** شنو راح يكون لوكج برمضااان ... تقبل الله منا ومنكم ...

[عز النفس يغنيني]

حلاوه حمـرا : البنات يقصدون بعد الفطور .. مو وإحنا صايمات

 

[درة أهل الطولات]

ما احط ميكب الا بعد الفطور ههههه

ناعم ما ينفع خبه

الخبه للعيد

 

[بنوتة نعومة]

موضوووع عجييييييييييييييييييب



انا برمضان بريح بشرتي و بعالجها فراح تكون مقشره :eh_s(6):


و الصبح حق الدوام بس بحط سن بلوك

و بليل مرطب خفيف و فوقه بودر

و بخلي الميكاب حق عقب رمضان وراي عرس

و شعري بجاابله صاير لووعه خفييييييييييف و باااهت

بطيحله حنه ودهن

( بلييز عطووني خلطة حق الحنه و ابي دهن زين يقوي شعري و يطوله انا شعري ماا يطوول :0bee2e8d89: )

و عاللبس انا شاريتلي دراريع من دبي

و ماخذة من كبرى القصير و انسام جم دراعه من السنة الي طافت و مااا لبستهم كلش

اصلا انا ماا اطلع و ازور وايد برمضان يالله اتابع مسلسلات :dddds:​

 

[قلبي تركواز]

كل عام وانتم بخير والله يبلغنا رمضان ويختم لنا شعبان بالمغفره
وجعل رمضان ينعاد علينا وعليكم بكل خير وربركه

بالنسبه لي انا جهزت لي دراعتين محتاره بينهم بخلي وحده لرمضان ووحده للعيد طبعا كلهم ناعمين لاني حامل وماتصلح لي البدل والخبه
وبالنسبه للمكياج عندنا ضروري سواء حبيتي والا ماحبيتي
لازم المكياج والكشخه لاني في بيت حموله
واذا صار بعد صلاه التروايح كل وحده تكشخ وتستقبل الزوار اللي يباركون لام زوجي
وبعدها اروح لبيت اهلي ونفس الشي الكل يجي يسلم على امي لانها اكبر وحده بالعايله فالمكياج ضرووووووووووووري
ماينفع سوالف ابحافظ على بشرتي مرطب وغلوس بس لووووووووووووووول

بالنسبه للمكياج شاريه كريم دبل وير جديد لان القديم مالي خلص واخذته مع بودرته وان شاء الله تصير حلوه
وتوي شاريه فكس بلس ماك ابجربه بهالحر واشوف يصلح للعيد ورمضان والا مايصلح
وهمن توي شاريه فلويد لاين مال ماك جربته روووووووووووعه شويه عليه

وشاريه عدسات لون رمادي ولون اخضر زيتي ماادري شنو البس بالضبط

وناقصني حمره بيج فاتح وصبغ اظافر بيج على وردي
ويبي لي اكسسوارات
ان شاء الله اكملهم هاليومين وكل شئ يصير جااااااااااهز

وجعل الله يتتم علينا رومضان بالمغفره والعتق من النار

 

[G!RLooNa]

عليج بالعافيه انا ما عمري جهزت جذي حق رمضان لول لبسي نفسه ومكياجي نفسه وكل شي نفس الشي ههههه

 

[R.n]

رفـع

 

[krkooora]

واااااااااي اصلا رمضان شهر الطاعه و المغفره و الراااااااااااااااااااااااحه

يعني الراحه من الميك اب

بس اللي اشوفه بعض البنات الله يهديهم ورا التراويح بالمجمعات و المطاعم فل ميك اب و جنه مو رمضان

انا عن نفسي اذا صبح = حمايه و بس و بالليل هم مثل الشي بس اذا زواره احطلي شوية مسكرا و قلوس
اما اذا غبقه لا والله احط ميك اب ناعم هادي
عشاااان بالعيد مزهبه لوووك قوي

 

[LuLiTa]

انا عندي رمضاان وقت الطاعة و العباادة ,,, و فترة اريح فيه بشرتي و اجابلها ,,,لوكي واااحد بالنهااار و بالليل ,,, كريم حماية+ مرطب للبشرة + ماي الورد الحمر من بينيفت احط منه شويه على خدودي و شفايفي ,,,

لوك بسيط حييل و ناعم ,, و اخلي المكيااج و الخبة حق العيد عشان طلع طلعة و يكون شكلي غير ,,,,

 

[الجوررى]

عليكم بالعافيه

انا بعد مثل اختى قلبي تركواز

رمضان زوارات
والناس تجى تبارك يعنى بقعد معاهم بدون ميك اب

مو شرط اوووفر
بس نعومه

وبنات
انا موقصدى اطلع المجمعات بالميك اب
اقصد

بالزوارات والغبقاااات

شنو ماتسوون غبقااات

 

[حلآوهـ حمرهـ]

حلاوه حمـرا : البنات يقصدون بعد الفطور .. مو وإحنا صايمات

اهاا انا اقوول بعد ~ لانه اللي اسمعه انه الكحل يفطر ف عشان جي ابتعد عنه ~ وهم الروج والمرطب احسه يفطر لانه مرات بالغلط تلحسين شفايفج او شي ~

ومجتمعنا مايساعد وحده تحط مكياج برمضان الا اذا كان خفييف

ونخلي الكشخه للعيد

 

[ملواكي]

اتصدقون بنات شوقتوني
انا بالعاده ما اجهز الي عندي البسه والمكياج ناعم طول السنه
فعاد ما يفرق معاي اللهم يمكن اشتري دراعه حق القرقيعان

 

[جوري 2007]

انا عندي دراريع مولابستها من تجهيز نفاسي فبلبس جم وحدة منهم

ماابي اشتري مكياج يديد لان كل شي عندي بس مشتهية اشتري من ماك من كولكشن الصيف كريم البرونز وايد حلو لان صايرة سمرة عقب السفر

اي صح شريت من مطار باريس حمرة شيسيدو بس طلعت موشي ، بالمطار لونها كان غريب

يوم حطيتها اهنيه طلع لونها برتقالي عادي

ياللا مومشكله ياما شرينا اشاي وطلعت مقصة يت على هذي >>>قلبه متروسة

جني غيرت الموضوع لوووول

 

[دياناسبنسر]

اسال الله العظيم أن يبلغنا واياكم رمضان ويعينا فيه على العمل الصالح على الوجه الذي يرضيه عنا
لان الي يتوفق ويحضر رمضان ترى هذي نعمة عليه من رب العالمين
انا احس رمضان شهر يستغل في العبادة فحلو الوحدة تاخذ اجازة من الحياة شوي وتتفرغ حق الاخرة يعني كلها شهر بس ويخلص الله المستعان
فحلو انو نخفف من الاهتمام بالميكب اب واللبس ونركز في قراءة القرآن لان والله الوقت يروح واحنا مانحس
وبعدين المسلسلات ماتخيل احد بيترك ابواب الجنة المفتوحة ويجلس يطالع مسلسل
يارب يوفقنا للطاعة والعمل الصالح والقبول والعتق من النار امين
والله يبلغنا واياكم رمضان واحبابنا يارب العالمين

 

[Rimova]

انا دراعتي مغربيه ذوقي

الميكب بسويه خفيف والحمره نحاسيه حطيتها اخر موضوع لي
بس ناقصني شيله

ومبارك عليكم الشهر حبايبي

 

[remoo_007]

بنات بلييييييييييز مساعده من وين جهزتو دراريع واذا خياط هم قولو اسمه بليييييييييز


ويسلمووو

 

[صدفه!]

مرحباااااااااااااا بنات
انا خيطت 5 دراريع قطن ناعمه حق الفطور لان انزل اتفطر عند حموله
وخيطت دراعتين حق استقبال الزوار واروح ابارك فيهم طبعا هذول روعه وتصاميم غريبه
وخيطت دراعه للقرقيعان وحق بنوتي وولدي بعد
وشريتلي ملفع ماركه وملفع اسود
وعبايه حلوه وشنطه
وطبعا شريت مكياج
وعيالي شريت لهم لبس جديد
وشريت بخور
كتاب طبخ جديد
فساتين للبيت تحت الركبه حق اذا كنت صايمه بدل المشخلع والقصيرجدام زوجي
هههههههههههههههههههههههههههههههههههههههههههه احس خابه روحي امبي
وجبت لخالتي مطاطير ولامي بعد طبعاااا
وشريت لزوجي دشاديش بيت حق الفطور ينزل جدام اهله
يعني بالعربي طيرن المعااااااااااااااااااش
وانشالله انشالله بتفرغ لقراءه القران وسوره البقره لاني اعاني من العين والحسد ومومترقعه
ادعولي يابنات ربي يفك كربتي ويرزقني

 

[nono93]

مي توووووووا انا نفسج



احنا تبدي الغبقااااااااااااات والعزااااااااااااااااااااااااايم بعد التروايججججججججج


ولازم الكشخه ع سنقت عشررررررررررررررررررررررررره:d




انا شريت بودره من ماك طبعا افتح شي

وخذيت حمره بنفسجيهــ همن من ماااااااااك



انا ستايلي


بما اني فاتحه حيل مالا داعي كريم


احط بوووووووووووووووودره

واحط بلاشر احمر الحلوووووووو

واحط الشدو الخفيف الناعم

وكحل عيني من داخل


ما ابي احط ايلاينر بخليه للعيد ابي اطلع بالعيد نيو لوووووووووووووك

واعد هالحوااااااااااااج وتعرفووووون اللمعه للخشم والحواجب


والحمره الفاتحه


لووووووووووووولل


بس عاد اللوك يطلع ناااااااااااااااااااااااام ومو اوووووووووووووفر

 

[نواره البطه]

موضووووع رووووعه
انا برمضااان مااحط مكيااج الا اول يوم وبالقرقيعان فقط لااااغير
وبالنسبه للدراريع انا موراعيه دراريع بس
فصلت لي 2 لرمضان وحده ذهبي ببرونز
ووحده اسود بسلفر امي وخوااتي ينوو عليهم
والميك اب اول يووم لما ازور يدي ببدع
بحط مرطب وبعدين فاونديشن كيرولاين وكونسيلر فورايفر
وكحل داخل العين ازرق ومسكراا وغلووس
وبس سلامتكم ;p

 

[لولو المزيونه]

ويييييي انا خابة عمري
وفصلت دراعتين ورحت الاسبوع اللي طاف للمعرض وشريت دراعة استلمها باجر ان شاء اللة وتصير حلوة يارب واصك علي حريم حمواني >نحيسة ههههههههههههههههههههههههههه"
علي بالعافية

 

[..البندري..]

اسال الله العظيم أن يبلغنا واياكم رمضان ويعينا فيه على العمل الصالح على الوجه الذي يرضيه عنا
لان الي يتوفق ويحضر رمضان ترى هذي نعمة عليه من رب العالمين
انا احس رمضان شهر يستغل في العبادة فحلو الوحدة تاخذ اجازة من الحياة شوي وتتفرغ حق الاخرة يعني كلها شهر بس ويخلص الله المستعان
فحلو انو نخفف من الاهتمام بالميكب اب واللبس ونركز في قراءة القرآن لان والله الوقت يروح واحنا مانحس
وبعدين المسلسلات ماتخيل احد بيترك ابواب الجنة المفتوحة ويجلس يطالع مسلسل
يارب يوفقنا للطاعة والعمل الصالح والقبول والعتق من النار امين
والله يبلغنا واياكم رمضان واحبابنا يارب العالمين

الله يجزاج خير