قووووه بنااات ..
شلووووونكم ؟؟
ولهت عليييييييييكم :*
أمس كاان استقبال رفيجتي وكان وااايد لوويه سويت مليوون مشوار .. الصبح رحت حفيت وحطيت خلطه بشعري بالصالون
وعقب رديت البيت تغديت ورحت صالون ثاني سويت تسريحتي ورديت البيت ويتني دلال العوضي حطتلي ميك أب ..
طبعًا الميك كان اينن ماعليه كلاام مشالله .. مبدعه هالبنيه الله يوفقها .. بس ملاحظتي الوحيده إنها شووي كثرتلي البلش
البروونز فحسيت إني صرت سمره :/ مع إن الكل قاللي حلوو عليج البروونز إلا أنا ماكنت مقتنعه .. حسيت ويهي أغمج
من جسمي .. بس المكياج ككل كان اينن .. بحاول أنزلكم صورة عيووني ..
ارسمتلي عيوني بالأسود والبرتقالي اللي على برونز ادمجتهم مع بعض بطريقة السمووكي وتحت الحاجب حطتلي ذهبي
ومن تحت العين أسود ودخلت معااه أخضر وكحلت عيووني بالأخضر .. وحطتلي ايلاينر ضعييف فوق العين وسوتله بوز
خفيف ببداية العين .. وماحطتلي رمووش قالتلي مايحتااي فاكتفت بماسكرة .. أول شي قلت أخاف يطلع مو حلو لأني
متعوده بالمناسبات مع الفل ميك أب أحط رمووش بس طلع حلوو بدونهم الحمدلله ..
وحمرتي كان برتقاليه وفوقها حطيت سان لوران قولدن قلوس البرتقالي .. ولاحظت شغله تحسفت إني سويتها !!
إني لوتامه عالحمره المات اللي حطتها لي أحسن !! لأن القلووس بسرعه يروح ويسيح الحمره معاه وتضطرين كل دقيقه
تعدلين حمرتج ..
تسريحتي كانت التكسير الاونقليه على قولة اللي سوتلي ياها
والشعر كله ملموم لي ورا مع عجفه عريضه ..
تشابه التسريحه الرومانيه نفس مايسموونها مع اختلاف بسييط ..
نفنوفي كان برتقالي بس مووفاقع .. وفيه شووي أخضر فكسرت البدله بتراجي شورافسكي كباار خضر ..
والحمدلله كان شكلي ناعم وحلوو وعجب الكل قالولي متغيره وصايره أحلى :eh_s(22)::eh_s(22):
وسلامتكم ..
