شنو سالفة البوقات

[ruby13]

السلام عليكم بنات

ليلحين انا صامده ماولدت البيبي يتغلى انا دشيت العاشر واليوم صارلي 6 ايام من العاشر الله يهون علي وعليكم

المهم انا كل ما اسولف ويا البنات اسمع سوالف استغرب منها كل وحده ولدت اتقول انه صارت لها سالفه بالمستشفى يا بايقين فلوسها يا بايقين من ملابسها او ملابس البيبي ووحده تخيلو بايقين كاكاو التوزيع مال البيبي وين قاعدين هذا ومستشفى خاص

كل وحده اتقولنا شنو انباق منها اذا تعرضت حق شي جذي وشنو تصرفت و حزه الولاده وين اتحطون اغراضكم عشان ماتنباق والله يحفظنا جميعا من البوقات غير شغله انحاتي الولاده ولا اغراضنا لاتنباق الله يسهل يارب

 

[yasmeen_q8]

اب

ما جربت والله بس الله يسهلج ولادتج

 

[ruby13]

اب

ما جربت والله بس الله يسهلج ولادتج

تسلمين يالغلا :eh_s(17):

 

[اسأل ضميركـ]

انا ولدت قبل هالمرا برويال حياة ومانبقت كلش ..

 

[KOKO_284I]

والله صراحه ما انباق مني شي لان اهلي حريصين ويقعدون بالغرفه

 

[om MaRyooM]

لا الحمدلله ماصار معاي هالشي

وانا ولدت بالهادي

 

[anooma_86]

ولدت مرتين بالسلام و الحمدلله ولا مره انباق مني شي و بأول ولاده نسيت بالكبت بجامتي و ماعون كاكاو و دقو علي المستشفى و بلغوني

 

[مألوفة]

انا ولدت بالمواساة والحمد لله ما انباق مني شي واهلي هم كانو حريصين على اغراضي وانا كله بالغرفة شلون انباق ؟

حتى من يغيرون حق الياهل اييبون هدومه الوسخه بجيس وكل شي مرتب

 

[ruby13]

اشوه الحمدلله أنا على كثر ماسمعت والله على بالي لازم الوحده تنباق لوووول

 

[tbola]

ويي شكلها موضه يديده البوووق الله يستر

 

[ام الحلوااات]

اللــــــــــــــــه يـــــســــــهــــــل عــــلــــــيــــــــج ومــــــــا تـــــنــــبـــاقــــيـــــــن​

 

[سموره 87]

انا ولدت برويال وقعدت تقريبا اربع ايام الحمدالله مانبقت جنطتي محذوفه وبوكي متروس فلوس والله محد مد ايده حتى لبس البيبي اذا غيرولها يعطوني ملابسها الوصخه عالطول
هذا الحجي من سنتين عاد مادري عنهم الحين

 

[الأماكن]

الحمدلله

انا وخواتي ولدنا بالسلام

ولا وحدة فينا انباقت

ولا سمعنا هالسوالف صارت لأحد نعرفه

 

[c a t w o m a n]

ما انباق شي كلش

كنت حاطة بالكوميدينو يم راسي مبلغ و قدره و حيول ريلي ذهب فصختني ياهم السستر

بس " احفظ حلالك ولا تتهم جارك "

 

[$حبيبة عبودي$]

انا بعد مانبقت الفون محذوف والجنطه محذوفه ..والحمدلله ..لاتخافين اذا انتي بالخاص اصلا يخاااافون اما الحكومه مادري

 

[لعبير]

أنالما أجهضت بجر بالفروانيه مانباق مني شي​

 

[توحه1]

امبلا حماتي ولدت قبل 4شهور برويل حياة غرفه كمليا باقوها كم حبه من توزيع البيبي ((كاكاوالبيبي)) يوالي بتطلع اشوه موقبل واهي كانت بالغرفه نايمه

 

[زين ودلال]

ولدت بالشفااا ومانبقت الحمدالله

 

[فاقده ابوهاااا]

يا معوده انا باقوا شحن التليفون بعد ادني من هالنفس ماكو وقبل لا لوولد كانت بايدي ساعه غاليه شوي وكل شوي السستر تقولي شيلي ساعتج ويوم شلتها من ايدي وحطيتها بالكوميدينه كل شوي تيي وتفتح الدرج ويوم اخزها تقولي وايد حلوه بس اشوه ما باقتها

 

[a7la_nono]

الحمدلله ماصار معاي شي وان شاء الله ما يصير