~~ شنو درجه الخيانه اللي تقولين عندها " مستحيل اسامحك " ~~

[* بنت المطر *]

ومبروك جيرلونا النجاح الف مبروك

 

[G!RLooNa]

طنكيوو بنت المطر :$

 

[G!RLooNa]

tmtmt

الطق هذا يبيله موضوع بروحه

طبعا الوحده ما تسكت عن الطق و سوري بس اللي ترضا انها تنطق تطلع غبيه امي حبيبتي كله تقولنا المره تصبر عالريال بس ان يمد ايده يخسييييييييييييي يمد ايده عليكم هذا اللي ما ينسكت عنه لانه ان سكتي عنه و عطيتيه ويه بيتمادى

 

[ماني من الناس]

طنكيو خخخخخخخخخ

جيرلونا انا احس ماعرف اسامح على اي شي غلط,,,,,,,,,

مو ان احقد وجذيه بس الغلط غلط,,,,,ووبيطيح من عيني

 

[ماني من الناس]

جيرلونا وبعدين شكو الموصوع عن الخيانه لا تخلينا نتشائم بث

خلينا عايشين على الحب العذري واايد ابرك

 

[G!RLooNa]

ابب

 

[موني^حبيبي]

رد : ~~ شنو درجه الخيانه اللي تقولين عندها " مستحيل اسامحك " ~~

ما اسامح على ولا نوع خيانه لانه تعددت اشكالها وبالنهايه اهي خيانه سواءنت اوتلفون او غيره

ماراح اسمح بهالشي

واللي يخونها ريلها معناته مافي ذره حب بقلبه فليش استمر معاه اذا تجراء والتفت لغيري اقوله ستوب والله معاك


الله يبعد عنا الخيانه

 

[Cander]

طبعا ماراح ارضى على ولا نوع من انواع الخيانة

بنفس الوقت انا على قناعة ان كل الرياييل جذابين حتى بعض اللي يتصنعون الالتزام

بس مثل ما قلتي اذا نت وتلفون راح اول شي اسوي نفسي مو شاكة بشي لين لما اكتشف الخيانة

راح اسوي نفسي اكتشفتها بطريقة اكسر خاطرة حييييل واني انصدمت صدمة حياتي واخليييه حيل يحس بالذنب

وراح افكر بزعلة تناسبة لما اكتشف نقاط ضعفة ، والشي اللي مستحيل اسامحة فيه مستحيل مستحيل

اذا خانني مع وحدة من اقاربي ، او وحدة سألني عنها و استغفلني و اخذ معلومات عنها مني عشان يخونني معاها

هني اطلع ويهي الثاني ، الا الكرامة عاد

 

[أم*سلمان]

ما اسامح وبولا نووع من الخيانه

الخيانه = النهايه

 

[لهفة المشتاقه]

ما اسامح وبولا نووع من الخيانه

الخيانه = النهايه

صح كلامها انا معاها مااسمح له في اي نوع من الخيانات

يارب تبعدنا عن هالسوالف وتحفظ ريلي ومايشوف غيري

 

[** باربي **]

شوفي الخيانة خيانة

بس انا نفس طبعج بالضبطططط

اذا وصلت بعد الفراااش خلاص اتزلزت الارض بينا

اساسا لو نت ولا تلفون لاتزلزل بالج فرااااش

يعني سوري دخله بوحده غيري واستانس فيها وتلذذ بغير جسمي !!..؟؟

من اخياسها لي رحمي!!!!!!!

خسييييييييييييييي

اصلن الله ما يرضى على أمتة المؤمنة النظيفة تنكح زاني وقالها بصريح العبارة بالقران وفسرها مع انه اشياء وايد بالدين ما تفسرت بالقران

خلاها للرسول ص يفسرها الا الزنى فسر العقاب وفسر انه الزاني لا ينكح الا زانيه سبحانة حتى الله عزت عليه المرة تضل وتعاشر انسان زاني وصخ

واصلن الله خلا عقابه الموت من العذاب حتى مو ضربه السيف لا الرجم يعني موت مهين وبطئ وعذاااب
احنا بنصير ارحم من الله يعني !!!

هذا سنه الله وشرعة جان قال سبحانة سامحوة ولا شااايل عييبه !!! قال الزاني والزاني ورا بعض ونفس عدد العقاب

يا حريم عزوا نفسكم بشرايع الله الي بيعزكم فيها لا تذولنها لريال زاني خاين زباله بالاصح !!! ولي ياج مرض برحمج قوي شتسوى عليج
الالم ابهالمكان الحساس الي اصعب منهم بالتشخيص لانه داخل ويروح شبابج على انسان لعب واستانس وانتي الي تحملين الأرف والوصاخة!!

انقهرت انتي من البنات النادرين الي نفس تفكيري !!!

 

[احساس السعوديه]

رد : ~~ شنو درجه الخيانه اللي تقولين عندها " مستحيل اسامحك " ~~

صادقة كلامك عين العقل
الخيانة قوية اذا وصلت لزنا هنا ما اسامح
وطبعا حتى رسايل ومسن بس زعل شهر شهرين 3 يمكن اسامح
بس زناااااا استغفر الله


بدوييييييييية وااااااااااايد ما اصدقها رفيقتك والله الطلاق ارحم وشايفة الصورة بعد ما اصدق
منصدممممممممممممة

 

[انسام الكويت]

الخيانه هي خيأنه سواء خانج بالفون أو زنى معاها

إنا بالنسبة لي ممكن صعب أسامح إلا لمن أحس انه حاس بندم

على اللي سواه حزتها أسامح بس استحاله أنسى أما إذا كان زنى


أهني العيشه وياه مستحيله

 

[بدوية بملامح كشميرية 86]

رد : ~~ شنو درجه الخيانه اللي تقولين عندها " مستحيل اسامحك " ~~

انا عادى عندى اذا يكلم واعتذرلى اسامحه

بس











اذا شفته بفراشى مع وحده اهنيه عاااااااد ماسامحه ليوووووم الدين وع طووووول الطلاق

 

[احساس السعوديه]

رد : ~~ شنو درجه الخيانه اللي تقولين عندها " مستحيل اسامحك " ~~

الله يحفظ زوجي من الخيانه ويحصنه ويستر عليه من بنات الحرام وربع السو
اللهم امين
اميييييييييييييييين لي ولكم

 

[روحي تحبه غصب]

حبيبتي الاحساس بالخيانه واحد مهما تعددت اساليبه

فيعني الطعنه وحده والجرح واحد

الخيانه اهيا الخيانه

 

[اسمي بين الاسامي]

قيرلونه انا مؤيدة لكلامج وحبيت ازيد عليه ان

الخيانه خيانه ماكو درجات لها

 

[اميره1980]

مو متخيله ان ريلي يسوي فيني جذي واااااااي اموت انقهر

انا ما استحمل الخيانة لا تلفون و لا نت و لا فراش

 

[G!RLooNa]

ابب

 

[فديت نفسي..~]

رد : ~~ شنو درجه الخيانه اللي تقولين عندها " مستحيل اسامحك " ~~

اذا خاني مع وحده وزود بيتنا
او اذا حب غيري بعدين رجع حبني
حتى ولو مستحيل اسامحه