شنو خرب فرحتج بالعيد تعالي وفضفضي

[kly 7ala]

اللي خرب علي العيد انه ابوي طاح علينا وتعب اول يوم العيد مع صلاة العيد تعب وودينا المستشفى وللحينه نايم هناك
واليوم عمي صارت في جلطه بالقلب والحين بالعنايه المركزة
الله يقومهم بالسلامه ميردهم لنا انشالله
والي تقرى اتقول امين

الله يشافيهم ان شاء الله

 

[( درّه )]

مممممممم

اللي نكد عليّ نوعاً ما ..

أني مو نايمة ..

أنه عرسي تأجل .. مفروض بعد 4 أيام .. لكن الله ما كتب ..

واللي هدّني صج .. أنه زوجي تعبان ..


والله إيعين إن شاء الله ..

 

[بتبوتااا]

اليوم يمعت اهلي وريلي دوام :/

 

[ترحــآل]

والله مو مخرب هالعيد غير السهر

رايحه مواصله وما جات الساعه 3 العصر الا وانا ناااايمه وماقعدت الا بالليل وراح علي اليوووم

واليوم نفس الطريقه مدري شفيني ع النوووم

وانتي ياقلبي حدش غلطااااااااااااااانه شلون تعلمينهم عن اغراض العيد ؟

لا عاد تعيدينها ديري باااالش خليش ساكته وتطلعين طلعه

والله يعينا ع التقلييييييد

 

[سنفورة]

انا نفس حالكم نكد علي السهر الظهر قفلت وراسي ثقل وما قمت اشوف واللي يحاجيني اقط خيط وخيط <<< حشى سكرانه موو نعسانه لووول

وثاني شي انه فبيت حمولتي من كثر الحريم ماشالله والصاله صغيرة قعدت بمكان يعور الظهر ولاعت جبدي


وبثاني يوم العيد سمعت انه وحده تصير لنا من بعيد توفت الله يرحمها وهي رايحه تعايد مسكينه توفت عند الناس


والحمدالله على كل حال

 

[om ragad]

رد : شنو خرب فرحتج بالعيد تعالي وفضفضي

ماخرب على بهالعيد الا ولوني اصفر عشان فيني بوصفار والتعب
مارحت ولاجيت

 

[مظلومة حيل]

رد : شنو خرب فرحتج بالعيد تعالي وفضفضي

اعيالي احرموني من صلاة العيد قعدو يبشون لما شافوني قاعدة اتسبح ولا رضو ينامون
والثاني ولدي متنك
والثالث قبل بيوم عيد زواجنا و متهاوش مع زوجي

 

[نــعــوومــه]

خرب علي التعب والسهر .. والإرهاااااق ​

​

 

[جـــواهر]

اللهم لك الحمد الامور طيبه وكل شي بخير
واحلى عيد يمر علي وبنوتي حبيبتي معانا فديتها والله ..
وعسلله يخليلي عيالي وزوجي ..

 

[الجورية2010]

رد : شنو خرب فرحتج بالعيد تعالي وفضفضي

اولا اكبر غلط تورين الناس اغراضج حتى لاتقولين اللون او المكان اللي شاريته وعيالج حتى لو اكبر قيسي عليهم وخشي البدلة واذا احد اسالج قولي مفاجأة انا شريت لبسي اول سبعة وماعلمت احد من وين ولا بكم ولا اي لون والحمدلله عندنا باب خارجي
اختي تدرين شتسوي تحط اغراضها بسيارة زوجها لما تجي من السوق مع عيالها ولما ينامون كل اللي بالبيت ومن ضمنهم عيالها يجيبهم زوجها بالليل عشان مااحد يشوف وعيالها ينسون
ثانيا اللي خرب علي قلة النوم ساعتين بس وعيوني قامت تدمع وخربت مكياجي وبصراحة عادي العيد ماعاد يهمني صج اخيط غالي وحالتي حالة بس مااحس بطعم العيد حتى للجهال

 

[ام دودو المزيونه]

انا فعلا الي حز ابخاطري ان مرت اخوي الي امقاطعينها من اكثر من سنتين واخوي مانعها تنزل عندنا ينزل مع اعياله بس و يقول مابي المشاكل تمشي تحش فينا ببيوت اهلنا وفي منهم يصدقونها فندخل نلق بنت خالتي او مرت خالي الي امضبطتهم عدل رافعين الخشم علينا ما عدا بنات خالي القرب منا و ينامون عندنا بالبيت وشايفين اكثر من موقف منها فحرام يتهاوشون مع امهم علشانا وامهم من الناس الي مغتره فيها بس تدرون العيب فينا لأن والله العظيم ما انعرف انافق الناس وهي سيدة النفاق واول وحده تركض توجبهم وهم يحبون هالشيئ وانا وخواتي لاهين بعيالنا وابيوتنا فقليل توجيبنا للناس والله العظيم كافين خيرنا من شرنا بس للأسف هذا زمن النفاق والمساحل
اختي راحت توجب ريل خالتي الأرمل امس وتهنيه بالعيد تقول تخيلي طول ما انا قاعده بنت خالتي الي حبيبتها مرت اخوي تطالعني من طرف خشمها وتقول حق بنتها من الغرفه الثانيه وتسمع اختي افلانه فيها الخير( تقصد مرت اخوي) من الصبح يت اتبارك وهذي اشتبي وتقول تخيلي كل شيئ حاطينه علي الطاوله ومحد منهم فكر يصبلي شيئ حتي ماي وانا اكح ما حد صب لي لدرجة خالتي اخت امي كانت موجوده ولاحظت وقالت لبنتها الصغيره صبي شاي لفلانه
تقول والله طلعت من عندهم مقهوره من موقفهم تقول الله يرحم خالتي علي ايامها ما نطلع من بيتها الا مكرمتنا
والله العظيم يا خواتي دون مبالغ كل عيد تتعمد تتحرش من الصبح تفر علي ابيوت اهلنا وما تخلي بيت ما تدخله واهلها ما تروح لهم الا بليلة اول يوم عيد ؟؟ فعلا تقث
حتي مرت اخوي الثانيه ما تحبها لدرجة خشت عنها موعد استقبالها بالمستشفي ما تبي تشوفها من كثر ما شافت منها تدق علي اخوي الصغير المعرس وهو ابشهر العسل تسولف او تتشكي من اخوي العود والعروس تنقهر لدرجة انه قام ما يرد علي رقمها يقول مره رديت علي رقم غريب الا اهي تبجي وتشتكي يقول حاولت افهمها انها ما تدخلي بمشاكلها يقول يومها ازعلت علي مرتي وحامل وتتنسي واهم معاريس يقول والله كرهتها

 

[BiiShOoO]

السههههر

 

[ام دودو المزيونه]

سامحوني خواتي لقرقرت وايد بس والله كل عيد نتوقع شيئ منها لدرجة قمنا نكره المكان الي اهي فيه
العيد الي فات تلمني وتبوسني جدام اهلنا وتحط بنتها ابحظني وتقول تشبهج وبالوقت نفسه بالغرفة الثانية تطالعنى من طرف خشمها
لا واكبر مقلب يوم اصادف اخوي معاها بالألعاب ثاني يوم العيد واقوم من مكانى اسلم عليهم وابوس بنتهم الصغيره واهي ما ترد السلام وتطالعني بنظرات احتقار واخوي امسبه انتي امس تبوسيني جدام الناس والله اني ما كنت ناويه اسلم عليها جدام الناس بس شفتها اقبلت ووقفت لي بتسلم قلت ابقلبي مايخالف يمكن الله هداها وصفيت النيه اتجاها بس توبه توبه مثل العقرب تقرص من تحت لتحت

 

[دمعة يراع]

خرب علي انه حلمي في شي معين ودعائي طول شهر رمضان ماصار ......... انصدمت الليله فيه

ضايق صدري وودي انام مو قادرة ...

الحمدلله على كل حاااااااااال ... اكيد لله حكمة في ذلك

 

[noo7a]

رد: رد : رد: شنو خرب فرحتج بالعيد تعالي وفضفضي

^^^
^^
^

و العيد هذا ما خرررب علي الا نظام نومنا التخربط ... كلنا كنا سهاااااارى حتي عيالي مساكين ... و كنت قمة الكشخة و اللبس واااااااو

والنشاااااط زيروووو ... حتى كلام مو قادرة أتكلم

نفس الحاله لي درجه ماقدرت اكمل قاعده هالغدا بس ناطره ريلي يخلص و رديت البيت نمت لاني كنت مواصله

 

[الحلا و الزين كله]

انا اللي خرب علي تلفوني انفصل ومو وقته فقرانه====(مدرسه) وعليه مبلغ وقدره .... وبس الحمدالله احلى عيد ربي يكمل فرحتنا وكل المسلمين يارب

 

[فوفو22]

رد : شنو خرب فرحتج بالعيد تعالي وفضفضي

قلة النوم خربت عيدي
خاصة اول يوم

فوفو

 

[shahooda123]

اللى نكد على زوجى الله يهداه

 

[ام دودو المزيونه]

لوول يا حليلكم انا طلعت الأكو وماكو وحسيت بالذنب اني حشيت مع اني نفسكم عايدت الناس وانا مواصله فعلي الساعة 3 ونص الظهر طلعت من بيت خالي العود مكان يمعتهم علي اني ابي اريح ابيتي شوي واعايد خوالي الأثنين الكبار (اخوان امي من اب ثاني ) بالليل مثل كل عيد وخاصتًا اني ما رحت ابارك لهم برمضان و هالأثنين اعزهم وايد فراحت علي نومه انا مع العيال والله ضاق خلقي بس اشوي لقيتهم بالليل بعد ماراحوا الناس وظلوا بناتهم وجناتهم دخلت عليهم متأخره علي الساعه 10 ونص بس اهم شيئ بست خوالي وعايدتهم

 

[شــغــب]

العيد مر تمام التممام

بس الي خربه التعب واني مو ناايمه