شنو رايكم بسفريات السيد

[دورنى تلقانى]

حبيبتى كويتيه نشيطه ريلى يبى يروح مع السيد بس خايف ويبى قايد زين انا سمعت عن القايد هشام ماادرى نروح معاهم ولا ومشكوره وايد حياتى

 

[[Q8TYA]]

انا رحت مرتين مع سفريات السيد
زينيين
يوم سفرت استراليا القايد كان اسمه بو محمد وااااااااايد زين ويهبل خوش ريال
بس يوم حق اوروبا راح معانه قايد ويا مرته كلمت حراميه اشويه بحقهم ينصبون علينا حتى لقروب كله كشت فيهم بالسفر ومااقام يروح معاهم نسيت اسمه بس اهوا اردني ومرته لبنانيه

 

[om keshaa]

انا بعد دايم احجز منه وااااااااااااااااااااااااايد زينيين لاتحاتين

 

[Dancing^Queen]

والله انا اهلي مايسافرون الا مع السيد
كل سنه
قروباتهم حلوه
قايدهم دايما زين ويدل ويعرف


بس فيهم عيب واحد كبير
كل سنه نفس الحررررررررررررررررررررررررركه يحجزون ويخلصون تالي يدقون عليهم قبل اسفره ابفتره بسيطه ترا الرسوم زادو تعالو دفعو زود

 

[الفاتنة]

انا سافرت معاهم شرق اسيا -- ما شاء الله عليهم سنع والله يشهد

وسافرت معاهم استراليا - والله ان اكثر من ناس شفناهم هناك استغربوا لانا ما كنا ندفع للرحلات ولا للنقل ولا السكن اسعارهم مناسبة جدا وبصراحة انا اثق فيهم حييييل

 

[نجمة سهيل]

والله خوووش سفريات انا رحت وبروح معاهم انشالله

 

[الكادي 1981]

يمكن أحجز معاهم

 

[Hambka Q8]

احنا العام كنا رايحين معاهم و كان قايدنا اسمه هشام
و كان ممتاز

و السفريات عموما ممتازة..

 

[بنت جنيف]

كان القايد ياخذ منه رسوم الرحلات كلها والله نصابين وبالكويت يقولون مجانيه الرحلات لا كان يطلب منه القايد فلوس حق سايق الباص بعد

 

[تمر حنا]

الصراحه الحق ينقال.... سفريات عليها x بالخط الاحمر اول شي لازم يزيدون السعر ومواعيدهم مو ثابته ويقولون لج فنادق ولما تسافرين تنصدمين بفنادق غير عن الي قالو وهم يقولون رحلات مجانيه بس هناك يتغير الوضع ياخذون منج حق كل رحله بس شاطرين يخمطون فلوس بالرده كنا بالمطار ولا واحد مسكين اهو وزوجته وبناته طلع حجز ابوهم ووحده من البنات مو مع القروب يعني بطياره ثانيه

 

[abla_momaiza]

كلمة وييييييييييييييييييييييييييع شويه عليهم نصابين والقايد كان مع مرته شهر عسل نصاب عطانا طااااف من قلب مايدل مكان ما يعرف غير السوق وينصب علينا برسوم الباص @ رحت معاهم العام النمسا وزل ام سي وميونيخ بالمطار فاجؤونا وقالوا الغت رحلة زل ام سي تخيلي لالالا شقول عنهم شي يفشل