شنو ربتج عليه أمج ؟ وشنو علمج عليه الزواج ؟ شاركونا

[على الطيب تربيت]

اخ علي الوتر
لي رجعه

حياج يالغلا

 

[على الطيب تربيت]

علموني اهلي الطيبة واني اسكت عن حقي

الزواج علمني ان الاقارب عقارب

الله يكون بالعوووون

شكرا للمشاركه

 

[على الطيب تربيت]

تعلمت من الزواج العصبية لوووووووووووول

ياساتر العصبيه صرنا اعصااااب

شكرا للمشاركه

 

[على الطيب تربيت]

عور قلبي

كلامج عن امج
ذكرتيني بالوالدة الله يرحمها
احس امي نفسج امج
انا اللي غيرني
اكيد بعد الزواج
لما احتكيت بناس غير
لما عرفت انه في امهات علمو بناتهم العكس
علمتها الغيرة
وعلمتها ان كل اللي حولها يحسدونها
وعلمتها ان لازم اللي عند غير يكون عندي

علمتها ان هي الصح والباقي غلط ​

درر كلامج درر صاجه بكل كلمه كتبتيهاااا

 

[على الطيب تربيت]

ورثت منها الكرم وحب الناس وخدمتهم

وتعلمت من ريلي الطيبه وحسن الظن

فوفو

ياحلوج كفو والله
ومشكوره عالمشاركه

 

[عزتي في عفتي]

علمتني امي ان اكون صبوره علي بيت حماي واني اكتم غيظي ولا اقول كلمه للي يبي يستدرجني للغلط
وعلمتني اني اكون حسن الزوجه لزوجي واكتم اسراره
علمني الزوج اني لازام اخذ حقي بامثل الي يروح بالغصب يرجع بالغصب وعلمني بعد اني اكون دايم قنوعه بالي عندي
مرررره روعه موضوعك

 

[نكهةالبرتقال]

حيتي مع احترامي لرايج


انا اقول خير الامور الوسط


حلاته يكون الانسان متوازن

 

[على الطيب تربيت]

علمتني امي ان اكون صبوره علي بيت حماي واني اكتم غيظي ولا اقول كلمه للي يبي يستدرجني للغلط
وعلمتني اني اكون حسن الزوجه لزوجي واكتم اسراره
علمني الزوج اني لازام اخذ حقي بامثل الي يروح بالغصب يرجع بالغصب وعلمني بعد اني اكون دايم قنوعه بالي عندي
مرررره روعه موضوعك

تسلمين عالمشاركه والله يخليج لهلج ولبيتج وتسلمين

 

[على الطيب تربيت]

حيتي مع احترامي لرايج


انا اقول خير الامور الوسط


حلاته يكون الانسان متوازن

حبيبتي مو مسألة راي طرحت الموضوع وكلن يقول تجربته والي تربى عليه وتعلمهخ عقب الزواج

ليتج تشاركينا بموضوعنا وتنورينا بكلامج

 

[PuPa^^SWeeT]

امي ليلحين محاوطتنا و دايرة بالها علينا من كل جهة و من ناحية

وماتقصر علينا لا بالنصيحة ولا بالعاطفة و بالمادة

وعلمتنا انه التسامح و الغفران والطيبة ترفع من قدرج

اللي تعلمته مو بس من الزواج من الزواج و الشغل و الحياة الاجتماعية انه اتكون عندي حجة بالنقاش
وطريقة لرد اعتباري من غير التجريح باللي جدامي

وتعلمت انه الناس تختلف بسوالفها و امورها و اهتماماتها و عاداتها

فا ماسولف باي شي الا لما اعرف انه هالشي مايضايق اللي جدامي

واذا ماعندي فكرة بالموضوع المطروح اني استمع للنهاية علشان استفيد

و اني اداري على فلوسي و اصرف بذكاء وتاني علشان باجر لي احتجت ماضيع

وتعلمت اني اطالع كل المواضيع بموضوعية ( و صراحة وايد متعبة ) يعني لازم اقعد بروحي و اشوف مثلا الموقف اللي دار واللي سببلي مثلا ربكة ولا ضيقة بطريقة السينما و واحلل الامور لابسط الجزئيات علشان اشوف الحق علي ولا معاي


وعلمني الحياة الاجتماعية و المهنية اليديدة

انه الناس اجناس وكل من له مفتاح يندخل منه لقلبه

وتعلمت انه الحياة الحلوة حتى لو حاليا بمشاكل بايي يوم وتهدى النفوس و انصير كلنا سمن على عسل

 

[أم توتو]

علمتني امي اني احب الناس واحسن الظن فيهم وما اعلي صوتي على احد
والزوج علمني اني اكون واثقه من نفسي واعلي صوتي واثبت وجودي عند الغير وماسكت عن حقي ابد

 

[pusy cat]

عاد اتصدقين كل شي انصحتني فيه امي بالزواج سويت عكسه بالضبط

انا تعلمت ان كل وحده لها شخضيتها ومو شرط يكون زوجي نفس ازواج خواتي ولا شرط اصير مثلهم

تعلمت من الزواج الصبر والحلم وان علي واجبات لازم ااديها وما امسك الزله وكثر ما اقدر ما افتح مجال للهواش

يعني لو قالي شي ماعجبني اطوف احسن من لا اكبر السالفه

وتعلمت اني اصفي نيتي مع اهل زوجي وما ادقق بكلامهم واحلل وليش قالت جذي وشنو تقصد وووو الخ

تعلمت اني ما اشك بزوجي ولا انبش من وراه وان لقيت شي ما اواجهه لازم اتصرف بحكمه

 

[chalmastya]

علمتني امي الطيبه والصبر واني امشي الحياة


علمني الزواج اني ما اسكت عن حقي وعلمني الحيله وعلمني اني ما اضحي لجل مستقبليي ,

 

[^_^ حوراء ^_^]

من حب امي الزايد علمتني عالرباده و الكسل و الدلع

و لمن كنت استحي اسأل احد عن شي عطتني ويه و ما قمت اكلم احد على اساس اني معتمده عليها بكل شي

و الزواج علمني

عالحركه و الشغل و علمني شلون اودع الكسل الدلع
و اعتمد على نفسي و اسوي كل اللي ابيه بايدي و الله لا يحووجني لاحد

 

[على الطيب تربيت]

ياسلام عالدرر ياحلونا كبرنا وتعلمنا

 

[بيتي بوب بس كويتيه]

علمتني أمي انه ما نشوف الناس طبقات وانه كلنا متساوين وانه الي يغلط علي اسكت عنه
اماالزواج علمني انه في ناس مو كفو

 

[حكاية شهرزاد]

علمتنا ما نتحجى في الاعراض ابد ابد ابد ,, اي كلام بخصوص الشرف مانسمعه ولا نصدقه ولا نفتح مخنا فيه ,,

وعلمتنا انه مانحب الدنيا ابد , وانه كلشي زايد وبيروح .. علمتنا الشبع من كل الامور ..

 

[انا لحبيبي .]

تعلمت كتير شغلات من الطرفين ،،[/size]

 

[على الطيب تربيت]

شكرا عالمشاركات