** شنو راح يكون لوكج برمضااان ... تقبل الله منا ومنكم ...

[الجوررى]

السلااااام عليكم ورحمتة الله وبركاته

شلونكم ياأحلى كويتيااااات

أول شي مبارك عليكم الشهر
وتقبل الله منا ومنكم سائر الاعماااال
وعسى ربي يثبتنا على دينه ولايحرمنا من رحمته
اللهم آمييييييييييين

ترى هاذا أول موضوع لى بهالقسم



موضوعي مثل ماقريتوووو
شنو راح يكووون لوكج برمضاااان ...


طبعاا إن شاء الله بيكون وقتنا بعد صلاة التراويح بإذن الله
نبلش نبارك ونوصل الاهل بهالشهر الكريم
ومافي وحده مننا ماجهزت لها بدل او دراريع او ميك اب مثلى
لرمضااااان

وانا بقولكم شنو راح يكووون لوكى برمضاان بإذن الله

أول شي أخذت ستايل الدراريع القصيرة + مايمنع دراريع طويله وطبعاا فصلتهم من تصميمي يعنى وناسه محد بيلبس مثلهم

نفس هالستايلات تقريباا بالنعومة وفيها لمحة رمضانية

وشريت ملافع الشيفون اللى داخلهاا دوائر ملونه حلوين وب5 دنانير مع انهم ب3
قلت يمكن احتاجهم
والميك اب بإذن الله بخليه مووووو أوفرر بركز على عيونى بس
شريت كريم ماك وبودرة ماكس فاكتووور

وشريت اقلام جولدن ليدى الملونه

والشدووو عندى مايحتاااج
ماك وشارمل ماستغنى عنهم

وصج بنات إشرايكم ببودرة سلاف آنا جربتها رووووووووعه شويه عليهاا بس أخاف تخرب البشرة؟!

وشريت عدساااات نونو أنصحكم فيهاااا ألوانها خيااال
للامانة اول مرة استعملهم بس حلويين باللبس


و بنات أهم شي.
قبل كل شي ..
هالله هالله بالصياااام والقياااام ...
ترى رمضااان إن الله بلغناه فيه هالسنه يمكن السنه الجاية مانكووون موجووودين ...
لاتخسرووون رمضاااان ...
ويابخته إللى فاز برضااا ربه وصام فرضة ...



مع حبي
لأحلى منتدى وأغلى منتدى على قلبي ...

فديتكم كلكم

إختكم الجورري​

 

[foshia girl]

عليج بالف عاافيه حبيبتي ,,

آنا ابتعد عن المكياااج برمضان اريح بشرتي ,, حتى بليل ماارااح احط اللهم مرطب واذا الصبح طااالعه حمااايه ,, فبخلي المكيااج والخبه والكشخه حق العيد

ويعطيج العافيه على الموضوع الحلوووووووووووووووووووو

 

[Alia]

عليج بالف عاافيه حبيبتي ,,

آنا ابتعد عن المكياااج برمضان اريح بشرتي ,, حتى بليل ماارااح احط اللهم مرطب واذا الصبح طااالعه حمااايه ,, فبخلي المكيااج والخبه والكشخه حق العيد

ويعطيج العافيه على الموضوع الحلوووووووووووووووووووو

انا نفس فوشيا جيرل .. بس مرات اذا بروح مكان او احد بيزورني بزور احد ..الخ

احط مرطب وفوقه بودرة وبلش لون خفيف وكحيله وجلوووس ...

وبنسبه للدراريع ستايلي بسيييييط جدا ماحب الخبه واذا معزومة غبقة لا اختار دراعه رزه واتمكيج:ggdw:

مع اني ترى اكررره الغبقات وماروح الا للقراب فقط:0bee2e8d89:

 

[دنيا جديده]

انا البس دراعه كشخه وبنفس الوقت ناعمه

احط مرطب بعدين فاونديشن خفيييييييييف شدوا اسود احدده حوالي عيني يصير مثل الكحل بس بطريقه ذربه ومسكره واضاءه ماك نايلون تحت حواجي وعلى خدي وبلاشر نااااااااااااعم وخفيف وحمرا هااديه. كل هذا طبعا عشان ناس يجونا يسلمون فلازم نكشخ

ايه نسيت اقولج طبعا اول شي اتسبح وارطب جسمي واحط لوشن وارش سبريه للجسم واتبخر والبس دراعتي واحط شويه من دهن عود البنفسج بعدين اتبخر مره ثانيه وارش معاه عطر قوتشي . لوووول ادري قلت قصة حيااااتي.

ومبارك عليج الشهر عساه يكون احلى واحلى رمضان يمر علينا ونعوده كل سنه جميعا.

 

[عيش و مرق]

مبارك عليكم الشهر





مازال البحث جارى عن دراعه ,,,,,,,

 

["اسطورة العشق"]

وااااااااااااااااو تجهيزاتج بيرفكت

انا صممتي جم نفنوف .. يكونون على طريقه دراعه .. يعني باقيه مديلات الدراعه و مسويه منه نفنوف لان ماحب البس دراريع كلش كلش
حلوين حق حفلات القرقيعان ..

و للحين ما خلص خياطهم

ماحب دهن العود و لا البخور .. بس بستخدم مسك العروس

امممم و شنو بعد

الميك اب .. طبعا بالنهار ما اطلع كلش و انا صايمه مستحييييييييييييييييل .. و بالليل احاول اخفف الميك اب مو حاطه قاعده معينه بس ناويه ان يكون خفيف يمكن شوي فاونديشن بس تحت العين .. و عدسات و ماسكرا و قلوس .. و اذا في مناسبه احط فاونديشن كامل ..

 

[حـوريـه]

يآسلام عَ المـوضوع !


لوكي شعري خليته بني وقصيت قذله ^.^

و شريت فساتين و فصلت درآريع


و المكيآج راح اخليه نآعم و مرتب وأبتعد عن الغوآآآمج

و بسويه مؤقت تآتو لكن عريض بكسره بنهايته

الكريم > أماندآ
البودرة > نيـبو
الشايمر>بودي شوب
المسكره>ديور

 

[FiOnKa]

وااايد حلوه تجهيزاتج ما شاء الله

و بالنسبة لي لحد اللحين ما شريت دراعة باخذلي دراعه قصيرة احلى عالموضه

و المكياج عندي كل شي ماني شارية شي , عموما انا برمضان ما احب احط مكياج , الا بالغبقات ..

و اذا بروح السوق احط مرطب و حماية و زبدة لابيلو او غلوز و اي لاينر مسحوب من فوق

و ماسكرا بس , و هذا بالليل , و الصبح بس مرطب و حماية

و مبارك عليكم الشهر = )

 

[عز النفس يغنيني]

خووووووش تجهيـزااااااات بنات ..

أنا بريـح بشرتي .. وما راح أحط إلا مرطب وأرسم حواجبي ومرطب شفايف ..

اللهم إحتمال بالغبقه .. وأول زواره بحط مكياج :d عشان أوريهم الكشخه يعني ههههههههههههههههه

.. بعديييييين لاااااااااااع وألف لااااااااع الوجه الطبيعي :d ..

وبجمعات البنات بحط ..


وطبعا الميني دراعه .. مفصله لي كذا دراعه .. وإن شاء الله بصبغ شعري على آخر رمضان .. للعيد ..


ومبـاااااااااااااارك عليكم الشهر يـا كويتيات . .

 

[ريـــم إلغـــلآ]

مبارك عليكم الشهر

مالقيت شيء يناسب ذوووقي

 

[om_dodo]

مبارك عليكم الشهر مقدما"
موضوعج يهبل يسلموا
اب

اب

 

[البرن<أنا>سيسة]

ياسلام على اناقة وذرابة بناتنا صج ذويقات
والموضووووع ذوووق
انا ميك ابي وعطوراتي واكسسواراتي الحمدلله جاهزة
دراريعي مجهزة كذا وحده للاستقبالات
وان شاء الله بروح اشتري طقم قهوة وجاي عشان الوالدة تستانس فيهم <<<جني شطحت بس يلا معلش

 

[*عذب القوافي*]

رد : ** شنو راح يكون لوكج برمضااان ... تقبل الله منا ومنكم ...

الموضوع يونس

انا اصلا مكياجي خفيف طول السنه

راحت ايام السموكي والمحدد والخرابيط

عموما

عساكم من عواده

ورمضان كريم

 

[الجوررى]

ياقلبي انتو علينااا وعليكم ينعاد

وحاووو انكم مخففين الميك اب
انا بعد عشان جذى بركز على العيووون
لانى ناويه نيه على العيد

تذكرت زيون حبيت قلبي الغاليه بلوكها الرمضانى
بنات انا ولدى بيكمل سنه برمضان
ومانى مسويه له عيد ميلاد لانى ماحب هالسوالف
فقلت بدال هالعيد ميلاد راح اسوى له قرقيعان

شنو تنصحونى فيه؟؟
في لبس معين ودى اغير حييييل
وشلون اللوك؟

فديتكم

 

[Alia]

فووووووووق

 

[goldy]

رد : ** شنو راح يكون لوكج برمضااان ... تقبل الله منا ومنكم ...

مبارك عليكم الشهر ياحلوات

موضوعج فله



والله أنا جهزت لي ثلاث دراريع
والكياج راح يكون ناعم وبسيط مالاداعي الخبه
والبخور والعود طبعا

 

[barbie_girl]

ماشاءالله عليك

والله انا وحده حدي ماحب المكياج برمضان مثل نظام فوشيه بهتم ببشرتي ترطيب وعنايه وتغذيه عشان للعيد

الا اذا صار فيه طلعه او احد غريب بشوفه وغبقه على قولتكم بسوي خفيييييف كريم حمايه بلون وكحل داخلي وروج او قلوس فقط

بالنسبه لتجهيز الميك اب ناويه اخذ لي اساس جديد تغييير بس مو الحين والا الباقي عندي مو ناقصني شي

والدراريع مالي فيها نهااائي ماحبها ههههههههههه

ومبارك عليك الشهر

 

[فاقده ابوهاااا]

عليج بالعافيه بس بصراحه برمضان حلات البنت خاليه من الميك اب خلج من المكياج على الاقل برمضان هم تريحيني بشرتج وهم برمضان يكون شهر عباده واكتفي بالمرطبات بس الي ترطب بشرتج

 

[حلآوهـ حمرهـ]

من صدقكم تحطون مكياج برمضان ؟

انا مووووول ماحب احط مكيااج برمضان وانا صايمه ~ حتى لو طالعه سوق او رايحه اتشرى ~

بس احط مرطب وحمايه وماسكات وتقشير طول الشهر ~ البشره ترتاح + العيون هم ترتاح من الكحل والرموش من الماسكرا وترد لطبيعتها وتكثف وتطول


حتى بالليل ماحب احط ~


من ناحيه اللبس واللوك لا مثل ماانا لانه مانطلع مكان وعقب الفطور امي مايكون لها خلق تظهر او تزور ~


وشعري خلاص ماراح اصبغه يخلي يطوول وبحنيه كل اسبوع ابغيه يرد طويل شرات قبل ويرد لونه بعد ~

 

[صعب تغير توتو]

رد : ** شنو راح يكون لوكج برمضااان ... تقبل الله منا ومنكم ...

:nbvppw::nbvppw: انا شرية فساتين قصيره حق رمضان :eh_s(17)::eh_s(17):