي افتك من بيت اهلي الجحييييييييييييييم

 

[DNoOosha]

رد : شنو سبب زواجج وليش تبين تتزوجين؟استطلاع

الزواج استقراروامومه وستر


وهذا كله نصيب من ربي اذا ربي كاتبلي نصيب باخذه

بس مااذبح عمري بالتفكير والمحاتات ومتى اتزوج وليش ماتزوجت مثل بعض البنات

بالعكسس متى ماجا نصيبي حياه الله

والله يرزقنا بالازواج الصالحين


ويعطيج العافيه خيتو ع المووضوع ​

:nbvppw:

 

[بحر هادي]

رد: رد : شنو سبب زواجج وليش تبين تتزوجين؟استطلاع

والله انا تزوجت مغصوبة مو برضاي
والا انا مافكر بالزواج عمري الحين 18 وحامل
حسبي الله على ابوي والله يابنات ملجت وانا ماعندي خبر لا انا ولا امي
حسبي الله ونعم الوكيل انا مو مسامحته لانه حتى رايي ماخذاه
سمعت من الناس اني مخطوبة
وسمعت بملجتي من الناس
حسبي الله ونعم الوكيل انا مو محللته لي يوم القيامة

ياحياااتي انتي
والله ضيقتي صدري..
يااربي يعوضك بالبيبي الجاي..

 

[أحـلآم . *]

رد : شنو سبب زواجج وليش تبين تتزوجين؟استطلاع

اممم حبيبتي موضوعج ايونس بس مع هذا ماصوت !
الزواج مو بس افتك من اهلي ؟
ولا احر رفيجاتي ؟
ولا اهتمام بكلام الناس ؟
ومو اتزوج واحد واخلي اكبر همي عدد عيالي واهمله او يصير طموحي اكودهم ؟ مع انه وجودهم جداااااا مهم بس مو معناته ابديه على الاستقرار النفسي والتفاهم بين الاثنين مع هذا اهو وايد مهم والله يرزق كل بنت وابو بـ الذريه الصالح
وهم ما اتزوج عشان رغبتي بلجنس ؟
واكيد بيهمني اتزوج
اهم شي : الاستقرار الاستقرار الاستقرار

ثاني شي : يكون متفهم ونعيش متفاهمين والله يرزقنا بـ الذريه الصالحه

ثالث شي : يكون بيني وبينه حب ويكون انسان يخاف الله فيني ومايطالع غيري



الله يرزقنا يارب ويوفق الجميع
امين

 

[Anwary-24]

مالقيت الجواب اللي يناسبني

ابي الزواج لانه الرجل مهم وابوي واخواني مو دايمين لي وابي الستر لنفسي

حتى لو الله مارزقني بذريه بس كافي اكون تحت ظل رجال يحترمني ويقدرني

والله يستر على عباده

 

[دلوعة أبوهآ]

للأسف السبب مو موجود من ضمن اللي ذكرتيهم ..!
واساساً الزواج سنة الحياه : )

 

[Mig.MiG]

انا ابي اتزوج لان اعاني من فراااااغ كبير بحياتي واحس ماعندي هدف اكل واشرب وانام واروح للكليه بس


ابي احس اني موجوده وان لي صوت ابي استقر نفسيا



واكيد الزواج سنه الحياة وفطره في الناس كلهم

نفس الاسباب:27d66a9c24b146327bf

 

[@ NIGHT_STARS @]

طبعا الزواج نص الدين


لكن في مشاكل وعراقيل مسكرة كل البيبان بزواجي في هالوقت حاليا ادعوا لي والله كريم


عشان جذي ما افكر بالزواج حالياً وانطر باب الفرج

واكثر من نقطة اختارها من الاستطلاغ

هي تكوين اسرة وغريزة الامومة اكيد حلو الشعور بالامومة والفكة من الحنة ونجرة الاخوان بعد لول


و عساج ع القوة اختي

 

[Do I Care]

رد : شنو سبب زواجج وليش تبين تتزوجين؟استطلاع

عشان اصير ام

 

[احلى غمزه]

الزواج سنه الحياة
والانسان محتاج شريك حياته ,,

وتزوجت عشان العاطفه الحب الحلال والامومه ^_^ ..

والله يرزق الجميع

 

[اميره بكلمتي]

انا عن نفسي ابي اشبع غريزتي العاطفيه ووالاموومه وودي اصير ام

 

[Stylista_Q8]

إمم بصرآحة جداً جداً جداً ؟

ولآ وآحد من اللي فوووق

والله يرزقكم بنآت بالآزوآج الصآلحين .. وإللي إبآلكم يآرب~

 

[قلبي ابيض]

سنة الحياة بعد

 

[نسيت أنسآك]

بس ابي استقررررررررررر
وابي اطلع واحس بوجود شخص يحبني واحبه
وابي اجيب عيااااال
وابي يصير لي بيت بروحي اسوي فيه اللي ابي
وطبعا سنه الحياه ^_*

 

[كويتيهx5]

يعني ليش الوحده تتزوج بالله ؟؟؟ هذا سؤال؟؟؟
اول شي سنة الحياه واتكمل نص دينها
ثاني شي تستقر نفسيا وعاطفيا يعني راحه من جميع النواحي
ثالث شي اشباااع للغرائز الجنسيه وتحقيق حلم الامومه
هذا اللي اقدر اقوله واتمنى التوفيق للجميع والله يرزقكم بالازواج الصالحه والذريه الصالحه ويزوجني باللي يحبني اللهم امييين

ليش مو عاجبج
انا اقصد انتي ليش تزوجتي ولا تقولين سنه الحياه ونصيب في نااس تزوجوا للاسباب المذكورة
ومشكورة على مرورج

 

[كويتيهx5]

مشكورين بنات
وانا مستانسه انه عجبكم

وبالنسبه حق البنات اللي يقولون انه سنه الحياه ونصيب انا ادري
وقصدي سبب زواج البنات بهالايام
لانه شىء طبيعي الاهل يبون يزوجون البنات ويسترون عليهم
بس الزواج مو كل شىء ترى

وحياكم الله
وعسى الله يرزق كل البنات بالازواج الصالحيني وويزوجني اللي احبه يارررب واللي متزوجه عسى ربي يهنيهااا وخلييلها عيالها ياارب